點滾鮮點心火鍋

营业中

休息中

約左朋友係屯門，呢排秋風起，諗住打個邊爐，任飲任食都米話唔高興！入黎落左湯底，叫左至尊澳洲和牛火鍋餐，岀去打個百鴿轉，睇吓有咩好食先。五香牛腩，超正，炆到好腍，仲有牛筋係裡面。滷豬手，個汁做得好好，夠風味，豬手滿滿骨膠原。叫左冬蔭功和麻辣鴛鴦湯底。先黎澳洲純血和牛、牛舌芯，鱸魚片。牛舌芯好食，超爽，可以encore青口、扇貝同虎蝦大隻又新鮮。炸鮮奶，食到台灣嘅味道，呢個真係必點。真係有點心架，久違了的水晶球，仲有芒果糯米糍。最後仲有一人一杯Häagen-Dazs

今日收工同朋友嚟到打邊爐有幾款任食餐選擇 我哋就揀咗C餐 至尊澳洲和牛火鍋餐 $348鳳梨濃鮮番茄湯 + 日式壽喜燒兩個湯底都好濃郁 又足料依個餐有好多款牛肉 質素正常發揮啦五花趾同牛舌唔錯好大隻嘅蝦大大粒扇貝蝦滑同墨魚滑都好彈牙 又幾唔錯打邊爐要有響鈴其他配料都好多選擇小食：台灣腸同花枝丸 都炸得好香脆點心都幾多選擇除咗燒賣蝦餃月連金錢肚 流沙包依啲都有😂又幾過癮幾開心最後嚟杯雪糕二人同行仲有85折

🤤有時吃貨心思就係三心兩意～是晚又想食點心又想打邊爐～網上發現到呢間新開業嘅餐館竟然可以一次過滿足哂兩個願望😍即刻訂位出發～去到有三款套餐ABC餐可供選擇～梗係揀最多嘢食嘅C餐啦🫰🏻🫰🏻.揀咗晚市✨至尊和牛火鍋餐 $348 @位(二人同行有85折優惠🥳🥳)～可以任點任食120分鐘👏🏻👏🏻有齊港式點心+台式火鍋+台灣小食可以無限制任食！！頭輪先歎台灣小食～大推夜市必食嘅✨梅香地瓜條、✨酥炸花枝丸、✨椒鹽四季豆！滋味十足👍🏻；跟住免費升級咗嘅點心放題勁有驚喜😚重點推薦：晶瑩飽滿嘅✨蝦餃、用料十足嘅✨燒賣、香脆可口嘅✨大良炸鮮奶、賣相滿分嘅✨紫醉金迷流沙包 等等…估唔到任食點心質素都可以咁高質🫶🏻🫶🏻；再嚟打邊爐叫咗鴛鴦鍋✨正宗台灣麻辣+台灣紅燒牛肉湯✨濃厚又惹味！除咗自助區可自己揀多款火鍋配料同飲品外(晚市火鍋嘅啤酒仲買一送一添🍻)～掃code仲可以點埋肉類🥓及海鮮🦐～牛魔王食咗幾碟✨澳洲純血和牛、✨安格斯特級牛肉、✨澳洲Q彈牛五花趾🐂🐂～食飽飽之後每位仲包一杯自選口味嘅HaagenDazs 雪糕🍨Be大愛當日有得揀嘅雙重朱古力馬卡龍口味🍫🍫整體用餐感覺良好又滿意呢🤗🤗

同阿爸食飯最緊要係多選擇！今次搵到呢間任食火鍋，除左打邊爐之外仲有點心同小菜食！阿爸開心到不得了😂今次揀左最貴既至尊澳洲和牛火锅，可以無限任食澳洲和牛之外，仲有點心同台式小食食🤣好抵呀。湯底除左港式，仲有台式揀，今次就要左阿里山野菌同台式麻辣，兩個都好濃味唔會寡，一邊打牛肉，一邊打蔬菜，正！呢度既牛肉質素都唔錯，好有牛味，另外仲有海鮮例如海蝦同扇貝食！小食都有多款台式小食，鴨血同甘梅紅薯條係必食！另外點心都好多選擇，蝦餃、燒賣、流沙包、鳳爪呢d全部都有，而且大大籠熱辣辣，好開心呀！呢度既意外驚喜係可使用電視機投屏，邊食飯邊睇電視真係好爽🤣🤣🤣🤣

