龍平沾麵製作所

营业中

休息中

聽講太古開咗一間新嘅拉麵店，喺AEON food court，又好平民！食落同出面嘅拉麵店質素相近，但平民價錢，真係好抵食🤭🫶🏻 今晚點了3號同5號餐。3號套餐：特製龍蝦沾麵 $76沾麵+叉燒+溏心蛋+龍蝦沾麵湯+玄米茶呢碗沾麵真係好抵食！味道真係超出預期，味道同用料平心而論，同出面既$150-200冇分別。叉燒做得非常好，火炙味突出。湯底夠香夠濃郁，沾麵麵條都煮得剛剛好，彈牙有嚼勁。龍蝦湯帶鮮味，顏色紅亮，重點真係有龍蝦肉🦞😱 food court 價黎講非常大方！5號套餐：極上3L廣島蠔赤海老沾麵 $99沾麵++廣島蠔+叉燒+溏心蛋+赤海老沾麵湯+玄米茶廣島蠔係最上等嘅3L級別！好大隻！而且炸得好酥脆，冇出面嗰種厚厚炸粉味😂 出面既吉烈酥炸皮處理得非常好！我諗下次返嚟一定要試吓3L廣島蠔拉麵🍜

隨意走左food court, 看到新開張的日式麵店便試試特製龍蝦沾麵 $85龍蝦湯一上桌非常熱辣辣，偏濃厚杰身，非常掛湯，而且選用了凍粗麵作沾麵，口感煙靭，味道不錯，配上幾塊灸燒叉燒及溏心蛋，肥瘦適中，性價比高極上3L廣島蠔黑蒜豚骨叉燒拉麵 $96大隻新鮮炸生蠔，熱辣辣薄身酥脆，啖啖蠔香，一口咬下很滿足，湯底方面，黑蒜味很香，但沒有搶走豚骨味，同樣配灸燒叉燒及溏心蛋，推介旁邊設專屬的用餐區域，環境整潔，像在餐廳用餐

係附近返工，見到新開一間拉麵店拉麵嘅價錢就大概$70-$100丼飯比較平，所以叫咗個試吓🔸灸燒叉燒半熟蛋子丼雖然叉燒色澤睇落不錯，但肉質有啲乾硬，缺乏肉汁既融入灸燒既工序似乎沒有完全發揮出叉燒既風味🙈半熟蛋，蛋黃保持著微微的流心狀態👍🏻飯粒即口感偏硬，缺乏日本米嘅特色最後，這道菜即醬汁味道平平，缺乏特色總結而言，丼飯味道上仍有改進的空間希望食店能夠在食材選擇同烹飪技巧上做出一些調整，以提供更好的食用體驗

買咗兩個外賣沾麵返屋企食。原本睇咗上兩個食評，有啲驚驚哋。但我哋打開個外賣已經聞到個沾麵湯好香。叫咗一個龍蝦一個魚介。個龍蝦湯好似西餐啲龍蝦湯，真係有幾粒龍蝦肉，有啲燉豬肉粒好入味。魚介似有啲煙燻味的忌廉魚湯，都有豬肉粒。兩個湯沾麵都好夠味。每個麵有兩片日式叉燒、兩片筍、半隻溏心蛋。叉燒好入味，入口即化，好正！整體我同老公都覺得好好味，會再食，下次試吓堂食湯麵。

見新開張試下啦，由於堂食位置不太好，近aeon出口既一排櫈坐位比人等果隻既food court，所以選擇了外賣，可能第一日（5/1星期五），員工錯漏百出，等咗好耐。整體麵貴過飯，賣相吸引，因為外賣，所以想試咖哩飯，怕麵外賣會冇咁好食，點知咖哩6點已經賣晒，唯有試下麵啦，於是買咗個蝦湯蠔麵外賣，第一啖，湯好有蝦味，不過越食越咸，要溝返好多水，否則怕個腎負荷唔到。d配料都好味，但個湯真係太咸。8/1（星期一）問員工：豚肉同义燒係咪同一樣野，因為見佢一個標明义燒，一個就話豚肉，點知收銀答我唔係，一個一塊，一個三塊，頂，我唔係問數量，我係問個食物呀😓。最後試了個咖哩蠔豚肉飯，即三隻蠔同一塊豚肉，要記住，豚肉意思係你一塊，义燒意思係三塊🤣。見上次食唔到就呢次試下咖哩啦。都係外賣，呢次個炸蠔勁多油，個膠盒底濕晒，攪到隻炸蠔變咗濕蠔，但唔係熱到倒汗水果隻。咖哩麻麻，食過就算，可能價錢整體來講飯係平過麵（都幾多），飯$5x，麵$7x，所以上次咖哩飯好快賣晒，但試過唔會再食佢咖哩，有陣怪怪地味，但可接受既怪😑最後，請員工注意，食店最緊要係衛生，隨付杯茶加咗料 - 頭髮。新開張都有呢種問題，贏唔到口碑喎。

見新開 ，本身又好鐘意食拉麵就試下啦。好多人排緊應該只係因為新，要等10分鐘就照等 ，始終開係日式超市無期望就無失望麵質唔係我杯茶 ，唔係彈牙果隻比較張住口，主要係湯太鹹，較好嘅係叉燒正常size,湯底有櫻花蝦，有好大嘅進步空間。