點點心

营业中

休息中

8點57分已落單，等到9點27分都未有半個小心出過，呢樣都未算癲，都未試過可以喺一間甜心度坐低半個鐘，茶都未有杯，係連個杯都無‼️😑😑😑催咗n次先有人拎一杯嚟，其實係咪而家有社交媒體網站就唔使做香港人生意？如果大家想受氣一定要去試吓呢間，不停同你講機壞咗，入唔到單，又不停比客人入，咁即係點？最後我等到9點57分都係仲係有兩樣點心冇到，即係足足等咗一個鐘都未到🙄🙄如果唔係有小紅書養住應該一早就執笠😡

問佢攞多碟喼汁，就話我好似差佢錢，之後隔咗陣攞四五碟過嚟，我話我要一碟咋喎，之後佢就話呢度乜都有㗎啦，仲話我好似差佢錢，真係好串。之後仲見到佢話啲客垃圾。腸粉啲皮太厚，難食到呢燒賣

榮獲香港最佳點心、全球一百零一家最佳食府、世界名廚全球飲食指南等知名美食家鑒定的點心鋪。本身見門面冇乜特別咁，但又有好多唔同國家嘅遊客排隊食，但食左幾款之後發現係好高水準😋絕對想去多次再食！▪柚子蝦多士($28)🦐上到枱熱辣辣！鬆脆可口，配上大大隻蝦，調味香口，真係想食多隻🤣▪川汁釀茄子($30)🍆🌶️茄子整得好淋身，肉餅煎到脆邊😍加分位係有辣椒油配埋一齊食！超惹味！好值得叫黎食😋▪金沙肥豬仔($27)🐷超級流沙嘅包🤣食到入面有一粒粒蛋黃口。賣相係豬頭，超可愛！▪林奇苑茶行 銀毫香片($8)🍃每一杯茶含一包獨立茶包，可自行添加開水繼續沖泡。▪真係菠蘿包($25)🍍入面係奶黃餡加上有熱辣辣嘅菠蘿粒，真係幾好食🤤中意菠蘿嘅人必叫！▪蟹籽鮮蝦燒賣($36)🦐蝦肉同豬肉比例好好，咁大粒真係加晒分！▪蟹籽蟹肉小籠包($34)🦀餡薄多肉，咬落去爆曬汁，不過蟹肉味唔算好出。.📍點點心旺角通菜街106號地舖

服務態度極差🥲特別係收銀個位啊姐，唔知係唔係食左火葯🥲2人枱俾3人坐。仲有碗蝶好油🥲簡直難以置信😅如果想坐得舒服又唔想受氣，千奇千奇唔好黎。良心comment，不回頭😓😓

我都好耐無打過食評，打呢篇純粹係想比店家睇，雖然我都知店家睇完都只會一樣，唔會改變任何事，但都可以比其他人知。我1點半坐低，因為我地兩個人，只係嗌好少嘢，所以好快用落單紙落完，大概7、8分鐘分鐘，好記得我地岩岩落完單，隔離枱一對泰國人就坐低左，開始研究落單紙。過左10分鐘左右，對泰國人都落單啦。（呢個係時間點！）我明點心要蒸，咁都可以比左嘢飲我先呀！我嗌左一罐可樂，同一杯胎菊茶（講明！係茶包！）我同阿姐講，可以比左嘢飲我先嗎？（此刻我都仲有禮貌）個阿姐居然同我講，話多單要沖。吓……茶包，要等……再過5分鐘，阿姐拎住一盤可樂同兩三杯茶包茶去到我面前，仲要同我講‘’你睇下幾多飲嘢要沖‘’，吓，阿姐，你玩我咩～可樂要沖架咩～跟著再等6、7分鐘先上到一碟凍既咸水角再過兩、三分鐘，隔離枱都同我地同時上點心，咁好明顯我地漏左單啦！！！！！漏單就漏單啦！認左咪算囉！同我講咩可樂要沖呀！我大概1點36分落單，正常比你3分鐘入機落單你張單顯示13：46先落到單，漏單既證據自己都打埋出黎啦～