火鍋滾下滾下, 再加埋即蒸點心好滿足. 今日朋友聚會, 近期轉天氣心思思想打邊爐, 特意去左屯門食依間. 因為除左火鍋, 仲有提供即蒸點心, 依兩樣加埋好吸引.點滾鮮?首先入場選左一款放題套餐先, 之後選埋湯底先入場(可以選兩款湯底). 我選左C餐, 套餐包左好多款肉類,海鮮,即蒸點心同台式即炸小食. 可以係手機掃code點餐, 好方便, 坐定定就有野食. 職員放低湯底後, 佢會先放下幾款肉俾食客可以一等湯底滾後就先食為快. 湯底都幾多選擇, 我選左我最愛既蕃茄湯同微辣偏酸既冬蔭公湯外面自助區就有多款無酒精罐裝飲品選擇(啤酒需要加錢), 亦有多款火鍋配料.熱食有一湯一糖水選擇, 驚喜位係店內除了有手機落單既熱食(包括四季豆串,烤香腸, 米糕等, 自助區竟然有台式肉燥飯, 炆豬手, 好似置身於台灣夜市咁, 真係小確幸.而期待已久既點心, 有幾款都係可以一粒咁叫(蝦餃,燒賣,菜餃,包), 少部份要叫一碟(金錢肚).即叫即蒸,熱烘烘好好味.最後可以問侍應拎杯Häagen-Dazs雪糕嘆下, 飽晒

*至尊澳洲和牛火鍋餐** 這道火鍋餐的主角是澳洲認證無激素和牛，肉質鮮嫩，油花分佈均勻，在熱湯中輕輕涮過，鮮美無比。火鍋湯底濃郁，配以各種新鮮蔬菜和海鮮，使整鍋更加豐富多彩。2. **台式火鍋 + 港式點心任食放題** 餐廳特有的台式火鍋加入了多種獨特的台灣小食，如鹽酥雞和珍珠奶茶，增加了豐富的口感體驗。港式點心任食更是讓人眼花繚亂，各種美味如蝦餃、燒賣、叉燒包等任君選擇，讓人一次滿足對不同風味的渴望。很適合周末放鬆

放假同屋企人去打邊爐，屯門新開咗間台式任食火鍋 - 點滾鮮點心火鍋 ⭐️至尊澳洲和牛火鍋餐 120分鐘⭐️$348/位，2️⃣人同行有8️⃣5️⃣折有10多款台式湯底可以選擇，我哋揀咗鴛鴦鍋：🔸阿里山野菌🍄‍🟫🔸湯底有好清香嘅菇菌味道，配上蔬菜及其他火鍋配料食用，帶出鮮味👍🏻🔸正宗台灣麻辣🌶️🔸湯底充滿香、麻、辣🌶️嘅味道，配上各款肉類食用，非常惹味，湯底仲要越滾越濃，好刺激啊😜QR code點單📲🔸多款自選肉類：🔹澳洲純血和牛：和牛肥瘦均勻，輕輕淥幾秒便食得，香濃嘅牛肉味道，夾雜着牛脂嘅香味，encore 咗好多碟😜🔹澳洲精選牛板腱、安格斯特級牛肉、澳洲Q彈牛五花趾、澳洲上腹牛五花、精選牛舌芯、特選豬梅花、荷蘭豬五花、花雕雞腿肉🔸海鮮：海蝦🦐（大大隻，肉質結實夠彈牙）、鱸魚片🐟、扇貝、魷魚🦑（又爽又脆）、蝦滑、墨魚滑、青口🔸點心任食：鮮蝦餃、韭菜餃、鳳城鮮蝦水餃🥟、淮山杞子燒賣、蓮蓉水晶球、紅豆水晶球、鳳爪、排骨、粉果、叉燒包、鹹水角、牛柏葉、金錢肚、鮮竹卷、菜苗餃、流沙包、大良炸鮮奶、芒果糯米糍🔸台式小食任食：酥炸杏鮑菇、椒鹽四季豆、士林豬血糕、台灣香腸、麻辣鴨血、酥炸花枝丸、梅香地瓜條、香酥甜不辣🔸

