鼎泰豐

营业中

休息中

在疫情期間，鼎泰豐逆市開分店，而且位置還在家附近，怎可能不來呢？我也是第一次來吃，對傳說中的小籠包真是聞名不如吃進肚中。環境：相當大，舖面如一個圓形，善用空間，桌與桌之間距離相當近，裝潢毫無設計可言，普普通通。服務：上菜速度快午市：小籠包$66(6粒)名副其實的招牌菜，皮簿而多汁，一口大小，湯鮮而味道好，值得一食。蝦肉餛飩湯$68(6粒)這是媽媽點叫，有驚喜。餡料有完整的蝦和豬肉，比例平均，餃皮滑溜，重點是湯底出色，呈清啡色，味道鮮美，差一點整碗湯都喝完。蒜香粉皮肉$64粉皮墊底，外有薄豬肉片，上層是青瓜絲，再曬上蒜醬油汁，用豬肉片夾上粉皮和青瓜絲，口感一流，又爽又滑又香。這個小菜值得一試。台式酸辣湯$58酸醋比例失衡了，雖然足料，但味道過酸了。台式擔擔撈麵$56偏細碗，味道一般，感到很失望，夏麵館的擔擔撈麵遠勝於他，份量足又帶花生香。以這樣的價錢，給一小碗，個醬汁一般，完全不值此價。杏仁豆腐（凍）$42上面的草莓片完全只是擺設，但這款甜品口感非常好，滑滑溜，帶有淡淡的杏仁香，有糖水，但不會過甜，好棒！香菇素包$19媽媽獨自吃，只是說好吃。整體來說，味道是不錯，但價錢實在太貴了，有些根

好多地方都有分店 今次終於試到 唔洗等位 抱住期待已久既心情進入餐廳小籠包 ： 好味道 但要盡快食 肉唔腥 湯汁鮮甜菇菌湯麵 ： 面一般 但個湯非常香同好飲 啲菇都索曬啲湯既味 鹹肉糭 ： 唔好食 似鹼水糭多過鹹肉糭，個人唔中意食鹼水糭既味蝦肉紅油抄手 ： 皮薄又滑 蝦肉一般 豬肉普通，但個汁味道好 唔算辣 只係因為皮同汁覺得好味糯肉燒賣 ： 熱既時候都還可以 凍左完全皮硬加冇味，加番蝦肉抄手啲汁食先有味總括黎講 ： 比較普通 價錢偏貴 唔會特別再想食 以上純粹個人意見

等位都等咗好耐，食物味道係唔錯嘅，但價錢真係好貴，份量好少，食完之後仲係半飢餓狀態。仲要俾茶位+加一+限1.5小時，茶葉又冇得自己揀。真係無下次，去酒樓食好好多！

2人限聚，一家四口👨‍👩‍👦‍👦食飯都要分枱，有d無奈，但無辦法啦！每次經過呢度，都好多人排隊難得今日唔洗排，試下啦！我地叫左 小籠包，滷水豬肚，紅油蝦抽手，炸醬拌麵，排骨蛋炒飯滷水豬肚——好入味，林身，好好食😋小籠包——即叫即蒸，熱辣辣，好味😋紅油蝦抽手——大大隻蝦，足料，味道ok,不過不失炸醬麵——岩晒我重口味如果辣會更好食排骨炸蛋炒飯——排骨炸過，林身，但無咩味， 炒飯就炒得好乾身，好靚，但又係無咩味，還可以啦呢度最好既係侍應有好好服務，環境乾淨，坐得舒服

