點煲 (星輝台智星閣)

营业中

休息中

星期五自己一個喺點煲食飯，真係一個好享受！🥢 一入去就覺得好溫馨，裝修得舒服得滯。率先試咗碟花雕浸雞腎，估唔到咁彈牙，花雕味又馥郁，正啊！咁點少得嚟試下佢哋嘅招牌—備長炭火燒雞？👀 等咗一陣，隻雞熱騰騰上枱，仲帶咗班剪刀、手套嚟，意思係要自己剪，好有趣！雞皮香脆到嚟又帶少少甜，肉質鮮美、汁水充足，從來未試過咁好食嘅燒雞。再有，個煲仔飯都超級出色。我叫咗金銀蒜蓉蝦煲仔飯，飯香勁出，個蝦仁甜滋滋，同啲金銀蒜一撈，每啖都夾雜著香脆同鮮甜。食到底部嗰啲飯焦，真係幾正啦！🥘總括嚟講，呢間點煲嘅燒雞同煲仔飯都算係掂過吓，尤其係嗰烤雞，我一個人都輕鬆可以清曬隻雞，咁好食嘅嘢，下次一定要同班朋友一齊再嚟試下其他嘅菜式！

【點煲暖笠笠煲仔飯 好味但衛生情況要提升☹️】天氣最近開始轉冷中午都會想食啲熱嘢暖下個胃😋 我去過食《點煲》煲仔飯，佢嘅午餐時段都需要排隊，大約等10零分鐘先可以入座。本身佢問我哋四人會唔會分開兩個兩個咁食，但一齊食飯又好難share食物…後尾我哋講返唔想分開，佢就帶咗我哋去一張五人枱😂我哋四個人，點了一個二人餐+1個小菜再加一客青菜，大家都食到好飽！🐔老火雞腳湯因為本人真係好鍾意飲中湯，而且燉盅上嘅湯好似更加保溫，飲落真係幾舒服🥰♨️點心跟餐仲有一籠點心— 有啲🐷豬仔款或者🍄蘑菇包做人都幾特別，雖然都唔會話特別好食，可能都係造型取勝。🍆魚香茄子茄子真係好好食而且好夠鑊氣，上獲咋咋⚡️⚡️聲咬落口仲係熱辣辣、亦到非常惹味，有少少辣味，送飯好啱👍🏻🍲蘿蔔牛筋腩煲牛筋燘得幾腍，食落口係滿滿嘅骨膠原😆 蘿蔔熟啲會再好食啲不過都幾香嘅🍲臘腸潤腸煲仔飯而家已經好少食到臘腸同潤腸飯😹 臘腸我覺得都幾有鹹香，不過潤腸始終係內臟食落感覺有少少腥味…個人唔太喜歡。不過煲仔飯最正係煲底入面嘅飯真係有飯焦粒，脆卜卜好好食！同場加映雞油撈飯🍚邪惡嘅極致級別😈🥬青菜一客本身係嗌生菜單上賽後竟然見到有隻蚊係菜上面🦟🤢我哋

成日去太古城中心，經過都見到呢間，一直都想吓，今晚見到人排隊就同男朋友去食啦~首先我哋叫咗個陳皮鴨腿煲仔湯飯，另外見到最出名係30分鐘即叫即燒嘅備長炭火燒雞，所以一開頭叫燒雞之前，問咗位好人經理。佢話如果想剪嘅話可以幫我哋剪開隻燒雞，因為本身係原隻上。所以我地先決定叫。好啦，30分鐘之後隻燒雞到咗。我哋見到好吸引！就即刻叫另一位經理上嚟幫我哋剪。點知佢話呢啲我哋唔會幫你地剪架喎，你哋自己剪。哇200隻雞仲要收加一，幫客剪幾下雞都唔肯，咁嘅態度😅😅除咗呢個人之外全部都ok，大家可以試下的。

