點心到 MIX·大排檔

营业中

休息中

🍽點心到 MIX·大排檔 (旺角)📍旺角洗衣街39-55號金雞廣場地下1A,1B,1C號舖1.川芎白芷燉魚頭湯🐟呢排成日都好似吹親頭痛，最好就飲呢個湯。佢既藥材味好重，離遠都嗅到當歸既味道。飲落去有好濃嘅藥材味，後勁有玄蔘嘅味道，我自己就好鍾意飲啦。2. 杏汁燉白肺湯🫁平時喺屋企真係好少會煲呢個湯，洗豬肺真係好難，又怕洗得唔乾淨，所以我出街都鍾意叫呢個湯。佢嘅杏汁燉白肺真係好足料，大大嚿白肺，好多南北杏係底。杏汁嘅味道好重，望落去奶白色既湯，真係好吸引。3. 紅燒豆腐🤍紅燒豆腐份量真係好多，而且好足料，裏面仲有好多菇添。豆腐面被煎到微焦金黃，食落去已經吸晒茹既精華，鮮味十足。4. 蝦醬骨🐷蝦醬骨被炸到金黃色，外面咁靚嘅炸皮包裹住肉厚多汁嘅豬扒，充滿着鹹香嘅蝦醬味道，真係食完一舊又一舊。5.薑蔥魚雲煲🐡魚雲真係好大舊，裏面嘅薑蔥都好足料，拎嚟餸飯都唔錯。環境：💛💛💛🤍🤍3/5衛生：💛💛💛💛🤍4/5食物：💛💛💛💛🤍4/5價錢：💛💛💛💛💛5/5 (💰$356/2=$178)P.S.環境光猛，服務員態度好好，雖然好多人客，但係做嘢都好爽手，上菜速度比預期中快好多。佢哋嘅食物都係大件夾抵食，啱晒

👧🏻😋👅🍽✨鑊氣小菜冇得輸🥰-點心到 MIX·大排檔🇭🇰 旺角洗衣街39-55號金雞廣場地下1A,1B,1C號舖 🇭🇰-🧑🏻‍🍳晚市做小菜冇做點心, 都夠鑊氣質素勁驚喜🧑🏻‍🍳廚房同樓面都好夠人手! 雖然6點開始都好多客入, 但點菜加水都好周到; 叫左三樣鑊氣小菜5-10分鐘仲要一齊到🧑🏻‍🍳裝修好靚燈光夠猛, 位置都好闊落, 梳化卡位勁舒服😄-🧊🐽冰鎮咕嚕肉 $88✨貌似係招牌菜, 幾枱都有叫, 真係好好味✨大塊冰墊底, 三色椒切長條形, 菠蘿係新鮮唔係罐頭!!!✨肥肥的咕嚕肉勁鬆化, 仲要冰鎮啲汁凝固更加外脆內軟-🧄🐽蒜香骨 $82💯蒜香骨偏粗大所以好好肉, 骨粗但肉都好多😍 仲有幾舊有軟骨勁正💯蒜粒重手好香, 入面既肉都好入味-🌶🥮 XO醬炒蘿蔔糕 $68✨一上碟見佢好似腍腍地都諗住要失望, 點知…✨點知食落個皮都係脆😆 但入面個糕口感係軟糯幾得意, 唔似普通蘿蔔糕咁削✨XO醬同蘿蔔糕真係好夾, 但重點都係小兜配上既辣醬, 超好味唔會死鹹死辣-

平時行旺角到食晚飯時間呢間餐廳都會有埋人係門口等位今日同fd 7點幾係附近行緊居然見到即刻有位唔使等開心一入座有俾兜洗碗筷似酒樓茶芥$5/位冇加一本身係炸野加咸蛋控見佢招牌係黃金桂花蝦但對蝦一般般所以叫左另一款咸蛋既黃金鮮魷每舊都有掛滿咸蛋黃汁醬好好食好幸福😍🥹會為佢再食過望左一下附近既檯原來周圍都好多人點呢道菜京都骨一上菜見到隻色已經好開心食得出個外皮仲有炸過既感覺微脆唔係得骨每舊骨都有咁上下既肉痴住好惹味好正黑金流沙包Size比平時飲茶既包點細但真係有流沙感覺咸蛋控都會滿意杏汁燉白肺湯可以話係一款一定要出街飲既湯豬肺自己點洗呀啲湯煲到奶白色每盅都有跟埋湯渣好滋潤一盅都分到兩碗同fd share都好夠飲一人一盅就可能會飲飽食完8點幾出見又排緊隊