呢日平日無煮飯，同老公去左vcity搵食，其實鼎泰豐喺香港就一d都唔新架喇，我地都食過好幾次，不過佢喺屯門區開新店又再引發起一個熱潮，勁多人排隊食，呢日平日，加上夜左食飯，岩岩好唔駛等位，所以我哋都黎趁熱鬧小籠包，皮簿而多汁，係好食嘅水晶餚肉食到肉絲，仲要都算係幾多👍🏻擔擔麵偏細碗，夠辣唔夠麻，同以前比覺得差左；老公自私食嘅菜肉包，菜肉比例均衡，係幾好食😋紅油炒手水準都合乎預期.總結：食物質素都高，係好食嘅，但偏細份，同埋價錢定位都高於平民價，所以唔會成日食

聲名大噪嘅台灣過江龍😚一開張就已經大排長龍鍾情台食嘅我又點可以唔去試下🌞.小籠包 -$66/6粒皮嘅厚度剛剛好 薄得黎唔易穿😗 包到實一實造工精細 粒粒都有19摺😆一啖放入口 鮮肉汁喺口中噴開令人忍唔住一粒接一粒咁食🌞美中不足嘅係鹹味唔夠重 同想像中有啲出入同埋偏貴🤓🍜台灣紅燒牛肉湯麵🍜 -$92牛肉份量唔少 但嫌太韌 未煮至軟淋😌湯底十分普通😌唯獨麵條出色 滑溜彈牙 根根分明🌞不過都可以唔試🥚排骨蛋炒飯🥚 -$87排骨入味 唔柴口😆 份量都比想像中多酥香軟淋而唔肥膩蛋炒飯嘅米粒彈牙 粒粒分明😆食落唔會口乾 每啖都有油香 但唔會油膩🌞偶爾仲會食到微微蔥香😆_______________店內寬敞明亮 衛生企理😆服務超好！ 不時會有店員主動添茶仲好有禮貌😚價錢偏貴 食物質素未算值但可以當係食服務同環境😌

屯門開左鼎泰豐，終於有朋友陪食。餐廳長期都keep住排隊，我地7點去都算早，等5張枱就有位啦。我地叫左5款食物，香酥蝦餅，小籠包，香葱伴麵，甜點就叫左豆沙小籠包同赤豆鬆糕。蝦餅同伴麵都幾有驚喜，幾好食。但可能我對小籠包有期望，所以有啲失色，但又唔可以唔食。然後到甜點，赤豆鬆糕我真係未試過，所以我同朋友膽粗粗叫黎試下，個質感都幾得意煙煙韌韌咁，又唔太甜。但未至於有驚喜。可能我鍾意食甜，所以豆沙小籠包就覺得唔錯啦～so far,食5樣嘢都已經3百幾蚊...每樣份量唔多，其實都唔係好飽。

屯門鼎泰豐開業初期日日都排長龍等位⋯行過幾次見咁多人等位都係放棄吧⋯⋯😢今日行過見唔駛排隊，咁就拎張飛入去試吓啦😏我記得好耐好耐之前係銅鑼灣怡開第一間鼎泰豐，當年排隊排成兩個幾鐘先有得食，果時覺得好好味，尤其係小籠包😋今日再次去食已經食唔番果時嘅味道了😢有點失望😞

行開屯門v city見到鼎泰豐新開嘅舖頭, 我點了酸辣湯, 小籠包, 及牛肉麵酸辣湯及小籠包同鼎泰豐嘅味道有出入酸辣湯嘅口感有啲奇怪, 食唔出酸度辣度嘅對比小籠包食唔出鼎泰豐嘅味道, 為交功課而交出一份小籠包嘅勞作牛肉麵不過不失, 湯頭一般, 麵都還可以可飽肚, 牛肉都算ok夠（淋）, 牛筋好食啲環境舒服, 行完街可以嚟呢度hea下服務一流, 侍應服務ok, 出送時間好快抵食到一般, 味道環境服務加埋一齊應該差不多吧價錢都不平宜㗎

