點煲 (星輝台智星閣)

营业中

休息中

今日和朋友去太古城購物，之後去智星閣點煲吃煲仔飯。此店的備長炭煲仔飯好有水準，食過番尋味。今日叫了煲豉汁鳳爪排骨煲仔飯，飯即叫即煲，炭火燒焗，絲苗米香有口感，豉汁排骨有肉不肥，鳳爪很夾味，薄脆飯焦尤其美味，加埋少少豬油和豉油，每一啖都好好食。見到店內有人吃備長炭火燒雞好吸引，便叫了一隻試下。這隻炭火窯燒雞即叫即燒，真係皮脆肉嫩有口感，值得等30分鐘。隻雞拿來時還有熱氣冒出來，新鮮誘人，用較剪將雞剪開一塊塊，雞汁留出香噴噴，雞肉鮮美皮香脆，兩個人分享一隻超滿足!自家製醬油手拍小黃瓜拼木耳微辣清爽，是個美味的前菜。飲埋普洱茶，今餐吃得好滿足!

個日去太古城探朋友，大家傾到有啲肚餓，就落咗去搵餐廳開餐。我地係餐廳門口見到有炭火爐，覺得幾特別，就入咗去食。花雕浸雞腎餐廳好快上前菜，雞腎浸得好入味，而且好冰涼，適合夏天食，食完即刻好開胃。備長炭火燒雞餐廳嘅主打之一，果然冇令人失望。燒雞比想像中大，仲要係原隻上枱，餐廳好貼心，除咗大鉸剪，有俾埋剪雞大法，好詳細咁教我地點樣做。此外，仲有俾埋圍裙、手套、濕紙巾。備長炭燒嘅雞果然係別有一番風味，食落皮脆肉嫩，仲有一陣炭香。燒雞嘅火喉恰到好處，我哋一邊剪keep住都有好多雞油滴出黎。金銀蒜開邊蝦煲仔飯煲仔飯當然係熱辣辣，一打開香濃嘅蒜香撲鼻，我哋落豉油嗰陣仲會出煙。開邊蝦好新鮮，煲仔飯嘅飯粒粒分明，備長炭燒出薄脆飯焦，加埋秘製醬油食一流。中國茶菊花茶帶住淡淡清香，喝落唔會好濃，飲完一壺之後，餐廳職員仲會主動幫你加，服務令人非常滿意。

約咗朋友嚟太古城食晚飯，想搵間大家都未幫襯過嘅餐廳試下。上網見有人推介呢間「點煲」，據說係全港首創備長炭煲仔飯專門店。餐廳以武俠風格為主軸，由門面以至室內裝潢都融入了「功夫」元素，加上四周亮麗耀眼嘅霓虹燈裝飾，好適合同朋友仔嚟影相打卡。店舖主打備長炭煲仔飯，另外亦有新推出嘅備長炭火燒雞、點心、海鮮小菜及時令燉湯等特色美食供應。花雕浸雞腎：雞腎切到厚薄適中，吃下去很脆很爽口，花雕香相當入味，加上芝麻粒，絕對係非常好嘅下酒小食。備長炭火燒雞：燒雞原隻上，送上時仍熱辣辣、香噴噴，賣相非常吸引。店員會為客人提供剪刀、手套及圍裙，另外仲有教學說明點樣食雞，做法十分貼心。燒雞選用廣東馳名嘅鬍鬚雞，特點係肉質厚實、脂肪較少；而做法係先將雞以 10 種秘製香料醃製 24 小時，再喺無菌風櫃吊乾 3 個鐘先至放入瓦窯燒製。馬上動手剪雞，雞皮很薄，雞肉結實又油分少，咬下嫩滑不膩，口感果然與別不同，毋須點調味醬汁吃，已非常滋味。金銀蒜開邊蝦煲仔飯：開邊蝦好新鮮，金銀蒜有生蒜同炸蒜，入口蒜味好香濃。煲仔飯用備長炭火燒焗，飯粒食落好鬆軟，飯焦脆卜卜，炭香撲鼻，配埋可以任加嘅秘製醬油同自家製燒豬油，真係好食到飛起

