龍皇酒家 (開源道)

营业中

休息中

#小秘書 由細到大對啲 #烹飪節目 特別有研究👀 睇得多自自然然都會學識煮返幾味🤤 係呢... 大家仲記唔記得 #幟哥 呀？即係喺 #電視台 專整 #海鮮 嗰位大師傅呢😉 估唔到敏敏呢日揀咗佢間餐廳 #龍皇酒家 同我食飯🍽 其實上嚟之前我都有啲唔好意思 👉🏻👈🏻 因為聽講 #龍皇 專食貴嘢... 打開餐牌先知，又唔係嗰回事😅 咁當然 #珍饈百味 一定有啦，不過普普通通嘅 #家常小菜 都唔算太貴喎😙 我哋叫咗個套餐 #芝士龍蝦伊麵 配 #鹽香雞 半隻，另外加咗個 #海參茄子煲 😉 鹽香雞先上枱，雞肉好嫩滑、仲有一浸特有嘅香味，好味到明知有 #伊麵 未嚟，我哋要叫個 #白飯🍚 嚟襯托佢🤤 至於個 #茄子煲 🍆 味道都唔錯，不過對我哋講就濃味咗啲，食到一半個醬汁就更加覺得有啲鹹😅 最後上枱嘅係芝士龍蝦伊麵，賣相都OK嘅，而且 #芝士汁 嘅濃度，同龍蝦、伊麵配搭得非常出色🤤 如果 #龍蝦肉 嘅份量可以再多啲就好喇... 咁當然我係絕對願意比差價啦😉成餐飯令我最喜出望外嘅係各個服務員嘅服務態度，從來唔使我遞手已經有人先動過嚟幫我🙏🏻

準時到店取食物，所有都是冷的，致電店他們回應因太早出食物和沒有辣椒醬，在此時沒心對客人，那不再光顧你店了。食物是好，但沒心對人客的定單，換來什麼結局老板你想想。劣劣劣質質素。

捉緊大閘蟹季節嘅尾巴，同屋企人千揀萬揀，最後都係揀咗呢間幾出名嘅中菜廳試下佢啲蟹！我本身食蟹鍾意多膏，鮮甜嘅蟹膏大啖大啖咬落去真係好正呢度啲蟹都符合我嘅要求haha  多膏又唔腥 蟹肉都唔錯欣賞啲蟹新鮮大隻！在場都有唔少人食繄大閘蟹，睇嚟都幾受歡迎想嚟食記得book咗位先！

星期六晚上媽媽休息一天我們就來吃幾道家常便飯當中令我最著迷既就係佢哋既牛尾煲本身我係好怕食青椒仲呢個青椒真係好香 牛尾都沾左青椒既味辣辣地好香 好好食 牛尾好淋 唔洗驚痴牙 好入味 食完一舊又一舊正！

因為呢排wfh 所以一番office就好多野做，有時仲要meeting break 嗱嗱聲食飯盒。今次試左燒味飯外賣雙拼有外賣自取有8折，燒腩仔好脆！而且個芥辣會分開放，好怕一打開見到一ｐａｔ醬，好彩今次唔係咁！！同埋ｄ飯本身已經淋左汁，即使食曬Ｄ餸都仲有Ｄ汁送飯　唔會太齌。

呢排疫情橫行，好多時都係HOME OFFICE。真係好小出街，外面食更加小之有小。 見呢幾日確診數字回落，加上悶咗咁耐， 唯有畀個籍口自己出去食返餐。約咗舊同事去觀塘TEA， 佢哋話可以蛇落公司樓下間龍皇下午茶。我無乜所謂。以前去過紅磡間龍皇都無乜特別， 可能現在疫情關係，感覺上枱同坐位空間闊咗，坐得舒服咗。又有探體溫，酒精搓手液呢D例牌防疫措施。但我欣賞呢樣嘢， 起碼食得安心D。 咁啱又係下午茶，我哋可以盡情叫。叫咗好多嘢食點心食咁。出菜都叫做快，味道都算唔錯，都值七八十分。 雖然在疫情期間唔應該出街，但匿埋屋企咁耐真係好辛苦，希望疫情快啲過去，等我哋有返正常生活啦！

食過呢間嘢幾次，每次都係晚飯，次次都咁衰！人多坐滿時要等菜上，食完一碟追半日先上第二碟。今日週日，人少到半個場都坐唔滿，依然係碟碟餸都要追債咁追，家常便飯咋，而家我又唔係點九大簋！投訴佢，個樣衰侍應阿叔聽都未聽完就掉頭走，sorry都無句！呢一世唔再幫襯呢間，做得咁衰執咗佢啦

今天和同事到觀塘龍皇吃午飯，之前都來過兩三次，價錢來説不算平，但食物水準都唔錯。但今次來到，無論食物的出品或服務都好似差咗啲。 沙巴海蝦餃 $33 - 蝦餃是我今天覺得最好食的點心，蝦肉爽口，蝦餃皮厚度適中，一籠有四粒。雪嶺叉燒包$24 - 這個叉燒包真是有點失望，叉燒饀很咸，個雪嶺做得唔夠鬆化，而且很細個。蜜汁叉燒腸$33 - 腸粉的皮不錯，都幾滑，裡面的叉燒味道比起雪嶺叉燒包正常點，加了豉油都唔覺太咸。濃湯斑肉泡米線$158 - 這個米線的湯，說是濃湯，但飲落就不覺太多魚味，味道有些淡。斑肉亦有點鞋，而且米缐份量太少。茶錢 $15 一位，服務一般，沒有人主動加水壼的水。

侍應姐姐，在不通知last order及不問，突然收起點心紙；而且上點心的傳點心亜姐，只比食物，沒有任何醬汁(例：羅白糕沒有甜醬);在現在香港環境下，那樣服務態度，真的還想生存嗎?

