龍糖坊 (寶漢大廈)

营业中

休息中

係銅鑼灣食完飯，還未盡興，就揾到呢間新開的甜品店，入到去成間好似明星專門店甘，見到裝修唔錯就入去試下。 選擇都幾多，主要都是中式為主。 見到餐單上有個大滿足盲盒，幾特別，就點呢個喇。 上到台 總共有4款甜品，分別是 芝麻糊，紅豆花，杏仁茶同合桃露。 見到顏色搶眼，賣相吸引，即時試下芝麻糊。 點之食落口，嘩 酸既，仲以為自己有問題，即時找店員過黎， 點知佢用一個懷疑眼光望住我，好似我味覺有問題。 我堅持下，佢終於入去試左， 跟住之後話可能放耐左，換個另一款比你。 之後草草食完就走。 完全唔會再黎。

📍位於銅鑼灣大街，墨綠色店面獨樹一格👀過馬路時見到忍住過去睇一睇! 剛好心思思想食甜品慰藉下心靈，就同屋企人試下呢間新派手工糖水店🙉 座位空間闊落，燈光柔帶點溫暖感。由中式傳統甜品、椰皇燉鮮奶至西式芋圓仙草凍、巴斯克蛋糕都有， 全部擺盤都非常精緻，食落都開心d! 🌀 大滿足盲盒 如果唔想冒險的話😂 可以選擇一盤大滿貫 (紅豆沙+核桃糊+芝麻糊+杏仁茶)，又唔驚選擇困難症揀唔到! 一set 4款份量都唔細，1個價錢試足4種口味🤤盲盒由店員隨機安排。 🔅十年陳皮蓮子紅豆沙: 陳皮香氣明題，煲到起沙。🔅桑寄生蓮子蛋: 健脾胃袪濕，啱曬呢排潮濕天氣! 非常足料，有好多蓮子桂圓，甜而不膩。🔅招牌蛋白杏仁茶: 夾雜杏仁蛋白布甸粒粒，口感幼滑有好濃杏仁香，好飲!🔅芒果仙草西米奶凍: 幾乎半碗都係料🈵煙韌西米與滑嫩仙草凍營造出多種口感。🌀 開心果巴斯克芝士蛋糕芝士蛋糕總共做到3個layer✅內餡第1層無諗過會做到咁軟心‼️質感順滑Creamy。第2層口感較為紮實，芝士乳酪味會更明顯。 第3層外層烤烘得比較似蛋糕，帶有堅果獨有鹹香。🌀芝麻湯圓娟姍奶燉椰皇 燉奶上枱暖笠笠，燉奶微甜奶香十足! 芝麻湯圓餡

龍點心闖入甜品界-新品牌「龍糖坊」開設於銅鑼灣文藝設計結合中式糖水&西式甜品，文青復古又新潮插畫菜單精緻吸睛，搭配免費打氣卡，溫馨又有趣當初就係被插畫同文藝古風養生style俘獲💚店內好多姜濤poster，姜糖們去到肯定好開心！一盤大滿足 💰58一次品嚐四款經典甜品，性價比高木製四方格擺盤好有古代御膳感覺【古法香濃芝麻糊】是我的最愛濃郁的黑芝麻香氣，入口濃厚卻不黏膩【十年陳皮蓮子紅豆沙】細膩的口感令人回味陳年的陳皮非常濃郁清香，與蓮子的軟糯完美融合【招牌蛋白杏仁茶】溫潤順滑，杏仁香氣撲鼻【養生核桃糊】同樣出色核桃的醇厚與綿密口感讓人感到滿滿的滋補暖意芒果河粉💰58椰汁製成的河粉很滑，搭配芒果泥簡直是夏日裡的一抹清涼！開心果提拉米蘇💰48Mascarpone與開心果香氣交織層次豐富，甜度恰到好處絲滑軟綿是我喜歡提拉米蘇的原因腦洞大開試試新食法：✅芝麻糊+核桃糊混合超讚🙌🏻❌杏仁茶+紅豆沙真的不能混合杏仁完全掩蓋了紅豆沙的味道😶‍🌫️下次去會想試椰皇同芋圓系列！

