鼎豐雞煲泰國菜 (已結業)

勁近太子地鐵站… 約friend 勁方便 😂呢次已經係我第五次食…啲野食好好味同埋啲staff全部都好好人，好nice! 真心推介！ 要寫返編食評🙃成個泰國椰青水倒落去，再刮埋裏面啲肉！成個湯超鮮甜！我哋飲晒成煲湯先換湯打邊爐！4 個人叫左半隻泰國椰青雞煲（$218）自己煲完都唔會鞋～ 正！ 頂級雪花肥牛（大）（$188）韭菜餃4粒（$55）即炸響鈴（$65）呢間餐廳唔係剩係得打邊爐，仲有泰國嘅小食同埋小菜！打完邊路唔夠喉，轉食泰國菜啦！小食拼盤（細）($155)青檸燒牛肉($88)啲牛肉好嫩口… 仲好juicy! 燒茄子($38)

好想食辣嘢，又唔知食乜，搵到呢一間又可以食雞煲又可以食泰國菜嘅，心諗，咁得意嘅，橫掂唔知食乜就諗住同朋友一齊去試吓！點知其中一個朋友要加班，嚟唔到，得返兩個人，咁就食唔到雞煲，淨係嗌泰國菜食！點知真係好有驚喜，泰國菜真係做得好好，好好味，有啲似去咗泰國咁，啲回憶真係返晒嚟！推薦推薦呀！由於只得兩個人，最多最多只能夠嗌四樣嘢，食到我哋捧住個肚走！泰式生蝦，個醬汁真係真係冇得輸，食完啲蝦，都唔俾佢哋收走個醬汁，用嚟點埋其他嘢😂😂😂泰式明爐鱸魚，連好少食魚嘅我都覺得好味豬頸肉炒芥蘭，好味又有鑊氣冬陰功湯，好多海鮮，啲蝦彈牙，酸度辣度甜度全部啱啱好，真係幾好飲下次要試埋雞煲😋😋😋

今日同朋友食lunch ………..睇到好多好評，所以試下，本身都怕伏伏地，點知食完，都有d驚喜！!!!!!!!!先叫左個炒金邊粉,好普通………………唔推介！！！！！又唔夠熱，似係整定再加熱，無鍋氣！反而飛天炒通菜好食，少少辣，幾惹味！！！第二樣好食係咖哩豬頸肉，汁都好食，得登加個酥餅配,酥餅超正，未食過咁酥脆既，下次會encore！！！！！！！！！！！睇在咖哩同酥餅份上，得登上黎留個好評俾餐廳👍👍

蝴蝶腩冬蔭功清湯😋平時食泰菜飲冬蔭功就飲得多 都係海鮮＋辣辣地咁冬蔭功清湯就第一次試 呢個湯係用豬既蝴蝶腩煮D肉整得好冧 又吸哂個湯既味 非常值得一試甜酸羅非魚😍呢個菜有少少似係松鼠魚D FD😋但值得讚既係 成條魚起哂肉 炸脆左個魚骨做籃裝番D魚塊配菜除左三色椒洋蔥菠蘿 仲落左青瓜片 意外地夾

最近晚餐都冇得出去食，唯有外賣自取啦😣經過見到呢一set泰式套餐好吸引，一於拎返去同屋企人齊齊分享～四人份量套餐都估唔到可以咁豐富😻有齊前菜、main course、甚至飯後甜品最鍾意嘅係泰式炒雜菜，蒜蓉汁撈埋落新鮮嘅蔬菜度，咸度啱啱好，又唔會搶晒菜嘅鮮味，真係又健康又好味😋皇牌咖喱軟腳蟹🦀都十分推薦，咖喱濃郁，成隻蟹都好入味，好方便食用，撈飯一流！$660有找真係幾抵食，岩晒成屋人share✨

