點點甜 (已結業)

原本係荃灣一間好好食既甜品，點知去到旺角分店完全係一個大伏！！質素差太遠了實在叫咗芋泥奶凍冰($32) 超失望！！先講個芋蓉，雖然食得岀芋頭味但係硬既。芋圓味道同總店差不多，都食得岀芋圓不同既味道，但口感好差，好似未熟咁又硬又乾，已經稱不上煙韌下面個刨冰超級大粒冰，係過份大粒既碎冰唯一好食已經係個奶凍，好滑好夠牛乳味，食完呢舊就已經停咗手仲有另一個甜品都唔好食，凍既糖水但一點都唔凍！ 下次寧願去遠啲都要去翻荃灣食

.點點甜特盛仙草盛紫薯泥（熱）$33.當中有芋圓，蕃薯圓，小丸子，黑珍珠，西米，仙草同紫薯泥.個紫薯泥食落都ok綿，有紫薯味，用黎代替雪糕可以唔洗凍食之餘，又食到雪糕嘅質感😋期餘配料都普普通通.而且熱嘅仙草食落雖然真係無咁爽，但女仔始終食少d凍野會好d，尤其係宵野😂食得愈唔刺激愈好。.個時太夜去食，無晒紅豆，所以就俾多d芋圓我，但其實成個份量都唔多，仙草好薄底....食到好唔夠喉😩但要健康嘅話，小反而更好😛

係旺角食完飯意又係食甜品嘅時侯，轉個彎就到點點甜，所以又食呢一間宇治森林（$48）Uji Matcha Forest食過點點甜嘅芋圓系列真係覺得麻麻地，所以今次都係食番最有保證嘅抹茶產品🍵宇治森林🌳裏面有有抹茶雪糕🍦白玉、抹茶啫喱、紅豆、豆腐花同脆脆。首先講下抹茶雪糕先，雪糕無話有回甘味🤗有抹茶味但未算好濃。不過雪糕好滑，白玉口感煙韌帶微甜👍正正子😍抹茶啫喱食唔太出有抹茶味，甜甜嘅紅豆同淡味嘅豆腐花作出互補💞成個組合幾夾，不過草根唯一唔太中意中間唔d早餐脆脆🙈見到好似出左新嘅雪糕系列，下次試下先

距離甜品集中營(黑白布街)一條街左右真係唔特登去都唔知🐤🌱宇治森林$48🌱估唔到好大杯 高過手掌 個杯直徑都幾長😎係甘香少甜嘅抹茶雪糕 完全唔甜膩大讚雪糕質感 好企身又滑 係難得冇點溝水溝到易溶嘅雪糕 🍦白玉煙韌 抹茶啫啫q彈 仲有紅豆💁下面係粟米片同豆腐花 一脆一滑 都幾得意😂但我覺得冇雖太花巧 淨雪糕都ok😎.要改善嘅係雖然有抹茶甘香 但再濃郁啲就好啦👏

出黎食野，味道好唔好當然重要，但基本既服務態度亦都係一般人expect會有既野，可惜喺點點甜呢度我地係一樣都搵唔到🤷🏿‍♂️店面唔大，而且正值周末晚飯後既時段，稍微等下都可以理解甜品選擇都多，咁簡完兼落單之後就同朋友吹下水咁啦。之不過我地睇住個店員係一邊禁電話一邊整野食，另外果啲就踎哂喺度講粗口同是非。大佬，呢度唔係街市，更何況你間鋪咁細，根本全村人都聽到哂啦，其他客人有時都擰過頭過去睇下咩事。唉，真心不知所謂😡至於味道呢，舊紫薯味道太淡，芋圓太硬兼無味，小丸子好淋無口感至於呢個呢，同圖片個樣相差太遠，紅豆沙超級稀，配料方面同上面果個差唔多，不值一提諗住芒果野最大路，結果係酸到不得了，食兩啖已經想放棄😶好少可食甜品食到咁唔開心，總之就無下次啦！

同朋友食完晚餐仲覺得想食甜品，當她說想食芋圓就記得附近有間未食過的甜品店就過來試試，位置不太大但都坐得舒服，我地最後叫左三個甜品，每人三十四蚊價錢都吾貴。芋圓小丸子西米露 $26芋圓吾算多而且味道偏淡，薑汁味吾夠辣，小丸子口感一般，我地仲一人一碗有點失望。因為都有少許失望，所以我們決定再叫多個雪糕黎食，但因為沒有筒就轉了用杯裝....抹茶牛奶雪糕 $16抹茶味夠香而濃度可以，口感吾太creamy所以食落都舒服但比較易溶。整體感覺上之前在荃灣吃的抹茶和榴槤甜品更加出色。

