鼎泰豐

营业中

休息中

記得呢餐係上年母親節前席食，抱歉，本人很懶。。。而家先想起要食番食評，見諒見諒🙏🙏🙏🙏🙏其實本人係非常唔鐘意去d有名氣，又多人排隊食既地方，因為大多都是大集團，虛名，空有一堆打手為其助威吶喊，打造名氣。但今次係長輩想食，所以就去左環境❤️❤️🤍🤍🤍好普通既裝修，對比佢既出名程度，呢種裝潢我真係不能接受，非常簡單又顯笨重，完全係冇係門面裝潢上花過心機，佢最出彩應該係將麵粉工場放係門口，吸引大量人圍觀，亦令人覺得食物新鮮製造，加倍好味呢點係值得讚賞既衛生❤️❤️❤️❤️❤️人流如此快而且量大，都可以保持地面乾爽，枱面冇一絲油立立，成個店舖營運係快速整潔既服務❤️🤍🤍🤍🤍差，堅差，差到爆，由門口接待，編排坐位，到食野埋單，都成肚氣門口等得又耐，人又多，仲要比商場呀姐因為拖地叫我地避左避右，仲要聽佢話d人整污糟地下，輪到我地準備入座時，員工自己溝通，我地企係門口又唔知等緊乜，左望右望左避人右避人咁編排坐位，我地6個人，佢因為忙，客人多，夾硬拍2張枱塞多張櫈要我地坐4人枱，肥d都轉唔到身，其實佢枱大咁做都尚可接受，但係咪應該事先講明？而家茶樓搭枱呀？茶記式夾硬塞呀？你食物收咩價錢？服務費冇收嫁？同個員工講又扮聽

👨🏻‍🍳鼎泰豐 (屯門)📍屯門屯門鄉事會路83號V City MTR樓M-37&38號舖 「已經無乜特別了🥲」 好多年無食鼎泰豐，經過入去食下。 🫖茶水（烏龍茶） $24/2位茶包茶，無乜味🥲 🍽️小籠包 $70普通小籠包，無乜特別。入座會上薑絲，枱上有醋可以自行加添。 🍽️油豆腐粉絲湯 $66無乜味🥲太淡了。。 👍🏻🍽️高湯蒜蓉菠菜苗 $78得菠菜苗正常🥲 好似食左個空虛寂寞🥲 #鼎泰豐 #香港鼎泰豐 #arigato_不了

擔擔面$6x不得不說擔擔面確實係幾好食，佢係用拌麵嘅做法，擔擔面嘅花生醬好濃郁，小小辣好惹味，面質好有咬口，每條麵都掛到汁👍🏻菜肉餃$6x皮都幾薄，但裏面嘅餡料冇乜味，普普通通小籠包$65個皮係幾薄，夾嗰陣要小心啲，容易穿，但小籠包確實係招牌👍🏻，入面都好多汁，小心辣嘴，但一定要趁熱食凍咗唔好食，海蜇$6x蘿蔔多過海蜇😂😂，味道又正正常常，可以不用點醉雞酒味好濃郁，雞好嫩滑，係幾好食，不過就比較細碟整體嚟講，我覺得味道係不錯，但不值得呢個價錢去吃，偏貴，最推薦係蛋蛋麵同小籠包！

去咗外國咁耐，一直都好心心念想食鼎泰豐小籠包老實講，試過唔同地方唔同餐廳嘅小籠包，始終都冇一間係比得上鼎泰豐而我鍾意佢嘅原因係：皮薄餡靚多汁今次返到嚟，當然第一時間就要去醫下肚，嚟到屋企最近嘅屯門鼎泰豐，新年期間下午茶時間都唔需要排隊招牌小籠包依然新鮮熱辣辣，加上醋和薑絲，咬一口湯汁四溢，濃而不膩；紅油炒手揀咗菜肉餡，最愛炒手汁，酸酸辣辣夠晒開胃；炸豬扒（胡椒味）配湯麵，相對比較失色，豬扒正常發揮，配上胡椒粉都幾惹味，但湯麵就比較淡口總括來說，推介小籠包和紅油炒手依然最愛！

