龍糖坊 (寶漢大廈)

营业中

休息中

食完正餐必須食甜品！難得俾小女子係銅鑼灣搵到間「唔太甜」嘅新式 X 傳統糖水舖，真係咪話唔驚喜🤩除咗傳統糖水、雪花冰之外，仲有咖啡同中式涼茶，連鹹食小食都有，真係有啲癲😂好鍾意佢哋內部裝修設計，坐得舒服之餘又打卡able～🥭芒多多楊枝甘露雪花冰（單人版）雖然對冰品無感，但香港夏天真係熱到必須食冰消暑🥵嗌咗單人版但份量都好多，芒果好大粒，目測有1.5個芒果係到，超甜，椰汁果凍超動L食到好Happy～主角芒果雪花冰幾線滑，唔會死甜/廉價嘅果糖味🤩一盤大滿足｜杏仁茶｜芝麻糊｜核桃糊｜陳皮蓮子紅豆沙專治選擇困難症 ，一次過滿足4個味蕾，每款都好足料，特別愛芝麻糊，超濃超好味！

今次黎到位於銅鑼灣，復古氣息濃厚嘅中式糖水舖😚 內部裝橫懷舊又不失雅致❤️ 翠綠色嘅主色調感覺自然又和諧✅ 仲有少量室外座，可以邊吹自然風邊享用甜品架🌟 好chill🤗 今次㨂咗三款各有特色嘅甜品試下😋 首先係餐廳推薦，色彩繽紛嘅水果湯河🥰 採用大量新鮮時令水果製成👍 甜甜嘅湯河有三款色澤🤩 超搶眼又美味🤤 滑溜細膩嘅質感令人欲罷不能🤗 另選了一碗焦糖娟姍雙皮奶❤️ 表面焦糖燒得焦香薄脆，下層雙皮奶濃厚醇香，滑嫩又溜口😚 好出色👍 聽職員推薦，試埋好邪惡嘅巴斯克😈 㨂咗伯爵紅茶口味✅食落質感軟滑細緻，芝士嘅香與伯爵紅茶嘅醇完美結合，食落滋味頗有深度，超正喲🥰 

🫠喺銅鑼灣shopping shop到熱到傻啊🧊要嘆番碗冰先得!🍧陽光青提雪白冰新出㗎！其他地方都冇呢隻味嘅～佢唔係就咁喺啲冰上面淋提子果汁咁簡單佢啲冰本身已經撈咗提子汁㗎啦！食落口軟綿綿再加上Tapping勁多粒青提 真係淡淡都係青葡萄味 好juicy 仲非常解熱tim r！🥭芒果河粉真係芒果椰子味嘅河粉 亦好有泰式芒果糯米飯嘅感覺因為河粉其實係🥥椰子味㗎 加上厚肉芒果 同埋勁香濃嘅芒果果蓉醬汁 食落口淡淡都好似食緊一碗湯河咁真係至夠FUN 🥳🥳龍糖坊📍銅鑼灣波斯富街24-30號地下A舖#甜品 #糖水 #提子 #刨冰 #雪花冰 #棉冰 #芒果 #椰子 #甜品河粉 #夏日 #夏天 #銅鑼灣

龍糖坊主打食傳統糖水同新派甜品，款式選擇多～中式糖水、芋圓、雪花冰、椰皇等等都有，店內座位數量也不少，舒適寬敞！❣️芒果河粉 $58河粉口感軟滑又冰涼，條條充滿椰香味，混埋粒粒香甜芒果同芒果汁，消暑又開胃❣️一盤大滿足 $58選擇困難症嘅人啱哂，一盤有齊四款經典甜品！▪️招牌蛋白杏仁茶養生又有益，杏仁味道好出好濃厚，入面仲有嫩滑蛋白▪️古法香濃芝麻糊黑芝麻香氣十足，質感濃厚▪️十年陳皮蓮子紅豆沙紅豆沙甘香醇厚，帶有陳皮香氣，甜度適中，入面仲有大大粒蓮子，飲落綿密又有口感▪️養生核桃糊口感順滑綿密，啖啖濃郁合桃香氣❣️雪燕蓮桃芋圓奶凍 $40好足料嘅甜品，有蓮子、桃膠、雪燕、芋圓、西米同奶凍，奶凍滑溜又冰涼，芋圓煙韌有咬口，混合一齊食口感豐富

已經第三次嚟買中式糖水食！除咗地區有啲偏遠之外冇缺點 而且環境衛生✨中式糖水種類繁多，如芝麻糊、紅豆沙、腐竹雞蛋糖水、桃膠雪耳糖水等，涵蓋熱食與冷食，滿足不同口味需求。