好耐冇打過食評 但眼見咁多疑似打手比成3x個食評都忍唔住打番篇黎提大家唔好中伏呢間野真係好差 唔準時開鋪不特止 仲叫嗰樣冇嗰樣 d staff會黑面同你講唔識整 如果好複雜既甜品都算 佢地係連軟雪糕都唔識整。。。最後穩陣地叫三碗芋圓點知成碗野都稀lung lung 仲係冇味既呢間野真係好癲服務惡劣 野食唔識整 識整又冇味

🎏宇治森林 ($48)<豆腐花，紅豆，抺茶啫喱，白玉同抺茶雪糕>綠茶雪糕都好高質，好滑，茶味都幾出但抺茶啫喱就冇咩抺茶味了很新穎地配搭左豆腐花，但又出其地夾，如果豆腐花多d豆味會好d仲有d栗米片係中間，脆卜卜，有多重口感🎏芋圓仙草盛配芋泥 ($30)芋泥真材實料，好綿滑仙草冇得彈🤗但可惜係芋圓好似未煮得夠熟😢入面有點硬🎏香蕉船係餐廳新出嘅甜品有3大個雪糕球 (芒果，士多啤梨，曲奇)雪糕不算突出似係普通雀巢😂但值得一讚係嗰條蕉🍌唔係好hea就咁放條蕉落去佢地係銷上左糖再用火槍係上面燒令到蕉有好似蕉糖燉蛋嘅味道👍🏻非常特別！⭐️餐廳即日起 3 p.m.-7 p.m. 所有甜品都做8折優惠 （星期六，日除外）🎏🎏🎏🎏🎏🎏🎏🎏🎏🎏🎏🎏點點甜 (旺角)旺角豉油街126-128號明威閣地下K舖

喺某一個周末下晝,我同細佬兩個人去到呢一間甜品店。店門貼住一張紙,寫住星期六,日營業時間係2pm開始,當時已經係下晝三點,店入面除左兩位開緊餐,疑似店員嘅少女外(一位坐背對門口),就冇其他人。我地開門問:「請問開左未嫁?】背對門口果位, 頭也不回地答:「開左」,咁我地見出面好鬼曬, 就入去坐低先啦...入到去, 攞Menu黎睇,想嗌杯軟雪糕食,剛才開餐兩位少女話部雪糕機未砌好,要消毒但佢地唔識,要等另一個店員返黎。咁我地就嗌左個毫無難度嘅木瓜奶啦~跟住兩位就開始喺廚房度"攪機"喇,一時攪到部機出煙, 一時攪到部機噴水,兩位就係咁叫,旁若無人咁款,呢個時候, 開始有其他客陸續入黎,佢地都唔得閒招呼。大約3:45分, 另一個店員(即係識整甜品果位)返到黎,我地就再點野食啦,嗌左客朱古力心太軟+曲奇雪糕;同一客魔鬼天使軟雪糕。其中一位少女攞餐具比我地,而其中一隻匙羹係有朱古力漬嘅...等多20分鐘左右,首先魔鬼天使送到,雪糕不夠滑,雪味太重,朱古力味不濃也不膩,尚算合格。敗筆是其後的心太軟,心太軟的重點理應是切開時慢慢漏出來的溶岩朱古力,但這個心太軟切開, 就是一個普通朱古力蛋糕>&

我屋企冇人煮飯，所以成日周圍食，亦好中意寫食評分享自己去過既餐廳。無論食物質素如何，我都好少寫負評，唯獨係服務奇差既店鋪，我先會下定決心寫個事實出黎。門口有張紙寫住星期日2pm開門，我地3點去到喺門外望入去，店內得兩個正低頭食野既年輕店員。我開頭探頭問：請問開左門未？其一店員頭也不回地答：開左。我覺得難以置信，以為自己聽錯，但都行左入去。佢地兩個依然繼續食野，亦開始傾偈，而我同我個friend就被迫聽佢地「有個好cap既同學出左pool」、「勁肚餓囉」等既話題。我覺得人要食飯好正常，但你兩點開門而三點仲喺度慢慢一邊傾一邊食，完全唔係正常人番工既做法喇掛！算。我地翻開menu，都算好多選擇：同時我又留意到牆上既黑板寫住全新白桃味雪糕，所以就想落單叫白桃味雪糕、香蕉船同「魔鬼天使」。落單時，坐喺原位既侍應居然回應我：「我唔識整香蕉船咼。」再轉向佢同事問：「你識唔識消毒個雪糕機？」然後兩個喺度話唔識，再一齊好開心咁笑。我當下真係呆左。你唔識整你餐牌上既甜品你番工做乜？你唔消毒部機仲要話比客人知係咩玩法？接下來既半個鐘就精彩喇。我地望住佢地打比某同事問部機點洗、啲野擺邊、噴消毒劑等等。期間有講

唔開心黎食甜品本身衝住芋圓黎食結果有d失望芋圓太硬 唔推薦 豆腐花冇咩味另外點左個窩夫set窩夫好好食 好香 可以試下軟雪糕都唔錯唔知點解有8折整體都OK嘅音樂有d大聲