抵食親民泰式4人套餐！有埋皇牌咖哩軟殼蟹🦀半隻泰式海南雞🍗仲有原個菠蘿雞肉炒飯🍍成個餐食到個肚脹卜卜哂，外賣自取價除返開每人都喺164.5咋！4人份套餐 $738 外賣自取$$658🦀皇牌咖哩軟殼蟹 拎到返去仲暖笠笠🤩軟殼蟹份量都幾多，超多咖哩味道有少少微辣！🍗泰式海南雞 半隻 附上少少辣醬超好食喔！🍍菠蘿雞肉炒飯 估唔到有菠蘿裝住嘅菠蘿炒飯🍍用錫紙包住成個保溫拎走～打開個陣散發出陣陣菠蘿炒飯香味！足夠屋企人每人一碗炒飯！菠蘿味酸酸甜甜極度開胃！🍗泰式酸辣鳳爪 有少少辣嘅凍鳳爪，夠哂彈牙香口🥬泰式炒雜菜 成盒炒雜菜，將鑊氣能夠好好的鎖哂喺個盒裡面！🍤泰式拼盤 (蝦餅, 魚餅, 春卷) 蝦餅同魚餅都好夠味夠哂彈牙！而春卷因為放喺外賣盒入面所以變到腍哂～🥖蒜蓉包 ４塊蒜蓉包，焗返熱仲好香噴噴～🥥泰式甜品 椰汁西米糕🥤罐裝汽水 4罐

上星期行完街，唔想返屋企整野食，所以直接係太子買外賣返去食。點左入細嘅炸拼盤，有春卷、魚餅和蝦餅，份量十足，沾上醬汁食更為滋味。泰式酸辣鳳爪，不會輸的小菜，酸酸辣辣，開胃之餘辣得過癮。半隻泰式海南雞，雞肉肉質非常嫰滑，加埋醬汁更滋味。咖哩軟殼蟹比我想中有驚喜，原本諗住外賣軟殼蟹會變得好淋，都係因為自己特別鍾意食而點，但俾汁浸左咁耐，都有重少少脆口，咖喱汁好夠味，有堂食一定要去食多次。赫蓉包嘅出現，就係為左沾邪惡嘅咖喱汁，惹味到不得了。原隻菠蘿海鮮炒飯，用菠蘿裝住炒飯相當有誠意，令炒飯更有菠蘿香味，炒飯炒夠乾身。泰式炒菜，有椰菜花、芥蘭、西蘭花，味道夠濃，風味十足。

而家疫情晚市停咗，唯有買外賣返屋企食，近近地喺屋企附近試下呢個泰式野，又真係幾好食！六人餐有泰式拼盤（蝦餅、魚餅、春卷）每款都有六舊，炸得好香脆，配搭甜酸醬，減少油膩感泰式酸辣鳳爪幾啱我口味，夠酸辣！食落好脆爽又有嚼勁，好開胃泰式沙嗲串燒（雞、豬、牛）肉類都幾入味，但配搭埋沙嗲醬仲一流！尤其係雞肉串，又嫩滑又惹味皇牌咖喱大虎蝦咖喱一流！好香，有大大隻蝦同埋青紅椒。蝦係開邊蝦，方便食，啖啖肉蒜蓉包蒜蓉包焗得幾脆，可以攞嚟沾咖喱一流豬肉碎生菜包呢個都幾開胃，唔太辣，比較酸，食到有香茅等泰式香料，幾惹味泰式冬陰功炒飯配料有蝦、大量菇，炒飯唔會太乾太濕，啱啱好，食落辣辣地泰式金邊粉配料有雞肉、蛋絲等，配料幾多，食落口感好豐富。泰式甜品甜品係椰汁西米糕，唔會太甜

