龍門一番 上海·紫砂燉湯 (已結業)

自從西鐵、V CITY、屯市接軌後，都好少過嚟近市中心輕鐵站呢邊。呢晚誤打誤撞下過嚟時代廣場呢邊，人流不及從前，食肆唔洗等位就有得入。一坐低店員就呈上聚寶盆……裝有林羅滿目嘅茶葉，獨立包裝一人一個，滿足客人個人選擇，唔洗互相遷就，由濃至淡、由普洱到茉莉任君選擇。小巧茶具每次沖出一杯左右份量，保持茶水溫度濃度，唔怕浸得太耐味澀茶涼。頭盤涼菜選擇繁多，好在有得揀拼盤，可以揀四個款式。冰涼嘅蔬菜特別開胃，茄子稔軟入味，清炒萵荀絲爽脆中帶突出嘅蔥香，令味道層次更豐富。無骨燻魚正好適合怕噎骨而唔食魚嘅人，魚刺去得乾淨、一絲不留，澆上甜甜醬汁，雖然魚肉略乾硬，但更有咬口。墨魚水餃比豬肉包嘅來得輕盈，用上清湯，唔會搶過水餃嘅原味。餃肉係偏軟熟嘅魚滑質感，韭菜味非常濃烈，中意韭菜同口味清淡嘅朋友可以點嚟試吓。久違嘅叉子燒餅，煙韌餅皮伴隨住芝麻香，釀入肉絲後一口咬落去，肉汁滿溢嘅口感尤其滿足。洋蔥炒牛肉係絕配，雖然略油但香口惹味。最尾當然要嚟個甜品作結，雪糕伴碟令呢道上海名物添上西式風味。冷熱鮮明對更衝擊味蕾，又去除咗豆沙原本嘅甜膩。呢度嘅豆沙鍋餅餅皮較為厚身煙韌，如果可以再香脆啲會更好；豆沙份量調味恰

突然好想食下上海野市中心選擇唔多 就黎呢間試下小籠包好多湯，但味道正常雞絲粉皮，醬偏稠，唔夠多醬水煮牛肉味道唔夠，就係差左某種調味料如果以$108食下少少辣味既牛肉薯粉係ok既真係想食水煮既就唔好嗌酸辣湯雲吞，好足料，雲吞有8定10粒味道就一般般

平時都好鍾意食上海野，今日嚟到屯門呢一間上海菜度食飯，環境裝修時尚新穎，服務員有禮，而且咁岩仲有中午嘅午餐，經濟實惠，真係見到個餐牌都流晒口水啦。回鍋肉炒上海年糕，上海菜又點少得佢啊，好大碟，而且入口辣辣地，上海年糕彈牙軟糯，夠晒鑊氣，真係食完都停唔到口啊。食上海野又點少得小籠包啊，一籠有四隻，份量啱啱好，皮薄多汁，又新鮮，必食之選啊。仲可以加甜品，高力豆沙，將會有雪糕配，新鮮炸起，而且夠晒鬆軟，又唔會太甜👍🏻

幸好我們提早一天打電話book枱，這裏提供了一個很舒適，安靜的環境給我們相聚！一坐低就讓我們自己選擇茶葉包，它們好精緻特別，每人選取自己喜歡的獨立茶包，茶壺，享受其特別味道，這茶包品牌特別清香！因為茶壺好細，記得先只放1/3包茶葉，寧願待茶味淡了，才再加水加茶葉，才可品嚐它獨有的清香味道！唯一不滿是茶壺全都黐立立，其中一個裏面竟還有茶葉渣！幸好職員也即時幫我們更換！食物質素很好，上海湯麵食得多，但這裏的很有質感很彈性；彩椒雞米配义子，包包外皮很香脆，把雞絲肉碎炒香作內涵，很吸睛很好味！小籠包很juicy 和味美，甜品首選高力豆沙配雪糕fusion ，好特別嘅不是朱古力味，而是高力豆沙配雪糕🍦

