影片
放假唔想系屋企煮早餐，唯有出街食早餐，近近地去附近茶餐厅食个早餐先。去到唔使等就有位坐，望望四围张贴既餐牌，于是乎叫个西式早餐C餐:火腿太阳蛋牛油方包，炸鸡翼面，热咖啡少奶。不久，食物便端上桌面...先上炸鸡翼面，有两只炸鸡翼，似乎炸得几靓甘㖞，少少过火，食左一啖，内里好热，应该刚炸起，鸡皮好脆，有肉汁够滑，味道唔咸适中，但某小部份搽多左少少面粉，食落口成旧面粉，炸鸡翼应该放系细碟另上，这样不会把鸡翼浸汤浸淋晒，食落口淋晒唔好味, 冇晒口感。至于啲面淋左少少啦！如果煮番爽身啲就好啦！至于火腿太阳蛋牛油方包呢......火腿冻，而且冇煎过，似切完放上碟。太阳蛋煎得几靓，蛋边周围没有煎㶶，但落太多油，食完成口油淋淋，牛油方包很新鲜，但牛油搽得多左啲。如果烘底要加$1蚊。呢杯咖啡少奶，咖啡味苦，落左少少糖中和番啲咖啡苦味，容易入口好多。是次早餐消费系$26, 价钱算平铺内坐位可容纳约28人，如果坐满人都真系几逼，好彩门外有坐位，可供吸烟人士在外用餐，好有大排档feel...讲真食物质素，环境一般，胜在觉得平咋。
继续阅读
宜家要揾二字头既早餐真系有D难度，虽然大X乐，大X活都做到，但系日日同款再唔系就未必饱..今日去产检之前，食左个靓早餐，都几饱架!叫左个A餐，肠仔炒蛋+牛油方包+沙嗲牛肉面($26)，肠仔同蛋都整得唔错，不过油多左一点。蛋虽然得一只，但系应该放左盐去炒，所以咸咸地有D味，唔错。牛油方包就孤寒左少少啦，D牛油好少呀!都唔够查晒一块面包 沙嗲牛肉面个汤我相信系清水，无乜味..好在个沙嗲牛肉味重，沙嗲味好香浓，捞埋D面一齐好好食，又香。牛肉都有5,6片，林林地咀嚼感好好!临走饮埋杯够浓味，够晒甜既热好立克!(我无落糖) 饱晒!!!一间街坊茶餐厅可以$26有个FULL SET早餐食，已经好好架啦!
继续阅读