鼎泰豐

营业中

休息中

其實之前係銅鑼灣都試左好多菜式, 因為試過帶一大班外國朋友去食~成班人都點左好多小籠包,麪同抄飯食….今次係行行下個Friend 話想試個個小籠湯包先黎佢既食法係要同個蛋湯一齊食, 而且個小籠湯包 size 係mini 小籠包, 所以都幾特別好似有D食小籠包 Re-mix 雲吞feel個菜肉包同個拌麪反而冇咩調味所以麻麻地….

幾年前台灣開到黎香港佢既野係幾好食既，小龍包好多湯汁熱辣辣，小菜有水準，連蔥花蛋炒飯都好yummy...但係唔知係咪因為愈來愈愈多分店，愈來愈多遊客幫襯，d野食每況愈下話說上2個星期約朋友仔再去食，唔洗點等位已經覺得有d奇怪，果時我估係因為我地早食飯jei....是日我地order左小龍包，水晶淆肉，粉皮，黃花魚，酸辣湯仲有蔥花蛋炒飯小龍包-好令人失望...湯汁唔多唔夠熱，講真好多上海餐廳都做得好過小食就不過不失冇咩味，唔知係咪我地太重口味，所有野都好似唔夠調味咁....唯獨個醉雞好少少，雞肉係滑既都幾香酒味最後就係個炒飯，仲記得第一次食覺得佢炒得好好食，香濃既蛋汁包住每一粒飯，再加埋蔥花吊味啱啱好，但係今次食最大問題都係佢唔夠熱同埋冇味同埋有d油.....咁既蛋炒飯收我$7x....我覺得有d overprice lor....冇下次如果要食小龍包，今時今日香港已經有好多choice我完全搵唔到要黎呢度食既理由

幾年前已經食過嘅鼎泰豐，近排返去再食，發現食物水準依然不錯。今次叫左小籠包、醉雞、麻醬麵同荔芋小包。小籠包嘅湯汁依然豐富，咬下去濃湯便會擠出，肉質鮮美，認真係皮薄餡靚。醉雞就剛好係雞髀，酒味濃郁，𣎴錯。麻醬麵，芝麻醬略苦，麵條彈牙，愛苦的人值得一試。不得不讚的是甜品荔芋小包，包皮夠薄，餡料甜味適中，熱辣辣的送進口，確實一番好滋味。

今天同朋友來左尖沙咀既鼎泰豐食晏，門口好多人等位，我地兩個人隨便搭個臺所以唔算等好耐，我點左一份燒賣同擔擔面，賣相都幾精緻，糯肉燒賣食入口香糯軟熟，口感唔錯，好有嚼頭，擔擔面爽口，花生好香，撈勻再食仲正。

今日突然好想食小籠包，所以就同爸爸媽媽黎左，好幸運lunch 時間，都可以即刻入座，仲有卡位座我地叫左兩個涼盤，涼伴黑木耳同酒㷮鴨舌，不過不失，沒有驚喜。最緊要都係叫小籠包！ 呢到上菜好快 ，馬上有得食，皮很薄，湯料足，好juicy , 一口就可以完成，haha假日原故可以試小籠湯包，有12 個，比小籠包小，皮薄料足，但跟小籠包分別唔大，只係多碗湯一齊上，可以伴湯黎食。爸爸媽媽讚得最多反而係春卷，估你唔到，咁又真係好脆同香口嘅。最重要係新鮮熱辣咁食，特別好味我地有叫蝦仁燒賣同荔芋包，但味道好一般，可以不叫。最後由於每樣份量不是太多，我地仲叫左擔擔拌麵，這個調味不錯，但麵質一般，偏淋了。3 個人叫左8 樣野，埋單5 佰幾，爸爸不停話唔抵，但想食小籠包的我都無失望

黎親排好耐,未入去已經選定什麼嘢食 叫左原盅牛𦟌湯 牛味好香濃的湯，好鮮味，入面牛𦟌已經登到淋身，保持到牛𦟌應有的口感，彈性保存，原盅原汁原味，d小棠菜吸收了d湯，好入昩，難得保持到嫩綠 小籠包必叫，包皮好薄，好似水晶咁，晶瑩剔透，看到內裏包住d湯，肉汁香濃，一食d湯bi出來，好鮮嫩的豬肉，回味無窮

