龍閣

营业中

休息中

龍閣新裝修後光猛了很多，但唔知點解成個地下都係大大舊塵，第一次係咁，隔幾個禮拜都一樣。大佬你門面既衛生咁差係想趕客走？ 冇員工需要負責？食物就一般，珍珠雞冇肉餡只有幾條瑤柱絲，收特點。 燒賣就街邊既好食d. 唯一沙律明蝦角叫好食d.主要想講佢衛生唔得。

睇留言見到好多負評都想喺度俾返啲意見，所以食之前都有少少猶豫，但係食完又覺得OK喎，好食又抵食！首先嗌咗個濃湯胡椒花膠雞煲，佢唔係清燉湯，但係都好飲夠熱！之後嗌咗個上湯西澳龍蝦伊麵，龍蝦肉新鮮，唔會過火，上湯味度好濃！睇顏色就知，我一直以為自己食緊芝士🤣🤣🤣之後半隻燒鵝，聽講係好多人嗌，的確係肉質嫩滑，皮薄香脆！先$128‼️‼️‼️‼️之後就到呢碟碧綠炒龍躉球，個人認為火候夠！西蘭花好食過條魚🤣🤣🤣明顯睇到人手不足，但係都幾有禮貌服務都OK 😉會再回頭食！❤️❤️❤️

一早打電話去訂位，當中有四位老人家，訂咗晚上7:30 ，當中有四位老人家，佢哋晚上7:25去到，同佢哋講訂咗陳小姐六位7:30 ，喺門口嘅員工話已經有人到咗，俾咗枱號佢哋自己行入去，但係佢哋行咗幾個圈都搵唔到，行返出去問過員工（女士）。之後個女士先問佢：訂座電話號碼！之後就話佢哋俾咗原先嗰張枱另一班人，因為佢以為另一班人係我哋。（即係訂咗枱嘅人）之後幾個老人家反而要喺出邊等，因為後生嘅要泊車，收到老人家嘅電話之後，亦喺7:35講到，大家喺門口等，老人家話個女士話俾另一張枱我哋，我企咗喺門口一陣，完全冇人理我哋， 5分鐘之後有個女人行出嚟，完全冇禮貌，我問佢點解我訂咗枱但係張枱會俾咗人？佢話因為唔知嗰班人係冇訂枱，我問佢訂枱係咪要對電話？如果訂咗枱都冇枱嘅話我訂嚟做乜？成班老人家喺門口咁樣等食飯？之後去態度非常之差，完全冇歉意，話佢而家執緊張枱俾我，但個張枱其實係四人嘅卡位，之後再加一張摺檯博長，再加兩張凳，變成一張六人嘅卡位，非常之醜樣，亦都好細，再加埋咁樣嘅服務態度，我即時搵個第二間，喺我搵緊嘅時候，佢仲好冇禮貌咁問，張枱你要唔要？我未見過一個咁冇禮貌嘅員工，仲要係第一個接待客人嘅人

叫咗碟布拉腸 正常腸粉顏色應該係偏白 呢碟係偏透明 一夾落去淋到傻 夾起嗰吓直頭好似啲slime咁會拉絲 食落咬極都咬唔爛 唔係好知食緊啲咩… 唔多講喇自己睇圖啦 真係冇下次🤮

