龍如海鮮酒樓 (已結業)

之前都食過龍如好多次，但係服務同味道都越嚟越差！仲要好唔老實呃錢！上次我哋一行十幾人，朋友訂咗一鍋翅，點知D翅係甜嘅，大家食個未！？同老闆娘反映，佢話佢啲湯底係由好多條黨參制成，所以啲味道特別香甜，跟住我哋比一碗叫佢自己試，再比多碗比廚房試，跟住返嚟講句係呀,甜左少少啦！可能廚房落多咗D糖！跟住就走左去，好啦！跟住到鵝掌扣花膠，大家食咗一啖，第一個反應係講粗口！翅就甜，呢個就喊到入唔到口！叫老闆娘上嚟比佢試，佢話喊咗D啦，我送返啲汽水俾大家啦！跟住我同佢講「你埋單你自己識做啦，俾返多D折，我地從來未食過D咁難食嘅翅同鵝掌，問題係完全入唔到口,我哋都唔退你」因有個朋友喺度幫襯好耐，唔好意思退，諗住老闆會識做!點知埋單佢都係堅持一蚊都冇減，嘈咗好耐先減二佰，等日發現佢仲要𠱓多我地＄1500以上因為我哋啲海鮮係船度定，跟住送去龍如，當晚問個老板娘海鮮幾錢，佢話3仟幾,第日我朋友打去訂海鮮度問，張單係二仟幾！呢間野同啲黑店冇分別，做生意做成咁！祝佢好運！