鼎·會館 (已結業)

自從睇完鼎爺套「阿爺廚房」，一直都想試下鼎爺開既私房菜，本打算同屋企人試下訂午饍，打電話過去book位時，才知道私房菜只供應晚市，職員推介左鼎爺開既第二間餐廳-鼎·會館俾我地，話lunch都可以食！媽咪生日就到，就帶兩老黎試下鼎·會館，所以一個禮拜前訂左呢間位於皇后大道中H Queen‘s既鼎·會館同媽咪慶祝生日。鼎·會館剛剛開業，但可能因為鼎爺既名氣，星期六午餐時間都幾爆，我地1:30到達時餐廳都已坐滿客，一開lift，就見到一比一大小的鼎爺人形紙板迎接我地，倍感親切。😂整間餐廳以中式作為裝修主調，壁畫上有青花瓷和荷花等圖案，古色古香，恍如置身於江南小鎮一般，而且位於23樓，景觀開揚，還有個小露台供顧客休息，讓人很放鬆。餐廳午餐提供兩款套餐，我地揀左$498位嘅行政午市套餐，套餐包括燒味雙拼，螺頭燉雞, 鮑魚扣柚皮再加3款自選小菜同甜品。3款小菜我地就揀左宮保明蝦球，桂洲頭菜蒸斑球和金菇粉絲蒜茸蒸貴妃蚌。松茸螺頭燉嫩雞第一味係松茸螺頭燉嫩雞，燉盅上有個’鼎‘字，超有氣勢😂😂, 燉湯味道鮮甜，用料也非常豐富，媽咪好鍾意。燒味雙拼套餐嘅燒味雙拼係燒腩仔拼醬油雞，醬油雞甜甜地，也非常鮮嫩

鼎爺神乎其技烹調傳統手工菜的功架相信沒有人會有異議，開設私房菜後，很多友人慕名而至，但因為需要訂上一圍而卻步。最近於中環開設的鼎.會館人數可以少至兩人，就襯星期天的中午小試牛刀。位於中環的鼎.會館裝修古典高雅，很有高級中菜館的格局。星期天的中午陽光普照，居高臨下可以走出露台遠望維港景色，實在令人身心舒暢。午市套餐有兩款，據聞自選小菜每星期會轉換款色，當天亦轉換了韭黃玉帶炒滑蛋及豉香欖角骨。為了一嘗心願，叫了價錢較相宜的行政午市套餐。松茸螺頭燉嫩雞燉湯湯色很清，但菇菌螺頭味道非常濃郁，每一啖像是濃縮精華一般，湯料味道盡出。燒味雙拼燒味雙拼為燒腩仔及油雞。燒腩仔外皮燒得酥脆鬆化，腩肉肉質嫩滑，油脂豐富。油雞豉油味不濃不淡剛好，雞皮油脂略厚。南非湯鮑扣柚皮整道菜亮點似是柚皮，柚皮鬆化無苦澀味，既腍且滑，上湯扣至入味。南非湯鮑刀叉享用，煙韌彈牙，味道香濃。銀蘿清湯牛坑腩牛坑腩切成兩大片，炆得很腍，入口即溶，牛味非常濃郁。清湯不算油膩，可以一同喝下去。韭黃玉帶炒滑蛋炒蛋香軟幼滑，蛋汁豐富蛋味亦濃，韭黃清香，細滑甘甜。兩者均能提升帶子嫩滑鮮甜彈牙感。豉香欖角骨欖角鹹中帶甘，與肉多骨少的半肥瘦腩排很