經過好多次，佢嗰裝修都算吸引，所以的確會令我記得佢🤭 今次三個人叫咗嗰限定二人套餐 $248，有燉湯、蒸選點心拼盤、一個小菜(揀咗蜜桃生炒骨)、一個煲仔飯(揀咗鴛鴦腸滑雞煲仔飯)，再加咗壺菊花杞子茶$12，埋單$286，即係人均約$95🤔 佢嗰煲仔飯真係好正，佢有勁多飯焦，但係唔黐底，一用力刮就會甩出嚟，加埋軟淋淋嘅飯口感好正，如果唔驚肥，佢枱面有自家制燒豬油🤤 加埋鼓油，真係好正😳 同埋佢嗰鴛鴦腸都高質😋 佢嗰燉湯唔係味精湯，都算足料‼️ 點心拼盤share都輕鬆食哂，味道正常，無乜特別🧐 但嗰生炒骨好正，外皮脆卜卜😚

依間鋪頭主要用煲仔飯做主題，前排凍凍地，真係好岩食煲仔飯！🤩🥢油鴨髀鴛鴦腸煲仔飯 ($98)．佢聲稱係首創用備長炭黎整煲仔飯，因為依個原因亦都要等大約廿分鐘先有得食，不過店員一行埋黎打開蓋嗰下，真係好香😮😋．鴛鴦腸姐係臘腸同埋膶腸，臘腸唔乾瘦，比較多肥肉，肉汁幾鮮甜😋．油鴨髀、臘腸、膶腸都唔係死咸，好有油香，佢地既油香更加滲入晒係d米飯到🍚．有秘製醬油同埋豬油可以按自己口味添加，加完豬油之後，令到成個飯更加香，同埋d飯粒粒分明😋．飯焦係煲仔飯既靈魂，依到d 飯焦係痴滿晒成個底🤩，唔似出面有d鋪係得好少飯焦或者係完全無飯焦．不過價錢黎講係有d 貴，但係份量黎講我一個女仔食就有d 飽過頭🤣．裝修：依到既裝修有好多港式元素，都幾得意，例如有好似霓虹光管既牌、有關功夫既野（降龍十八煲、化骨綿爪）等等🤔

天寒地凍🥶心思思想食個煲仔飯😁今日介紹呢間小店地方企理，煲仔飯都做得幾出色！👏🏻窩蛋安格斯牛肉煲仔飯 $98店家標榜自己係no.1首創備長炭煲仔飯，選用備長炭令到火喉更為均勻適中，燒出嚟嘅飯比較乾身，飯焦做到脆口，用上安格斯牛肉，比街邊檔口高級dd，肉質軟淋，撈埋蛋黃、蔥花，再加入適量豉油同豬油，風味十足。👏🏻金銀蒜蒸開邊蝦 $88咁岩今日做緊優惠，叫嚟試吓。開邊蝦除咗易入口，而且能夠係蒸嘅時候吸收埋蒜味。粉絲墊底，食落有蝦嘅鮮味，唔會太咸，味道岩岩好。🐷🛎️ 必試指數 : 8/10🌟#煲仔飯 #香港名物 #wingwingpiglife #wingwingpig_taikoo🅆🄸🄽🄶 🅆🄸🄽🄶 🄿🄸🄶 🄻🄸🄵🄴

其實唔係第一次嚟呢到食，今日終於有時間喇寫食評，呢次叫左兩個煲仔飯(鴛鴦腸排骨煲仔飯及鴛鴦腸滑雞煲仔飯)及蜜桃生炒骨加五香金錢肚，留意返佢個煲仔飯製作需時，真係要等一陣，佢上煲仔飯時候呢會拎走個蓋，係就唔會畀你焗一焗嘅，個煲仔嚟都時已經有飯焦，咁你落豉油就自己留意下啦，鍾意食多啲飯焦嘅就可以等一等先撈起佢，唔鍾意嘅就要自己適當控制一下時間喇，今次叫嗰個金錢肚，個味有啲淡，而個蜜桃生炒骨呢，我個人就覺得有啲酸囉，但個煲仔飯我就覺得真係幾好食㗎，如果未試過嘅可以嚟試下囉！鴛鴦腸排骨煲仔飯鴛鴦腸滑雞煲仔飯五香金錢肚蜜桃生炒骨