又到星期日同屋企人飲茶時間，我們訂了兩點下午茶時間，可能假日的關係客人比較多， 酒樓環境有點迫夾，可能樓底低的關係， 比較嘈雜。 龍皇的點心質素都唔錯， 當日叫了17碟點心＋ 一碟乾炒牛河。 每一款點心的味道都很平均， 我最喜歡吃蛋撻仔， 酥皮鬆化， 蛋味香濃。 鵪鶉蛋燒賣也很好吃， 而家好少酒樓有鵪鶉蛋燒賣， 所以見到都會叫的。 蝦餃皮薄餡靚， 蝦肉大大粒又鮮味。 鴨掌炆得好入味又夠淋， 蛋散鬆化香口。不過龍皇的服務方面還是要改善一下， 當日點了蘿蔔糕， 我們想問侍應攞一碟甜醬， 她的答案是蘿蔔糕不跟甜醬的， 之後我們問另一個侍應成功攞到。 難道乾炒牛河沒有跟豆瓣醬就沒有豆瓣醬給客人？

今日星期五約咗婆婆飲下午茶，試一試究竟它是否抵食和好味。1. 茶錢15蚊喺觀塘區來說都幾貴，雖然茶係靚D，裝修係靚D，但計條數都唔抵。2. 炒飯好有鑊氣，多料，又不貴，整體來說很有特色，不錯，值得一試3. 薑蔥牛栢葉佢係大點75折$21左右，冇乜薑蔥味，好似好多辣椒油，但好甜，牛栢葉挺入味和爽口， 外表普通4. 沙巴鮮蝦餃佢係特點75折$24左右，好普通，蝦唔出色環境寬闊，唔使搭枱，另外，牙籖亦挺有特色，真不平凡。但太貴，不會再度光臨。

平時飲茶多數都係食蝦餃，燒賣， 腸粉個d, 但今日同屋企人去左觀塘龍皇酒家午膳， 雖然地段就麻麻地， 始終都係觀塘工廠區個邊， 不過佢係商廈入面的。 龍皇酒家食物選料聽聞都係比較好， 味道都有保證的， 上到去我要求坐的位置比較靜， 服務員都好好咁幫我安排。 室內環境好舒適⭐️⭐️⭐️⭐️. 我地最後除左少少點心外叫左個古法蒸腩件同埋碧綠炒龍躉炒球食， 我想講 好鮮味， 並唔係雪魚呀， 呢兩個小菜我比⭐️⭐️⭐️⭐️⭐️呀！ p.s. 呢度收電話訊號就麻麻地， 但因為咁， 環境就較静。

一入去坐低茶就開錯，呢樣都算。然後呀姐扮曬好有耐心落單，但原來根本無落到單，都算。然後搵人追單，追左3次，有次個呀姐聽完根本無跟進，反而去左做其他野，最後頂唔順叫另外一個阿姐搵經理來追單，點知個呀姐發晦氣話無人得閒，最後由8點等到9點先有第一道菜。如果唔介意捱餓受氣，值得一試。另外值得一提呢間野仲好意思貼個招牌出黎話米芝蓮推介，呢d質素都可以有米芝蓮，唔通米芝蓮其實有錢就買到?

同事請食飯，帶我們來APM廣場隔離不遠的酒樓，從裝修和點心款式和價格來説，算是中豪。為咗迎合豪的格調，我哋叫咗鮑魚酥，鮑魚不算細，味道也好吃。燒腩仔賣相普通，但味道不錯。如果比利苑嘅燒腩仔，咁你利苑嘅燒腩仔就更勝一籌。賣相最豪華嘅係黃金奶黃包，真係好靚，但食就要趁熱食，如果唔係入邊嘅奶黃就會凝固左味道就冇咁好。雪山叉燒包雖然賣相比較普通同埋外面有啲乾，但食落又比奶皇包好吃，最後是我最愛的紅棗糕，唔不算太甜，食落有口感。

夜晚龍皇9:00後宵夜有折，所以叫得豪d🌟片皮鴨：拎出黎係你面前片，而且宵夜百幾蚊（不過二食要加錢），又可以俾你refill d wrap同蔥同青瓜，好食🌟🌟🌟今晚既主角：皇帝蟹二食🌟🌟🌟一食：上湯蛋白蒸蟹腳：雖然唔及係加拿大新鮮同平，但呢個煮法比加拿大既餐廳出色，抵讚🌟🌟🌟二食：避風塘炒：剩低果d用避風塘炒，兩種完全唔同既味道，香口同夠味道，抵讚🌟🌟🌟最後都讚下職員好友善，又送甜品🌟