媽媽今晚出發去生日旅行, 我地約左lunch先係中環同佢食完生日飯, 佢地再直接搭機場快線出發。我地訂左位於皇后大道中H Queen's嘅鼎·會館同媽媽慶生, 朋友係之前去過, 非常推介呢度嘅行政午市套餐。鼎·會館係鼎爺開嘅第二間餐廳, 餐廳剛開業不久, 不過因為鼎爺嘅名氣, 餐廳已經非常有人氣, 雖然星期日中環客人比平日少, 但我地去到時都已經坐滿左大半間餐廳。餐廳位於H Queen's 23樓, 裝飾好有格調, 景觀非常開揚, 採光度高, 環境好舒服。😙餐牌設計簡約, 午市套餐有兩款, 我地揀左$498位嘅行政午市套餐, 套餐包括燒味雙拼, 螺頭燉雞, 鮑魚扣柚皮再加3款自選小菜同甜品, 因為係媽媽嘅生日飯, 自選小菜當然全部都係俾佢揸主意啦。😁行政午市套餐 $498松茸螺頭燉嫩雞套餐會先上燉湯, 湯壺非常有造型, 中間仲有"鼎"字logo, 燉湯味道濃郁而且唔油膩, 螺頭同松茸好多, 超級鮮甜。😍燒味雙拼套餐嘅燒味雙拼係燒腩仔拼醬油雞, 雞肉好嫩滑而且好入味, 燒腩仔皮脆肉嫩, 沾上特製醬汁, 好味之餘唔覺油膩。👍南非湯鮑扣柚皮鮑魚炆得好軟腍入味, 不過我地都覺得主角係烹調好花功

幻想總是美好的．現實總是殘酷的逢星期日下午重播阿爺廚房，睇到流口水，剛剛配合鼎爺開新菜館，和友人二話不說就相約到鼎會館晚餐。前菜-蚵仔卷阿爺廚房節目中鼎爺用豬網油卷起蚵仔炸，現實係...一個好普通的炸漿，唔脆，好失望。除左蚵仔入面仲有膶腸，學鼎爺話，甘香。可惜，鼎會館的出品唔夠熱，成個前菜又油又唔脆，唉。湯-雙耳燉鮮蟹拑湯原價每位三百幾的燉湯，買一送一就即管試下。蟹拑的確厚肉又大件，但是湯非常普通，就算是買一送一都非常不值。主菜-桑拿雞雞肉是嫩滑的，而且已經去骨，啖啖肉! 配合紅棗、雲耳同蟲草花，冇驚喜，算是不過不失之作。附上每位半碗濃雞湯，反而比雞肉更討好。主菜-紫晶生炒骨賣相討好但是令人相當失望。排骨超薄切，是一片片的排骨。味道單薄，配菜毫無亮點，寥寥可數的火龍果，這個招牌菜完全不合格。絕對大部分中菜廳都會做得更好。主菜-芥蘭兩味幸好平平無奇的菜式反而最好食！砂鍋上的芥蘭有少少焦香，芥蘭夠綠夠脆夠甜！好食！總括而言，質素和價錢不成正比，有太多更好的選擇，應該不會再訪了。只是放鼎爺的紙牌在門口招徠，沒有符合觀眾期望的質素，是好難持續吸引人到訪的。

今日好朋友生日，我哋準備咗份禮物俾佢，因為平時佢比較鍾意食，亦知道鼎爺喺中環開咗一間新嘅餐廳，我哋成班朋友就請佢去大食一餐慶祝！哈哈！一出𨋢就見到鼎爺嘅紙牌招呼我哋！餐廳設計同銅鑼灣嘅鼎爺私房菜有啲分別，有分開VIP房同大廳嘅座位，方便如果人數比較少嘅朋友都可以食到！餐廳用咗四合院嘅設計，好有古代嘅感覺！餐牌設計都花咗心思！另外價格亦有分個人一位價錢(兩位起)同散叫一碟小菜，鍾意食邊樣叫邊樣嘅慾望！聽講秘製火焰叉燒好出名，所以係我哋必叫嘅！原來係會即場推個火爐喺客人面前加熱，滿足埋視覺嘅享受！叉燒質感好嫩滑，一層一層油肉分明，咬落好淋身唔會覺得好肥膩！值得推介！另外叫咗一碟桂花蟹肉炒瑤柱，上枱先知道唔係有真正嘅桂花，係因為將瑤柱炸成好似桂花粒咁放係面，材料仲有蟹肉、蛋、芽菜炒成，入口好鮮好清淡，而且每一啖都會有齊四種食材，証明大廚炒得好均勻！再嚟叫咗一碟鬼馬牛肉，多數形容鬼馬都係油炸鬼，廚師將油炸鬼炸到好香脆！原來牛肉係用咗牛頸脊去炒，呢個部分特別嫩滑，入口質感嫩滑得嚟好有牛肉香味，有衝動好想叫多碟食，哈哈！最後叫咗個西班牙臘腸野菌雞煲飯，係用西班牙腸加黑松露同鮮雞，由生米煮45分鐘而