之前係銅鑼灣食飯望到呢間糖水舖有條人龍🙃就對呢間野有啲好奇😯唔知好唔好食😁今次難得食飽飯仲有肚仔食糖水😋就去實測一下😛入到去睇qr code menu😁就已經知道自己被個大滿足系列吸引住😍有蛋白杏仁茶、芝麻糊、紅豆沙同埋合桃糊😍完全係筆者最鍾意既傳統糖水價錢合理🥰每份都有足夠份量🥰甚至乎我覺得2個女仔share一份都得🥰講番味道👅每樣都係水準之上😁我個人唔鍾意太甜既糖水😛加上每款糖水足料原味道😝我基本上無咩可以彈既地方😘希望下次可以再試埋其他菜品啦

今日經過銅鑼灣，見到間甜品店嘅裝修幾靚，於是入去試試。我地叫左3️⃣款甜品：💚開心果巴斯克芝士蛋糕一黎已經被佢嘅流心吸引左🤩，果然無令我失望！開心果味同芝士味都發揮得好好，又唔會蓋過另一隻味，中間流心部分好綿滑，搭配厚實嘅芝士蛋糕，口感好豐富。💚榴槤河粉榴槤係我嘅至愛😍，滑溜嘅河粉配埋香濃嘅榴槤蓉真係無得輸😋。上面仲有有口感嘅榴槤果肉，滿足到榴槤愛好者。💚香芋芋圓奶凍西米露奶凍好有驚喜，我以為係普通牛奶奶凍，食完發現係椰青味嘅奶凍，好清甜👍🏻。西米露好煙韌，有咬口。

依加坊間甜品款式愈黎愈多，愈黎愈有特色～有時飯後都有啲口痕想食下甜嘅嘢，如果附近有間創意甜品舖就最好～前幾日就喺呢間位於旺區銅鑼灣新開嘅甜品店食咗幾款特色甜品，味道相當唔錯，有機會會再去過！桂花桃膠雪燕燉梨 呢款甜品材料有桂花、桃膠、雪燕、蓮子、紅棗同埋枸杞，整體食材呈現健康養生嘅理念～味道方面飲落偏淡香鮮甜，唔錯，感覺好有滋補效果！芋圓芒果仙草奶凍滑嫩嘅仙草涼粉，大粒新鮮嘅芒果粒，煙韌嘅芋圓，淡淡嘅奶香，冰涼嘅口感，呢道甜品好適合炎炎夏日去食～榴蓮腸粉 呢碟腸粉皮薄餡多～一口咬落去滑溜得嚟，榴蓮味非常新鮮濃郁，味道係口入面迴盪，良久不散。對於榴蓮迷嚟講，呢款甜品絕對係不可錯過！

記得朋友仔話呢間個啲手工糖水好食，今次去開呢邊行街，梗係要食埋啦！另外，呢度有兩款「蜜濤時光」糖水系列，周圍仲有姜濤蹤影，姜糖們可以又食又影👍🏻♥️ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴❥ 開心果巴斯克芝士蛋糕 $48開心果同芝士鹹香都幾夾，香濃味道，順滑creamy，連朋友都讚！❥ 芒果河粉 $58用椰奶整出滑溜河粉，搭配用新鮮芒果整嘅醬汁，清爽到食到𠽌𠽌聲❥ 香芋芋圓奶凍西米露 $38用椰奶做base，奶凍都係用椰奶整，好香濃芋泥綿密，芋圓煙韌，加埋西米露，口感豐富 ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴

