點點甜 (已結業)

這兒的甜品選擇極多，有台式、西式、港式、中式、自家創作、刨冰、榴槤、抹茶、窩芙、木糠布甸、軟雪糕、沙冰等系列，餐牌圖文並茂，款款吸引，花多眼亂，單是芋圓系列已有很多款，多種搭配。樣樣都想試的我們好不容易才能作出取捨。榴槤飄香有一大球榴槤肉、奶凍、榴槤汁、水晶珠、椰果等，材料豐富，榴槤味濃郁，奶凍香滑，椰果爽甜好有口感。朱古力心太軟即叫即製，送上枱還熱騰騰，一切開更冒煙，大量流心朱古力漿湧出，朱古力味好香濃又幼滑，配上清新又有豆香的豆腐味雪糕好美味。芒汁雜果涼粉有滿滿的清甜又大粒的多種水果，好豐富，涼粉夠爽口，配甜甜的芒果汁吃好清涼好滿足。

同朋友係旺角食完午飯，時間尚早，所以就決定係呢度附近搵一間甜品店坐低繼續傾，繼續食。熟我既人都知道芋圓係我最愛既甜品，基本上一年去一次台灣，大部分既原因都係因為一碗既芋圓。行行下就比我地發現佐呢間甜品店。餐廳雖小，但五臟俱全，甜品款式選擇夠多，所以Tea time時間都有唔少人。細看餐牌，真係港式甜品又有，台式甜品又有，西式甜品又有，選擇夠多，而且價錢唔貴。榴槤飄香 $46天氣開始熱，開始踏入夏天，又係食榴槤既季節啦，所以見到榴槤系既甜品，我當然要order啦！呢款榴槤飄香，裡面有奶凍，榴槤汁，水晶珠，椰果，同埋榴槤肉。分量真係幾多，奶凍既奶味真係好濃，夠哂香滑，而榴槤肉食落好似食緊榴槤一樣，好甜，好好味。芋圓仙草盛 $34芋圓仙草盛可以選擇配紫薯或者芋泥，兩樣都好吸引，而最後我地就選擇佐後者。裡面有仙草，西米，芋圓，小丸子，紅豆，黑珍珠，同埋我地揀既芋泥，口感真係夠哂豐富。芋圓真落煙煙韌韌，真係好過隱，特別要讚既係佢成個甜品做得唔算太甜，個balance做得好好，食哂成碗都唔會覺得「漏」。伯爵茶奶凍 $38呢款奶凍除佐奶凍外，亦都有雪糕跟配，雪糕可以揀芒果，雲尼拿，朱古力，士多啤梨，

30幾度的盛夏，冰涼甜品實在太難抵擋了……一開門，強勁冷氣吹來，爽爆 😂😂 無揀錯 😂😂😂😆 ，點了套餐，榴槤，愛玉。 雪糕吐司套餐 $40 （抵食）魔鬼😈😈旨指數100，賣相吸引，售價便宜，色、香、味俱全。方飽焗至香脆，麵包心切粒，雙面塗滿牛油焗脆，帶點牛油的咸香味，連外圍的麵包皮都瞬間清掉。藍莓清甜無酸味，少少朱古力醬，雪糕冰凍🍦，冷熱雙重味覺享受。這是下午茶優惠餐，時段由1點至7點，真係悠長的下午茶 😂😂芒果梳打，跟餐附送，清涼解喝！超值！雜果愛玉冰 $38 （特別）愛玉凍💖是台灣特產，一種由植物加工而成的食品，口感滑滑，像水感重的軟啫喱，又有點似蘆薈，清熱滑腸，夏日佳品。七彩繽紛透心涼，眼望已有透心涼感覺。榴槤飄香 $46單球 $60雙球 （偏愛）榴槤係至愛，當然要打双上😍😍，驟眼看還以為是雪糕，原來是榴槤肉。榴槤質素不錯，如果是冰凍的就更完美。視覺上就有點悶，白、奶、米，若然能加點彩色會更好。糖水競爭激烈，選擇實在太多，成功一定要靠口啤，尤其偏離鐵路，就更要有特色，才能突圍而出。