今日去了屯門行街，突然掛住小籠包，便到屯門一個商場內吃。因為鄰近地鐵站，所以好快就行到過去。我哋叫了擔擔麵、炸豬排湯麵、經典小籠包（共6件）和迷你芝麻包（有三件）。擔擔麵香、有花生醬香，麵條沾醬後口感唔錯炸豬排湯麵，湯麵配以清湯，炸豬排以碟上，豬扒略嫌較乾。小籠包好味，多肉汁和夠熱，記得沾上醋和薑絲一起吃迷你芝麻包有芝麻蓉，細細件甜點也不錯。

今天和家人來屯門吃飯，家人喜歡吃中菜，所以便去這間餐廳吃小籠包，食物質素是可以的，不過價錢昂貴，份量偏少。小籠包：小籠包每一件都很細粒，根本是「一口小籠包｣，雖然豬肉都算嫩滑，而且湯汁亦鮮甜美味，但份量真的太少，性價比很低。蝦仁燒賣：蝦肉都算爽口彈牙，豬肉亦鮮甜美味，整體質素都出色過小籠包，當然，價錢亦貴過小籠包。肉絲蛋炒飯：雖然炒飯的口感比較油膩，但是味道不錯的，只是份量很少，而且價錢亦有點貴。菜肉餛飩湯麵：由於湯底不濃郁，所以麵條沒有什麼味道，有點淡而無味，是一款很清淡的食物。赤豆鬆糕：鬆糕的質感都算軟熟，味道不錯的，不過$62價錢真的有點昂貴。菜肉包：全場最便宜的食物便是它了,$48兩包菜肉包，味道都挺好的。價錢方面，加一服務費之後，4人總共 $535。總結來說，這間餐廳的食物味道不錯的，只是價錢真的太昂貴了，而且份量亦很少。

Nestled in the bustling V City, 鼎泰豐 Din Tai Fung offers a delightful culinary experience that promises to tantalize your taste buds. Known for its impeccable service and exquisite dishes, this restaurant is a must-visit for food enthusiasts. 1. 烏龍茶 Tea ($12/pax)Start your meal with a refreshing cup of 烏龍茶 (Oolong Tea). Priced at $12 per person, this tea is the perfect palate cleanser, offering a delicate balance of floral and earthy notes that prepare you for the feast ahead.2. 台式四季豆 String Bean

同屋企人一行四人嚟到屯門 V City 的鼎泰豐食晚飯，呢度主打上海點心，出名既係小籠包，作為家庭聚會既選擇，相對穩陣，而且每款菜式都有一定既水準，符合唔同人口味需求。餐牌選擇豐富，包羅萬有，從小籠包到炒飯、蒸菜、甜品，滿足唔同人既需要。餐廳裝修簡潔明亮，環境衛生一流，桌椅擺設亦十分舒適。由於係晚飯時間，所以人流較多，不過服務員反應快，態度亦好親切。高湯蒜蓉菠菜苗呢碟高湯蒜蓉菠菜苗味道相當不錯，菠菜苗清甜細嫩，口感爽脆。蒜蓉既香氣撲鼻，加上高湯既鹹香，非常入味。唯一略嫌係油分稍多，但總體嚟講，呢道菜相當稱職。原味小籠包原味小籠包係鼎泰豐既招牌，皮薄餡多，咬落去啲肉汁即時湧出嚟，豬肉餡料鮮甜，食落唔會覺得油膩。呢籠小籠包價錢合理，性價比唔錯，值得一試。炸豬排蛋炒飯呢款炒飯炒得粒粒分明，每粒飯都包裹住蛋香，炒得相當乾身。配上炸豬排，外層酥脆，內裡肉質嫩滑，食落口感層次豐富。無論係單食定配其他菜一齊食都好滿足。黃金流沙包黃金流沙包係呢餐既甜品highlight，包皮柔軟，咬開後，流沙餡即刻流出嚟。蛋黃餡料香濃滑溜，帶有少許鹹香同甜味平衡得啱啱好。呢款包熱辣辣食最為好味，推薦俾鍾意甜品既朋友。