今日有口福，屋企人訂左太子鼎豐雞煲泰國菜既外賣套餐返黎做晚餐，食到我舐舐脷。有泰式鳳爪，我食泰菜必定會點，真知我心意。鳳爪食落很爽口又開胃。半隻海南雞份量十足，雞肉好嫩滑，少少鹹香，點埋泰式醬更好味。皇牌咖喱軟殼蟹，咖喱汁好香，軟殼蟹又炸得好香好脆。蒜蓉包炸到很脆，勁香的蒜蓉味，配埋咖喱汁更加好味道。泰式菠蘿雞肉炒飯，材料很豐富，有臘腸、菠蘿、雞肉、肉鬆、腰果，仲有提子，食落香口口感正。泰式拼盤有蝦餅魚餅同春卷，每款外皮脆卜卜，蘸了泰式甜酸醬更惹味。泰式炒雜菜炒得一啲都唔油，有營養又健康。甜品係椰汁糕爽口清甜，nice，下次我自己都訂黎食先。

今次食鼎豐雞煲泰國菜既泰式外賣，真係有啲驚喜。呢個外賣係4人份既套餐，有野飲、有甜品、仲有成6款食物。外賣自取就$658。前菜泰式酸辣鳳爪，酸酸辣辣，開哂我個胃口。泰式拼盤，有蝦餅、魚餅同春卷，🦐蝦餅好彈牙呀。🥦炒雜菜有西蘭花、花菜、芥蘭同紅蘿白，炒得好惹味。🐔海南雞半隻，雞肉嫩滑，點埋個泰式汁，正。皇牌咖喱軟殼蟹，好有誠意，大盤到呢。用蓉蓉包筆起啲咖喱食，好好味呀。🦀軟殼蟹份量都多架。菠蘿雞肉炒飯，絕不欺場，原個菠蘿出，仲跟埋肉鬆同腰果，有誠意呀。平時係餐廳食都唔敢刮個菠蘿啲肉食，而家係屋企可以好的盡情啦。😂甜品係椰汁糕，食埋滿足唒。

之前見IG有人推薦呢間晚餐外賣難得呢日去完旺角花墟，就直接過黎買外賣返屋企食四人套餐，外賣自取仲有價惠有泰式拼盤、泰式海南雞半隻、王牌咖喱軟殻蟹、泰式酸辣鳳爪蒜蓉包、菠蘿雞肉炒飯、泰式炒雜菜、罐裝汽水，泰式甜品小食拼盤有彈牙炸蝦餅、魚餅、春卷，雞卷酸辣鳳爪，鳳爪好爽口，微辣好開胃海南雞份量都頗多，肉質鮮嫩，不錯最有驚喜一定係王牌咖喱軟殻蟹，咖喱味濃郁，軟殻蟹仲脆身的一定要配埋蒜蓉包一齊食原個菠蘿雞肉炒飯成個手提籃一樣，仲有附肉鬆，好有誠意炒雜菜，炒得幾夠味外賣都可以保持質數，絕對難得家人已打算再叫多次

今日搵到間外賣自取平$80既餐廳, 位於太子, 臨近鐵路站同埋大街巴士站, 位置都幾方便的~早一日打去訂, 早半個鐘左右打電話叫佢準備, 自取都係放工經過去取~4人泰式外賣套餐 $738 自取價$658皇牌咖哩軟殼蟹 超大份咖哩軟殼蟹, 個咖哩剛剛整起, 超級熱！好在用個大膠盒裝住，拎到返去都仲熱熱地，咖哩帶點微辣，撈飯超級正喎！泰式海南雞 半隻 附上少少辣醬超好食喔！菠蘿雞肉炒飯 用錫紙包住成個菠蘿炒飯，真係有驚喜喎！底部仲有少少菠蘿肉可以刮出黎，份量每人一碗剛剛好泰式拼盤 3款小食放埋同一個盒度, 有蝦餅, 魚餅同春卷, 好香口 泰式酸辣鳳爪 冷盤鳳爪　正常發揮泰式炒雜菜 蒜蓉炒西蘭花同芥蘭, 菜類比較爽口 4塊蒜蓉包 呢個配咖哩超級好食!  4個泰式甜品4罐罐裝汽水 可選可樂, 忌廉, 芬達

