龍皇酒家 (世貿中心) (已結業)

一個月前已訂了位, 今日一行8人來到熾哥酒家試一試地方很大, 環境幾好, 全場坐滿 叫了很多點心, 樣樣味道都很好及很新鮮但是服務一般,因為叩了個日式豆腐,追了兩次都不來,連豆腐花都食完,見未到想叫部長取消,個部長話就來,所以再等一下,來到食下又唔錯,好彩無取消, 下次都是找部長會快些 記得最好食既,其他平時常食的沒有記錄燒腩仔 - 很脆又不會太肥日式豆腐 - 很滑 排骨陳村粉 很滑鮮蝦腸粉 - 已分好一件件, 很滑豆腐花 - 很滑,又抵 菠蘿包 生煎包 - 賣相不錯, 味道普通牛柳 炸魷魚 - 正

我曾于這總店晚膳, 它之小食一般而巳, 我記得其中一味很濃, 沒飯的話食不下, 而且上菜速度極慢, 皆因我叫菜之時巳叫埋這處特別之壽飽(用紫薯做), 不過要等待到最後才上, 到須要時, 叫職員上碟時, 起碼等咗半小時, 中途更要催促多次呢.另一次, 我家中有人生日, 所以于前一天巳預定了一盒壽飽, 話明中午時份到取, 到第二天取飽時, 我巳遲了去, 到我話取飽時, 職員到打單, 問我取款到給我壽飽, 足足等了半小時多, 使我跟住的約會遲了大到, 真的豈有此理, 我心想唔通幫我叮熱D飽, 但取件時共非熱的, 你話職員們的態度係咪真的很慢呢 ?!!!!!!!!!!!!!縱使幟哥出名是大廚食家, 但我相信遲D比佢D職員破壞晒個名, 而客人續漸減少 ....... 他這個老闆真的要想想辦法囉 ......

During my 3 visits the food has always been excellent, service spoilt the experience.Yesterday, because of Catherine (from reception) I felt I had good service, so I will defintely be going back and recommend Dragon King to my friends as well. The charsiew and all bbq items that come of the kitchen are done to perfection!

昨天3人去此酒家食晚飯. 記得過年前來過吃飯, 環境, 味道, 價錢都幾好, 所以同另外2個朋友來試下啦.唔知散叫定係套餐好, 我見佢地換了餐牌沒有我想吃的魚湯飯焦, 咁就不如叫套餐啦. 因為是 星期一 所以最抵的選了 298元/位的套餐.1) 有紅燒翅 - 翅的份量唔多, 湯的份量都唔多, 不過味道幾好, 好夠熱.2) 海參 - 無咩特別 3) 鮑魚 - 最欣賞佢伴有少少白飯. 汁的味道唔錯, 298元用的是湯飽唔係鮮飽 - 好抵食, 好夠熱.4) 煎羊架伴炸魚 - 好好味的羊 - 唔太熟, 但皮煎得好香.....炸魚用生菜包來吃 - 好味. 好夠熱5) 上湯的菜 - 都幾好味6) 杏汁燕窩 - 當然燕窩份量好少, 但唔太甜同勁熱. 食完好舒服.298元的套餐食齊魚翅, 飽魚, 海參, 燕窩仲有魚同羊....仲想點wow.....

今晚與家人共12人到龍皇吃飯, 因其已定之套餐菜色不大喜歡, 故他們的一位部長說可以另外寫菜單給我們, 于是叫她預3,000+元的菜色, 介紹的時候說得十分吸引, 但..........最初的三小小碟, 义燒, 燒腩, 一人一隻小籠包, 還可以接受, 跟著的湯原來只是當天的例湯, 接著是一碟炒介蘭和早前說有鮑魚, 什麼什麼蚌炒翠玉瓜(但鮑魚欠奉, 沒有人吃到), 全晚最似樣的是那一盤炆紅星, 算是較為合理, 接著是一隻用了數得出的米線來墊底而老到不得了的小文昌雞. 最後是一煲只有6人份量的腊味飯, 而分的時候還要欠了兩碗而有兩位是沒得吃的 (寫單時亦沒有說明只是6人份量的飯)!!!!!!!!!!是次以差不多4,000元的價錢, 各人也不知吃了什麼進肚, 服務可以說是不提也罷. 幸好今次只是家人吃飯, 若是請客, 真不知到如何向客人交待. 所以, 總括一句, 龍皇酒家, 還是不去也罷.

先講服務... 服務生態度極差... 語氣又差... 動作又慢... 成日只係掛住聽住耳機.. 冇心聽你講的order... 真係未食飯已經一肚氣... 食物極差... 龍蝦E麵... 龍蝦走油太多生粉... E麵太乾無汁... 條魚未熟好UN... 服務生態度極差... 話深海魚係咁...咁既價錢 咁既服務 咁既食物 不值一試... 一次都唔好試...