這一間龍門一番 上海·紫砂燉湯位於屯門時代廣場2樓，店舖環境地方都好寬鬆🤔，坐著感覺都幾舒適😙，環境裝修簡而清望見都覺得唔錯!.魔鬼天使小籠包 $58魔鬼小籠包用無添加墨汁/黑蒜肉/豬肉/海膽呢款小籠包賣相都唔錯🤔，係以黑白色為主，食到入口肉汁十分之豐富😋，去嘅外皮口感煙韌，尤其是魔鬼小籠包好香黑蒜味😙小籠包面放咗D海膽😮，食到入口更加好味😋!.黑醋排骨 $82呢碟排骨睇著覺得幾好🤔，色香味都睇得吓，酸酸甜甜味道恰恰好😋，排骨食到入口都入哂味，肉質稍為腍身小小更加好食🤔!.水煮牛肉 $88 呢款水煮牛肉都好睇得吓🤔，去嘅配料齊全增添色彩，牛肉份量十足肉質都好嫰滑😋，完全唔覺得韌味道都好正👍又帶點辣嘅感覺😝，配埋去嘅菜飯一齊食更加唔錯!  *喜歡食辣嘅朋友之選**午餐送涼菜兩款/送飲品*.酸辣湯麵 $52呢一碗酸辣湯色香味齊全🤔，去嘅酸辣湯飲到入口帶點酸辣感覺😋😝，酸嘅程度恰恰好，而辣味都係偏辣😝，而麵質軟硬適中恰恰好!.酒釀丸子 $20呢一碗丸子帶有清香😙酒味，去嘅丸子細細粒🤔，食入口咬落去都好烟韌又有口感😋，而去嘅甜度適中!.*價格一般，食物質素都唔錯，又有傳統風味，值得試吓*

滿心歡喜黎試食呢間試海野，點知樣樣都唔好食，價錢有平有貴，叫左八樣野，得出黎一個結論唔會再黎☹️請原諒我食到接近尾聲先記得影相📷，發現OpenRice 食評愈來愈信唔過，之前發現，有一篇甜品相同評論出現係，小食店度，其實食評都唔真實，寫黎冇意思唯一排骨餵麵冇影相，而我覺得係好食既，因為食晒，影唔到相lu鱔糊兩面黃，都係正常的，麵夠脆，味還算是過得去原本有打算叫甜品，但係最後都唔叫啦，唔想再係呢度叫野食

爸爸鐘意食上海菜，今日我地去了屯門時代廣場的龍門一番 上海·紫砂燉湯食晚飯。一坐低，侍應會比5款茶包選擇，有普洱、鐵觀音、烏龍、茉莉、胎菊，我地全部都簡了胎菊，胎菊具有驅風散熱、清肝明目，對眼睛成日乾的人有幫助。蟹粉炒飯（$108）炒飯炒得粒粒分明，火喉十足，配上新鮮的蟹肉製成的香濃蟹粉，香味十足，入口鮮香。香葉肉碎配鍋巴（$65）香葉肉碎香氣十足，有辣勁，配上脆卜卜的鍋巴一齊食，非常惹味。紅油抄手（$48）抄手皮夠薄，餡料滿滿的，食起來甜甜辣辣。豆沙鍋餅配雪糕（$56）鍋餅外脆內軟，豆沙餡香滑軟熟，甜而不膩，豆沙鍋餅再配上雪糕，冷熱交融，口感豐富。

又來到屯門最值得一吃的上海菜，正宗溫馨上海口味，價格適中，推薦😋😋👍🏻👍🏻📌茶位🍵$9/位有不同查給顧客挑選，我揀了茉莉香片，相當清香，另外也推薦他們超出名的人參烏龍🍵👍🏻📌上海粗炒🍲72超級抵食，好大碟，相當高質，油而不膩，喜歡他們超多料，肉絲椰菜冬菇等～好吃！📌紅燒獅子頭🐷$88相當高質的手工菜式，吃上海菜一定要叫紅燒獅子頭，他們的獅子頭相當高質，肥瘦平均，相當入味，配合旁邊的小棠菜，清爽好吃😋！📌紅油抄手六隻🥟$48甜甜辣辣的調味，正宗上海食法，中間還添加了蒜蓉，增添風味📌酸辣湯雲吞8隻🥟$62推薦這個菜式，酸辣湯調味濃郁，超多湯料，豆乾、肉絲、蛋花，木耳和冬菇等！喜歡他們的雲吞，夠多餡料，一碗有8隻，抵食👍🏻📌超級無敵大壽桃$32真係超級無敵高質❣️係我食過最好食嘅壽桃，香甜蓮蓉，相當細滑，蛋黃超級超級香濃，好高質素的鹹蛋黃！

提早做節，倆小口子中秋節正日前一日做節，唔使同人迫，酒樓又難等位，隔離龍門一番菜色選擇都好多不用等太久😉上海菜和燉湯為主，仲有好多特色地道小菜添👍仲有好多辣色啱晒我哋，點左酸菜魚，估唔到佢哋用上新鮮桂花魚，非常嫩滑，而且無骨，仲有薯粉金菇和薯仔做配菜，超級大盤，$218來講真係算係抵食🥰🥰湯底不會太重口味，反而食到桂花魚嘅鮮味，刀工非常好，切得薄薄的😛😛再來過辣菜～干鍋花甲，點了小辣，但辣度也不小，干鍋在於火候且乾身，而且特別香！一上枱已經流晒口水🥰🥰店員推介拉麵師傅現做，咁要試吓上海特色菜，排骨擔擔面啦😝排骨炸得酥脆，豬扒有一定厚度，非常juicy拉麵亦爽口彈牙，湯汁濃郁，每口麵都掛滿湯汁😍頗有特色的一家上海菜燉湯專門店茶葉自己揀，獨立包裝！下次一於試下燉湯先😝