🔺食物 🔸蒜蓉蒸元貝（隻）$48蒜香味好濃 🥰配埋粉絲 淋埋甜醬油 勁惹味元貝大大粒✌️ 厚度睇相就知🤩🤩.🔸秋葵野菌扒豆腐（自家製）$82豆腐分綠、白兩層 外層薄身，內層嫩滑🤤仲鋪滿哂秋葵 同 菌菇💁‍♀️ 啖啖汁 啖啖餡✅.🔸黃金鮮魷 $89必試‼️ 鹹蛋黃成沙 味道香濃👏魷魚質地爽口彈牙🦑 份量都好足料✨✨.🔸黑金流沙包（個） $10🍻名不虛傳😍 一撕開即見到流哂出黎✨外皮柔軟 餡料香甜而不膩👍👍.🔸深海墨汁海鮮麵 $98🥘勁大碟 有齊哂彈牙🐙同🦐蝦球 份量十足但麵質較硬 未能做到掛汁效果 比較可惜.➖➖ ➖➖ ➖➖ ➖➖ ➖➖ ➖➖ ➖➖ ➖自私評分：🌕🌕🌕🌕🌗自私評論：晚市主打港式鑊氣小炒，鋪面裝潢新型，亦設有卡位，適合一家大細、同事🤣 夜晚想食下點心包類？都可以黎試下😚 必點「黑金流沙包」🥳 仲可以單件落單上 值得一提既係啲海鮮好好食😍大大粒 爽甜，咁岩見隔離枱叫左蟶子，樣子極吸引🥳🥳 有興趣既朋友記得訂位先，因為繁忙時間都要排陣隊架😎➖➖ ➖➖ ➖➖ ➖➖ ➖➖ ➖➖ ➖➖ ➖

有日晏就☀️☀️係旺角見到金雞樓下有好多人排隊食點心😱😱見咁多人我就冇食到啦🤭有一晚喺旺角行街就發現無咁多人排隊🤗🤗於是今次就嚟食呢間點心到 MIX·大排檔😳等咗一陣就有位啦‼️‼️行街都行到好肚餓🥺於是我哋叫咗一個龍門鴛鴦炒米$77💚同一個金沙海鮮🍤蛋白炒飯$86🐣另外再叫多份冰鎮咕嚕肉$88🐖🧊🌟🌟金沙海鮮蛋白炒飯炒飯炒得粒粒分明😍再配合埋蛋黃碎同蛋白🐣食落去超香口😋😋入邊仲有炒咗好多蝦🦐🦐🦐再配埋翠玉瓜💚💚加埋蔥香，口感超豐富😍😍龍門鴛鴦炒米💫💫炒米非常之乾身，除咗蝦肉，蛋同蔥之外亦都有啲辣椒🌶️微微帶出個辣味🥰跟咗個醬😍撈埋一齊食超惹味🤤🤤❄️❄️冰鎮咕嚕肉見到差唔多枱枱都叫咗碟😂😂我哋都唔執輸叫返份咕嚕肉😋一上碟色彩繽紛🎊🎊加埋冰鎮嘅效果🧊🧊🧊咕嚕肉外脆內軟🤤🤤再加埋青紅黃椒嘅配搭🥰同埋酸酸甜甜嘅菠蘿🍍凍咗嘅菠蘿更加鮮甜💕成個味道都好夾🈴

餐廳：點心到 MIX·大排檔 (旺角)地址：旺角洗衣街39-55號金雞廣場地下1A,1B,1C號舖舖沙拉骨 $88全部都好大件，總共有8件，排骨炸至金黃色，酥脆可口，外脆內軟，加上外層嘅沙律醬，均勻地塗上每一件排骨，味道酸酸甜甜，十分惹味，絕對係必食推介。乾炒牛肉腸粉 $78腸粉炒得入味彈牙，香濃幼滑，色味均匀，份量夠，鑊氣十足，牛肉亦夠軟嫩。紅燒乳鴿 $55即叫即炸，炸到啱啱好，外皮夠香脆，肉質嫩滑多汁，又唔會覺好油膩。

黃金桂花蝦球 $108 我覺得好特別，黃金蝦食得多，但桂花就好少見出面有。蝦都算大隻，有十隻，黃金鹹蛋足夠，成個口感好好，脆口爽身，面頭有乾桂花！用來撈飯一流！金銀蛋浸菠菜 $76 呢碟啲菠菜都好嫩身，洗得都好乾淨，完全冇沙，最怕有時出街食呢隻菜，食到最後見到湯底全部都係沙泥，有啲嚇人，但係呢間完全冇，湯底我都清埋，好好食。黑金流沙包 $10一個，我地叫左兩個，外型型格又討好，金色掃色好吸引！食落包身夠軟，超級流心所以要小心，不過真心好食。難怪呢到好多人好旺！