30/4/2023，下午1點幾入座，遞左點心紙，超過半個鐘都無任何食物送嚟。（好肚餓呀！）問職員，佢話係即蒸點心，需要d時間。跟住俾張點心記錄單給我們。但張單竟係剛剛的時間！職員卻話只係重印單的時間。（真的嗎？）其實之前嚟過好幾次飲茶，都係遞完點心紙，好快俾張點心記錄單給我們的呀！ 上一兩次飲茶，都已試過漏單、即補飛入單而等左好耐先有得食！似乎又一次漏落單！然之後，到無晒熱水及茶，等左好耐才叫到職員理會及加水。後尾遞單加左3個甜品/糖水及一籠黑芝麻包。又再次要我哋等等等等。忍唔住又去問職員，竟然答我，無晒我哋要嘅甜品/糖水！但點解唔通知我們無晒？之後職員話籠包蒸緊⋯⋯又係等？！唔通又要等半個鐘以上嗎？我們決定唔等，直接去埋單。不過查單時，卻意外地發現，職員根本無入後加的甜品/糖水及包呀！！！（又嚟？！）即係，一餐茶遞兩次單，可以兩次都無入單！如果唔問，等到收舖都唔會有得食呀！今次真係要講翻句「唔會再嚟呢間飲茶啦！」

態度極差，上錯菜道歉毫無誠意，味道好一般，仲要坐坐吓有一大舊塵飄落嚟。一定冇下次，第一次上嚟評論就比差評。麻煩大家嚟食一定要考慮清楚，睇到咁多人比差評都知咩料啦

今日去慶祝朋友升職大日子 大家都決定食返餐好嘅！升職嘅朋友就話想食海鮮大餐，我哋就揀咗喺紅磡黃埔天地嘅龍閣！佢之前已經預留咗龍蝦同埋阿拉斯加長腳蟹我哋去到嘅時候 今日見到我哋嘅靚仔主角長腳蟹 總共重6.8斤 價錢係$298一斤 大概$2000度 睇落非常非常吸引！經理仲介紹左豉汁蒸白鱔比我地 價錢大概$500 我地9人都好期待龍蝦就配伊面上 另外加左一個炒菜主角終於上場，阿拉斯加長腳蟹蟹身巨型，熱辣辣仲出緊煙 蟹蓋啲膏用黎撈飯真係一流 蟹腳味道清甜 入口啖啖肉 每一啖都有好滿足嘅感覺 肉質亦非常非常juicy蒸鱔 都好好 時間真係控制得好好 唔會太熟 肉質鮮嫩 十分肥美埋單每人約$800

1. 服務差- 6斤長腳蟹當7斤- 叫咗嘅長腳蟹想影下相，一直都未嚟 點知係拎錯我哋個枱既長腳蟹俾另一枱 道歉都冇 叫我哋去第二枱拎黎影- 放個爐落黎唔會幫你開埋火- 啲餸唔會放落轉盤度，直接放落張枱2. 食物差冇一樣嘢係好食基本上除咗食物凍晒就係啲嘢煮到鬼死咁硬上菜速度極慢 嗌咗個蛋白瑤柱炒飯 3碗就冇晒最重要嘅係啲呀姐的服務質素係好差好差好差好差好差好差好差好差好差好差好差好差好差食到好似自助餐咁做乜都係全自助以後唔會再幫襯見過以嚟最差👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻

從黎都無留言過今次真心第一次都真心忍唔住！！本身諗住一家人開開心心咁黎食飯先上錯我地長腳蟹去第二檯再比翻我地都算之後落左單既時候一直話怕我地食唔曬唔好攞住到真係攞既時候話無！！？？總要一直漏單🙄🙄其次！！無論係服務定係態度都差到死🙄🙄🙄🙄🙄每次問問題都好似我地欠佢咁例如：問佢可唔可以幫手開爐總要串串貢咁話好簡單咋窩，宜家幫你地開。之後你地自己較大細🙄🙄撇出態度唔講每樣餸都少到無人有總要味道都唔係好好唔揀食既我都真心唔覺得好食😵‍💫😵‍💫不過其實唔單止我地檯其實聽到隔離檯都一樣落左乳豬一直漏單最後話無🤣🤣笑死成晚既感覺就係今日究竟黎食乜🙄🙄🙄真心吾建議黎！！

