龍宮餐廳小廚

营业中

休息中

放假唔想係屋企煮早餐，唯有出街食早餐，近近地去附近茶餐廳食個早餐先。去到唔使等就有位坐，望望四圍張貼既餐牌，於是乎叫個西式早餐C餐:火腿太陽蛋牛油方包，炸雞翼麵，熱咖啡少奶。不久，食物便端上桌面...先上炸雞翼麵，有兩隻炸雞翼，似乎炸得幾靚甘喎，少少過火，食左一啖，內裡好熱，應該剛炸起，雞皮好脆，有肉汁夠滑，味道唔咸適中，但某小部份搽多左少少麵粉，食落口成舊麵粉，炸雞翼應該放係細碟另上，這樣不會把雞翼浸湯浸淋晒，食落口淋晒唔好味, 冇晒口感。至於啲麵淋左少少啦！如果煮番爽身啲就好啦！至於火腿太陽蛋牛油方包呢......火腿凍，而且冇煎過，似切完放上碟。太陽蛋煎得幾靚，蛋邊周圍沒有煎燶，但落太多油，食完成口油淋淋，牛油方包很新鮮，但牛油搽得多左啲。如果烘底要加$1蚊。呢杯咖啡少奶，咖啡味苦，落左少少糖中和番啲咖啡苦味，容易入口好多。是次早餐消費係$26, 价錢算平鋪內坐位可容納約28人，如果坐滿人都真係幾逼，好彩門外有坐位，可供吸煙人士在外用餐，好有大排檔feel...講真食物質素，環境一般，勝在覺得平咋。

宜家要搵二字頭既早餐真係有D難度，雖然大X樂，大X活都做到，但係日日同款再唔係就未必飽..今日去產檢之前，食左個靚早餐，都幾飽架!叫左個A餐，腸仔炒蛋+牛油方包+沙嗲牛肉麵($26)，腸仔同蛋都整得唔錯，不過油多左一點。蛋雖然得一隻，但係應該放左鹽去炒，所以咸咸地有D味，唔錯。牛油方包就孤寒左少少啦，D牛油好少呀!都唔夠查晒一塊麵包 沙嗲牛肉麵個湯我相信係清水，無乜味..好在個沙嗲牛肉味重，沙嗲味好香濃，撈埋D麵一齊好好食，又香。牛肉都有5,6片，林林地咀嚼感好好!臨走飲埋杯夠濃味，夠晒甜既熱好立克!(我無落糖) 飽晒!!!一間街坊茶餐廳可以$26有個FULL SET早餐食，已經好好架啦!