龍糖坊 (寶漢大廈)

营业中

休息中

一碗大滿足呢碗甜品真係做到香港人最鍾意嘅境界，甜品唔甜。食完甜品都冇內疚感。材料好豐富，一次過可以滿足多種慾望。材料有芋圓，紅豆，仙草，紅豆蓉等等。餐廳先將食材鋪喺碗，然後客戶自行加上鮮奶，溝到自己鍾意嘅濃度。如果冇撈開就咁食，基本上係冇甜味嘅。要撈埋紅豆蓉，先至提供咗成碗嘢嘅甜度。對於鍾意食小甜健康嘅口味，會非常滿意。佢有凍或者熱嘅選項。我點咗熱，但係其實一啲都唔熱，只係室溫。喺春夏天唔會有問題。但係如果係冬天食，就會覺得唔夠熱唔夠滿足。店家可以考慮吓熱嘅選項，如果倒入鮮奶，點樣可以keep 住碗嘢保持熱度。另外有少少提議就係餐牌上有好多選項想食嘅，都只提供凍嘅選擇。如果可以提供多啲熱嘅選項會更好。