原來呢間酒樓近排好似水準同服務質素下降⬇️，不過朋友話阿拉斯加長腳蟹🦀超級抵食，無所謂的，反正蒸蟹🦀無咩所謂，最緊要係新鮮同抵食😋———————————————————————————🥢阿拉斯加長腳蟹🦀💬大約4.5斤嘅大細，蟹肉非常鮮嫩多汁💦，蟹膏多到流晒出嚟，啖啖肉真係極級滿足，唔夠喉過兩晚又可以返啅多次😋.🥢燙手熱石醬烤豬🐽💬用熱石托住乳豬保持溫度，乳豬唔太肥，皮脆肉嫩，非常入味，同樣啖啖肉有質感，又幾好味😋.🥢啫啫芥蘭煲/海鮮雜菜煲🥬🥦💬既然擔心水準下降，叫啲無咁刁鑽嘅餸菜比較穩陣，兩個菜煲都係簡單菜式，減去飽滯同油膩感覺，完滿結束🔚

咁多年去呢度食點心ok,今再去明顯轉咗師傅 食物同以往不同 是但一間茶樓都好過佢😭 連放得入囗水平都唔到. 帶子腸以前皮薄餡靚而家用細帶子仲overcooked仲加咗生菜落去古怪難食. 叉燒包餡好怪,啲醬起曬沙好怪同變咗色放咗(好耐)嘅叉燒. 棉花雞好鹹好多油 棉花口感古怪 唔同出面嗰啲，雞好碎又乾 似放咗(好耐) 咁. 芋頭鮮蝦餃屬正常. 整體比起大部分酒樓味道偏離, 黃埔有好多酒樓 就算有啲稱不上好食都係正常範圍, 整體覺得d野似一種隔夜返熱嘅感覺. 要求唔高都接受唔到, 以前同而家反差太大, 失望。

同一款食物，同一時段，喺唔同點心紙落單，會收唔價錢！完全係取考！叉燒腸如果喺優惠點心紙落就$28.8，喺正價落，係大點，只係$27，真係好離譜！今時今日咁樣做法😡😡

第一次相約女兒女婿到黃埔晚飯，我和老公提早去逛逛街，順便搵定餐廳，黃埔選擇真係特別多，我們去到一間中餐廳，鋪面裝修唐璜但客人不多，我們再看看菜牌，價格合理，就呢度吧。我們入座後隨即點菜，都是一些推介菜式😜脆皮雞半隻、清蒸龍躉、欖角骨、上湯龍蝦伊麵、濃湯浸菜心。食物質素一般，沒有太大驚喜，原本以為上湯龍蝦伊麵會是最早一道菜，但等了很久才上，龍蝦唔夠新鮮令人有點失望😓但飯後送甜品：桂花糕，味道可以。不過值得一讚是環境舒適，沒有限時，我們一家飯後舒舒服服在聊天👍脆皮燒雞，皮脆肉嫩👍清蒸龍躉，蒸煮時間啱啱好👍上湯浸菜心，濃湯浸菜，只是一般

母親節諗住有堂食大家開開心心，一早落訂兩個餐，六點半前入座，經理第一句就摧快啲諗好入單，唔係一陣冇嘢食。點知惡夢開始。身為第一批入座嘅顧客坐到九點都未上齊餸。每次嚟嘅食物都錯。成餐飯多過十枱客出去媽媽聲，有事嘅時候所有西裝級係全部唔見曬。最後多枱客要求外賣打包走人。有食客要求唔比加一啲經理就衝返曬出嚟話唔得。其實尋晚全場客人已經非常克制，冇粗口冇問候，呢間嘢嘅員工會喺一群客人追落單或賣單走嘅時候用言語贏你什至推開你。依家咁嘅環境大家都想出街食飯幫返吓啲餐廳，但呢間。。。。。。不了!!

今日中秋節就預左多人食飯，但呢間野服務態度差、食物仲差。落單既時候十問九唔應，落左單等左成個鐘先上左一個餸，我地叫左個蒜香骨仲衰過普通茶餐廳，120蚊連服務費既蒜香骨竟然係咁既樣，建議大家想去酒樓唔好去呢間