對我來說, 突然在太古覓食有一定難度, 不是餐廳定價過高, 覺得不值, 便是餐廳座位過於擠迫, 內心抗拒入座。由午市逛至下午茶時段, 累到一個點, 沒腳力找了。無意間見這店有煲仔飯和點心, 價格相宜, 便不再考慮了。小店裝潢富有特色, 環境乾淨企理。枱面放著秘製醬油, 自家製燒豬油, 牙籤和紙巾, 方便客人使用。想點就點 $65 + 10%1) 自家製臘腸排骨煲仔飯2) 竹炭流沙包煲仔飯是即叫即製的, 約需25分鐘, 客人可先品嚐點心, 耐心等待。竹炭流沙包6分鐘便到, 撕開底紙時需要小心, 包底很易破裂, 流出餡料。流沙包軟綿, 餡料略少。自家製臘腸排骨煲仔飯未上色前賣相一般, 客人需要添加秘製醬油和自家製燒豬油, 為煲仔飯增添風味和色彩。小店建議打開煲蓋可趁熱享用, 不用再焗。故立即翻起, 看看飯焦如何。煲仔飯飯焦平均, 薄脆焦香, 不過略為黐牙。臘腸1開2, 偏瘦但香口。豆豉排骨骨多肉少, 部份肉未完全離骨, 心生懷疑。服務方面, 店員動作過於勤快, 客人剛吃完便立即收走餐具, 且木無表情, 感覺有點awkward。其實下午茶時段客人不多, 節奏可慢些, 不會予人黑面趕客感覺。

排隊等位，已見到有4至5枱人走，負責帶位男侍應出來，話要卡位搭枱打橫坐，就問有無唔係卡位搭枱？男侍應好無禮貌答：無！跟住就走向下一位排隊既人！完全係你唔肯咁坐呀，咪幫襯啦！！🤬🤬🤬🤬🤬

呢間係同事帶我去食一見到個門面就feel 到佢都幾新派style唔似傳統茶記咁嘅樣個環境裝修都幾靚叫左個滑雞臘腸 佢例湯就送埋單90蚊加一佢一黎就送個例湯 入面好足料 有雞有薯仔 真材實料又幾好飲飲完個湯 等多幾分鐘就有個飯食時間 timing 岩岩好 呢點真係好抵讚平時出去食煲仔飯最驚就係 個底黑曬 又濃曬食緊舊炭咁呢間個底岩岩好 金黃色 唔黑 仲要有支特製豉油 同豬油比你撈讚就讚完 但真係好唔滿意佢肉嘅份量真係好少 仲要滑雞係有骨 呢點好失望 如果係東菇滑雞無骨個種就世界級

最近依兩日天氣轉涼左又係時候可以食煲仔飯了😍泊完車行返太古城中心個陣，發現依間鋪頭好搶眼見menu二百幾蚊有個2人餐就入去試下！包左一款煲仔飯、一款小菜、一個點心拼盤同兩盅燉湯(重點: 消費$200就有得泊車5小時🤭)入到去發現間鋪頭裝修都幾新穎有別於一般食煲仔飯嘅地方！依間餐廳有得食點心亦可以食煲仔飯！啱哂想兩樣都食嘅朋友😎我覺得煲仔飯幾好👍🏻（OpenRice啲評價好壞參半）今次叫左蒜蓉開邊蝦煲仔飯只係有少少飯焦，唔會過多食唔到👍🏻(唔知關唔關佢標榜用備長長碳燒呢)枱面上有秘製豉油同豬油，兩者加埋一齊撈飯幾好食！點心拼盤都唔錯！熱辣辣新鮮蒸出嚟唔係翻叮特別要讚吓個香菇包做得好似一粒香菇😜雖然依間餐廳係煲仔飯界未去到出名，不過行過太古城，如果突然之間想食煲仔飯依間都會係一個唔錯嘅選擇😚喺馬鞍山同屯門都有分店！

