影片
营业时间
今日营业
06:30 - 23:30
星期一至日
06:30 - 23:30
以上资料只供参考，请与餐厅确认详情
食家推介
其实我真系好少帮衬所以唔熟个Menu。你摆个Menu出嚟写$39，落单问我要唔要餐具同饮咩。我话唔要餐具，唔知情嘅情况底下我问「有嘢饮㗎咩？」个收银话有，但冇讲系餐亦冇确认价钱，落完单收我$60。我再次确认个面唔系$39？佢话「常餐嚟㗎㖞，你单点下次讲吖嘛！」即系你常餐个Menu又冇贴出嚟，落单问你有跟嘢饮㗎咩你又唔澄清，其实真系好误导啰咁样。重新落过收我$41，又唔出新单又唔写外卖盒餐具收几钱。我知个市差，掠水唔紧要，打开门做生意大家都要揾两餐，但食相真系可以唔洗咁肉酸嘅。祝你生意兴隆啦。
继续阅读
阿妈一唔煮饭，我哋就会去龙城茶餐厅，因为细佬钟意食饭，而我又钟意食包。今日细佬叫咗个炒饭，首先佢嘅份量好大，饭炒出嚟系粒粒分明 ，食得出佢嘅镬气， 奇怪系我食完个包再食佢个饭，冻咗都觉得好味， 讲真佢好食过好多酒楼，真系又平又好食。而我就食菠萝油，我认为判断一个菠萝包好唔好食，就系睇下佢冻咗都会好食。如果餐厅可以焗热佢， 就非常一流， 可惜我系谂多咗。 虽然个包唔热，但系我配埋杯热奶茶，真系好夹。有时我都会买定一个菠萝包，畀听朝做早餐，喺屋企焗热加牛油，真系超正👍
继续阅读
住喺度嘅街坊，平时都唔少人会帮衬。我哋都帮衬好多次，但今次真系令到我好嬲。话说今次晚饭带埋个女一齐食。咁小朋友坐唔定大家都明。佢落咗地下一阵，就俾个侍应撞到。当然我哋都有责任，但个侍应一句道歉都冇，另一个侍应仲大大声叫我哋好好睇住小朋友。佢嘅温馨提示一啲都唔友善，令我呢餐饭真系唔系好食得落。所以我决定以后都唔会再帮衬呢间咁样嘅餐厅。我希望呢个食评可以提到大家尽量都唔好带太细嘅小朋友去呢间餐厅，因为今次经验真系令我好难忘。
继续阅读
31号早上食早餐，嗌咗榨菜肉丝米结果上错餐变咗雪菜，就要求佢哋换返榨菜，同行嘅都已经就嚟食完，𠮶碗都仲未嚟。之后去问一个戴粗黑框眼镜嘅女侍应阿姐，叫佢希望跟一跟，结果对方以极之晦气而恶劣嘅态度，啤住大声呼喝，同你跟紧，隔离另一个女侍应相互呼气为阿姐护航，一啲都唔觉得呢个阿姐态度有问题，仲话唔应该嗌英文字母落餐，真系想知道乜唔可以用英文字母落单？如果唔可以用英文字母落单话，你哋餐牌就唔好英文字母咁写，或者系早讲，好明显啲侍应推卸责任，将落错餐的责任推落顾客身上，跟住又有一个之前跟我落单嘅金发男侍应走来质疑的态度问我哋落系唔系雪菜肉丝米，又一次将落错单推喺顾客身上，事后我表示要揾经理，结果冇人理会，呢种连串恶劣服务态度恒常化，真系极品，此后不会再帮衬呢间餐厅。建议唔推介呢间餐厅。
继续阅读
上星期去咗「龙城冰室」嘅餐厅，环境好唔错。店舖外观有大大个招牌，入面装修以木系为主，灯光柔和，坐得好舒服。我叫咗个下午茶餐，有热狗、薯条、越南春卷同冻奶茶。热狗好正，肠超大，差唔多有我手掌咁大，咬落去好juicy。搭配嘅番茄酱同芥末酱味道好夹。只系薯条份量略嫌少咗啲，食唔够喉。越南春卷就真系好出色，热辣辣，外皮超脆，入面馅料丰富，口感层次好丰富。冻奶茶茶味香浓，奶味亦唔错，甜度啱啱好。呢个下午茶餐价钱好抵，最平嘅$47就有交易，仲包埋饮品。整体嚟讲，龙城冰室性价比好高，食物味道唔错，环境又舒适，好啱同朋友一齐嚟食下嘢倾下计，下次一定会再嚟试吓其他食物！
继续阅读