今日黎到位於銅鑼灣既🐉龍糖坊食「甜湯」😂係呀 原來古代既糖水係叫「甜湯」可以調和養氣 幫助消化架Ok😚✌🏻以後食糖水又多個藉口嚕！！ ❙ 一盤大滿足 ❙ $58好有創意👏🏻可以一次食勻四款最classic既中式糖水岩晒我呢類貪心既小豬！💕當中非常補腦既核桃糊就係最得我歡心其次係食完棚牙黑蚊蚊既芝麻糊陳皮紅豆沙唔會死甜 表現唔錯而香氣十足既蛋白杏仁茶 就係史生飛佛喇 ❙ 白玉荔枝雪花冰 ❙ $68天氣咁熱😂史生講明要叫碗雪花冰降降溫但估佢唔到會想食荔枝清甜多汁 唔止樣靚 仲好有質素😋 ❙ 開心果提拉米蘇 ❙ $48開心果喎！點忍？我唔飲咖啡🤣但會食tiramisu咖啡味突出 反之開心果就被比下去啦香滑綿密 甜度適中 我地都鍾意💚

行過銅鑼灣波斯富街，俾一間文青風糖水店吸引住。門口掛住古式燈籠，入面仲有姜濤poster（姜糖們注意！），裝修似足古代茶館mix現代cafe。 🍜 一碗大滿足 ($58) | 御膳級四宮格木盤盛住四款糖水，精緻到似皇上宵夜： - **芝麻糊**濃到似墨汁，但香到令人想寫書法 - **陳皮紅豆沙**有粒粒蓮子，陳皮香氣似阿媽煲嘅老火湯，懷舊感滿分 - **杏仁茶**滑到離奇，蛋白仲嫩過我塊面 - **核桃糊**堅果香突出，飲完成個腦即刻醒神 🎁 大滿足盲盒 ($58) | 糖水界扭蛋機 開盒似抽獎：可能係桑寄生蛋茶養生，又可能撞中芒果河粉消暑。我抽中**芋圓西米露**，椰奶底夠香，芋圓煙韌度剛剛好，細細碗但足料。 ☕ 雞骨草+五花茶 ($18@) | 養生mode啟動 食完甜嘢飲返杯熱雞骨草，甘甘地正好清喉嚨；五花茶就似涼茶鋪水準，$18蚊抵過飲珍珠奶茶！ 後記$152食到兩份糖水+兩杯涼茶，性價比高過連鎖店。最正係環境夠chill。下次想試*芒果河粉*，睇下係咪真係滑到可以「嗦」一聲吸入口！

同公司同事食完飯之後，途經附近，夜晚10點幾，都要等咗一陣先入到去，味道唔錯，芒果味都幾濃，不過份量可以多啲，芒果都幾大嚿，銅鑼灣呢個地段，價錢算係OK，唔算太貴。

店舖的楊枝甘露甜品令人垂涎欲滴，完美融合了香甜的芒果、清新的椰漿和滑嫩的西米露。每一口都帶來豐富的果香，冰涼的口感在夏日中特別受歡迎。店內的楊枝甘露不僅外觀精緻，還搭配了新鮮的芒果。無論是獨自享用或與朋友分享，這道甜品都是完美的選擇，讓人一試成主顧，回味無窮。

my newest fav dessert shop in cwb🍧uji matcha snow ice 宇治抹茶雪花冰OMG the shaved ice was so good—perfect to beat the summer heat! ordered the small portion ($68), which was actually big enough to share. wonder how huge the large size is?! they also hv grape, mango & lychee flavours—defo coming back to try those!熱辣辣夏天食啱曬！叫咗細份$68，兩三個人share都夠。仲有提子、芒果同荔枝味，下次試試🥣black glutinous sago soup with lotus seed & taro ball 紫米蓮子芋圓西米露light, comforting, and the taro balls were so chewy—love it!清清地好暖胃，芋圓夠煙韌🥤kale & man

銅鑼灣高質糖水甜品舖，有中式傳統糖水、椰皇系列、芝士蛋糕、榴槤甜品、飲品都有平日嚟都見好多人，舖頭裝潢幾別緻，有啲古典風，最欣賞甜品有時有張卡仔，寫上鼓勵人的語句，很讚🤍招牌蛋白杏仁茶 $38一向鐘意食蛋白杏仁茶，一直話有美顏作用，味道不甜不膩，蛋白滑溜，啱晒女士食用💛榴蓮河粉 $68先生鐘意榴蓮，河粉其實係椰奶製成，仲有椰奶一同食用，口感賣相特別，榴蓮都好正🥥海鹽芝士生椰水 $38味道偏甜，連埋海鹽芝士就幾好味

