龍寶酒家

营业中

休息中

是日在親戚推介之下，一嚐此餐廳之火鍋餐。餐廳對用膳時間十分嚴格，甫入座便開始計算用餐時間，若超過二小時三十分鐘便另作收費。由於有人要帶嬰兒出席，我們便只好在門口呆等。唯入座後侍應效率頗高，亦甚少漏單之情況。部份服務安排雖然未能做到體貼顧客之需要，但本人理解員工只是按程序做事，且他們之服務也不差，故服務仍有中等水平。火鍋配料不算多，但仍有肥牛、魚丸等基本配料。其質素也屬一般水平，例如肥牛不夠軟身，魚皮也不夠脆，唯份量不少，適合大食量之人士光顧。另外值得一提的是，餐廳亦提供了不少火鍋以外之食物，包括朱古力噴泉、咖哩牛腩，也提供了不少飲料及糖水選擇予顧客，為單調的火鍋配料菜單帶來一點生氣。座位略感擠迫，若桌子更大則更佳。整體而言，餐廳之出品可以接受，但與價格不成正比。

朋友們都說看筆者外表彷如細心溫柔的女生，事實是他們全被我的表面所矇騙，哈哈! 此話何解? 就是本身絕對屬粗魯大意之人，否則也不會將安裝在單反相機上的濾鏡被踫撞得傷痕纍纍。是次遊訪深水埗鴨寮街的目的就是補購有關損壞兼遺失的相機配件，由於不諳路向，故也尋找與問路好幾次，大熱天時，行得累了、雙腳軟了、肚子餓了，看見不遠處的龍寶酒家，不加思索便步進店內。此時正值下午茶時間，可以歇腳兼吃特價點心，心中不禁一句爽呀! 這家酒樓是沿區一貫平實街坊格局，不能以富麗堂皇去形容但亦地方闊落企理，加上開揚光猛，讓人倍感精神爽利。因為樓分兩層關係，上了年紀的茶客多選較方便的底層，我們位處上層少了份嘈吵外，人流相對也少。坐下不久邊喝水滾茶靚的龍井、邊拿起點心紙在劃劃劃，喝茶就有這個樂趣，小碟份量密密食，好讓顧客有更多選擇，沒有眼闊肚窄的煩惱，製作點心需時約20-25分鐘，因此店方建議上班人仕預訂心水。蠔皇叉燒包 中點 11.8元 (下午茶)超級肚餓時看到新鮮蒸起的叉燒包十分感動，一籠三個大大的包子熱騰騰，質地鬆軟有彈性，內裡充滿著叉燒餡料，肥肉不多，味道沒有普遍茶樓的濃重，要知道蠔皇通常是鹹味重，大概是因應區內

今年阿媽生日, 諗住食好d! 見龍寶近近地, 又有平價龍蝦食, 所以決定去食啦!坐左一陣, 有個自稱係果間酒家最大的經理走來落單, 開頭態度都ok....點知....當我地問佢$78 果隻龍蝦有幾大隻, 個經理就答: "一斤"囉! 作為一個普通食客, 其實我真係唔知一斤有幾大隻, 不過我都冇出聲.....但小妹的哥哥都並非善男信女, 隔左一陣, 再問果位經理, 咁隻龍蝦即係幾大呢? (當時哥哥仍未發火)個經理答: "一斤囉, 頭先咪同你講左囉!" 哥哥見佢咁答, 開始不滿, 同佢講: "咁即係幾大? 我唔識喎!"個經理話: "咁你唔識我幫你唔到喇!!!!" (態度頗寸) 真係火都黎! 呢d 係咩service 呀?? 哥哥再問佢: "你貴姓呀? 你對上仲有冇經理?"經理答: "我姓x, 我就係經理, 呢度我最大!!" 原來佢已經係最大, 唔怪得咁寸!佢地開始罵戰, 言談間, 我聽到佢地咁講...哥哥: "咁我真係唔知一斤有幾多嘛!"經理: "一斤咪一斤囉, 好似筷子咁長囉!"哥哥: "咪係囉, 你答我好似筷子咁長咪得囉! 我就係要呢d答案之嘛!! 我點知一斤即係幾大隻啫!?!