Thai × Chicken × Hot Pot❤️..太子一間食雞煲× 火鍋 × 泰國菜既餐廳🍽，地方闊落有空間感。一次過可以滿足3個口慾😋，店外仲有一大幅特色花花牆🌸。夜晚想去太子搵間寬敞少少又寧靜一點既餐廳，可以來跟朋友來聚一聚。✨鼎豐招牌雞煲 $188 半隻Signature Spicy Chicken Pot✨泰式生蝦刺身 $132Thai Prawn Sashimi w/ Chili Sauce✨泰式豬頸肉炒通菜 $98Thai Pork Jowl & Water Spanish Stir✨泰式豬肉乾炒河 $98Thai Pork Dry Fried Flat Noodles招牌之一雞煲🐥，小辣口味已經好惹味。雞件嫩滑，愈食愈開胃。泰國菜既刺身生蝦，雖然大隻但肉質不太新鮮不建議點選；通菜用上Black Bean Paste 炒夠鑊氣配料豬頸肉酥脆。最後既炒河略有點碎偏乾身，粉類亦可以轉其他金邊粉/米粉/河粉/烏冬，夠多元化。..×××雞煲泰國菜]××ש太子砵蘭街368-368B號耀中大廈地舖..

有時外賣返屋企都唔錯，可以坐係屋企舒舒服服咁食今次就叫左個4人餐外賣，都幾多野食佢有泰式拼盤、泰式酸辣鳳爪、泰式海南雞半隻、王牌咖喱軟殻蟹、蒜蓉包、菠蘿雞肉炒飯、泰式炒雜菜、罐裝汽水同甜品拼盤有蝦餅、魚餅同埋春卷，仲會有埋甜酸醬整體都唔錯海南雞啖啖肉，份量都幾多菠蘿炒飯好足料，酸酸甜甜既菠蘿食落去好開胃呀炒雜菜既蒜香都幾香，炒得好夠味！而我最鍾意既就係咖喱軟殻蟹，個咖喱汁好香好濃，個醬汁仲可以撈埋個蒜蓉包一齊食正呀！而甜品就係椰青水糕同埋椰汁糕，由小食到主菜同甜品都有齊哂，的確好方便呀

雖然而家冇得出去食晚飯特別係好掛住泰國嘅美食不過喺屋企都可以食得好滋味㗎位於太子嘅 @鼎豐雞煲泰國菜「 #鼎豐雞煲泰國菜 」有得預訂外賣套餐包括四人及六人餐都有㗎今晚預訂咗 #鼎豐泰國套餐四人份同屋企人嘆吓先❣️⊰⊹════════════════⊹⊱✎ 食後感 ：✨❤️【 #泰式酸辣鳳爪 】呢款酸酸辣辣嘅滋味小食食落去啖啖鳳爪皮爽口入味配埋啲配菜食仲爽🧡【 #泰式海南雞 】海南雞嘅份量都頗多驟眼睇雞件份量都頗多每件多肉少骨肉質鮮嫩最重要係雞味都幾香濃㗎💛【 #皇牌咖喱軟殼蟹 】咖喱迷一定好鍾意滿滿嘅蛋花咖喱埋藏左香脆可口嘅軟殼蟹大大件嘅軟殼蟹軟口而啖啖肉點少得配埋蒜蓉包點一點咖喱汁嚟食呀🤍【 #泰式甜品 】最後仲有泰式甜品椰汁糕大人細路都鍾意食呀另外仲有開胃又滋味嘅泰式拼盤 仲有香噴噴嘅菠蘿雞肉炒飯可以清腸胃嘅泰式炒雜菜 我同家人都食得好滿足呀❣️➖➖➖➖➖➖➖➖➖只要Like 鼎豐 社交平台 專頁，出示以下 社交平台 個訊息✉️就可以以下優惠價自取外賣㗎💰 4人餐自取特價$600💰 6人餐自取特價$900