龍亭

之前食過佐敦嗰間，覺得食物質素唔錯，可以近距離見到師傅處理食材，見到佢中環開咗分店，一定要去支持。廚師發辦套餐-5道菜 $588 沙律粒龍珠果真係畫龍點睛，酸酸甜甜超級好食，三文魚配埋個黑醋汁亦都係一流嘅配搭。鐵板海鮮兩品南非鮑魚鮑魚洗得好乾淨，睇得出師傅對食材嘅用心處理。用特別處理過嘅蒜蓉同鮑魚一齊燒，鮑魚亦都有漬過去處理，咬落去爽滑彈牙口感一流。北海道帶子牛油煎帶子一定冇得輸，今次做得幾有驚喜，食材非常新鮮，食到有新鮮嘅海水味，再配埋黑松露令到帶子嘅鮮味再次提升，配埋最底個翠黃瓜一齊食可以解膩。鐵板肉類一品澳洲牛柳粒，師傅特別揀咗一啲冇筋嘅位置，唔會咬咬下咬到筋咁突兀，口感一流，肉味重，食到停唔到口，佢個自家炸蒜都好好味。炒飯炒飯真係超級有驚喜，用蘭黃蛋放落去一齊炒，色澤超驚艷，再配埋佢自家特製嘅海膽醬，炒嗰陣時嗰陣香味真係令到人流晒口水，見到每一粒金黃色嘅米，喺鐵板上跳下跳下，真係睇得出師傅嘅功架，食落去真係超級好味。甜品食埋甜品真係一流醉樂無極大吟議 $180同師傅一齊飲返兩杯，多謝返師傅今餐真係整得好好食

之前食過佐敦嘅龍亭，最近知道中環開咗新分店，去開中環馬上book位試吓，新店環境光猛闊落，坐得舒適，師傅仲話如果下次多幾個朋友一齊黎可以包房第一件事揀返支清酒開黎飲返杯先🍶Chef介紹咗一支比較爽口嘅清酒俾我哋，要特別提一提啲酒杯係有十二生肖揀架(暴露年齡系列）😆好精緻揀左五道菜鐵板餐，有頭盤、海鮮兩品、肉料理一品、鐵板炒飯、甜品頭盤煙三文魚配黑醋黑魚籽配埋龍珠果，清爽開胃🤤兩款海鮮都好新鮮，特別鐘意今次個鮑魚師傅話有別於過往做法，鮑魚先有清酒漬過，所以用鐵板煎完之後，食起上黎特別滋味見到師傅用牛油溶液慢慢加入鐵板嘅帶子上面，再逐面煎香，配埋意大利黃瓜，好好味每次肉料理一定係食牛😆師傅功架十足，五成熟牛柳煎得剛剛好，將所有肉汁都鎖住，一啖一口勁juicy 每一次食鐵板燒都最期待個炒飯，今次嘅炒飯加咗大量海膽醬一齊炒，乾身得黎又無留到米粒嘅軟熟濕潤食埋ending杯紫薯雪糕🍨💜大滿足

出糧食好野系列，今次食鐵板燒。📍中環 龍亭鐵板燒有五至十個道菜揀價錢由💰588到1888，我同朋友揀咗入門廚師發板套餐（五道菜）人均💰588就有海鮮🦞鐵板燒omakase❗️❗️開放場廚房仲可以即場睇住大廚為你整鐵板燒，係視覺，嗅覺，味覺多重享受。🥢前菜：炸蒜，中華沙律，薑片🥢招牌沙律係黑松露三文魚沙律，黑松露提升左三文魚既層次，三文魚新鮮冇筋。🥢南非孔雀鮑魚x特大虎蝦大量蒜同鮑魚一齊燒，蒜🧄滲入鮑魚每一個部位，好香仲有一種清甜。大蝦啖啖肉。🥢搭配黑松露牛油🧈煮北海道帶子，牛油鎖實帶子水份，燒完冇縮水，濃濃既黑松露大廚燒緊我已經流晒口水🤤。食用豆疊花泡泡🫧帶黎一陣清新，精緻嘅擺盤係視覺味覺既享受。🥢牛油香燒澳洲牛柳粒，呢個牛柳粒好厚實，牛油逼出牛既油脂，令牛肉更香口。牛油就咁點鹽就好好味，如果想有層次啲可以搭配炸蒜或者係蘿蔔。🥢日本去骨宮崎雞髀雞髀肉係成隻雞最滑既部位，食極都唔厭，大廚👩‍🍳燒完递比我仲出煙，雞皮煎到金黃色好似薯片咁脆，雞肉仲好嫩滑。大廚調配左兩隻醬一個係辣醬，一個係美乃滋，比我地有一雞兩味，我個人比較喜歡辣味。🥢三文魚子大蝦黑松露海膽醬炒飯。每次食鐵板燒去到炒飯都差唔多，