旺角 - 點心到‎今次介紹呢間點心到係位於旺角地鐵站出口附近既餐廳，非常方便。餐廳環境乾淨闊落，岩曬一家人同埋一大班朋友嚟聚會。🍴鑊氣小炒王🍴好夠鑊氣，未食已經聞到香噴噴，同一般小炒王唔同，加左原隻大蝦同魷魚落去一齊炒，口感味道更加豐富。韭菜爽口，識落索索聲。🍴薑蔥魚雲煲🍴超香薑蔥味，魚雲滑溜溜，而且經走油後完全無腥味。份量適中，兩個人都食得曬，唔洗怕浪費食物。◆*．◆*．◆*．餐廳資訊◆*．◆*．◆*．點心到 MIX·大排檔 (旺角)旺角洗衣街39-55號金雞廣場地下1A,1B,1C號舖

🍽️點心到mix大排檔之前食過佐敦間點心到 男朋友對佢哋嘅評價都不錯 後來佢同朋友試埋佢哋呢一間Crossover店覺得好特別 所以就專登帶我嚟食多次 餐廳除咗有小炒之外 同樣有幾款熱門嘅點心可以食 可以滿足晒貪心小編嘅慾望😂冰鎮咕嚕肉 ($88)呢碟同平時出面嘅有啲唔同 佢哋餐廳嘅咕嚕肉係直接放上去冰度 令每一粒嘅咕嚕肉都做到冰火交融嘅效果 感覺好過癮 咕嚕肉都幾大粒 啖啖肉 正金銀蛋浸時蔬 ($78)時蔬我哋就揀咗菠菜 份量都幾大碟 而且有好多H小編最鍾意嘅皮蛋 保仔左宗棠雞煲 ($88)估唔到呢度有小型雞煲可以食 其實感覺有少少似冇咗九層塔嘅三杯雞 味道幾惹味 唯一食嘅時候要小心 雞件比較多碎骨黑金流沙包 ($10/個) 呢個係之前食點心到嘅時候都必點嘅 餐廳好處係可以按人頭份量叫 一咬開裏面嘅奶黃流沙餡即刻爆曬出嚟 好治癒😂

光猛企理大排檔行過幾次晚市都見有人排緊隊所以就搵朋友搵人試試佢當日8點到 大約排左15分鐘就入得環境新淨 光線充足 座位都唔會太逼野食方面都唔少選擇小菜同點心都有見到好多人推薦冰鎮咕嚕肉 $88價錢唔貴 份量十足 賣相都幾好咕嚕肉炸得都幾脆 下面啲冰作用都不大都係令到個樣靚啲沙嗲肥牛粉絲煲夠晒熱，賣相唔錯肥牛同粉絲份量都好多味道都濃味撈飯一流黑沙流沙包 $10即叫即蒸佢有個好處，就係可以逐個逐個叫$10 一個 好好食真係好流心 同埋有蛋黃嘅香味包亦都好軟熟，唔會太厚榴槤雪媚娘 $16（推薦）外層類似糯米糍，但係薄少少既黃色皮，煙煙韌韌入面係忌廉同埋鮮榴槤肉估佢唔到都幾多榴槤肉，榴槤肉新鮮，濃濃嘅榴槤味，榴槤肉比我想像中多所以加分楊枝甘露$25同外面食到嘅楊枝甘露差唔多，都係西米芒果西柚，其實質素都唔錯總結款式好多，小菜都有鑊氣，又有點心食

點心到MIX·大排檔係旺角金雞廣場樓下，提供點心同大排檔小炒，一次過滿足曬兩個願望🤤冰鎮咕嚕肉🐽 💰88依個係我最有興趣嘅菜式😍熱辣辣嘅咕嚕肉一炒完就即刻放上冰上面🧊咕嚕肉嘅皮經過冰鎮變成脆皮，而且會鎖死D肉汁😲食落比普通咕嚕肉更加特別👍🏾黃花桂花蝦球🦐 💰108黃金蝦球係依間餐廳嘅招牌菜😻佢個蛋黃味真係好‼️香‼呀️‼️個皮香得黎又唔會太厚，隻蝦亦都係新鮮貨，食落去肉質爽彈🤪招牌菜呢個名真係當之無愧😎深海墨汁海鮮麵🍝 💰98無諗過一間中餐廳會提供墨汁麵😳即刻叫黎試試先🤭意粉嘅墨汁好香，而且佢嘅海鮮都好足料有蝦、墨魚、帶子等等，好足料呀🤓黑松露炒墨魚🐙 💰98一上枱，陣黑松露味已經撲鼻而來👅墨魚炒得好有鑊氣之餘，咬落仲好爽口彈牙，令人胃口大開味道 ：⭐️⭐️⭐⭐性價比：💸💸💸💸服務：🤵🏼🤵🏼🤵🏼🤵🏼推介 ：😚😚😚😚