去旅行之前緊係要食返個大餐先😂 留意左屯門市中心呢間新開既「點滾鮮點心火鍋」一排架啦！原來依家仲做緊兩人同行八五折優惠，CP值極高，梗係即衝啦😎.呢間火鍋放題主打台式風味，吾單止可以任食多款火鍋材料，仲可以無限供應點心，每款點心都係即叫即做，夠新鮮！另外，每張枱仲有自己專屬既電視，方便投屏自己中意既影片，一邊睇一邊食，好似係屋企打邊爐咁，夠 chill！.今次揀咗套餐C，可以任食兩個鐘架～呢個套餐主打至尊澳洲和牛，仲加送自家製手打和牛丸同墨魚豚肉丸各一份，送完即止架～.今次揀既湯底係鴛鴦鍋，一邊係正宗台灣麻辣鍋，麻得黎吾會太辣，湯底夠濃郁；另一邊係冬瓜豬肉白鍋，淡淡地既清甜味，岩晒吾中意太重口味既朋友。湯料仲特別多，味道滲入哂食材中，好滿足。.講到肉類，呢度真係俾足料！澳洲純血和牛，澳洲牛板腱同安格斯特級牛肉，全部肉質都好嫩滑，尤其係和牛，肥瘦分佈均勻，煮完夾上黎油香四溢，入口即溶，真係忍唔住一片接一片。仲有其他肉類，例如澳洲Q彈牛五花趾、牛舌芯、豬梅花、荷蘭豬五花、花雕雞腿肉，選擇超多，有一款你中意。.除左肉類，海鮮亦唔少得！海蝦夠大隻，肉質結實彈牙，扇貝都好似五蚊銀咁大隻，鮮甜嫩滑

上星期六同老公去屯門拍拖見到呢間點滾先 食足兩個鐘和牛火鍋 仲有點心咁特別嘅配搭梗係即刻試吓啦自助配料 飲品 肉類 點心 炸物 甜品全部都可以任食款式都幾多 最後仲會有Häagen-Dazs雪糕添.我哋揀呢個澳洲和牛火鍋餐 有勁多牛肉可以選擇包括牛舌 牛板腱 全血和牛 雪花肥牛等等牛舌爽口彈牙 全血和牛牛味香濃 湯底我哋揀咗壽喜燒同埋冬陰功湯本身已經好夠味 我覺得唔使點醬油都可以😍.最令我印象深刻嘅一定係佢哋嘅點心尤其是流心流沙包 好耐冇食過咁好食嘅流沙包🫶🏻大家都知食放題 如果食包嘅話一定會蝕本😂但我都心甘情願食咗兩個因為真係太驚喜啦蝦餃都好好味 雖然皮唔算話太薄 但係個餡好多蝦肉又要encore.最後一定要留肚食埋佢哋嘅甜品焦糖燉蛋布甸都好出色食完真係勁滿足

呢間餐廳係自助火鍋同時仲有點心食，佢有A到C餐選擇，我地叫左C餐可以食到澳洲和牛任食120分鐘，仲有多款肉類，飲品等等俾客人揀，環境好舒適，我地叫左鴛鴦湯底一邊係牛肉湯香濃牛肉味，另一邊係菠蘿蕃茄酸甜開胃，點心有蝦餃燒賣，估唔到連水晶包都有得食呢個比較難整既點心入面有好大粒豆沙涵料好吸引，流沙包軟綿綿，鳳爪即叫即蒸，純血和牛入口嫩滑肉質鮮味，伊比利亞豬都好軟滑，qr code落單職員上菜速度快，仲有雪糕食。

今日喺屯門睇完戲之後想去打邊爐。上網見到呢間舖頭，主要係提供台式火鍋食材，仲有澳洲無激素牛肉、點心任食同台式小食嘅。我哋見佢環境光猛，又好乾淨，咁去試吓啦。侍應喺門口叫我哋可以揀套餐先，可以食120分鐘，佢有三個套餐，主要分別係叫嘅肉類同埋點心放題嘅種類唔同。因為我哋好肚餓，所以我哋要咗最貴嗰個C餐至尊澳洲和牛套餐，同埋揀咗蕃茄湯同麻辣湯底。一坐低見到隔籬有個電視機，侍應話可以自己投屏上去睇自己想睇嘅嘢。個自助吧有超多款食物揀，仲有任飲嘅飲品，仲有湯同飯可以自取。我哋叫咗好多款牛，仲有試過即蒸點心同埋唔同嘅台式小食，選擇好多，質素好好。而個湯底好足料，好香口。海鮮我哋都食咗唔同款，仲encore咗唔少嘢。最後仲有一人一杯雪糕作結，好滿足。有機會一定會返嚟再食！