係銅鑼灣人氣甚高的糖水舖🔥🔥當晚都要排10分鐘先可以入到！人龍不盡！大家唔想排隊等 就要9點前到😂 食完就會知點解咁高人氣！！！朋友想食嘅榴槤河粉很早就售罄！😭下次去一定要食到！😫溫馨提示🔔店鋪現時有promotion ‼️‼️只要like 社交平台帳戶 就可以有蛋布丁🍮送個布丁有著濃郁雞蛋香味、而且好滑溜！好味！😋✨陽光青提雪花冰 （超級推薦🌟） 賣相靚！味道👅正！雪花冰係用新鮮青提製成！超有驚喜！！完全不死甜！係清甜果種！😍所以製作需時！等候10-15分鐘左右！拜托大家一定要order 雪花冰系列🥹🥹✨一盤大滿足 （很推薦🌟） （蛋白杏仁霜、核桃露、芝麻糊、陳皮蓮子紅豆沙）最適合選擇困難症的朋友！🤣一盤滿足曬4個中式糖水願望！😎 個人比較喜歡陳皮蓮子紅豆沙 & 蛋白杏仁霜！✨海鹽芝士生椰水（超級推薦🌟） 呢個比想像中更好飲！😍 海鹽芝士好香易入口！ 咸香咸香～～ 最底有一粒粒椰珠！有咬嚼超好飲！

一碗大滿足呢碗甜品真係做到香港人最鍾意嘅境界，甜品唔甜。食完甜品都冇內疚感。材料好豐富，一次過可以滿足多種慾望。材料有芋圓，紅豆，仙草，紅豆蓉等等。餐廳先將食材鋪喺碗，然後客戶自行加上鮮奶，溝到自己鍾意嘅濃度。如果冇撈開就咁食，基本上係冇甜味嘅。要撈埋紅豆蓉，先至提供咗成碗嘢嘅甜度。對於鍾意食小甜健康嘅口味，會非常滿意。佢有凍或者熱嘅選項。我點咗熱，但係其實一啲都唔熱，只係室溫。喺春夏天唔會有問題。但係如果係冬天食，就會覺得唔夠熱唔夠滿足。店家可以考慮吓熱嘅選項，如果倒入鮮奶，點樣可以keep 住碗嘢保持熱度。另外有少少提議就係餐牌上有好多選項想食嘅，都只提供凍嘅選擇。如果可以提供多啲熱嘅選項會更好。

6月中已經38度，香港就嚟熱過印度！與其喺條街曝曬、都係喳喳臨搵地方休息嘆冷氣順便食啲涼快甜品，咁啱見銅鑼灣街角有呢間糖水舖，一入到去當堂涼爽晒，scan QR code點餐喇○Mango Soup with Coconut Noodles (cold)芒果河粉～呢個椰汁河粉好薄身都幾滑嫩，撈埋芒果粒+芒果汁+蓉，又香又甜𠽌𠽌聲咁KO成碟！●Pistachio Basque Cheesecake 開心果巴斯克芝士蛋糕～蛋糕個子小小，上枱見佢個芯係軟，食落都幾幼滑有啲啲nutty、淡淡嘅開心果味○Double-boiled Pear with Sea Coconut, Figs & Candied Dates (hot)海底椰無花果蜜棗燉梨～再下多城、食多個熱糖水滋潤下。呢個燉品幾清潤唔太甜，貢梨燉到透晒但無酸味唔錯，仲有桃膠、無花果、蜜棗、蓮子同桂花，飲完成個人感覺好C服

無論是想懷舊還是嘗新都能滿足創意與傳統並存既有分子甜品 也有古法糖水不過價錢略為進取一人最低消費近$50桑寄生蓮子蛋茶是一款傳统的中式滋補糖水结合了桑寄生的药用價值和蓮子、雞蛋的营養具有養肝補肾、安神助眠、健脾養血的功效尤其適合秋冬季節飲用芒果河粉並不是傳統意義上的河粉而是一種創意甜品特點是結合了新鮮芒果和椰奶做成的河粉奶白滑爽口感 冰涼清爽 非常適合夏季食用雙皮奶使用北海道3.6牛乳質地綿密順滑奶香濃郁