點點心

营业中

休息中

第二次去食，店𥚃環境依然感覺企理乾淨但一開始好似唔記得開冷氣，搞到好熱好焗促差唔多食完啲伙記先開大番啲🥵燒賣有兩粒蝦仁喺入面，算係足料嘅，但一咬落去較鬆散，多番啲豬肉漿應該會口感好啲小籠包有驚喜！好多湯汁喺入面，皮薄餡靚後面紅色碟韓式鳳爪都幾辣，平時我食開米線中辣都覺得佢有10小辣嘅程度🌶柚子蝦多士重柚子味，但就略嫌包住嘅蝦偏細隻，而且多士頗有油味另外呢度唔收加一茶錢，叫茶飲直接每人一個茶包放玻璃杯添熱水，都唔錯嘅

The worst dim sum restaurant ever that i have in my entire life. I would not give it a second try.真係好難食！難食之餘仲要貴蝦餃加香草 根本就唔夾可能我香港人胃食唔慣啲來路野炸豆腐係可以冇味道店家落左調味粉但食落都冇味🙄菜苗餃食落陣味似菜肉包叫左咁多野得個鳳爪最正常茶都正常因為用茶包最低消費一個茶包8蚊最尾食唔哂走左真心冇下次

旺角市中心的選擇實在無比多，選擇多之餘可能因為競爭大，連價錢也大多便宜得很，這在其他區真的找不到。例如俗稱女人街的通菜街，你以為只有粉麵茶餐廳嗎，原來也有點心，而且附近不止一間，今次介紹這間在旺角官塘小巴站側邊的點心店，價錢便十分相宜，早餐揀兩個點心便只收48塊。重點來了:最重要是食點心有奶茶飲，這就是這類點心小店比大茶樓優勝的地方:食物同樣精緻，但有西式的奶茶咖啡喝。年輕人有多少會喜歡飲水仙普洱?中國茶都是上一代的喜好，我自已除了喜歡咖啡因提神外，更重要是食熱騰騰的點心會燙口，需要涷飲來解喝及降低喉嚨的溫度。當天為家人買外賣，等得比較久一點，可能點心真是即叫即蒸，但服務員很有禮貌，比我還緊張時間。值得再光顧!

幾年前有外國朋友黎香港嘅時候食過，印象中都算唔錯，要排下隊，可能當時呢啲點心bistro比較少，覺得唔洗去傳統酒樓，又可以幾夜都飲到茶好好。但最近再去食都系極度失望，味道同服務態度都好唔掂，好多空位，先講下order左嘅嘢食：1. 瑤柱炆伊麵：咸、油、同埋好似翻灯整返熱咁2. 川汁茄子：好搞笑，張墊枱紙推薦嘅系燒汁茄子，侍應話轉左川汁，咁試下新嘢啦。點知茄子無咩味，上面釀嘅魚肉又幾重味，口味好分離。3. 炸鮮奶：凍凍地仲有皮蛋瘦肉粥、翠肉瓜叉燒腸、燒賣就不過不失咁啦。最後埋單，見到鋪頭貼住AE卡有small merchants優惠（over$50,減$25）咁就碌AE啦：收銀無帶口罩由廚房方向行出黎：「近排AE訊號唔好，有時唔得，有無其他？」我都知AE多問題，但多口問一句：「可唔可以試左先呢？唔得我哋再比其他？」收銀堅持：「今日都試過唔得，仲有支付寶、8達通果啲可以比，試下？」我：「咁你鋪頭貼住AE small merchant 個sticker，試下先都唔得？」然後佢無講唔得，但insist我哋用其他方法比，所以最後都用其他卡比左，其實佢直接封左AE個sticker我唔會問，或者佢第

好鍾意呢間點心店，餐台之間位置寬落，讓人有舒適感，今日抬頭發現就連冷氣位都有點小心思，老闆幫冷氣出口位置添加了擋板，對於我呢種怕凍嘅人唔會俾冷氣口直接吹到，簡直太窩心了吧❤️每次都會同朋友嚟，或者自己一條友過嚟食，雖然有時人唔多，靜靜地食個點心特別舒心，食極都唔會厭，普通嘅食物反而更實在，令人成日想起呢度想過來食，再次俾個like

旺角都幾多點心專門店,今次就入左間叫點點心既小店分店唔多,得2間,朋友話以前食過唔錯,可以一試佢既點心的確比起一般既有心思今次試 賽螃蟹菜苗餃,真係波羅包,金錢牛肚,脆皮腸粉茶費每位6蚊,以上4款點心加茶費,大約$160埋單賽螃蟹菜苗餃上層係炒蛋白,以前睇劇場講過係扮蟹肉,蛋白上面再點黑松露點綴類似粉果既外皮包住蝦餃餡加炒蛋白,完全未食過咁創意既點心蝦肉口感係爽身,蛋白係滑,皮係Q彈,口感好豐富,鮮味十足真係波羅包,入面既餡唔係叉燒餡,係用真波羅肉餡,香甜唔酸,又有一層波羅包既脆皮,好食!金錢肚厚切夠爽口,XO醬加黑椒夠惹味!點心多選擇,有平時少見既特別款式,幾好食評分8/10平均消費$160旺角通菜街106號地下G/F, 106 Tung Choi Street, Mong Kok