小籠包，皮夠薄，但係入面肉唔夠鮮甜。雞湯，好出色，油花浮曬上湯面，雞肉夠淋，有雞味，湯夠火候。蝦肉紅油抄手，蝦肉好爽，特別喜歡個汁，甜甜辣辣的，很開胃排骨蛋炒飯，排骨好香口，炒飯炒到一粒粒，好食。

昨天去的鼎泰豐，跟我的而一個男性朋友一起，位置很方便的，好打眼。講翻下鼎泰豐的食物的味道吧，我覺得味道同菜品都不是很適合我平時的胃口吧。小籠包這些比較普遍的點心類就麻麻喇，味道比較簡單清淡，做出來的小籠包就係流水線咁，無咩特色。因為覺得新鮮，我們點了上海熏魚，真係令我覺得無奈，味道同正宗的上海熏魚就真係相差十萬八千里喇，而且可能系因為加入了廣東菜的方法，所以味道同口感方面都是偏向於廣東菜，熏魚的醬汁都是好廣東的，完全沒有上海熏魚的味道。仲有一個炒豆，味道就是一般小炒，雖然睇落好油膩個樣，但係食落就唔覺。

I've tried Din Tai Fung many times in Hong Kong and other places across Asia and it is a reputable Shanghainese restaurant which a successful franchise. The renovation and service is impeccable and up to very high standards but I feel like the quality of food is slightly off with its reputation and price.If you would like to try this restaurant without waiting, you should arrive as early as 6pm, because anytime after that, the crowd builds up and it takes around 30 minutes to wait for a table. F

自從早兩年帶囝囝去過一次，基本上每次途經，都會要求再光顧，但每次都是趕時間，未能成事，直到放假，特意在附近逛逛，順便滿足一下心願。小籠包是店方名物之一，大概可以用皮薄餡靚形容，夾起都不易穿，相當對辦，又有肉汁，名不虛傳。香菇素包包皮鬆軟，而餡料切得夠幼細，加入了粉絲令口感更佳。乾拌蝦肉雲吞味道很濃郁，雲吞皮QQ的口感，肉質鮮爽。香蔥拌麵囝囝最喜歡的麵條，充滿了蔥油的香味，而麵條柔韌有彈性。炸醬拌麵其實不太像傳統上海小館賣相，醬汁少很多，反而食得出豆乾粒的質感，不錯。蝦仁肉絲蛋炒飯蝦仁及肉絲份量幾多，飯粒夾雜了蛋絲，多了一份濕潤，但飯粒依然粒顆分明。個人覺得整體水準比台北店好，其實只要一家人食得開心，係邊食都無所謂。

根據綱上資料「鼎泰豐」是由楊秉彝所創立的，店名取自楊秉彝早期工作的油行「恆泰豐」。原本的「鼎泰豐」也是油行，但因市場競爭大而轉型賣小籠包。當年機緣巧合下，楊老先生遇到了一位老兵很會做小籠包，那位老兵跟楊老闆商量在他店門口擺一張小桌子做點小生意，結果小籠包生意極佳。楊老闆看見了商機，便跟老兵學做小籠包，最後索性關了油行專心做小籠包生意，慢慢逐發展成以小籠包聞名的餐廳。自從楊老先生的兒子接手老店後，積極擴充版圖，在全世界各地不停開設直營店，擴充生意版圖。現時「鼎泰豐」分店遍佈世界各地，筆者每次到台灣必到「鼎泰豐」朝聖。聽聞台灣人很少去「鼎泰豐」，因為遊客實在太多而且價錢又貴。「鼎泰豐」曾以加盟店形式在香港黄埔花園開設分店，但質素跟台灣總店有天壤之別，該分店不久便結業。於2008年捲土重來，並以直營店形式於尖沙咀新港中心重新開業。還記得剛剛開業時，店內不少員工真的從總店飛過來，因此味道及服務極佳，跟總店無異。今天重臨舊地，操台灣語的員工減少了，不知味道如何呢？人龍比開業時短了不少，不消一會就被安排入座。這間新港中心店，佈置沒有大賣點，勝在地方寛敞環境光猛。小籠包店當然有個半開放式廚房，師傅即