今日我地家族有3個人系E幾日生日~所以所以訂左$2888既set for 15人!真系有好多野食!另外再加多$450加多個芋頭酥同魚翅!10分滿分第一味: 乳豬 7分一般乳豬食完就會覺得好肥!但系佢竟然可以做到剛剛好,又香,皮又脆!一入口就FEEL到味道不斷系個口入面飄來飄去!吞左都仲可以食到個味!第二味: 瓜抄蚌(唔知叫咩名) 7分有好多唔同既瓜抄蚌,蚌好大隻!南瓜本來系好吸油,但系食左落去又唔覺得油!蚌好鮮甜,又大隻,一流!第三味: 芋頭酥 6分好鬆脆,只有3個字!唯獨是系比較油,但系味道搭救!第四味: 魚翅 10分魚翅好滑,雖然魚翅並唔系好高級數,但系都好滑,我比10分,系因為佢個湯好正!一飲就知道系用魚,同雞煲左好耐,最勁既系唔知點解一入口就咸咸地,吞左之後喉嚨就甜甜地,真系想飲多一碗!第五味: 東星斑 9分我本身唔太仲意食魚,但系我竟然再食!蔥既香味加埋魚既滑溜,一絕!第六味: 魚湯浸油墨菜 10分!!!!!!!!我唔多講,你地食過就知幾正!就算要我比

親人擺生日宴, 奉陪末席. 在等候升降機時, 才知要往下層再上十二樓.原來酒家分兩翼, 知客小姐帶往所訂的枱, 十二人才給十人枱, 抗議之下方有得換.聽說有人擺酒, 所以今晚的地方不夠用. 全廳很狹長, 擺了約莫十張枱, 很嘈雜, 有回音, 因為天花很低, 又沒有地毯吸音, 要提高聲線, 說話又要重複, 談話十分辛苦.一早已寫好的菜單:燙手妙齡豬蚝皇原隻澳洲四頭鮑魚果盞伴海鮮捲紅燒花膠龍皇翅清蒸沙巴東星斑香草汁焗龍蝦伊麵底金肉參泡青蔬瓦罉葱油雞飄香荷葉飯紫薯壽飽環球鮮果盆侍應人手不足, 沖水要叫才有, 地方狹窄, 有時換碟要客人幫手, 要扣分.妙齡豬的皮不夠脆, 只微熱, 談不上燙手, 味道普通. 五分.還有要特別提出的是今晚的餸菜都偏鹹, 不知是否個別事件.四頭鮑魚是開玩笑之作, 是4 x N. 味道普通, 不溏心. 五分.海鮮捲給一層無味的龍鬚包著炸, 件頭有大有小, 食用不方便, 想一啖吃下又太大, 咬開又四處散落, 令人客尷尬, 對食味無幫助, 是整餅之作, 饀料不知是什麼, 四分.龍皇翅的魚翅份量甚少, 吃到的只是其他作料, 可幸湯不錯, 七分.東星斑的肉質甚佳, 蒸的火

我一向對龍皇的食品有一定水準，比較其他的分店，我覺得此店的裝修最新最靚-燈光，紅色長窗簾，金色花的玻璃牆，特色爉燭吊燈。今次來食晚飯，因喜歡佢有海景，今次開咗一支智利紅酒$188，待應推介，做近promote。要介紹$1特價菜-蠔皇太子參扖鮮支竹，唔會細細碟，有海參，蔬菜又新鮮，支竹又鮮甜，鮮菌又大片，掂。特價菜還有: 乳鴿$18，底食。海味雜菜煲$48，有大大隻蝦干，墨魚，魚湯，鮮。蕃茄君子菜煮紅蟹$188-魚湯，蟹新鮮，大隻。金菰銀蒜蒸元貝$58，新鮮，大隻。香草汁焗石蠔@38，夠大隻新鮮。茶介@13最後有甜品送，以為普通料，他說南瓜燕窩露，等咗一陣，雖然唔確定燕窩真或假，但感覺及聽都開心，味道都唔錯，唔係太甜，幾清新。

呢日主管請食開年飯~去龍皇開飯~~一去到個經理就好鬼熱情咁招待~又派卡片~不過都係無俾利是佢~食左好多野~不過有d唔記得左d點心名~你知d高檔酒家最興改埋哂d古靈精怪嘅名~孖寶: 脆皮燒雞+海鮮濃湯米線　燒雞皮脆肉滑又入味～掂！濃湯米線很清甜～石碢生煎包：熱辣辣～有肉汁！燒腩仔：超讚！不過好細碟～聽講要＄６ｘ鴨舌：普通～鮑汁雞腳：正～真的很鮑汁～入味～豆苗餃：好鮮味～豆苗新鮮！又有蝦～四寶扎：全蔬菜～無咩特別～腊腸卷 ： 無食到～可惜無試佢荷葉飯～聽說唔錯！仲有幾款唔記得啦~整體感覺上唔錯~但係因為太貴啦~一試無妨~