曾經點過點煲的外賣煲仔飯，成個飯盒有一半都係完全食唔到的硬飯焦。味道一般。點煲煲仔飯裏面的飯焦並不是脆香的飯焦， 而是半盒飯都是非常硬的，不能吃的飯焦。造成不必要的浪費，性價比其低！

最近天氣有啲涼，決定收工帶媽媽去試下呢間煲仔飯🍲因爲媽媽吾係太肚餓，所以我地叫咗一個紅燒豆腐煲及咸魚肉餅煲仔飯，share食🤣，飲品方面試咗天地一號果醋(枝)🍶食物方面煲仔飯係真係有飯焦，但又吾會太乾身及熱氣👍枱上面有秘製醬油同豬油推供。紅燒豆腐煲係用鈔煲上菜，嚟到時店員會幫手開蓋，豆腐好入味👍飲品方面都好有心機，佢地吾係隨便比一隻杯你，隻杯係雪凍過，感覺似飲緊酒🍻😂服務同環境方面都幾好，但係店鋪好似無水提供，因為我地有問服務員拎2杯水，但都無提供比我地，如果要飲茶需要加$10 一壺茶🫖

以前食煲仔飯，多數係啲粉麵檔到食，呢間裝修非常新潮，坐得好舒服，Lunch time去食都要等得比較耐雖然話呢到專食煲仔飯，但係又唔想同同事一人一煲太heavy, 就叫咗個陳皮冬瓜鴨腿湯煲仔飯，出乎意料地好食😋 因為陳皮味較重，又冇咩味精，飲啖湯好舒服好暖胃🤤至於呢個煲仔飯，料多到嚇親我地🤣竟然一個$98嘅煲仔飯會比一整隻臘鴨髀同臘腸潤腸各兩條🫢🫢 真心建議唔好自己一個食，會太咸，happy share就岩岩好🤣🤣🤣 同埋，佢地枱面會有一樽燒豬油比你淋落去，邪惡到100分😆 加上佢唔係用傳統嘅煲仔飯，啲飯焦比較易甩，吹口得來亦都唔會好痴牙😆😆好食好食

疫情嚴重夜晚無得堂食一段時間上個月有幾日特別凍所以就想食煲仔飯暖下肚值得一提既係餐廳店員會確保客人食到煲仔飯嗰隻窿焦飯會俾客人選擇用外賣盒上定原煲上如果選擇原煲上的話每個煲仔飯外賣都會收返$40按金當你交還返個保溫袋同原煲就會退返按金(交還無限要當日還定聽日 時間可自行安排)窩蛋安格斯牛肉煲仔飯 $98食評評分 : 6.5/10牛肉唔記得左同店員講要幾多成熟食落啲牛既口感都軟熟但唔係好出色當然如果屋企有煲仔豉油加埋會更加好食蒜蓉開邊蝦煲仔飯 $98食評評分 : 4/10食落係有少少蒜蓉味但係蝦就唔入味 飯又無咩汁加上啲蝦蒸得太乾水 口感淡而無味相對黎講感覺蒜蓉蝦同煲仔飯唔係好夾麻辣金錢肚 $18食評評分 : 8/10麻辣味都幾重幾入味而且越食會越覺得辣同麻金錢肚切絲切得好薄易入口 蟲草花老雞湯 $58食評評分 : 8/10淮生杞子燉雞湯 $58食評評分 : 6/10二個湯對比個人會鍾意飲蟲草湯真材實料有俾埋湯渣不過就覺得以呢個價錢啲湯少得滯總結係不過不失服務水平高但價錢偏貴 未必會食下一次