話就話兩個半鐘任食，一上到去叫個湯低，開始叫嘢食，第一轉落單，我叫左十幾樣嘢食，點知嚟得個五六樣，問d服務員，佢哋又話嚟近，咁我哋咪係到等下，點知等左三十分鐘，我哋又問d服務員，佢今次就同我哋講，d嘢食一張單係嚟一次，咁我哋咪即刻又落個張單囉，點知呢張單又等左我二十分鐘，到我埋單時，我一共落左六張單，但係佢只係嚟左三張單。我知你間嘢係好平，但係得個等字，有咩用呢？仲有，呢間嘢d服務態度，真係一d都無囉，問d服務員嘢，十問九唔應。真係無下次.....

呢間深水埗龍寶酒家]經理服務態度惡劣,03/06/2012我同家人到此飲茶不是因為他好味,而是因為就老人家,期間叫咗兩碟菜心,但因太大棵老人家好難進食所以問佢可否用剪刀剪開,佢即刻話冇得剪喎,我地唔會幫你剪,然後我地話唔要,佢又話冇得取消,期間態度惡劣,最後話我最多俾把剪刀你自己剪,最好笑係佢地呢間酒家係冇投訴方法,問其他兩間都話幫我唔到.另外不得不提二樓個厠所由如爆屎渠一樣,其中一格屎水滿瀉地下都冇人理會,簡直恐怖.........::

雞'啖啖肉', 很入味, 皮炸得很脆!少許骨, 很易與肉分開, 老人家吃沒問題, 味道酸甜, 很開胃, 少許士多啤梨片, 很特別!很美味, 調味很濃, 很多瑤柱, 亦很多豆苗, 讚!香脆海皇卷, 少許沙律醬及蟹肉和蝦在裡面, 小朋友喜愛!炒得很美味, 很足料, 斑球沒骨又入味炆在煲裡的茄子及其他配菜很濃味, 頭腩全都入味, 慢慢吃, 真有風味!不用多說, 伴煉奶一流的香脆鏝頭最受大家歡迎雖然伊麵是少了點, 但龍蝦真的很大隻, 芝士味超正, 完全是抵吃之選!

今日身體不適想去看中醫,book咗12點去睇,咁啱阿娘早起身就齊齊去咗飲茶,平時飲茶都只會來這間(附近有4間),上到一樓個阿姐話自己搵位,(唔緊要,一樓d野好食d),入到去搭枱,快手叫咗5樣野,有白焯菜心,千層馬拉糕,鴛鴦臘腸卷,翡翠蝦餃皇和滑雞絲粉卷,本來想問有無蒸飯(剛好至到10點半),個侍應阿姐就話等下唔知,咁我地就算啦,等咗15min終於有野食,就係菜心,份量大約7-8條,中等大條,都係收8.8蚊,都算合理,不過等多10min先再有食物到,真的頗慢,一來就來3籠為咗等會看醫生時可以看到我的敏感狀況,特地破戒吃蝦和雞翡翠蝦餃皇,食落都幾有蝦味,內裡的翠玉瓜增添爽爽的口感,鴛鴦臘腸卷是用臘腸和潤腸包成的,但我覺得潤腸好難吃(只是個人問題),所以光吃臘腸包都ok的,而千層馬拉糕記得多年前吃的時候,顏色鮮黃的蛋糕,咸蛋味很突出,很甜很好吃,現在的版本是,淡黃色的蛋糕,還嗅到有一點臭味,味道也遜色了,所以這只是為了破戒才叫的,把所有東西吃光光了,總共蒸了9個字的滑雞絲粉卷到了,粉卷都算滑,但一夾就散(聽說很多地方的雞絲粉卷都是),內裡材料加入了西芹,所以有點爽口和芹味很重中途見到有些熟客