📍點滾鮮點心火鍋（屯門）點止火鍋咁簡單？ 即叫即蒸手工”點”心 “滾”燙燙的正宗台式火鍋 材料新”鮮”淨係睇餐廳嘅介紹已經覺得好啱三心兩意嘅我，可以打邊爐仲可以食點心，仲有好多台式小食：炸花枝丸、台灣腸、炸鮮奶、地瓜條、甜不辣、四季豆、豬血糕、鴨血......一定要點炸花枝丸、台灣腸，炸得香脆滋味一流。自選鍋底：養生雞湯、阿里山野菌、日式壽喜燒、台灣紅燒牛肉湯、老壇酸菜、南洋椰香冬陰功、鳳梨濃鮮番茄湯、台灣麻辣，真的是仼君選擇！還有點心可以揀。紅燒牛肉湯和所有的肉類都很撘。C 餐至尊澳洲和牛包括澳洲純血和牛、澳洲精選牛板腱、安格斯特級牛肉、澳洲Q彈牛五花趾、澳洲上腹牛五花、精選牛舌芯......澳洲純血和牛，牛味濃郁，肉質嫩滑，帶嚼勁。最最最推介大家點鱸魚片，放在麻辣湯底猶如吃水煮魚般，滑嫩魚肉沒有半條刺，愈吃愈滋味。另外最後有 Häagen-Dazs 雪糕，多種口味選擇。

今日係屯市行完街睇到間新開火鍋店，於是就入咗去試試佢🐂至尊和牛火鍋 $348-🥩牛肉方面「澳洲純血和牛、澳洲精選牛板腱、安格斯特級牛肉、澳洲Q彈牛五花趾澳洲上腹牛五花、精選牛舌芯」-🌊海鮮方面「海蝦、鱸魚片、扇貝、魷魚、蝦滑、墨魚滑、青口」-台式小食方面「萬巒豬手、私房麻辣鴨血、台式炆牛肉、士林豬血糕、台灣滷肉、酥炸花枝丸、酥炸杏鮑菰、台灣香腸、椒鹽四季豆、梅香地瓜條、午餐肉、香酥甜不辣」🍦仲有點心任食 種類多不聲數 最尾仲有甜品及雪糕整體味道唔錯，用料以台式風味為主，仲可以投射影像落個螢幕慢慢欣賞總括嚟講，值得一試，選擇非常之多

天氣開始涼涼地，係時候打邊爐暖暖身，朋友介紹屯門有間打邊爐幾抵食，性價比高，主打澳洲無激素牛肉，最特別嘅係餐廳仲有台式小食同粵式點心😆 啱晒一大班朋友食乜都得，原來鋪頭有啲卡位仲設有可以自己投屏嘅螢幕，播咩都可以自己選擇😆至尊澳洲和牛火鍋餐 C餐先揀湯底，種款多達8款，同朋友揀左【鳳梨濃鮮蕃茄湯】，味道清甜牛肉方面都好高質，和牛、牛板腱同安格斯牛味濃郁，尤其推薦牛五花趾，口感爽脆，彈性十足海鮮部分叫左海蝦、扇貝、青口同蝦滑，海蝦都幾大隻同彈牙台式小食即叫即製，熱辣辣好新鮮，地瓜條、甜不辣同台灣腸都重現夜市風味，其中地瓜條灑上梅粉好惹味開胃最有趣可以叫埋點心，蝦餃燒賣其實可以揀蒸好或者自己淥🤣 見湯底都幾清甜就試下用蝦餃同燒賣打邊爐，都幾得意另下仲叫左大良炸鮮奶同流沙包，水準拍得住酒樓，唔錯唔錯

位於屯門的「點滾鮮點心火鍋」，以其獨特的點心火鍋放題模式，成功吸引了不少食客。餐廳裝潢簡約時尚，座位寬敞舒適，用餐環境頗佳。特別值得一提的是他們的醬料區，提供了十多種不同的醬料，可以根據自己的喜好調配，滿足不同口味的需求。醬料比較齊全，當中特色有台灣沙茶醬，味道比起普通沙茶醬淡一點但香一點。這次我們選擇了晚市放題。放題套餐包含三款肉類：精選肥牛、美國肥牛和澳洲和牛。我們這次食的是澳洲和牛套餐放題90分鍾。澳洲和牛肉質鮮嫩，涮煮後15秒左右可以食用，肉味濃郁。純血和牛是最不肥的肉，肉質比較硬身一點點， 但肉味濃而不腻。五花趾比較彈牙，筋和肌肉比較多，也沒有太多脂肪，喜歡少脂偏肉的話這款應該最好的一款選擇。除了肉類，自助區的選擇也令人眼花繚亂。各式各樣的蔬菜、菇類、丸子、豆製品等應有盡有，新鮮度也相當不錯。此外，自助區還提供了一些炸物和小吃，例如炸春卷，可以解解饞。點心方面，我們點了金錢肚試一試，醬料味道很入味，非常好吃。口感比較軟，易咬口。每人還可以要一杯哈根大師的雪糕。總體來說，「點滾鮮點心火鍋」性價比高，食物質素也不錯。無論是肉類的品質，還是自助區的選擇，都令人滿意。加上舒適的用餐環