早排約左朋友, 試左佢介紹的佢屋企附近個間煲仔飯專門店。今次特別試左餐廳最新菜式, 備長炭火燒雞, 即叫即燒, 遠遠已經聞到香味，燒雞既外皮燒得好脆,咬落去卜卜聲， 唔使任何醬汁已經很濃香入味，已經好好食，見到差不多枱枱的客人都有點，點可以唔試。有趣的是，居然餐廳提供埋剪刀、手套和圍裙俾我哋剪雞, 感覺很專業(對燒雞)，十分有趣既體驗。另外也點了排骨煲仔飯，份量都算多，排骨香口入味，米飯間也滿滿浸透了肉汁香氣，每一口都吃到排骨，肉多骨少，也有脆口的米飯焦在旁，這是煲仔飯必有的，這令我很滿足。

餐廳位於太古，與地鐵站只有3分鐘步行距離，非常方便。「點煲」是港式點心專門店，店面非常易認，中國武俠風裝潢，周圍都有霓虹燈打卡位，尤其是「降龍十八掌」最為吸晴。餐廳的備長炭火燒雞有一道菜式遠近馳名，非常推介。鮮嫩的雞肉搭配備長炭的火燒方式，能夠保留雞肉的原汁原味。外表金黃酥脆，內裡多汁鮮嫩，啖啖肉，口感非常豐富。另外花雕浸雞腎有驚喜，雞腎十分爽口，散發出濃郁的花雕酒香氣，香醇回甘。餐廳有多款特色煲仔飯選擇，今次試了北菇滑雞煲仔飯。飯底有很多飯焦，金黃酥脆，上面鋪滿了滑嫩多汁的北菇和雞肉。入口時，米飯散發出獨特的煲仔香氣，北菇的鮮香和雞肉的滑嫩口感相得益彰。總括而言，如果你想品味道地的港式美食，這家餐廳絕對是你的不二之選。點煲 📍太古太古城道16號星輝台智星閣地下G1016-G1017號舖

放工與同事晚膳，想吃煲仔飯，去了太古太古城，港鐵太古站D1出口，步行約3至4分鐘。店內舖面頗大，座位寬敞舒服，環境清潔衛生，格調非常港式地道，感覺很親民舒服，室內的霓虹燈造型應景又特別，未到食飯時間，已經枱枱坐滿客了。菜譜很豐富，有港式點心、粵式小菜、海鮮、煲仔飯、長備炭燒雞、小食等，任客人自由配搭。一壺中國茶（鐵觀音）$14花雕浸雞腎$25花雕酒味香濃，雞腎肉質爽脆，調味剛好，是一道極佳的餐前小吃。豉汁鳳爪排骨煲仔飯$82熱騰騰上枱，開蓋時香氣四溢，鳳爪和排骨賣相吸引，排骨肉質彈牙多汁，鳳爪爽脆嫩滑。特別一讚飯粒分明，柔韌爽口，加上這店特製香濃豬油和豉油醬汁，好食到不能停口，筷子一挑，煲底的飯焦，真是有驚喜，久違的味道，正。備長炭火燒雞$198上枱時雞身正在散煙，小心燙手不能輕碰，果然是即叫即燒，是餐廳主打菜餚之一，雞身脆皮呈現金黃色，賣相很吸睛，店家很貼心用具齊全，有圖片教切雞法。皮脆肉質軟嫩多汁，啖啖彈牙，調味適中，雞味香濃，油脂均勻，真是飽足又滿足，美味。

This shop is famous for its claypot rice.To my pleasant surprise, the newly introduced bincho charcoal grilled chicken was outstanding. It was worth the wait of 30 minutes to enjoy this super yummy made to order grilled chicken. The skin was crispy. The chicken was full of flavour, tender and juicy. It was a most satisfying experience to cut the chicken yourself with a pair of scissors and enjoy the chicken right away.The claypot rice never disappoints. Tonight we had claypot rice with fres

After waiting for 40 minutes for a dish, which we were told required 30 minutes to prepare, we decided to call for the manager who informed us we just needed to wait. When we asked how long more, he impatiently asked if we wanted to be served a raw chicken. Five minutes later he sent his staff to let us know they had left out the order. No apology whatsoever - just stood at the cashier and pretended to be on his mobile. Never going here again!