旺角去到登打士街後面有勁多甜品舖，但食嚟食去都係果幾間，之後再search下先發現有呢間新嘅，就趁住日頭未多人食嘅時候去試咗👯招牌抹茶心太軟配雪糕抹茶味係甘甜，而唔係好假嗰種甜味。心太軟外層嘅厚度啱啱好，唔係嗰種厚到好似食蛋糕咁～流心效果好成功，試過食其他甜品舖真係會杰咗流唔到出嚟😣 雪糕係豆腐味，同抹茶心太軟好夾，唔會互搶風頭😛雲上燒呢個10分讚！！！平時我去BBQ係完全唔會食燒棉花糖嘅，因為好怕佢咁黏埋陣味會甜到漏🤦🏻‍♀️ 好難得見到個圖覺得吸引就叫咗，然後勁啱我口味！！！食落口感好豐富，入面又有奶凍又有雜莓，啲棉花糖外表燒到脆脆地，然後一咬入面又淋哂，有啲就仲係煙煙韌韌，口感超正！！！而且味道唔漏，雜莓中和左棉花糖嘅甜，而奶凍嘅奶味又唔會話太重，好正🤤白桃雪山呢個其他鋪頭真係未見過，陣桃味真係好香～ 上面有芒果、菠蘿，成盤冰勁多水果🍑🍍個雪糕一上個陣仲凍到出緊煙😳 唔知有無人睇得到？ 雪糕嘅桃味比刨冰濃，所以我會一啖撈哂雪糕同刨冰嚟食已經決定會介紹朋友嚟呢到食🤤！！ 不過餐廳較細，可能夜晚時分要等下位先食到，廚房都係開放式，大家可以放心睇住店員整甜品😌

Weekend上完堂，去食d甜品補返下先，係附近有間未食過就試下。多玻璃令到陽光充足，可以慢活下。超多榴槤款式！Double榴蓮冰$60，榴蓮汁、2球榴蓮肉、奶凍、小丸子、椰果、水晶珠、奶凍。榴槤味道超濃，底是榴槤汁，水晶珠份量不少，每一口都食到，小丸子似小湯圓咁有嚼勁。奶凍很扎實，唔會即刻爛個種。雲上燒 $42，棉花糖、雜莓。半溶的棉花糖好chewy，下有一層藍莓和士多啤梨粒，再用奶凍墊底，幾得意。芒果窩夫配雪糕 $52，可以自己揀。厚身的waffle質地很鬆軟，外面仲脆脆地，有蛋香，唔係用平時死板板d waffle機夾的，幾有水準。熟透的芒果甜美多汁，豆腐雪糕的豆腐味可以再濃些。

<點點甜 甜品糖水都有得點>🍡🍧#fafafoodblog旺角喺豉油街尾既甜品鋪 點點甜 有各式既甜品 好似 泡冰 ❄ 雪糕 港式糖水 台式芋圓等等 應有盡有 👍🏻🍴雪糕吐司🍞 🍦 40 蚊份 (只限 1點至7pm ) 外表靚靚既toast用方包焗成吐司 再切成粒狀 好香脆😍 上面加上煉奶 牛油 朱古力醬 調味調得好好 醬好入味 再加上清新既豆腐雪糕中和香甜味 🍦 好正🍴Double 榴槤冰 60 蚊😍有香濃既榴槤汁 仲子母床 2 球榴槤肉 好足料 榴槤肉好香濃啖啖肉 上面有豆腐 奶凍 好彈牙 仲有煙靭小丸子 🍡甜椰果 水晶珠 煉奶 🥛 整埋一齊好有口感 鍾意榴槤既朋友要試😍🍴宇治森林 🍦🍵 50 蚊用左香滑豆腐花 同脆脆做底 上面放滿甜紅豆 彈牙既抹茶啫喱 同小丸子🍡 仲有抹茶雪糕🍦 雪糕抹茶味香🍵一路食 d雪糕溶落下面既豆花同脆脆 味道好match 😍👍🏻Score 平均分 <7.7/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍

平日多在旺角煙廠街一帶吃甜品，下午與友人經過豉油街，發現新開了一間甜品店，嗜甜的兩個女生一於來個甜品下午茶。店子小小，裝修簡約，午後陽光從玻璃映照入室內，份外愜意。榴槤控友人點了榴槤小丸子，份量比較少幸好榴槤味夠強、榴槤肉夠甜、小丸亦煮得夠Q。我點了伯爵茶奶凍，配料十分豐富，頂層有一球士多啤梨雪糕，🍓下面有士多啤梨、藍莓和粟米片增加口感，🍧最底的伯爵茶奶凍茶香隱約從杯底散發，茶味與奶味相配合，吃一半已覺飽肚，抵吃之選。