今日下午經過屯門，想念台灣的味道，一直想搵機會試下鼎泰豐， 終於試到了👉🏻牛腱牛筋牛肉麵 （鎮店招牌之一）牛肉口感入口即溶 加上特色麵 湯底唔會過於油膩 同牛筋比例剛剛好 👉🏻紅油蝦手總共有5隻，蝦🍤肉夠新鮮，紅油配上蝦餃，味道非常豐富。岩哂愛辣人士

同朋友12個人去屯門醫院上堂前食個中秋午飯竟然唔使等位😍仲要包房鼎泰豐唔需要多介紹，喺台灣都食過四次一定係食小籠包同湯麵，之前仲會食佢個泥芋小籠包甜品▶️ 雞肉小籠包 ($72) ｜小籠包 ($70)每籠六粒，總共叫咗四籠小籠包皮薄煙靭有質感🥟冇話爆汁，但肉汁juicy食得出雞肉同豬肉分別，雞肉嗰個帶少少薑味以小籠包嚟講幾唔錯▶️ 清燉牛𦟌湯麵 ($92)面同湯分開上湯底清淡，帶少少甜味，配有香蔥有四片厚切牛𦟌，偏向多肥膏啫喱位，入口軟腍，幾好食🐂麵質似上海拉麵，少彈牙唔易斷🍜一定要配湯食，如果唔係好乾唯獨覺得味道淡咗啲，自己倒咗大量醬油落去調味🙈▶️ 杏仁豆腐 ($50)朋友唔介紹都唔知香港鼎泰豐有杏仁豆腐甜品叫，都幾大盅布甸比較流質，好動L，同燉奶口感唔同🍮杏仁味超重，甜品來至頂層糖漿另外有一粒士多啤梨作裝飾-雖然同台灣鼎泰豐風味同feel好唔同，但水準味道唔錯👍🏻環境舒服，適合一大班人聚餐服務好好，有笑容有禮貌，上菜快手我哋都叫得幾多嘢：四籠小籠包、兩籠流心奶皇包、一碟紅油炒手、八個主食、兩個前菜、五個甜品有$12/位茶水費同加一服務費，平均$150/人貴過台灣但算合理

首先精心包造的小籠包外皮薄如紙卻包裹著豐沛多汁的內餡。咬下去,肉餡頓時爆出,入口即化,令人口齒留香😋另外擔擔麵麵條彈牙可口,配搭上飽滿的花生碎和適中的辣度,為這道川味街頭小吃增添了香氣與層次。不論是愛吃辣的食客,還是對辣味略有顧忌的人,都能在這碗擔擔麵中找到屬於自己的味蕾享受。牛肉麵的牛肉塊軟嫩多汁,入口即化;湯頭更是鮮甜適中,不會過於鹹膩。麵條Q彈有勁,與肉塊和湯頭完美融合,為這道經典的中式主菜增添了無可挑剔的口感🙂‍↕️另一道值得一試的菜品是抄手。紅油抄手餡料鮮香多汁,包裹在彈牙可口的餃子皮中。濃郁的醬汁完美包裹住抄手,既不會過於乾澀,又不會顯得油膩,讓人百吃不厭。總的來說,這家餐館能夠提供從精緻點心到經典主菜的各式中式佳餚,滿足了不同偏好的食客,足見其廚藝功力與對中式飲食文化的深厚掌握。無論是愛好者還是初次嚐試,都值得一訪這家餐廳,一飽口福🤩