之前看『阿爺廚房』已經見識過鼎爺的廚藝，上年知道他開了鼎爺私房菜，一直都想去試真章，但餐廳實在太受歡迎，經常一桌難求，加上我們人數不多，私房菜又有最低消費，所以遲遲未有機會一試。最近知道鼎爺在中環開了新餐廳，私房菜有約一半菜式都可在這兒吃到，而且可以散叫，我們人少少都無任歡迎，就趁著媽媽生日訂座。餐廳裝潢典雅，光線柔和，桌與桌之間有足夠空間，讓人坐得舒適又不失空間。新店雖然少會見到鼎爺，但菜式由鼎爺設計和監督，還是讓我們超級期待！秘製火焰叉燒是店內招牌，還要在食客面前親自火焰，未食已經非常吸睛。叉燒選用本地豬肉，燒得外層微微焦香，內裡卻鬆化腍身，一咬油脂香洋溢，確實好吃。中環很多差不多定位的中菜館的叉燒都用黑毛豬，我個人雖然比較偏愛黑毛豬比較實彈一點的口感，但有看過『阿爺廚房』就會知道鼎爺選用本地豬肉就是想做出傳統叉燒風味，背後的心思值得欣賞。蚵仔卷是我最喜歡的一道菜，大廚以豬網油做成炸漿，包裹蚵仔、潤腸、西芹和芹菜等配料，外酥脆內豐富。單看炸漿的薄脆程度，就知這是心機菜。桂花蟹肉炒瑤柱材料有芽菜、蛋、蟹肉和炸過的瑤柱，是比較家常的一道菜，味道平實卻味道很好。芽菜和蛋炒得乾身而不油膩，

一直以來也很想嘗嘗看鼎爺的私房菜，聽聞這次在中環開了新分店，便預約了前來一試。秘制火焰叉燒。由店員先在炭燒架上淋上玫瑰露酒，效果已經很吸睛了，再把叉燒兩邊燒至微焦。上碟時已經聞到陣陣燒烤香味。叉燒是用本地黑毛豬，可以看到肉是一層一層半肥瘦的，食起來果然很松化，也食到焦脆的外層，加上厚切更有口感！另一款蚵仔卷是用豬網油包起來炸，裡麵包住蚵仔、芹菜和潤腸，蚵仔卷真特炸得香脆，不會油膩，又食到三個食材的味道，特別是潤腸的味道恰到好處，很滋味，這個配搭我真是第一次嘗試！鬼馬牛肉的牛肉用上本地新鮮牛頸脊，加上薄薄的油炸「鬼」和「馬」蹄，所以食起來脆卜蔔。但主角牛肉本身已很好食，牛味突出，而且牛頸脊的牛肉紋路分佈平均，所以十分嫩滑，可見食材的選擇很認真。鮑汁蝦籽柚皮，這個功夫菜也很推薦。原來餐廳會每天把柚皮榨幹，食起來完全沒有「楂」，卻不會過軟身，反而做到像冬瓜蓉的口感，軟綿幼滑有質感。銀杏鮮腐竹扒翡翠。看似普通的一道菜，味道卻也不遜色。白果腐竹和鮮嫩爽脆的白菜仔，配搭上很和諧，而且味道鮮甜，健康又美味。西班牙臘腸野菌雞煲飯。一上桌就已經嗅到濃濃的黑松露香氣，已教人食指大動。除了香濃的黑松露香外，