🍴馥綠開心果露($68)近期咁hit開心果甜品見到呢間竟然有開心果露🤩即刻要叫嚟試因為真係無乜糖水舖有賣開心果露☺️開心果味真係極濃‼️質地都好”杰身”係比起街外面既芝麻糊更加”杰身”重點‼️做到香港人對甜品最高評價😆唔太甜啊我哋另外仲加左份芋圓$10 芋圓好煙韌👍🏻又唔會煮到過淋同過硬 同開心果露幾夾—————————————————————🍴榴槤河粉($68)嚟到夏天☀️榴槤又開始出動啦😏一上碟已經聞到榴槤味😚勁香面頭除咗有榴槤肉之外 仲打成汁添撈埋河粉食河粉椰香味十足 估唔到榴槤配椰汁係咁夾河粉每次好薄 唔會厚實實👍🏻

放工尚早又未太肚餓，見到有一間糖水舖就入去，剛好是香港歌手姜濤生日月份，全店貼滿照片好勁啊😆店舖感覺舒適，menu有圖片可以知道糖水款式，其中有一款叫「一碗大滿足」超開心，全碗好色彩繽紛，內有芋圓、桃膠、蓮子、仙蒙草、西米，香竽。另有一碗椰奶，自行淋上適當份量攪勻超好味，椰奶好香，吃一碗都填飽了胃😆桃膠娟姍奶燉椰皇桃膠晶凝通透份量十足，養顏潤肺，蛋白滑溜，吃完成個人舒服晒。開心果提拉米蘇全人手無添加限定甜品，特別軟滑可口。🥰

呢日食完晚飯，仲想食多個甜品先返屋企，所以嚟咗呢間糖水舖 。餐廳有傳統糖水、手工芋圓、新派中式同滋補椰皇，梗有一款啱心水啊🤩芒果河粉呢個芒果河粉整得好精緻，一邊用上椰奶配河粉，另一邊用上酸甜嘅芒果汁，加埋面頭有啲芒果粒粒，口感十足🥭 將椰奶同埋芒果汁攪勻，配埋河粉真係一流。開心果巴斯克芝士蛋糕開心果味道濃郁，巴斯克芝士蛋糕質感順滑🍰 仲有啲開心果碎，夾埋一齊食味道唔會好膩。香芋芋圓奶凍西米露呢個新派嘅甜品勁豐富，一份有齊椰奶、芋圓、香芋、西米同埋奶凍🥰 幾鍾意佢個奶凍，入口滑捋捋🥛 呢個西米露夠晒足料，都幾飽肚😝呢間糖水舖仲有慶祝姜濤生日嘅打卡裝飾，fans們一定要幫襯啦🥳

榴蓮腸粉🤍這道甜品的創意令人驚豔，腸粉的滑順與榴蓮的濃郁香氣相結合，形成了一種獨特的味覺體驗。每一口都能感受到榴蓮的細膩與甜蜜，腸粉的柔軟則讓整道甜品更加豐富😃開心果巴斯克芝士蛋糕🍰蛋糕外觀金黃誘人，切開後的芝士餡料滑順濃郁。開心果的香氣讓整道甜品增添了一層清新感，與芝士的濃厚形成了完美的對比。每一口都能感受到芝士的醇厚與開心果的脆口😁雪燕蓮桃芋圓奶凍💜甜品的外觀清透，充滿了夏日的清涼感。奶凍的滑順搭配著蓮桃和芋圓的Q彈，讓整道甜品充滿了多樣的口感。雪燕的清爽則為整體增添了一絲清新，讓人感受到自然的味道。這道甜品適合在炎熱的天氣享用😀喜歡姜濤朋友們可以打卡。店員的熱情款待使得用餐體驗更加舒適，可以同姜濤度過一個美好時光 🍧

週末出銅鑼灣覓食。呢排身邊好多人推介呢間甜品，我地都去一嚐美食。好多套餐選擇，睇圖片真係好吸引。上網見d人推介芒果河粉/榴蓮河粉，我地都order份芒果河粉試下。芒果河粉選用新鮮芒果🥭，西柚粒等時令鮮材，與特製椰汁鮮滑河粉甜蜜相融，香甜軟糯，唇齒留香，一道不可錯過的推薦美食。開心果提拉米蘇 飯後真係好需要一點甜💝尤其係蛋糕呢款開心果提拉米蘇入口即融，絲滑軟綿，香濃開心果回味無窮，甜蜜療愈。桃膠娟姍奶燉椰皇🥥燉奶帶有陣陣椰香，桃膠晶瑩爽口，同燉奶好夾。啖啖都係暖粒粒，🈵🈵的享受之餘覺得好滋補tim 。