今次係我第二次黎食 我本身好鍾意食點心 燒賣蝦餃一定必叫 佢個燒賣一共有4粒 我第一次同我朋友黎食個時 一人食2粒 我個兩粒無蝦 我朋友個個就有 咁我就奇怪 但因為食飯時間好趕 我無再留意啦 食完就即刻走 到我下次再去食又係咁我就即刻問佢 第一個職員竟然答我 燒賣上面嗰啲蟹籽就係蝦😂😂😂之後我唔接受佢叫第二個職員同我講 我就話點解兩粒有蝦兩粒無蝦 佢就話喺個師傅包嘅時候包漏咗😂😂我話我第二次嚟食你都係咁喎 佢就話咁你取消佢啦 然後將我同我朋友個碗 直接扔上去個燒賣籠上邊 之後仲要俾我聽到佢同收銀講 31號張枱取消個燒賣佢佢話我地個燒賣無蝦喎 一句sorry一都無 好，明顯就係偷工減料啦 態度又差 真係無下次👎🏻👎🏻

中午逛街的時候發現在旺角有一家新開的點心店環境舒服乾淨 點心紙還有中英對照很照顧遊客🍚北菇滑雞飯/流心蛋牛肉飯 $48點了午市套餐，北菇滑雞飯在應有水準，雞很嫩滑，而流心蛋牛肉飯的蛋不夠流心，不過還有兩份隨餐附送的小菜，整體上還是不錯的🐷金沙豬仔包 $27其實就是流沙包，不過用上了小豬造型很可愛，流沙甜度適中🦐脆皮鮮蝦腸 $35外層是腸粉，內裏包着炸過的鮮蝦卷，外軟內鬆脆，口感層次豐富，十分推介👍🏻

提早半個鐘打電話叫外賣，落單時問職員價錢，對方表示忙緊，未落到機睇唔到價錢，20分鐘後落到去詢問對方拎外賣，對方停頓咗一下、思索下後最後話：頭先部機壞咗，落唔到單😡😡😡！但眼見佢仲不停喺度收錢。如果忘記落單可以直接講句對唔住，而唔係隨便搵理由唐塞過錯😡😡😡😡😡！打工仔有幾多個20mins俾你！堅嬲

因為tomfatki嘅一首歌，叫做點點心，為左食字，於是試咗呢間餐廳。由於對食物無咩特別期望，反而放大咗驚喜嘅感覺！😹私心推介Top3🥇蟹肉小籠包非常大粒，應該比普通小籠包大3倍，口感豐滿，肉質幾腍身，外皮夠薄！肉汁唔算超多，蟹肉都唔算多，但都係要訓身推介，因為一次食3倍餡嘅小籠包，你第度搵唔到；亦非一次食3個普通小籠包可以模仿！🤭🥈燒汁釀茄子係蝦滑釀茄子，蝦滑好爽好彈牙；茄子好腍、好多汁！有炸過，所以好香，偏油少少，不過唔區唔區，香口嘢少不免！最重點係佢個辣醬，香得嚟唔會死辣，仲混合咗蒜蓉，非常好味！🤤🥉燒汁虎皮尖椒好鐘意食整得腍身嘅尖椒，呢款完全做好，魚/蝦滑非常彈牙，口感豐富。燒汁偏甜，唔鍾意太甜可以沾少d汁。另外有個有趣位，一碟4隻椒，總會有一兩隻辣到飛起，俾到你扭蛋果份神秘感，我稱之為「盲盒尖椒」。👻唔好以為得呢三款好食，好多標準會嗌嘅點心，都比普遍茶樓好食；佢哋仲有d特色嘢，都係唔錯。係一間幾有心思嘅餐廳！🤫唉！睇番openrice紀錄，佢哋都執咗3間，宜家得番2間，建議大家撐一撐佢。🫡