約左朋友去旺角，諗住搵啲可以慢慢坐無限時又可以傾下計既舖頭，加上大家平時都約開都食中菜多，佢地亦都黎過呢間，所以佢地推薦完就決定揀試下👍🏻。平日去到6點幾，得1、2枱人所以坐咩位任揀😂。4人枱都算大，唔會手肘撞手肘。點心就好大路，基本上同平時酒樓啲點心都無咩分別。都係叫蝦餃、燒賣、馬拉糕、腸粉呢啲。奶黃包通常每間酒樓都差幾遠，但呢間算唔錯，流心既奶黃，包亦都唔厚，造型都可愛🐷。鳳爪排骨飯🍚都幾大籠，都算多肉。坐左都最少2個鐘先走🙈，不過餐廳當時都唔算多人，toilet🚽都乾淨，下次可以encore同屋企人去飲個茶🍵。

自從屋企鄰近開咗間點心店，點心平令正，自此之後都好少去其他酒樓點心店幫襯，今次因為晨咁早要落老旺 City Bank，所以幫襯旺記D點心店。上網睇睇，最近嘅點心店係點點心，於是乎去睇吓咩環境!去到見餐廳唔算多人，最重要係有個冷氣位，於是馬上坐底，睇餐牌，落單!打開 menu，第一個感覺當然係價錢比較貴，明白明白..... 旺角鋪租貴嘛.......點咗六款點心，香草鮮蝦餃，蟹籽燒賣皇，蟹肉小籠包，四寶雞扎，叉燒腸同流沙包.一向對蝦餃有四點要求，皮薄，夾起時皮無穿，蝦肉新鮮彈牙，餡料有竹筍粒. 頭三關無問題，無竹筍就好正常，因為大部份蝦餃都無竹筍，可能好多客人受唔到竹筍吧，另外有個問題，蝦餃加上香草，望上去同平時白色晶瑩通透嘅蝦餃感覺上.....有點.....污污糟糟，口感味道無影響，只係視覺上扣分。燒賣皇嘅豬肉餡料夠細緻，入口唔係舊舊硬豬肉，口感似蝦滑。蟹肉小籠包食唔出蟹味，而且唔夠爆汁但餡料尚算足夠。四寶雞扎包上雞肉，蟹柳，芋頭同厚冬菇，厚冬菇夠冧，芋頭亦蒸至鬆軟，個人口味情願包火腿魚肚淮山都好過用蟹柳。叉燒腸外表夠滑只係份量少咗D。流沙包整到成個豬頭外形極趣緻，但一定要攤凍先食!

✨金沙肥豬仔包尚算軟熟 但包底有少少偏乾流沙程度唔錯 味道亦幾香鹹蛋黃味✨首創原隻蟹鉗餃餃皮 厚薄適中 少少煙韌餡 有隻細細冇乜肉嘅蟹鉗 一隻蝦味道可以 正正常常✨香草鮮蝦餃餃皮厚薄適中 蝦爽 有汁味道有少少香草味 唔難食但感覺怪怪的✨無花果蒸排骨無花果有酸味 排骨多肉 略嫌切得唔好黐埋一齊 味道正常✨川汁釀茄子川汁微辣 少少麻 蝦膠彈牙偏鬆 茄子軟腍✨脆皮鮮蝦腸腸粉皮 厚薄適中 都算滑脆皮 香脆但偏厚蝦爽 另有少少甘筍粒 韭黃 味道正常食物可以 味道偏濃環境唔錯 如果坐到梳化位幾好坐服務正常 店員都有禮貌價錢可以 但同坊間其他點心專門店比較偏貴

唔知人大左口味係咪都會跟著一齊轉🤣以前係超級唔鍾意飲茶食點心但人越大有時就係想去飲啖茶食個包咁🤣不過因為對點心冇乜好專業嘅研究所以係唔專業食評😂😂😂🫖香煎蘿蔔糕 $22/3pcs呢個蘿蔔糕做得一般🥺夾落去係好實嘅 冇鬆散嘅感覺應該係落得太多粉🥺🫖皮蛋瘦肉粥 唔記得幾錢🙈粥 係杰身嘅粥都夠味~🫖蒜香炸雞翼 $39/5pcs雞翼上黎炸得幾靚🤣唔會好燶同埋都唔算炸到乾爭爭👍🏻不過價錢有少少貴🥺🫖真係菠蘿包 $25/3pcs呢個 一上黎 一夾落去 係有少少失望個包唔係挺身嘅 一夾就扁但係！一般嘅菠蘿包係空心嘅 入面得麵粉呢個入面真係有菠蘿蓉架 好特別👍🏻🫖金沙肥豬仔🐷 $26/3pcsMenu上面寫係流沙包上到黎可能凍左 已經冇乜流沙不過入面奶皇份量幾多 豬仔樣都算得意 用黎打卡✨📷🫖香滑牛肉腸 $26有好多芫荽味 反而冇乜牛肉味🤭🫖仲有鳳爪同燒賣 正常味道 冇乜特別🤣🤣