爸爸說這間酒樓在報紙看過很多次廣告，一於今晚去試下!!晚市做緊推廣，一蚊隻雞或七十八蚊一隻龍蝦，假日要加多$10。來到門口才知道只可以選其中一項，有點失望，不過都明白的，他是避免有客人來叫一隻雞一隻龍蝦伊麵底便結帳走人吧!!哈哈!!我們三個人，只可以叫一隻，選了上湯+送伊麵底。$78來說算是大隻及多肉喇!!!幾好吃!!!另外點了這個什麼花膠翅，$68，對比$88有一大隻龍蝦有點點失望，不過味道及材料份量都算過得去的!!之後再點了最愛的蒜香雞，有點淡!!皮脆!!!最後還點了羊腩煲，羊腩有好多，都算幾濃味，我同爸爸一早就停手了，實在太飽，剩餘了差不多半煲，在手袋裡拿出了午飯盒，打包走人!!這個份量三個人吃實在太多了!!不過因為專程出來試，便試多幾款吧!!!P.S:不喜歡這裡的服務，地點不太就腳，食物普通，不會再有下一次!

第一篇食評，獻給鄰近屋企的中式酒樓。龍寶酒家坐立於長沙灣這個街口已有不少年頭。前身是龍蝦專門店---漢寶酒樓。多次易手、人事調動後便有今天的龍寶。大概老闆仍是同一人，龍寶的龍蝦水準亦不錯，加上晚市正在推廣，便去試一試。$78一隻龍蝦 (星期五、六、日及假期加$10), 我們吃的便是$88，不過價錢亦算十分超值吧!! 我們於是點了兩隻，一隻上湯焗(伊麵底)，另一隻則以蒜蓉蒸(粉絲底)，兩人都可嚐盡兩款味道。(上湯焗的，因為蒜蓉蒸的一隻較遲上桌，等不及拍照了)兩隻龍蝦的體型不算大，但真的十分「好肉」。蝦頭及鉗位的蝦肉都飽滿。我們兩人都喜歡上湯焗，因為帶出來的味道較鮮甜。蒜落蒸的反而沒有相像中般濃味，而且可能因為上桌時我們已在享用上湯焗的一隻，閒置在桌上時間長，令肉質好像「收乾」水似的。(太餓的關係，吃到尾聲再拍照，但都可見十足好肉!! 惟豬皮真的很油)另外我們點了德國豬手，因為平時在家較難煮 豬手很肥美，倒是黑椒汁好像過於油膩了一點。不過是送飯的好推介!!總結: 龍蝦以一分錢一分貨的概念而言是絕對超值的(上一些較好的餐廳點一隻大頭蝦都動輒過百了吧)，難怪約七時已差不多滿座。二人連加一茶芥

清明節有一天公眾假期約了家人聚會，問阿爸有什麼好介紹，佢話去龍寶飲茶夠抵，有午市套餐，點心都幾多款式。龍寶在該區算是街坊茶樓，幫襯的都是在該區居住的街坊，我阿爸就是住該區，所以我們當然聽他的好介紹。此鋪位前身為漢寶，改名為龍寶，兩者都有個”寶”字，唔知有沒有關係，不過作成食客，最重要是品嚐美食，名字只是個記認，食品造得出色，口碑好就不愁沒客，所以我今天幫襯都要等了一段時間，我們選不搭擡區，茶錢是六元，比搭擡區貴一元而已，茶錢很便宜了，新一派的酒樓要八元至十元的茶錢呢。一坐下就急不及待拿著點心紙剔呀剔，跟著又點了一款套餐，套餐雖然寫3至4位用，但我們一行九人都可每人吃一點，加上大量點心，最後個人個都捧腹離坐。今餐茶我們點的點心有:1.腸粉三款，包括叉燒，羅漢上素腸及蝦腸。皮不太厚也不太薄，算OK喇，蝦腸真是大大隻蝦，只售14.8，抵食。2.蝦餃也是另一款抵食之選，大大隻，12.8，叫了兩籠全部吃清。3.鵪鶉蛋燒賣，我弟一人吃了兩件，肉味夠，蛋味濃。4.燒汁煎釀茄子:叫了兩碟，全因燒汁調教得很好味，把本來平平無奇的茄子增添了食味，煎出來的魚肉也很甘香，唯一不足是上檯時不夠熱。5.蜜汁叉燒酥

