龍庭 (已結業)

朋友約我去菲律賓會話開左間新餐廳，我話係唔係食BBQ嗰度？佢話已經轉左手，依家係主打私房菜加串燒，吓，咁得意？原來地下係飮野加串燒，有戶外位，幾舒服。上面是可以選擇叫餸食飯，我哋就一早book左私房海鮮火鍋！由牛肉開始，跟住上一系列’當做’海鮮，最後來一個菜并盤，原來呢度嘅老闆每日會去唔同嘅街市搵最好嘅食材，所以私房火煱，要一早預訂，每天限量供應！總括來說，作為一個海鮮愛好者，不能錯過，不介紹湯底了，因為一切已被海鮮嘅鮮味搶過去！

值得再食既餐廳好耐無出去食晚飯，朋友介紹左間餐廳係何文田，有得食串燒同中菜，仲有分戶外同室內，啱晒我地呢班，又想要有outdoor 可以透透氣，又有室內冷氣嘆下，野食又要多選擇既辦公室一族😌一來就叫左海鹽牛仔骨同厚切牛舌個牛仔骨好入味，燒得啱啱好！一的都唔硬，肉汁又夠，的海鹽吊起個肉味！到個牛舌，真係厚切law! 但掛住食影唔切相，真係要叫！好食到我地再encore 多2碟然後再叫個意式芝士肉醬大啡菇，我本身唔鐘意食菇，但呢個加左芝士好香口，的肉醬可以同個菇好夾🤤🤤🤤再睇下個menu, 竟然有燒烏頭食，叫左條試下，可能廚師手勢好，個燒烏頭好好味，三個人再飲下野，每人100蚊度，環境又舒適。下次來一定要試下佢哋中菜個part。

超好味！性價比高👍🏻👍🏻夜晚黎好有mood，四個女仔坐得舒服又有privacy,叫左四樣串燒🍢 首推泰式燒烏頭魚🐟仲有芝士煙肉焗啡菇，大大隻又多汁🤤

有幸托朋友的福黎到呢個只招待會員既私房菜中菜廳，一問老闆娘先知下次想食只要預先book定都可以過黎過下私房菜口癮😋只要告知人數同budget，餐廳就會因應情況預早提供餐單😋「只要係你中意食既野，就係你既專屬私房菜！」老闆娘講得全中！-椒鹽鮑魚🐚-界左花既鮑魚好厚肉之餘，肉質都好彈牙！高溫走油輕炸過但絕對做到脆而不膩！配上清新既紅綠椒粒舖係鮑魚面頭👍🏻超級出色，作為首道菜打開胃口絕對適合不過😋酥炸筍殼魚🐟-呢個絕對係下次必叫！筍殼魚實在少見，雖然係淡水魚但肉質絕對細緻，魚既鮮味超級濃🐟原條界開一半再落油鑊炸煮而成，外脆內嫩，甘香惹味！同樣做到脆而不膩！最後淋上滾油係蔥絲、芫荽🌱同辣椒絲🌶️上，簡單豉油就展現出魚既鮮味，炸到魚皮魚骨都好脆口👍🏻出色出色👩‍🍳羅漢齋🥬-炸豆腐、小白菜🥬、炸蒜子🧄同冬菇🍄，4️⃣款簡單食材同樣做到好出色，豉油有好香魚味🐟炸豆腐內面勁熱辣辣🔥仲好嫩滑！蒜子高溫炸過焦香惹味，厚肉冬菇都吸收曬打葱既汁👍🏻菜式雖簡單，但可見廚師技巧高超！煎米粉蝦🦐-又係一道私房菜必點！蝦🦐炸到好香脆可口，完全連蝦殼食都無問題，貼心地剪走✂️曬蝦蘇同蝦腳，蝦既肉質彈牙，米粉餅超級出色，香脆可口

經朋友介紹第一次試呢間菜館，初到時已經感覺良好，全新裝修，侍應態度親切，預定咗私房菜，值得推薦椒鹽鮮鮑魚及古法燜龍躉翅，鮑魚全部新鮮貨又大隻，椒鹽火喉十足，燜龍躉翅好味之餘份量又大，貨真價實、物超所值，絕對可以推介

訂位時，見到地點是在菲律賓會內，都有少少擔心。需然味道唔可以講好好味，食了四碟餸、一碟炒麵，四百蚊都不需，這樣的價錢，服務態度又幾好，食物質素都不差，都算唔錯（間舖不收茶錢、沒有加上，真係除了茶餐廳外，真是找不到）