廣張之前排晒長龍，假期8pm疫情之中得兩台客（包括我），可悲。點解可以咁差？.唔評論味道因為好個人。第一，啲蝦餃同腸粉一夾就爛👎。不過，$36有四件蝦餃算唔錯同味道唔錯👍。.第二，個飯冇味冇（乜）料👎。係咪唔記得落鹽？.見到咁可悲嘅情況，Waitress收銀阿嬸都冇心機做嘢，共勉之。

🌈🐭同friend去完staycation，朝早起身突然間想食點心，點知好多酒樓仲未開，友人推介咗呢間點心店。👅舔舔脷指數：👅👅👅👅👅🔥性價比指數：🔥🔥🔥🔥 (兩個人食，人均$90🤗）⭐️推介指數: 9/10呢度嘅點心全部都係新鮮熱辣辣，兩個人叫左六個點心，分別係一定要食嘅蝦餃燒賣同腸粉，特別推介呢度嘅王牌黃金流沙包同埋燒汁釀茄子！細細咬一啖，流沙包啲汁係個口爆出黎😆燒汁釀茄子煎到脆卜卜，魚肉啖啖肉，配埋個燒汁，味道世界級夾，真係有驚喜，值得一試🤔！✨加分位：香片茶雖然要$6一杯，但係個茶竟然出奇地香，香片味好濃，店員仲好貼心送上一壺熱水，等你自己無限添飲（🐭同友人差唔多飲左四五杯)

數香港元祖級的點心專門店，曾經備受好評的「添好運」自然是第一位，「添好運」自從愈開愈多分店之後，點心水準比最初時下降不少，我早已不再幫襯。這間在佐敦開業多年，在旺角也開了分店的「點點心」，數年前在佐敦試過它，印象不錯，對它的評價不差，不過這晚去這間「點點心」旺角分店吃點心，卻感到與我之前在佐敦吃過的點心相比大不如前，讓我不禁泛起「長江後浪推前浪，一代新店勝舊店」的感覺。這天中午我與老婆仔吃了一頓超豐富的半自助午餐，到了晚飯時間，仍然不甚肚餓，所以雖然還是要外出吃晚餐，也只想吃點輕食。想起這間「點點心」，既然經常路過都不曾幫襯過，便決定到來吃點點心作晚餐。「四寶雞扎」普普通通，冬菇是厚肉的，雞件也大件，但芋頭不夠腍，蟹柳也不是靚貨，加上沒有我喜歡的魚肚，我對這點心可是不大滿意呢！我最愛的「燒汁虎皮尖椒」釀的不是鯪魚肉，而是蝦肉，四隻尖椒都幾辣，味道過得去，但蝦肉不夠彈牙，水準只是一般。「鮮蝦脆雲吞」的雲吞皮炸得十分脆，中間藏著的鮮蝦餡雖然小小的，蘸以味道酸甜的醬汁，都算好吃。「擂沙湯丸」味道及格，但湯丸皮太厚，卻是明顯的缺點。「蜜汁叉燒包」我沒有吃，就不予置評了。雖然這間「點點心」環境都

上星期經過旺角先達，看到一間點心舖，才發現很久沒吃點心了，叫了一些平時喜歡的小點，人不多不用等位，即叫即蒸果然和酒樓吃的不一様，叫了叉燒包，食落口感不錯。看到不少外國人幫襯，下次會再來。

平時番工都好少飲茶，放假又起唔到身，今日同朋友行開旺角，見呢到有晚市點心，就入去試一試呢到裝修都有少少中國風，平日夜晚黎都唔算好多人金沙肥豬仔（流沙包）呢隻豬仔都算可愛，個包底冇加色素，咬開個豬頭就有好多流沙餡，唔算太甜，有樣有內涵！晶瑩鮮蝦餃：唔算好大粒，35蚊黎講有4粒都算ok，皮都算幾薄古法馬拉糕：呢個馬拉糕都幾扁身，唔似出面大大件好高鮮蝦脆雲吞：勝在炸到卜卜脆，蝦都大粒，唔係好油芋香煎堆仔：入面加左芋頭餡！我的最愛加埋黑白芝麻非常香口，推介川式紅油抄手：啲汁都幾多，唔會太辣，好惹味，但皮就有少少厚荔芋鳳爪排骨籠仔蒸飯：排骨唔算好多，好在唔係好多肥肉，仲有少少荷葉香，豉油俾得唔夠呢到啲點心好似大部分都係得三件，如果一家四個人黎食都唔知點分，有啲奇怪，正常點心多數都係四件，好彩今次係三個人食，啱啱好分得勻