憑烹飪節目《阿爺廚房》人氣急升，今日特意帶母親大人來「鼎·會館」食飯， 一睹偶像風采。大堂放著鼎爺俏像， 流露著鼎爺嘅霸氣， 好型！ 「鼎·會館」位於中環皇后大道中80號H Queen's 23樓，環境氣派十足，掛上大型蓮花水晶燈，餐廳以四合院設計為題， 牆身畫上古式花瓶， 椅上擺放着綉花枕，坐位背後亦擺放通花屏風，非常優雅， 十分舒適。 招牌菜《秘製火焰叉燒》，店員將已燒好的《秘製叉燒》放上烤爐上，點火後變成《秘製火焰叉燒》，忽然聞到陣陣香味， 酒香樸鼻，實在太吸引。 採用了黑毛豬醃製的义燒， 肉味特別濃郁， 半肥瘦义燒， 肥瘦分明， 味道十足， 沾上麥芽糖就更加惹味啦！《蚵仔卷》以豬網油包裹蚵仔、西芹和潤腸，加上脆漿一起炸， 外層十分鬆脆， 口感和味道都好夾， 好食！ 賣相非常吸引的《紫晶生炒骨》， 材料十分健康， 用了新鮮水果，用了紅火龍果和甜菠蘿，再配三色椒和洋蔥， 味道十分清新， 因為鼎爺用了酸梅同青檸作調味， 味道獨特， 有別於平時的生炒骨， 非常特別！ 《西班牙臘腸野菌雞煲飯》， 經煙燻處理的西班牙臘腸，十分惹味， 帶有鹹香。 雞肉嫩滑， 雞味十足， 再加上野菌， 味道多

生日飯第一擊, 好🉐️火焰叉燒: 三層肉肥瘦分明、燶邊、鬆化阿爺桑拿： 全起骨，淡淡好花香、再伴有雞湯，尤如步入仙境一樣白雪藏龍：蛋白滑溜，味道清淡卻帶出龍蝦的鮮味，高深莫測潤腸釀乳鴿腿： 個人認為比農圃的糯米釀雞翼更為出色，潤腸的香油滲入整隻乳鴿腿內、香氣四溢係好貴、但覺得大開眼界服務殷勤、招呼周到

其實我好喜歡睇煮食節目，基本上翡翠台多套製作我都好捧場，數一數，有美女廚房、今晚食乜餸、食好D 食平D、蘇Good等等，當然不少得阿爺廚房。兩輯都睇晒，近排還翻睇，看着鼎爺的巧手刀功，真的令我讚嘆不已！齋睇又怎能滿足？一於親口品嚐鼎爺的菜式。鼎爺有兩間粵菜館，分別位於銅鑼灣和中環，而後者就設有套餐和散點菜式，故今晚就選了位於中環的「鼎•會館」。一出升降機門就見到一大座「鼎」字的通花木雕，充滿中國色彩。內裏裝潢既古典優雅，亦不失氣派，單單掛着正中央的巨型蓮花水晶燈，貴麗堂皇，氣派十足。還有牆身畫上古式的花瓶、蓮花、椅上的綉花枕、通透花屏風等等，古色古香，優雅舒適。設有多張寬敞舒適的四人圓枱，亦有間區和二人枱。翻開設計華麗的餐簿，每頁都附上精緻的菜式相片，相當誘人。菜式選擇不少，有品嚐宴、鼎爺家傳手工菜、涼菜、小食燒味/家禽、湯羹、鮑魚海味、活海鮮、肉類、蔬菜、主食和甜品。*****************************先來一道又睇得又食得的秘製火焰叉燒 Barbecued Pluma Pot in Flame, Ding’s Style ($328)。店員把其端上枱後即席點火，

其實一直都想試試鼎爺，奈何私房菜價錢較高又難約，早前得知鼎爺於中環餐廳，主打由與鼎爺夥拍超過30年經驗的資深大廚李翔師傅精心設計，揉合新派做法，精緻的手工粵菜，重點是價錢尚算在可接受及負擔的範圍，這次便趁和長輩慶生來嚐一下。鼎爺開的餐廳，當然不會少了鼎爺坐鎮。餐廳的環境同樣走中國風，以四合院為題，有不少細節位，座位亦很舒適。秘製火焰叉燒 $328捧出來才燒給大家看，看著火光熊熊都已經想吃。因為上菜前加上海鹽、玫瑰露酒再燒，選叉燒的脂肪比例會較重，聞上去有淡淡焦香夾酒香香。咬下去外層香脆，肉質鬆化口感油潤，一層膏一層肉有點融為一體的的感覺，不會覺得油膩。懷舊蝦多士 $128/3件整隻蝦製成的蝦多士賣相好看，炸到金黃色但不太脆，蝦肉底下還有一層蝦膠，蝦肉紮實有彈性，蝦膠爽彈重蝦味。鮑汁蝦籽柚皮 $128這道鮑汁蝦籽柚皮有驚喜，聞上去有蝦籽的香，柚皮的口感很軟稔，完全沒有粗糙感，甚至可以用入口即化來形容，根本不像在吃柚皮，不只做到零澀味，更用鮑汁炆得很入味，連我這個平常不太吃柚皮的人都覺得好吃。正宗乾炒牛河 $238乾炒牛河絕對是考廚師功夫之菜，這裡選用嫩滑的牛肉眼切成片，河粉亦每天新鮮製作