芋圓系呢家黎講已經系勢不可擋，平時偏向大眾口味既甜品店有出當然系意料之內既事，但系呢家竟然系連某啲傳統甜品都順應個趨勢而出埋芋圓唔經唔覺原來都好耐冇食了，聽人講呢間既芋圓幾正，不禁黎試試！第一次聽返嚟係話荃灣嗰間幾好食，而我今次就去咗旺角嗰間。個位置其實就係豉油街，吾系旺角中心位，系廣華街、煙廠街一帶，其實戈邊都有吾少好野食，個人認為係旺角另外一個美食地帶。以為咁隱蔽既位置應該吾洗等位啦，點知去到都系要等位😪不過都吾系等左好耐，大概10分鐘就有位了。系等位既時候都不忘望望餐牌，甜品種類頗多，大致上分為雪糕類、刨冰類、港式甜品類、西式甜品類、新作甜品類。以最近既趨勢同埋以呢間甜品店黎講，芋圓應該就系大熱了。芋圓亦有分好多款呢，有芋圓西米露、芋圓仙草盛、丸子紅豆沙、芋泥豆花、奶凍冰、仙草紫薯冰。仙草紫薯冰 $36友人叫了一個仙草紫薯冰，有仙草、小丸子、紅豆、黑珍珠、芋圓、紫薯蓉。首先想講紫薯蓉既份量系好少相信吾少人叫紫薯類既甜品都會對紫薯把有頗大既期望，但真系令人期望落空呢。不過抵讚既系小丸子同芋圓都系煙韌既，但系去到刨冰戈度又出事佢啲冰吾系正常既刨冰咁碎碎地，而系要篤幾下先開始碎，好硬既

開始轉季，天氣都熱左好多，甘悶焗就附近搵間甜品食下。望下餐牌款式好多，價錢都好大眾化。🥄榴槤飄香 $46榴槤肉好多，味道清香，岩哂我呢個鐘意食榴槤既人。奶凍甜度剛好，加上爽脆水晶珠、彈牙椰果口感十足。🥄芋圓仙草盛配紫薯 $34紫薯蓉質地結實，食落好綿，真材實料。配料有芋圓、黑珍珠、小丸子、西米、紅豆同仙草非常豐富。芋圓同珍珠夠哂煙韌，當中最糯香小丸子同清涼仙草。🥄伯爵茶奶凍 $38奶凍份量十分多，口感幼滑，帶有濃濃伯爵茶香味，好抵食。

隔左成年之後又過黎食甜品啦～今次係第二次黎食芋圓 芋圓同以往一樣好香蕃薯芋頭味 滿足到芋圓控！😋🍠不過芋圓份量比之前就少左好多啦😢得六粒😢不過其他野都好足料 丸子個d夠咬口 味道係可以搭救既🙂

這間甜品店一直在我的wish list內，因為它有很多芋圓的台式甜品，我可是個超級芋圓控呢！點點甜鋪頭細細間。餐牌有實圖，有好多選擇，芋圓控、窩夫控、抹茶控都照顧到！芋圓系列都有好多款，我比較心多，所以選了芋圓仙草盛配紫薯，裡面有仙草、小丸子、西米、芋圓、黑珍珠、紅豆和紫薯蓉！仙草即是涼粉，好清熱，西米大大粒，煙韌的小丸子和黑珍珠，清甜的紅豆！三色芋圓有紫薯、芋頭和南瓜，好QQ，又有嚼勁，是我喜歡的口感！紫薯蓉代替雪糕更健康！野梅窩夫配雪糕，好大份，窩夫新鮮夠熱，外脆內軟，質感有點像蛋糕，酸甜的野梅可減低膩感！加上雪糕吃更滋味！朋友愛吃棉花糖，這個雲上燒好適合！上面是燒棉花糖，中間加了芒果醬，下面是滑滑的奶凍，冷熱交替，好特別！