喺台灣嘅時候，都已經知道鼎泰豐好出名，不過之前喺台北見到都好多人排隊，所以去台灣嘅時候都冇試到。依家知道喺香港都開咗唔同嘅分店，所以今日都特別黎試下。但係真係估唔到連香港平日下晝都咁多人排隊，大概等咗15分鐘至20分鐘先有得入去。 環境🌟🌟🌟屯門呢間分店個環境都真係幾特別，因為有啲枱係玻璃隔離，以玻璃其實就係會比出面嘅人一路望住，不過好彩今次我同媽咪坐嘅位置係入少少嘅位，所以就冇呢個問題。整體嘅設計同台灣都好似，特別可以講吓呢一度嘅服務都真係唔錯，坐低已經主動斟茶，以香港來講服務態度都真係算係咁啦！食物🌟🌟知道呢度最出名嘅係小籠包，所以都特別叫咗嚟食，不過都真係有少少覺得名過其實，雖然入面係真係好有肉汁，而且皮都真係好薄，但其實佢哋肉餡唔係真係太有味，配上佢哋特製嘅醋，整體來講佢講唔覺得有畫龍點睛嘅感覺，反而有少少覺得小籠包同醋佢分開咗兩樣嘢。整體來講如果呢個價錢，相信出面有更好嘅選擇。不過今次試咗新嘅嘢，就係呢個油豆腐粉絲，湯底清淡可以接受，不過見唔係有好多餐廳可以食到，所以叫左黎試下。整體來講唔係好特別，以呢一個價錢相信有更好嘅選擇

見到屯門開左鼎泰豐就出去食個晚餐係vcity個apps 5:30拎左飛，都要等到6點半先有位醬油黃花魚同想像中有啲出入，以為係糖醋魚，但佢淨係甜甜地醉雞，入味，多肉，吾錯擔擔麵，同平時食開嘅吾同佢吾係湯，係撈嘅，個味都吾係好香濃嘅花生味佢最出名嘅小龍包。但係味道吾夠香濃個人覺得xx生煎包好食好多排骨炒飯之前係x翠拉麵xxx食嘅好好食呢個真係吾夠人好食蒜蓉炒白菜，正常菜一碟總結，吾係吾好食但以佢嘅價錢同名氣吾成正比要等一個鐘頭更加吾值

鼎泰豐由台灣衝出國際，真係好厲害👍🏻 因為企業系統化，打破了開分店開得多，質素愈差的情況，食物水準達到一致化😀鼎泰豐服務效率非常高，下單後（約7-8分鐘），好多嘢食Keep住上枱，我哋留意到店員相對比其他食店多，有待應、傳菜員等，令到食客可以好快品嚐到美食。大家去鼎泰豐必食小籠包之外，我仲想特別推介排骨湯麵（胡椒味）佢呢隻排骨湯麵係其他食店好少有，排骨相對夠濕潤，不會炸太乾，無咁熱氣，又帶少少甜味，同埋餐牌寫胡椒味，但食落又唔係好胡椒！ 整體食物同服務非常優質，價錢相宜，難怪經常大排長龍😆👍🏻溫馨提示：我等左一個鐘啊😅◭酒糟鴨舌 $80◭蒜香粉皮肉 $64◭台式四季豆 $58◭排骨湯麵 （胡椒味）$68◭ 雞肉小籠包 （6個） $68◭蝦肉蒸餃 （6個）$70◭菜肉紅油抄手 （6個）$64◭台式酸辣湯 $58◭ 香葱拌麵 $56◭排骨蛋炒飯 （胡椒味）$90