香港鼎泰豐終於有蟹粉小籠包同老公對f小籠包嘅愛就係幾時都會想食🤣🤣之前香港鼎泰豐一路都淨係得普通小籠包想食就只能夠飛台灣估唔到過咗幾年 香港鼎泰豐終於都有蟹粉小籠包啦不過價錢真係好貴， 百四蚊鬆先得個六隻足足係普通小籠包嘅一倍價錢不過真係好想食，所以都叫咗味道冇得輸 同台灣食一樣咁香濃蟹粉味另外佢個酸辣湯每次都必叫 係台式嘅酸辣湯好多豆腐絲、木耳絲 飲落唔會好辣，但係又夠晒香另外蝦仁蛋炒飯都係一貫水準 不過呢兩三年真係加咗好多價 仲要另外+1小籠包加一後要成$80 6隻抵唔抵食 就真係見仁見智😌

入左屯門行街睇戲（巴倫紐，55蚊正場，平😈😈）睇完戲，竟然見到有鼎泰豐，見呢間竟然唔洗排隊，一於入黎食。叫左小籠包，膽膽麵，牛肉湯麵，同埋荔芋小籠包。小籠包皮夠薄，湯汁唔會熱到燙口，正👍👍牛肉湯麵同膽膽麵啲麵幼滑，幾彈牙，不過我比較鍾意詠黎園啲比較淋既麵。牛肉湯麵啲湯似濃味既蘿蔔牛腩湯，叫得呢碗湯麵，一定要飲哂啲湯😈😈荔芋小籠包真係用返小籠包既皮，好鬆軟。不過咬落，粒碇略硬，同埋佢地喺落order後好快就黎，乜甜品唔係應該比較後期先放枱咩？（台灣旅行時食過，甜品係分開上囉）整體唔錯，價錢唔算好貴，都ok既，不過覺得同其他鼎泰豐有唔同，硬係覺得差咁啲野咁。

:: 小籠包$70/6 一直保持水準，皮薄得黎唔易穿，肉汁豐富唔死咸:: 擔擔麵 $60麵質軟硬岩岩好，好濃厚既麻醬味，質地都偏稠，每一啖麵都足夠吸滿醬汁，惹味得黎唔辣，係一點點辣都冇:: 乾拌蝦肉餛飩 $72/6同樣皮薄又帶點爽口彈牙，用醬油乾拌，只係CP值不太高，咪就係普通既餛飩加台灣拌麵果包醬油🤣:: 炸豬排 $50胡椒口味(但唔係好食得出) 整體係濃味既豬排，好薄同軟琳，酥唔酥真係一時時，但普遍都唔係非常酥脆口感，只係有時做得差，仲係好油好濕。:: 蝦餅 $80薄薄地外層係腐皮包住蝦滑，整體好油好油weekday 都係得散叫menu, 當區黎講唔算抵食如果有lunch set 更吸引～

和家人到屯門購物，晚上7:30晚飯時間好多餐廳都不用等位，媽媽說想吃小籠包，就去鼎泰豐吧！入到座位，座位寬敞舒適，店員隨時在我們附近候命，我們想下單的時候，未舉起手店員已經來到我身邊為我們下單，反應之快。我們四位點了許多食物，上菜速度亦都很快，下單後第一道菜大約5-8分鐘就到了，全部菜式上齊都只是用了15分鐘。招牌小籠包固然不會失色，其他小菜亦相當不錯，例如蘿蔔絲拌海蜇，紹興酒醉雞，他們都是涼菜，醉雞非常入味，而蘿蔔絲亦都清甜。牛肉湯很甜呢！我們有叫了第二碗。相比起拌麵，我較喜歡牛肉湯麵。熱騰騰的小籠包😋 我們點了一款經典款，另一款是雞肉款，兩款都充滿肉汁，滿足！意想不到這款蝦肉煎餃，原來是這樣的，非常香脆。😋我不愛吃魚，所以圖片就給大家參考了👹