鼎泰豐

营业中

休息中

上個月聽朋友講鼎泰豐嘅灌湯包好好食，但果幾排都無機會過去試下，今晚終于有時間過去喇，一落班就即刻過去喇，但都系遲左，要等位喇，不過好彩都唔算好耐，大概20分鐘喇，店面裝修都算OK啊，還算干凈。既然講得灌湯包咁好食，梗系要點個嚟試下啦，一籠得六個，覺得有D小貴，不過睇下出品系咪真系咁得先，皮好薄，睇落好似一夾起就會穿，但事實唔系嘅，咬開D皮，好多湯汁，湯汁好鮮甜，好香好濃嘅肉味，食完后覺得算貴喇，真系好好食。韭菜齋餃，對我嚟講味道有D淡，可能系無肉，對于中意食肉嘅嚟講，口味會相對清淡。仲點左個醉雞，睇落無咩特別，但食落味道又OK哦，雞應該系靚雞，因為內質好結實，煮得又好滑，唔系好重嘅酒味，但覺得剛剛好，都算OK。