屯門難得開鼎泰豐，當然要去試下啦新開既店舖都預左多人排隊，所以都只好早點排隊我地六點就去左羅飛，不過就係商場個到行下街大概七點半到就有位了，我地都覺得等待既時間都合理我地四個人，叫左五樣野食一定要叫既小籠包($66/6)，我地四個人所以叫左兩籠，好快就黎到，小籠包當然要趁熱食，味道果然唔錯，冇令人失望。小籠包皮薄餡靚，令人垂涎三尺，睇圖就知超級Juicy。然後我地叫左一個蝦肉紅油抄手($68)，醬汁好好味、好入味，所以食完會好開胃。加上入面餡料豐富，口感甚佳。之後叫左個紅燒牛肉麵($88)，湯底濃稠，而且牛根、牛腩都好入味，值得推介。排骨蛋炒飯($87)，排骨做得很出色，好入味。不過炒飯比想像中少，四個人Share唔太夠食。另外，我地都叫左油炸排骨湯麵($64)，排骨同排骨蛋炒飯的排骨一樣味道，要配上清淡既湯麵，簡直絕配。總結來說，味道唔錯，值得一試。加上係屋企附近近近地，如果想食清淡又唔怕等位既都可以一試。

難得一次出街食飯，就決定去同朋友講咗好耐話想食但都冇去嘅鼎泰豐啦。平時經過都見到好多人排隊，今次果然都係一樣，要排隊先可以食到我最鍾意嘅小籠包！❤️大概等咗半個鐘就入座，可以食一個半鐘，都合理嘅，因為出菜都幾快！等我介紹下食物啦。我地一共叫咗兩次，叫咗五樣嘢，我覺得好滿足。小籠包 $66其實小籠包有幾款，但我都係鍾情於普通嘅，加單都叫翻普通嘅，經典之所以成為經典，當然係因為佢歷久彌新，原始嘅風味啦。小籠包皮唔算薄，但勝在唔會漏湯，我自己其實要求好低，因為小籠包本身就已經係我鍾意嘅，喺冇試過台灣本店比較下，我已經好滿足啦！湯好鮮甜，肉好味！雖然詞窮，但真係大推！😍而且唔算貴！蝦仁燒賣 $86呢個我覺得都好味，蝦🦐比我想像中大，而且裡面竟然都係有湯，好似有小籠包咁，有少少驚喜，成個感覺同小籠包係似嘅，但無阻我對燒賣嘅愛！❤️🥺（呢張相太醜了，因為我好餓，好抱歉！）蝦肉蒸餃 $70都係蝦，我覺得呢個裡面餡料比上面兩樣都多，裡面咬到好多蝦，而且都係有少少湯，我覺得好味嘅！台式紅燒牛肉湯麵🍜 $92我覺得呢個麵係要叫架！一定要叫主食，我覺得好味！雖然係小籠包店，但牛肉麵都幾好食，湯係普通嘅，但普通已

作為大西北牛牛，終於唔洗再騎牛出城去食鼎泰豐啦。之前路過見到好多人排隊，所以依次用新鴻基商場apps拎定飛先，等左半個鐘左右就可以入座啦。店舖比想像中闊落，樓面多待應所以落單上菜都好快，而且都好有禮貌。一坐低就叫左個週末限定嘅小籠湯包，係細細粒嘅小籠包加一碗蛋花湯。前菜叫左原味水晶肉，味道中上，中規中矩。蒜蓉炒菠菜好惹味，菠菜炒得爽口，唔錯！蝦肉煎餃有驚喜！外層煎得香脆，一咬落去d汁爆出黎，而且仲有原隻蝦肉包係入面，值得再食！ 擔擔麵比較失望，感覺似花生醬麵，辣味亦唔係特別明顯。相比之下香蔥拌麵就相當出色，唔會過份油膩之外亦十分惹味，配合較有咬口嘅麵條，掛上蔥油後令每一口都充滿蔥香味。清燉雞湯麵好足料，雞湯內嘅雞肉燉到好軟好軟，連骨都可以食埋嘅程度。清甜嘅雞湯亦唔會飲到啖啖油，連同麵條一齊食岩岩好。去到壓軸嘅小籠包，老實講水準真係同台灣食嘅有差距，但香港都做到皮薄，只係稍嫌湯汁較少（有幾舊甚至無汁），希望之後可以有改善。不過唔洗出城都食到，已經方便到好多屯元天人，雖然性價比唔算高，但有時間不妨去試下！