對女仔來講，甜品的確係另一個胃🤤友人同我食完lunch已經好飽，但仍然仲有位食甜品🤣友人戰鬥力有限，最後當然交俾黑洞既我🤭飯後甜品係特別開心同滿足龍糖坊係銅鑼灣最近新開既甜品小店，亦係龍點心旗下新品牌，主打中西特色健康手工糖水，裝修清雅簡潔，環境舒適。店舖每一個角落都貼滿姜濤既相😂睇來店長應該係姜濤忠粉。每款糖水甜品都好吸引😍有選擇困難既我望左好耐先落Order焦糖娟姍雙皮奶（凍） $55 另加芒果$15友人揀既雙皮奶茶褐色焦糖賣相吸引🤤食前加入粒粒芒果肉，提升口感，焦糖薄脆下層係嫩滑既雙皮奶😋既食到焦糖既香甜味，又食到奶凍既香濃味，雙重享受😍🥭🥥芒果河粉 $58蒟蒻河粉口感滑溜，好香椰汁味，加埋大大粒芒果肉，食落口感豐富又juicy😋鮮甜芒果配搭清香椰汁，味道同口感都唔錯🧀開心果巴斯克芝士蛋糕 $48口感軟滑，開心果味好濃郁😍甜度適中😋味道上幾有驚喜糖水甜品整體唔算太甜，而且食得出幾足料，甜味自然，難怪小店人流不斷

最近銅鑼灣新開咗有間手工甜品舖, 有中西甜品, 店內仲有好多打卡位, 當然要去試下啦 😃⭐ 一碗大滿足 $52一碗齊晒所有材料, 有芋圓、芋泥、仙草、紅豆、蓮子、椰奶等, 口感層次超豐富, 真係大滿足。⭐ 榴蓮河粉 $68榴蓮蓉及椰奶好香濃, 河粉好滑嫩, 兩者配合口感好特別又好香。⭐ 開心果巴斯克芝士蛋糕 $48期間限定, 開心果控必食, 內裡質感鬆軟帶有軟心, 入口散發濃濃堅果香味同浸浸芝士味, 微甜不膩。

今日同屋企人去銅鑼灣行街🛍️，突然見到間新開嘅新式糖水舖🍨，決定要試下！👨‍👩‍👧‍👦呢度中式/西式糖水都有，選擇多到眼花繚亂😵‍💫！🤩 本身好想試下佢哋嘅椰皇🥥系列，但係當日已經全部售罄，真係好可惜！😢 不過，我哋試咗3️⃣款糖水，每款都好有驚喜！🎉首先係「一盤大滿足」，係一款超抵食嘅糖水拼盤🧩！😍 有4️⃣款經典糖水，每款都係一小盅，一次過滿足你多種口味😋 有香濃絲滑嘅芝麻糊，幼滑唔太甜；我最鍾意嘅杏仁茶，柔滑潤喉，香氣四溢；滋補潤肺嘅核桃糊，香濃幼滑；仲有軟糯香甜嘅紅豆沙🫘，啖啖滿足！😋 每款都係傳統工藝慢火熬煮，原汁原味，健康又抵食！👍「鮮芒楊枝甘露」🥭，清甜又新鮮！大量嘅柚子同芒果肉，質地濃稠，清甜嘅芒果味中帶點微微嘅酸，非常清新，食完之後成個人都精神曬！🌟「原味巴斯克芝士蛋糕」🍰，呢個蛋糕質感軟滑，好推薦！巴斯克蛋糕嘅質感真係好特別，入口即化，芝士🧀味濃郁，食完之後仲想再食多一件！🤤呢間糖水舖真係值得一試！👍 每款甜品都好出色，食完之後真係好滿足！下次一定要試嚇佢哋嘅椰皇系列！🥥