阿哥請飲茶，當然要食好D， 聽人介紹好似幾好咁，於是就去左呢度。全程都係食點心為主，D野食唔錯喎！最鍾意個蝦腸，超滑，上枱已經分好晒，唔駛自己分，裡面D蝦又大粒又新鮮，阿媽都讚好；臘腸卷都好好食，條臘腸超香，軟硬適中；最鍾意佢個菜汁呀！待應一拎出黎大家已經好興奮，估唔到顏色怪怪但味道唔錯，可能我鍾意食酸野啦！最重要係真係消滯左，原本頂到上心口飲完仲可以清埋個蛋撻TIM！呢度環境同個VIEW都好正。不過就要小心點菜，可能哥仔見我地男多女少不定叫加點心，最後嗌得太多食唔晒，要打包當TEA！

睇幟哥節目睇得多.. 諗住抱住"朝聖"心態去食吓龍皇酒家... 結果失望而回... 美食就食唔到... 只係食到一肚氣...失望都不夠形容此刻心情呀... 應該係極度失望.. 錯只錯在自己對佢太有期望... 先講服務.. 服務生態度極差... 語氣差... 動作又慢... 要本菜單點菜都要問三次先有得睇... 成日只係掛住聽住耳機.. 冇心聽你的order...真係未食飯已經一肚氣... 終於有人聽你落order...要乜冇乜.......成本菜單來回睇左十次都叫唔到八個菜.........咁就是旦叫d招牌菜食吓啦...點知仲要"漏單"... 你話係咪激死... 食物方面... 义燒好鬼"un"... 炒斑片好鬼腥.... 撈麵好鬼咸................以下省略.....唯一好食係上湯時蔬...........總之是旦一間茶餐廳都好食過佢... 食左一千蚊乜都冇到肚... 食完飯立刻拉大隊去其他地方再食過..........大家唔想有我哋咁唔開心的經歷就千忻唔好去食啦~~~~~~~~~~~~~~~~~~~~~

在香港 - 通街都有點心吃快餐有, 自助餐有, 車仔檔有,所以,如果一家酒樓如自己的點心都做不好, 就不能立足....世貿這家龍皇,有一流海景, 有一流裝飾, 位處一流商場…坐下時我心想:硬件就一流了, 軟件又如何 ?幸好,身為酒樓, 它沒有忘記自己的”本份” – 點心賣相精緻, 夠熱夠味,用料新鮮 (一試蝦腸便知),份量適中, 服務亦不錯, 更有懷舊點心, 可與蓮香一拚 !可能由於老闆是上電視 - 同黃麗梅一齊主持的”賜哥” (or 幟哥 ?? 唔sure…)啦,向以創意小炒聞名, 所以除了點心, 可以一試其小炒之功力,味美新鮮, 創意十足.一道"一品炒飯" 聲稱為招牌菜, 果然與別不同 !當然, 價格亦較一般酒樓高, 不過由於有商務set, 請客仍然公道…可以一試再試 !

之前聽家人說這裏點心怎麼好吃，終於上週未午市來飲菜。訂了位，因為十一點半的關係，尚未爆滿，環境裝修令人印象良好。甫坐下來點心已經叫好，第一樣有印象的是鼎湖上素餃，皮薄，裏面有很多的翠玉瓜粒，一籠三隻，要多叫一籠。第二樣的是金蠔玉竹卷，簡單的說是湯浸鮮竹卷，皮薄，湯的腐竹味很重，湯的調味也很配合，這個也多叫了一碟。另外一個要提的是香芹牛肉，其實是上湯香芹粒伴生竹牛肉，湯跟牛肉都夠熱，牛肉算做得很不錯，但跟我吃過最好的（尖沙咀福臨門）還有一段距離。其餘吃過有印象的有淨腸粉，大小適中，非常夠滑。另外的鮑魚燒賣，上湯生菜，蒸魚雲，豬腳仔可以說是不過不失。最差的應該是煎蘿蔔糕，太厚，粉太多，蘿蔔不夠，亦不夠燶和脆身，可以話點煎都唔會好食。總括來說可以再來試試水準可否保持。

I do not agree with the previous comments on this restaurant... and I personally strongly suggest you all to try this place... They really placed lots of effort in making food Cantonese food...Personal recommendation...1. Dim Sum: Chan Chuen Rice Noodles, Deep fried Taro Pastry, Almond paste Mexico bun2. Rice: Hotpot Rice with Preserved Meat + Sausages... (ONE OF THE BEST hotpot rice in Hong Kong...)3. Roasted Rice Duck.... Really really delicious... Thin skin with only a little fat... tasty mea