婆婆本身响深水埗住,成日都去龍寶飲茶食飯,這裡差唔多变成我同親友嘅飯堂.要講此店嘅味道好好咩,又唔覺喎,不過入得口同填飽個肚,就一定冇問題.今次舅父請客,叫咗個翡翠全包宴嚟食,詳細介紹如下: 乳豬皮脆但肉質唔算嫩滑,皮與肉之間肥膏過多,唔係太滿意.西芹炒桂花蚌花枝片,西芹爽口,配埋桂花蚌嘅鮮味,花枝片夠爽彈,味道ok.瑤柱金菇西蘭花,瑤柱金菇所做嘅芡汁太鹹,西蘭花又太硬,味道嘛嘛.清蒸大海石斑,蒸嘅時間啱啱好,肉質鮮嫩,豉油調較得剛好,唔鹹唔淡.炸鳳尾蝦,香脆乾身,唔會食到成口油,加椰絲來炸,食出啖啖椰香味,好好食.紅燒蟹肉翅,冇蟹肉,冇乜翅,生粉水,唔好食.蠔皇鮑片鵝掌,鮑片軟腍,味道算鮮,鵝掌質感腍滑,入口即化.墊底生菜爽口,整體味道ok.炸子雞,皮脆肉嫩,惹味香口,雖然係冰鮮雞,但整得幾好.蟹肉燴伊麵,芡汁一pat pat,冇蟹肉,伊麵過腍,好難食.鮮蝦鴛鴦炒飯,蝦肉係雪貨,冇乜味,白汁這边比較漏,茄汁這边甜酸適中,味道尚可.壽包熱辣辣,外皮鬆軟,不過蓮蓉餡過甜,味道一般啦!!紅豆沙,有少少陳皮香,煲得亦起沙,如果甜度減番少少會更好.鮮果拼盤,西瓜清甜起沙,菠籮有少少酸,新鮮度尚

有日經過見到塊大帆布寫住"一蚊嘆早茶", 頗吸引星期一至五早茶$8.80起, 搭枱區茶錢$5/位, 非搭枱區茶錢$6/位優惠點心$6.80起, 還有$1眉豆豬骨粥/美國牛肉炸菜絲蒸飯(每茶客限叫一款)懷舊黄糖糕, 好淡味(可能叫清呱！)可是有層油在糕面, 有些油益味 黄糖糕沒有酸味但好像白糖糕般有些氣孔。香煎紫菜花姿餅, 都幾油膩但係都有花姿粒, 韌韌地有咬口。臘腸滑雞煲仔飯, 沒想過會飯粒分明, 飯味甘香, 爽口煙韌, 臘腸和雞件都ok, 總之飯最為吸引。干蒸牛肉, 普通啦！不過我這籠好像蒸得有點過火, 發大似的。鯪魚球有少少腥。上湯鮮竹卷, 個湯好淡, 白開水般......鮮竹卷的內餡豐富, 腐竹豆味ok。美國牛肉炸菜絲蒸飯, 唔好講笑d炸菜鹹到不得了, 好彩送菜員無落豉油落飯, 飯底同樣美味只係炸菜嚇死人論價錢真係好抵, 但真係一分錢就一分貨囉......