本來約左友人食飯, 點知佢臨時要開OT, 飯就食唔到, 唯有食個甜品補數!  坐係呢間位於佢工作附近嘅甜品店等佢店內播住流行歌, 等佢時都無咁悶 (哈..哈......)餐牌上嘅甜品選擇都幾多, 港式/台式/西式/刨冰/自家創作/飲品及新作推介, 價錢合埋唔貴喎!  咁就可以叫多D啦................製法簡單嘅椰汁芒果椰果涼粉, 無論口感及味道都完全係想像之中, 爽口涼粉切得頗大粒, 有我喜愛嘅甜美椰果加埋腍甜芒果肉, 浸於冰凍椰汁裏面, 香甜有咬口就係呢客甜品比我嘅感覺!  食完成個爽晒!本來想食朱古力心太軟, 可惜賣晒, 轉食呢個綠茶心太軟配雪糕 ($48), !  自選雪糕球味道, 點了雲呢拿味, 紅綠白配賣相幾靚仔!  公式化地綠茶味食物係要配紅豆, 呢度仲有埋丸子!主角心太軟切開後, 裏面嘅綠茶漿慢慢流出, 唔算話好多, 綠茶味適中, 再食下綿綿紅豆同煙韌丸子, 一款裏有幾種口感!呢個係新推出嘅雪糕吐司套餐配梳打一杯 ($40), 餐牌上暫未有, 係店員推介!  自選2球雪球, 我地要左豆腐同曲奇妙趣, 味道一淡一濃岩岩好!  兩塊薄吐司中間起出切成粒狀, 再係

近來天氣熱開始熱，嗰日響旺角行街shopping行到攰攰地熱熱地就去食個甜品休息下，尼間甜品舖“點點甜”唔係位於旺角最熱鬧既地方，佢座落響“新寶戲院”行過dd，位置唔會太嘈雜太多人，可以輕鬆坐下嘆下甜品。宇治森林$50女生最愛既宇治抹茶軟雪糕作主打，配襯豆腐花作底層，然後一層粟米片，再加上抹茶啫哩、小丸子、紅豆，包含不同層次，紅豆同小丸子配抹茶雪糕一齊食絕配，抹茶雪糕又軟又滑又濃，豆腐花夾粟米片又另一口味，十個推介。雪糕土司 + 梳打$40店員推介既新品雪糕土司，連menu裡面都未有，兩球雪糕配土司再加一杯梳打飲品都係$40，非常超值，雪糕球有多味選擇，我擇左曲奇同埋豆腐味，雪糕球配土司，又冷又熱又香既口感，面頭再加上朱古力醬，再配埋一杯梳打飲品，絕對一個豐富既下午茶。寶石森林$50食完“宇治森林”實在太好味，忍唔住離多杯有d類似既“寶石森林”，軟雪糕係抹茶牛奶，配料有玄米茶啫哩、紅豆、小丸子同米通再加兩條抹茶味kitkat，層次方面“宇治森林”略勝一 籌，但尼杯就有牛奶味雪糕既香滑，如果係抹茶控就必選“宇治森林”，如果怕太重抹茶味就選“寶石森林‘’

鋪頭細細間，只能容納大約十多位客人。由幾個九十後年輕人經營，雖然欠缺笑容，服務態度亦算滿意。可能年青創業資本有限，故店舖裝修畧為殘舊。但見甜品價錢平民化款式多，又唔想週圍找便卽管入內幫襯。伯爵茶奶凍 個奶凍好滑好夠牛乳味，配上士多啤梨醬原來都很夾。上面有粒粒士多啤梨果肉和藍莓，中間擺放一球雪糕令整格局提升不少。宇冶雪山抹茶味雪糕濃郁，甜度適中而且口感好滑，放系D冰上面雪糕唔駛咁快融。不過D冰就硬左少少要用口咬，如能刨得像韓國果啲冰綿綿密密就更好。配上椰果和麥茶啫喱， 煙煙靭靭頗有口感。因份量太大結果不能KO得哂!

之前成日食完飯就會喺呢度買雪糕食，但係今日中午係附近行完街，唔想淨係食雪糕，所以就叫咗其他糖水試吓，其實都有好多選擇，眼花凌亂，呢個又想食嗰個又想食下，因為呢幾日天氣有啲凍，所以我就叫咗碗熱嘅薑汁芋圓西米露，入邊有薑汁，芋圓，西米同小丸子，薑味好重，夠姜味，正，芋圓同小丸子好彈牙，食完一碗已經好飽~另外再叫多個伯爵茶奶凍，入邊有雪糕，士多啤梨同藍莓，見係新野所以就試吓，個奶凍用左伯爵茶嘅味道整，幾特別，唔係好甜啱啱好，加埋雪糕係上面，雙重口味，推介