過年日日系屋企食肥膩野, 早幾日自己湊侄仔，距話想食包包。下午4點幾要帶距翻距媽咪度，早上有時間，又費事甘多野搞就帶距去食小籠包啦。之前同F去台灣食過系覺得可以嘅。但係香港就無食過。路過幾次分店，都係無食過。評價知道都系可以。同侄仔2個人，點咗小籠包啦，D包就唔系大嘅，比較得意精緻。裡面還有D灌湯包嘅感覺，味道都系比較鮮。侄仔好中意食，一啖一只。撈雲吞，雲吞撈麵都系食得多，但係撈雲吞，好似就系鼓油不過有D甜味。我覺得幾好味喔。裡面一只鮮蝦仁，好爽。最後怕唔夠飽，點咗個扒飯，呢個就系都系可以，D肉比較多，飯比較軟身。分量好足，唔會好冷。都系好新鮮感覺。不過食唔曬。總體來講，都係i可以。

上個月聽朋友講鼎泰豐嘅灌湯包好好食，但果幾排都無機會過去試下，今晚終于有時間過去喇，一落班就即刻過去喇，但都系遲左，要等位喇，不過好彩都唔算好耐，大概20分鐘喇，店面裝修都算OK啊，還算干凈。既然講得灌湯包咁好食，梗系要點個嚟試下啦，一籠得六個，覺得有D小貴，不過睇下出品系咪真系咁得先，皮好薄，睇落好似一夾起就會穿，但事實唔系嘅，咬開D皮，好多湯汁，湯汁好鮮甜，好香好濃嘅肉味，食完后覺得算貴喇，真系好好食。韭菜齋餃，對我嚟講味道有D淡，可能系無肉，對于中意食肉嘅嚟講，口味會相對清淡。仲點左個醉雞，睇落無咩特別，但食落味道又OK哦，雞應該系靚雞，因為內質好結實，煮得又好滑，唔系好重嘅酒味，但覺得剛剛好，都算OK。

今日去新港行完街就搵地方食晚飯，男友建議近近地就不如鼎泰豐啦。因為星期六關係八點幾快九點都要令飛仔，但都只係等左十多分鐘就有位。鼎泰豐出名服務好，入座後店員有禮貌招呼，環境亦舒服乾淨企理。我地點左蒜香粉皮肉、小籠包、蝦肉餛飩湯、肉絲蛋炒飯以下食物部分~蒜香粉皮肉$56粉皮上怖左幾片薄薄五花肉片面頭再放上青瓜絲，粉皮薄身有彈性，五花肉片就切得好薄，豬肉味道唔突出，醬汁有蒜香同有d辣，略嫌唔夠濃味，份量算少。小籠包$58(6個)小籠包係鼎泰豐嘅招牌，佢地嘅小籠包的確比一般小籠包皮薄多汁，皮薄但唔容易穿，不過味道方面薑味比較重，所以唔係好食到豬肉鮮味。蝦肉餛飩湯$58(6個)湯裡面有少少薑絲榨菜絲蔥花，湯味道雖然較清淡，但還可以。而蝦肉餛飩皮厚薄適中，餡基本上係用小籠包裡嘅餡加一隻好細嘅蝦包成餛飩。味道不過不失但蝦肉餛飩，隻蝦會唔會細過份肉太多呢？！肉絲蛋炒飯$72最後，係我鼎泰豐最愛每次必食，碟飯聞落去好香蛋味，食落去除左蛋香味仲有蔥香味，炒飯粒粒分明夠乾身，肉絲嫩滑有先醃過，炒飯鹹度岩岩好，食完很滿足。但唔經唔覺已經由我初初$42食到而家$72。

係尖沙咀A出口無几遠嘅新港中心3樓，不算難穩，不過我今次真係失算，應該錯開飯食時間來的，因為呢度經常排長龍嘅，小籠包很正，難怪鼎泰豐可以從台灣開到香港地，小籠包裡面汁水很豐沛，很鮮甜，包皮很Q彈，食嘅時候小心裡面嘅汁好燙。紅油抄手竟然出乎意料嘅好食，一上菜時嚇咗跳，紅紅的一碗該多辣，最後發覺真係無幾辣，小小辣，仲有DD甜味，好特別，一口氣食咗好幾個才停口試其他嘢。排骨炒飯都唔錯，啱開始仲係度懷疑排骨要怎麼炒飯先好食咧？最後發覺係蛋炒飯來加，上面加咗一層嘅排骨，排骨係無骨頭嘅，好似豬排咁，炒飯粒粒分明，金黃色嘅一大碟，兩個人都食唔曬吖！簡直抵食喇！