比起千千聲嘅私房菜呢邊取向明顯親民得多，九道心思手工菜令人食得津津有味。頭盤龍蝦兩味印象深刻，一邊類泰式沙律處理酸甜開胃，另一邊以泡椒上汁帶微麻辣夠醒神。之後三小碟精緻創新，特別係中間嘅麻香口水竹絲雞，係一個麻辣版嘅雞絲粉皮，由夏天清涼嘅青瓜麻醬，變成入秋保暖嘅麻辣，雞都轉為滋補嘅竹絲雞，化解麻辣帶來嘅火氣兼為開始乾燥嘅天氣帶上一點滋潤。當然單睇肉絲切得微細分明已經盡顯功架嘅酸辣羹都係又一開胃暖身嘅佳作。經過一輪開胃熱身嘅頭盤，之後到一連串阿爺招牌菜。 最特別嘅係紫晶生炒骨，同出面食開嘅生炒骨唔同，冇用酸味強烈嘅山楂，反而用偏清新嘅酸梅同青檸，加上紅肉火龍果令生炒骨更為調和。而我最鐘意係佢個燕液蛋白脆東星斑，斑塊炸得脆身但內裏依然保持嫩滑，加埋燕液蛋白芡濕潤返入口時嘅乾涸感。當然仲有最著名嘅乾炒牛河，周圍都介紹過除咗用牛肉眼做肉片之外，仲仔細到連河粉都係每更新鮮製造兼用人手逐條分開，炒功都了得，夠光澤得嚟又唔會好油，佳作。最後兩個甜品南瓜露夠滑，西米都特別大粒脆口。招牌阿爺菲林卷更加係必有，所謂菲林卷其實係黑芝麻卷好似舊時啲菲林咁，煙韌且帶芝麻香功架堅高，為呢餐帶來完美嘅總結。

想不到功夫明星都可以煮出一手好菜。人稱鼎爺的電視藝員由於主持電視節目教人煮餸煮出名堂，他開設的私房菜大受歡迎。今天有幸能到他的分支餐館嘗試，當然要拭目以待啦。餐館位於中環商廈高層，室內装修得簡潔幽雅而帶有古典氣氛；中央位置吊了一座像蓮花燈飾，奪目耀眼。在整晚過程中各職員皆能提供很有質數的服務，使我們享受了一個旣舒適又滋味的晚餐。秘製火焰叉燒 以上等新鮮腩肉來做义燒是必定的材料， 加以醃製後來燒買相己很漂亮。在末上檯前服務員將主角在食客面前以海鹽和玫瑰露酒酒落义燒上再燒一次，烘烘的火焰把油脂迫出；故食落毫無肥膩感覺和肉質鬆軟嫩滑，難怪以此為招牌菜。懷舊蝦多士 蝦多士用料十足和買相吸引，味道適中但略嫌唔夠鬆化；不過現今食肆很難找到此懷舊美食，所以都非常吸引。避風塘無骨豬手 命名為避風塘當然是惹味香辣為主。首先將豬手油炸後再用大量椒鹽來炒，非常惹味毫不滯口，用來伴酒是唔錯的配搭。兩味芥蘭煲 首先把芥蘭葉切開放在油鑊炸至脆口，再把菜身炒熟後一齊放落燒烘了瓦煲內；面上澆滿肉鬆，非常惹味和增添不同口感。正宗乾炒牛肉河粉採用新鮮肉眼牛肉切成薄片，肉質嫩滑；河粉幼細和大量芽菜配以廚師巧手的功夫，炒出一