今晚嚟食上海野，茶揀咗胎菊同鐵觀音，兩種茶嘅茶味都好香濃，讚～上湯小籠包 - 必食！湯汁濃郁，個皮唔會一夾就爛，唔錯～生煎鍋貼 - 都幾大隻，入面都有湯汁，好惹味！山東一口牛肉包 - 都唔算係一口size，肉汁香濃，牛肉味重，都ok.上海春卷 - 餡料係素菜，炸得好香脆，好好味！炸銀絲卷 - 好耐無食，略嫌個皮偏厚，麵粉再軟熟啲會更好。火腿津白 - 呢個好食，咸咸嘅火腿夾津白食係最好嘅配搭！雪菜肉絲炒年糕 - 推介！無味嘅年糕同雪菜一齊炒，少少咸咸地又煙煙靭靭咁，好好味！

星期一至五12:45pm前埋單$45/set(小食+麵食）-小龍包🌟🌟🌟：皮較為厚，但都有湯汁，跟餐四隻，好抵食-一口牛肉包🌟🌟🌟🌟：煎焗口感，香口，跟餐三隻。-紅燒牛肉麵🌟🌟🌟：有牛肉及牛根，餸既份量適中，牛肉夠淋，牛根爽口彈牙👏🏻，湯底稍為偏淡味左小小，麵係ok既唔會淋過頭。-擔擔麵🌟🌟🌟：湯底濃度只可評為中等程度，多肉碎，有蔥花，花生醬味可以再濃多小小。食完唔會口渴👍🏻——茶介係免既，每人選一包茶葉，一人一小壺咁沖，星期一至五12:45pm前埋單$45唔洗加一，12:45pm後好似就收返$60up正價。

因為我好中意飲中式的湯，所以周圍搵下有冇呢類型的餐廳。search search下見到呢間，於是在openrice book位去同屋企人去試。佢地的湯好大盆，入面有成隻雞，同時有一碟雲吞，味道十分正。而個甜品高力豆沙也十分不錯，可以一試。

一家人去食晚飯，因為已訂位，所以不用輪侯候。走進餐廳剛坐下來，已經渾身不自在！因為環境…餐具充滿污漬還好餐廳預備了盛水小盆供客人洗餐具。不過餐具真的非常非常污糟食物質素還可以。醬燒豬手、古法燒烤羊腩、蔥油薄餅都值得推介服務員態度良好總的來說，扣分位就是環境欠衛生、餐具很污糟

⚫️⚪️岩岩蒸起，出晒煙，一啖咬落天使同魔鬼度，d肉汁爆晒出黎😆😈 魔鬼用左墨魚汁作為外皮既調色，餡料用左黑蒜同豬肉，外層放上海膽。👼🏻 天使既內餡由帶子同豬肉，面層放上魚子醬。個人認為魔鬼較出色，味道比天使更出！另外仲食左糖醋水塊同埋黑糖排骨，呢兩樣我都鍾意！好開胃，酸酸甜甜，餸飯最岩！👨🏻‍🍳最後想推介埋蒙古手撕雞卷少脆既手抓餅包住手撕雞、青瓜同胡麻醬，飽肚又唔滯。如果大家想食絕對係生煎包同鍋貼以外值得試既包點！另外每人都可以楝返自己鍾意既茶黎沖，咁就唔洗逼埋飲同一款茶啦！📮屯隆街2號時代廣場2樓26-27號鋪📞 35946425

因為做野要去屯門，所以就搵下有咩好食啦見到呢間係好評三甲內，而本身都鐘意食上海野，一於試下呢間。食上海野我一定叫擔擔麵，真心讚佢個湯底好好好好味其次就係佢既魔鬼小龍包，都ok既，不過個皮有啲厚呢個係一口牛肉唔記得啲乜個賣相靚呀，個味道還可以，如果juice啲就好嚕仲食左其他野，不過不失，冇特別評語呢到既服務生唔錯，唔會有唔愉快既經歷環境舒服，啲卡位枱夠大張，食野舒舒服服都係好重要的整體黎講，都可以再黎