影片
营业时间
今日营业
06:30 - 23:30
星期一至日
06:30 - 23:30
以上资料只供参考，请与餐厅确认详情
食家推介
住喺度嘅街坊，平时都唔少人会帮衬。我哋都帮衬好多次，但今次真系令到我好嬲。话说今次晚饭带埋个女一齐食。咁小朋友坐唔定大家都明。佢落咗地下一阵，就俾个侍应撞到。当然我哋都有责任，但个侍应一句道歉都冇，另一个侍应仲大大声叫我哋好好睇住小朋友。佢嘅温馨提示一啲都唔友善，令我呢餐饭真系唔系好食得落。所以我决定以后都唔会再帮衬呢间咁样嘅餐厅。我希望呢个食评可以提到大家尽量都唔好带太细嘅小朋友去呢间餐厅，因为今次经验真系令我好难忘。
继续阅读
31号早上食早餐，嗌咗榨菜肉丝米结果上错餐变咗雪菜，就要求佢哋换返榨菜，同行嘅都已经就嚟食完，𠮶碗都仲未嚟。之后去问一个戴粗黑框眼镜嘅女侍应阿姐，叫佢希望跟一跟，结果对方以极之晦气而恶劣嘅态度，啤住大声呼喝，同你跟紧，隔离另一个女侍应相互呼气为阿姐护航，一啲都唔觉得呢个阿姐态度有问题，仲话唔应该嗌英文字母落餐，真系想知道乜唔可以用英文字母落单？如果唔可以用英文字母落单话，你哋餐牌就唔好英文字母咁写，或者系早讲，好明显啲侍应推卸责任，将落错餐的责任推落顾客身上，跟住又有一个之前跟我落单嘅金发男侍应走来质疑的态度问我哋落系唔系雪菜肉丝米，又一次将落错单推喺顾客身上，事后我表示要揾经理，结果冇人理会，呢种连串恶劣服务态度恒常化，真系极品，此后不会再帮衬呢间餐厅。建议唔推介呢间餐厅。
继续阅读
上星期去咗「龙城冰室」嘅餐厅，环境好唔错。店舖外观有大大个招牌，入面装修以木系为主，灯光柔和，坐得好舒服。我叫咗个下午茶餐，有热狗、薯条、越南春卷同冻奶茶。热狗好正，肠超大，差唔多有我手掌咁大，咬落去好juicy。搭配嘅番茄酱同芥末酱味道好夹。只系薯条份量略嫌少咗啲，食唔够喉。越南春卷就真系好出色，热辣辣，外皮超脆，入面馅料丰富，口感层次好丰富。冻奶茶茶味香浓，奶味亦唔错，甜度啱啱好。呢个下午茶餐价钱好抵，最平嘅$47就有交易，仲包埋饮品。整体嚟讲，龙城冰室性价比好高，食物味道唔错，环境又舒适，好啱同朋友一齐嚟食下嘢倾下计，下次一定会再嚟试吓其他食物！
继续阅读
今日阿妈罢工唔煮饭😅，唯有同细佬落街揾嘢食。细佬最钟意食炒饭🍚，因为佢哋嘅炒饭真系好好味，粒粒分明、炒得好香🧄。我就叫咗个晚餐：鸡扒肠仔意粉🍝。呢度嘅鸡扒真系出乎意料咁好味😋，外脆内软，咬落去仲有肉汁，完全保留到鸡扒嘅原汁原味👍。 我哋两个都系叫咗冻柠茶，到咗晚餐时段，啲茶都keep得好好，唔会苦涩。老板真系用心管理，呢间餐厅怪唔得开到成行城市 🍽️。如果大家有时间，不妨嚟试吓呢间餐厅，保证唔会失望😄！
继续阅读
今晚又喺蓝田，由于朋友唔想行到上去启田食嘢，所以就喺汇景揾嘢食，三四楼都有好几间餐厅，最后选择呢间龙城我哋入座都已经晚上八点半，人唔算多可以直入晚餐有4个，套餐都有包餐汤同热饮，冻饮+$3汤有中汤同罗宋汤，我哋都㨂左罗宋汤，味道都唔错，但就冇乜料朋友叫左芝士牛柳意粉牛肉份量都几多😮，最后食唔哂要打包我叫左个胡椒猪肚鸡煲，连客饭个煲份量俾我想像中多😮啲鸡都几滑，猪肚都淋，有好多旧，煲底有大量的菜煲入面的汤都好饮，我将啲汤捞饭当汤饭食，不过碗饭都食唔哂…热柠茶有4块柠檬，味道正常
继续阅读
您可能会有兴趣的...