住港島嘅朋友最近推介我地太古點煲，話一定要試吓招牌備長炭火燒雞😋去到見到裝修風格用咗霓虹燈，好有香港懷舊風格😎去到必叫一定係隻燒雞☺️備長炭火燒雞 $198期待咗呢個主角好耐😍除左限量供應之外，仲係即叫即燒👍🏻用炭火燒嘅雞外皮烤得好香脆！口感好似食緊薯片咁🤤雞肉鮮嫩又多汁🥹真係推介必叫！餐廳仲會有”剪雞大法”教你點樣去拆骨🫶🏻方便易學金銀蒜開邊蝦煲仔飯 $88煲仔飯落完豉油再焗一焗，即刻成個飯底都有飯焦😍米飯乾身又粒粒分明，配埋金銀蒜更加香口惹味👍🏻好食🥹🫶🏻自家製醬油手拍小黃瓜拼雲耳 自家製醬汁酸酸甜甜夾埋雲耳同青瓜一齊食好清爽，好啱作為開胃前菜！整體來講餐廳價錢唔貴之餘，又可以食到咁多高質嘢食，好啱一家大細或者同朋友一齊去食😆😋會再encore!

太古城星輝台智星閣地下有一間叫點煲的飯店，以煲仔飯和備長炭火燒雞出名。今日晚飯叫咗一碟青瓜木耳，青瓜係非常之新鮮爽口，酸酸的好開胃。來點煲一定要食燒雞，舖頭內見到櫃內吊住一隻隻光🐔，有客人點🐔嘅時候，就會立即攞去燒。因為用碳燒這種烹調方式，能夠賦予雞肉獨特的炭火香味和口感，等了約25-30分鐘，熱辣辣香噴噴嘅雞上枱啦，客人自己用剪刀剪開雞，雞皮不肥膩，金黃色、脆卜卜，雞殼裏面留有好多雞嘅汁，雞肉原汁原味， 十分美味。其實佢嘅煲仔飯都好正嘅，我哋叫咗金銀蒜蓉開邊蝦煲仔飯，啲飯唔會肥肥膩膩咁，飯係一粒粒有飯焦嘅，有專業水準，值得吃。食煲仔飯加杯普洱茶，真不錯。值得再訪。

之前同事提起去太古城點煲，食咗隻超好味嘅燒雞，今晚就同老公過嚟試吓！入座後先送上香濃嘅中國茶。前菜：自家製醬油皮蛋，皮蛋Q彈，味道十分濃郁。備長炭火燒雞，選用百多天的鬍鬚雞以備長炭燒製，即叫即燒，鬍鬚雞肉質厚實，油分少，口感嫩滑而不膩，外皮鮮美而不韌，非常適合炭火燒製，上枱時即使不加調味醬汁都有最佳風味，燒雞皮脆肉嫩，雞肉越咬越多肉汁，十分美味！金銀蒜開邊蝦煲仔飯，熱辣辣的煲仔飯送來打開蓋，即時香氣四溢，煲仔飯選用備長炭燒焗，強勁而穩定的火力鎖住食物原汁原味，炭火更讓飯粒平均受熱，炭香撲鼻，做成脆卜卜薄脆飯焦！枱面有自製豬油和醬油，可以自由添加。濃郁的蒜頭香氣搭配鮮味十足的明蝦，蝦肉彈牙，蝦的精華流入飯內，令整個飯焦香鬆脆，有著蝦的鮮味、油香及豉油香，令人回味無窮！