今晚去旺角花園街買揮春，想食點心，就去左先達隔離呢間點點心。店入面d裝修幾靚。餐紙上已經介紹曬必吃推介。順住推介一個一個叫！首先蝦餃燒賣唔少得，兩者都算係中規中矩，燒賣無乜肥豬肉，不過覺得好淡味。至於蝦餃個皮蒸得啱啱好。入面的蝦都算彈牙。豬仔包其實係奶黃包，做到豬頭的樣，食落去其實和奶黃包沒有分別的。呢個炸兩朋友話想吃，d油炸鬼都算脆，d腸粉都幾滑，算係唔錯。不過我個人口味唔太喜歡炸兩。鹹水角好脆，入面d餡料都好飽滿，唔會好似其他店咁空心的感覺。我唔記得拍照，因為吃鹹水角對手太油了。最後來個全家福，今日好滿足。

第一次食呢間連鎖新式嘅點心店～一入去覺得環境好乾淨幾舒服，好岩同朋友傾下計飲下茶。食野方面叫左啲必點嘅蝦餃燒賣，兩樣都唔錯，熱辣辣又好足了。蝦餃皮薄，蝦又夠大粒，燒賣就差少少可能蒸得太耐個皮有啲淋。豬仔流沙包造型可愛，又多流沙，可以試下！仲有一個魚肉釀茄子好有驚喜！啲辣汁好惹味魚肉/蝦滑又大大舊，好食！煲仔飯就可以唔洗叫，佢同蒸飯冇咩分別，完全冇飯焦，啲飯都太淋，只係擺左係個煲到嘅蒸飯。

店員唔識睇旅行免針紙唔比入，逼掃針紙安心出行。做食肆應該要知道政府有咩政策積極配合，但自己唔識就唔比人入，我話讀張紙寫咩比佢聽又話唔識，叫佢搵d呀sir黎又話唔知，總之就一肚氣

每隔一個月就會去旺角剪髮，因為髮型舖近先達，通常剪完髮都九點， 10次有九次之後都會去點點心食過飲過晚茶！兩個人食通常點四至五盅點心就夠飽了！炸蝦多士次次我都會點炸蝦多士，鬆脆香口，有學校自己整家政堂嘅味道，我次次都會諗翻起細個上堂第一道菜就係整蝦多士，回憶殺！茄子好似都會點茄子，會唔會太濃味，或者太多油，我覺得算係健康之選！黃金豆腐另外我都會揀黃金豆腐，酥炸粒粒豆腐，配上咸蛋黃醬，慢慢食好滋味！由於已經食到爛，以上都係我返桌咗幾次嘅點心推薦比大家

<伏🤢>員工話唔一定要叫茶飲，is up to you!.🥣翠肉瓜叉燒腸🥣：💰$26腸粉皮幾滑但偏厚，好少餡，叉燒又冇咩味…🥣豬仔流沙包（3粒）🥣：💰$26內裡係半流心，幾濃既蛋黃，但似雪藏現成拎出黎蒸個款包…🥣蟹肉小籠包（3粒）🥣：💰$30小籠包算幾大粒，個餡都大舊肉，味道正常。🥣野菇菌菜苗餃🥣：💰$26每粒都幾足料，但要配辣椒油食先有味😂.好味程度：⭐⭐抵食指數：⭐⭐環境指數：⭐⭐💸人均消費：$50另收加1️⃣服務費：❌再食 ENCORE：😐

好耐冇去飲夜茶，喺先達有間點點心坐得舒服而味道不錯，叫咗一個飯和五個點心，人均$105 臘腸滑雞籠仔蒸飯，份量都唔少，不過唔太覺荷葉味，入面如臘腸和雞都幾足料，雞幾滑身，不過飯就偏濕，2人食夠食有餘蟹籽燒賣皇，不太多肥膏抵讚，入面豬肉味道剛好又夠新鮮金沙肥豬仔流沙包造形得意，流沙感重幾好味，包都軟熟野菇菌菜苗餃，夠薄皮，足料幾香菇味翠肉瓜义燒腸，腸粉好滑身，不過义燒同翠肉瓜比較少桃膠燉原隻雪梨是我比較失望，沒想到感覺有點話梅味，沒有了雪梨的清甜香，而且梅味是我不喜歡所以食少少就沒有吃 如果想飲茶就要另外比錢，我哋就只飲一杯檸檬茶(套餐加$3)再加飲熱水，這裡整體都好乾淨，待應都快手，而且不用加一加分