🧒🏻👧🏻好鐘意食小菜同點心，嚟到旺角見到有間坐滿人既中菜餐廳，晚餐時段除咗小菜，仲有點心可以嗌。餐廳環境光猛，座位寬敞舒適，岩晒鐘意食小菜但又怕去比較污糟嘅大排檔。冰鎮咕嚕肉 $88咕嚕肉炸到外層脆皮，內層鎖住肉汁。醬汁甜酸到適中，用上切粒新鮮菠蘿🍍同青椒紅椒，好好食。建議等5分鐘後先食，俾啲時間冰鎮，令咕嚕肉外層冰凍，咕嚕肉表面甜酸汁冰鎮後變成拉絲嘅質感，更好食！🧊黃金桂花蝦球 $108好抵食嘅一道餸菜！足足有10隻大蝦🍤，炸到外殼香脆，肉質爽口彈牙，鹹蛋黃醬超濃郁惹味！送飯一流！推介同朋友share一齊食😋黑金流沙包 $10/1個食嗰時要小心，即叫即蒸真係熱辣辣到燙口！😆 咬開入面超級流心，奶黃味同鹹蛋黃味好香濃！楊枝甘露 $25飯後梗係要叫埋甜品啦😝！楊枝甘露好足料，細粒size既西米煙靭，芒果粒夠甜，西柚都係甜，成個甜度啱啱好🥭📍 點心到 MIX·大排檔 (旺角)旺角洗衣街39-55號金雞廣場地下1A,1B,1C號舖

之前已經同朋友去過佐敦飲茶，質素都幾滿意。旺角店裝修簡約大方，光線足，座位寬敞舒適，所以今晚再黎試下佢地既小菜先。冰鎮咕嚕肉, $88平時啲咕嚕肉就食得多，冰鎮嘅就比較少見，雖然係冰鎮但咕嚕肉都非常熱，無骨，外面脆口，入面啲肉醃得好淋而且，果然係餐廳推薦菜式，而菠蘿就冰鎮到涼涼地，連埋咕嚕肉一齊食幾有層次鑊氣豉椒炒蜆, $89蜆肉大隻無沙，有鑊氣，加埋三色椒炒就一流下次可以約埋朋友一齊黎食同吹水！😋😋

Dinner @ 12 Jan 2023 (Thurs)就黎過年, 小編同家人想食中式小炒黎團年, 就揀左點心到。點心到既好處係可以係OpenRice度book位, 準時去到直入唔洗等。呢間點心到成日經過都見到好旺場, 就算夜晚8、9點已經過左晚飯時間都滿晒場, 所以真係好建議提早book位。小編並非第一次食點心到, 小炒就食得多, 但就第一次試點心到既燉湯。黑蒜螺片燉肉排湯(盅): 呢個湯非常好飲, 原盅上, 上檯熱辣辣, 非常足料, 湯非常濃味, 飲得出煲左好耐。有一大塊螺片同好多豬肉, 飲完都飽左3成。真心推薦呢個湯。冰鎮咕嚕肉: 上檯既時候嘩一聲, 我地期待係又甜又酸, 又冷又熱既咕嚕肉, 但講真有啲失望, 因為炸粉比較厚, 其實唔係好食到舊肉。通菜炒牛肉: 呢碟餸小編唔係第一次叫, 今次係encore, 可能當晚人多既關係, 較為失準, 炒完出黎唔夠乾身, 比較多水。XO醬爆豬頸肉: 呢個有大量既西芹, 唔食西芹既人可能就未必岩食了。但豬頸肉爆得好香口, 送飯一流, 齋食豬頸肉都已經值回票價。紅燒豆腐: 豆腐同雜菌好入味, 個汁撈飯又係一流。總括而言, 點心到好適合一家大小去

今次我哋嚟到旺角想食啲大排檔小炒但又想環境坐得舒舒服服所以今次呢到呢間點心到環境有少少似冰室咁樣位與位之間都幾闊落打開餐牌都是一些在大排檔常見到的小菜今次我哋兩個人就一共叫咗三個小菜嚟試下飛天通菜煲通菜煲一上碟嘅時候熱辣辣仲聽到好勁“芝芝”聲食落都相當有鑊氣椒鹽九肚魚呢一個亦係我哋好期待嘅菜式九肚魚食落相當香脆係推介嘅菜式豉椒炒蜆又係大排檔必點嘅菜式蜆肉都係大大隻食唔到有沙炒得有鑊氣嘅仲伴上一啲三色椒令到味菜變得更豐富總結如果想舒舒服服咁在旺角食大排檔小炒點心到都係一個好選擇