街坊生意, 求奇填得飽肚, 都唔會有太大要求, 但此酒樓既代客之道真係令人眼前一亮!!!!小弟今日下午2點到此酒樓飲茶,由於2:30分係下午茶時段, 所以同屋企人到達後先叫左少少點心, 諗住下午茶時段再叫, 享受下優惠咁, 入左點心紙後, 過左5分鐘左右就開始有點心黎, 邊食邊等下什茶時段既來臨, 點知噩夢開始喇!!到左下午茶時段,我地再入點心紙, 但今次等左超過半小時都未有點心送到, 問左1位女侍應, 剩係好敷衍咁話黎緊, 我地再等多陣, 見有一大部點心車推緊黎, 點知全車都係附近枱既, 分晒都冇1籠係我地, 越等越唔對路, 我地諗 : 冇理由咁耐o架, 至少咸水角都應該到左啦, 半個鐘喇喎!! 最後我地決定唔到等, 於是要求取消所有下午茶時段所入既點心, 並打算結帳離開,但呢個時候, 頭先問邊佢野既o個個女侍應先以說話單單打打, 並說出 : "個個都係咁等o架啦!你估剩係服侍你地一個啊!!" 之說話....小弟全家起初未無與他計較, 並到櫃枱結帳, 但此惡女侍應竟走到櫃枱再以說話挑釁!! 我地終於忍住, 同佢引發起駡戰~! 此酒樓代客之道真特別~!都係o個句 : 以後唔駛旨意我地再

上星期六去女朋友家附近酒家食飯.叫龍寶酒家一行三人,去到門口見廣告好大,上面寫住,$1隻太爺雞任叫任食.當然上去試試.一座下開茶後,就叫一隻雞先,部長就先落單後寫其他菜.見到餐牌先知有好多好平食品.認真底食.3人叫2煲雞煲鮑翅$48.. 1煲遼參翅$58家鄉扣肉煲.蒸條海燕星斑約12兩重$118食完餐飯叫了3個椰皇燉雪蛤$22個埋單問經理系唔系$1雞任叫任食,經埋先派張咭片比我.然後就同我地講.真.....公司口號是真的著數,假不了.....每檯客人只要有3位或以上就可以任叫任食.我聽到後下星期一定約其他朋友冉再去多次,龍寶酒家.可以接受深水埗有一間大眾化酒家,食品友ok.真是好

如果我早d上o黎睇到d食評,就唔會有呢次咁勞氣o既經歷!!!上個禮拜六去完明愛醫院探病,於是4個人搭van仔走求奇搵間舖諗住打邊爐,點知咁唔好彩會揀著呢間瘟神酒樓去到樓下同個知客講要食火鍋,佢同我o地講火鍋冇位,要等,當時已經有一男一女o係度等緊,我見佢o地手上面都冇拎籌,於是冇出聲問個知客拎籌,但係我個妹夫見已經有多過一檯人等,於是就叫我細妹問個知客拎籌.個知客只係問o左我o地幾多個人,就話唔駛拎籌,佢認得我o地,我見當時大堂就只有之前o個一男一女同埋我o地4個,所以就信佢搞得掂,點知就出事喇!!!等等o下有4位男士入o黎,都係要食火鍋o既,個知客同佢o地講冇位,之後唔知o個4位男士同個知客講o左d乜,個知客就問佢"gas爐介唔介意?",o個4位男士話唔介意,個知客就即刻寫紙仔俾佢o地上樓我o地見咁,咪即刻埋去問個知客,點解佢o地遲o黎反而可以有位?個知客即刻"咦咦哦哦"咁,又話以為我o地係同一班人,又話一時唔記得o左,總之就係搵d咁成理由o既藉口o黎敷衍我o地,比我o地先o黎o個對男女見我o地開聲,於是都走埋o黎問埋一份,我見佢o地的確比我o地先,於是俾佢o地問先,個知客都係問佢o