知道呢間甜品店有芋圓甜品，又被吸引過去食～芋圓仙草盛配紫薯 $30 可以自選紫薯蓉或者芋泥蓉，紫薯蓉味道天然，有淡淡既香味，食晒一大球真係好飽❤️！配料有好多款式，口感豐富，黑珍珠、西米、紅豆、小丸子、芋圓同仙草，芋圓同小丸子煙韌Q彈🌟，好食呢！但黑珍珠比較硬，應該未煮夠🙁，整體味道偏淡同單調，主要係用紅豆帶出甜味，以性價比黎講都算滿意！🤗 香芒明珠 $36 呢款甜品比較清新，有雪糕、芒果粒、小丸子、椰果等…都幾豐富呀，芒果汁夠凍，味道又唔會太假，可以一試呀！ 餐牌: 餐廳資料：點點甜地址：旺角豉油街126-128號明威閣地下K舖

食完飯就揾糖水鋪。係揾緊另一間甜品店既時候盪失左路，於是就是但入左一間，點知又ok喎首先，佢個menu質感好好我同我friend都係咁摸，感覺有少少高級。我地嗌左香芒樂園同榴連西米露。我想食芋圓所以特登簡左個有有芋圓既一睇圖就簡左個佢香芒樂團真係咩都有，芋圓有蕃薯味同芋頭味。我覺得蕃薯味好食啲，啲味濃啲。入面仲有小丸子同芒果，同埋水晶珠。其實我係睇錯我以爲係西米點知食落去有少少失望。個人唔太鐘意水晶珠，有啲似爆爆珠，如果係西米可能會好食啲。朋友嗌左榴連西米露，雖然外表好普通，但佢好好食啊好有榴連既香味。比較起上黎我鐘意呢個多啲。環境都乾淨坐得舒服，坐幾耐都唔會趕人走。其他地方閒閒地都60幾一個人，呢到差唔多半價

係附近上完堂，見仲有d時間，又好想食芋圓既甜品，於是叫埋朋友去呢間試下。甜品種類好多，但大家一心都係想食芋圓，所以全部叫唒芋圓系列芋圓仙草盛配紫薯(凍)$30--可配紫薯球或芋泥。同仙草紫薯冰近似，但呢款冇刨冰係入面，可凍食或熱食。配料相當豐富，有仙草、西米、小丸子、紅豆、黑珍珠、紫薯球、仲有最重要既芋圓加左椰汁食落冇咁乾，芋圓好煙韌有咬口，另外個紫薯蓉都好夠紫薯味，成碗甜品好有口感。芋圓腐竹糖水(熱)$26--因為係熱食所以要等一陣。糖水好有腐竹味，仲會有成塊腐竹係到，仲有好多薏米，感覺好健康。小丸子同芋圓都好煙韌好好食，而且唔會太甜。芋圓丸子紅豆沙(熱)$26--都係有芋圓同小丸子係入面既紅豆沙，但本人唔鐘意食紅豆沙所以冇試到，朋友講都話好食，粒粒紅豆係入面。整體上都唔錯，價錢會理，下次想試埋其他系列。

唔知你哋同另一半嘅口味夾唔夾嘅呢？其實同A姐一齊咗咁耐，我好想講佢真係好易養，因為我哋有好相似嘅口味，我哋都好鍾意打邊爐同食車仔麵，而我哋都唔好甜品架，梗係啦，望住對方都夠晒甜啦！不過，今日例外啲，因為我哋喺旺角食完一間好多味精嘅餐廳之後，真係口喝到暈，結果食甜品就成為了我哋今晚嘅特備節目。之但係，太甜我哋又好驚，所以見到呢間鋪頭真係啱晒我哋心水，佢叫點點甜，姐係唔會好甜啦。香芒明珠食甜品又點少得芒果呢？而且叫芒果真係好保險架，你睇吓周街有幾多主打芒果嘅甜品舖就知啦！勁口喝嘅我哋，見到呢個芒果汁底，已經急不及待飲幾啖喇，好濃香嘅芒果味，又夠凍，仲有好多芒果粒，真係好fresh又解喝呀！不過，講真，呢個甜品嘅製作難道唔高，好彩用料都無偷工減料，除咗芒果汁，仲有芒果布甸、椰果、白丸子同雪糕，好足料呀！宇治森林一個選擇相對較甜嘅芒果，另一個就選擇相對較苦嘅抹茶啦！抹茶雪糕夠滑，茶味又濃又回甘，加埋少甜嘅紅豆蓉，成件事中知晒！仲有好軟滑又爽嘅抹茶啫喱、煙韌嘅白玉、脆口嘅粟米片同最驚喜嘅豆腐花，估唔到豆腐花會到呢杯抹茶咁match架！