丫妹口中經常提到「點煲」嘅煲仔飯好好食, 一search原來公司附近都有分店, 約埋同事今晚放工一齊去食返餐。果然真係冇令我失望! 絕對值得推介同埋加入encore list。餐廳內霓虹燈佈置, 令整體感覺很有香港地道風味。Menu上有數款中菜, 當然唔少得主打嘅煲仔飯!【金銀蒜開邊蝦煲仔飯】HK$88煲仔飯熱辣辣上檯, 開蓋散發香噴噴, 多隻開邊金銀蒜蝦佈面, 香蒜令蝦肉鮮甜味提升, 緊貼煲仔邊嘅飯生成了金黃脆卜卜飯焦, 加上餐廳秘製豉油, 超好味!+HK$20 追加花雕浸雞腎冷盤凍食, 雞腎很入味, 甘香香醇花雕味濃郁, 雞腎爽口唔硬。另外見到呢款燒雞勁吸引, 順道order咗, 點知同樣有驚喜!!【備長炭火燒雞】HK$198燒雞燒得金黃, 原隻上檯, 跟一張「剪雞大法」自行將雞剪成一件件, 一剪開發覺燒雞勁juicy!! D肉汁多到漏出黎!! 皮脆肉嫩正好形容呢隻燒雞, 唔洗再額外調味, 已經食到雞嘅原汁原味。

今日同朋友黎到點煲食晚餐，呢度出名備長炭火燒雞，一食之下果然同平時既燒雞有分別！😋😋😋1.自家製醬油手拍小黃瓜拼雲耳自家製醬油帶甜，有蒜蓉，冷盤小菜好開胃！2.金銀蒜開邊蝦煲仔飯職員一打開煲仔飯既蓋就聞到好香！淋左d 醬油喺煲既側邊。煲仔飯個底既飯焦好出色！不痴底，但又有飯焦！而且好脆，無燶味！煲仔飯粒粒分明。推薦！3.備長炭火燒雞好野要等到最後先出場！碟旁有張剪雞教學，跟住黎剪🤭燒雞皮超脆！不油膩！好好味！果然有料到！雞肉粉嫩 嫩滑！好滿足！推薦！

東南西北，今日篤中呢個方位係東面！今日一路向東，走到太古城最貼地，以燒雞同埋煲仔飯聞名既「點煲」，圍爐唔一定要打邊爐，煲仔飯都得咖姐？👇🏻📌主 菜 - ▪️ 備 長 炭 火 燒 雞 - ▫️ 呢個主角「備長炭火燒雞」不得不讚，事關佢地用既鬍鬚雞非常新鮮，雖然等既時間都要30分鐘左右，但慢工出細火，一上枱真係感受到果種炭燒既香味，而原隻上會有把較剪比你逐part剪開，一般情況由客人自己搞，如果真係搞唔掂都可以好似我咁向staff求救既。果然一食落便知龍與鳳，外皮燒到卜卜脆，裡面肉質夠哂Juicy，完全唔乾，油香係口腔裡不斷徘徊，飲返啖香片解解膩，食極都唔怕滯！📌煲 仔 飯 - ▪️ 北 菇 滑 雞 煲 仔 飯 - ▫️ 煲仔飯又係必嗌，我就揀左個「北菇滑雞煲仔飯」，雞肉一件件唔會好多碎骨，可以話係啖啖肉，每一舊食落都豐腴肥美，肉質夠哂飽滿；加少少餐廳自家製豉油，撈埋黎食，真係風味十足，食到底仲有粒粒飯焦，夠哂脆口，份量岩岩好二人份，整體相當滿足。📌前 菜 -▪️ 花 雕 浸 雞 腎 - ▫️ 估唔到前菜「花雕浸雞腎」都幾有驚喜，酒味夠濃香之餘仲幾入味，雞腎個口感都幾爽脆，唔錯。

雖然呢排天氣咁熱但係好想食煲仔飯， 聽朋友介紹今日去咗太古嘅點煲， 聽講啲煲仔飯做得非常出色， 果然冇失望！ 午市嚟到呢度65蚊有一個煲仔飯不特止仲可以加一款點心， 一啲都唔馬虎！！！！ 呢個價錢， 喺出面一煲煲仔飯都食唔到呀😭 記得廟街嗰度淨係一個普通煲仔飯都要過80。 同朋友一日嗌咗一個煲仔飯， 試咗臘鴨臘腸同埋排骨臘腸煲仔飯， 兩個都非常之好， 係飯焦飯焦飯焦呀！ 落埋店舖提供嘅豬油， 嗰陣香味真係好過份！！燒賣都好好食啖啖肉， 期待再次幫襯。