點心到 (鴻星大廈)

营业中

休息中

餐廳：點心到地點：油麻地彌敦道菜式：中式點心餐牌：餃點類，酥點類，生滾粥，小食，中點類，包點類，腸粉類，飲品，蔬菜類，原盅燉湯，甜點類，籠仔蒸飯類。價錢親民。茶位每位$5。落單用QR Code。蝦餃 (2粒) $16呢度可以選擇叫蝦餃燒賣4粒或者兩粒，價錢除返每粒係一樣，好貼心！蝦餃塊皮厚薄適中，入面餡料爽口，無辣椒醬食都唔錯。燒賣 (4粒) $30燒賣真係有大大粒蝦係面，面頭再加上蟹籽，下底係啖啖肉爽脆唔肥，仲有冬菇味，皮薄餡靚之表表者。豉汁蒸鳳爪 $21豉汁蒸鳳爪一客大概有6件鳳爪，整得好淋，面頭都多豆豉，味道都唔錯。下底加左幾粒花生，面頭有一片紅椒同綠椒裝飾。醬皇金錢肚 $25醬皇金錢肚大概有5塊，口感係完美爽口彈彈地牙又滑滑地，個汁少少辣，好惹味，唔會太油或者重口味，面頭加上一片辣椒。下底居然有4粒冬瓜粒，可降低油膩感。金沙脆皮銀蘿腸 $28金沙脆皮銀蘿腸兩大條，一開六件容易食。金沙脆皮銀蘿腸其實係厚身滑溜雪白腸粉包住一層酥脆皮，入面係滿滿一條條白蘿蔔絲，好特別。雖然係素菜，不過口感好特別，外滑內脆最入面就清甜爽爽地，食完唔覺油膩。面頭仲有一大條長菜心。燒汁釀虎皮椒 $24燒汁

📍#油麻地 #點心到點心時間到😋今次趁假期去咗新開嘅點心舖試下，結果都幾滿意😙點心到本身已經出名，宜家開埋第三間分店就知幾好味啦✌🏻✨晶瑩鮮蝦餃(2粒) $16睇落去細細粒，但係爆哂餡咁🫢蝦冇雪味，仲幾彈牙😬✨原隻蝦燒賣(2粒) $15呢個相反比較大粒，除咗出面有蝦，入面都有蝦🦐感覺同蝦餃幾似，但燒賣有埋肥豬肉，會爆汁正啲😆✨黑松露菜苗餃 $27菜苗唔係主角，似蝦餃變奏版🤔黑松露味唔太出，反正就是普通😗✨蜜汁叉燒腸 $25呢個好味，腸粉好薄皮，食落有啲彈牙😜另外啲叉燒係靚叉，唔係茶記啲乾到爆嘅叉燒🤡✨蜆蚧鯪魚球 $26幾正，應該落咗幾多魚肉，好香魚味，唔點醬都好夠味🐟size都有乒乓波咁大，咁嘅價錢有6粒好抵🤑✨黑金流沙包 $25流沙包最忌就唔流沙，唔係咗食奶黃包唔好🤪呢個真係流沙，熱辣辣咬落去小心辣到咀🥵唔算好甜，但係都好滿足🥰✨鮑汁鳳爪 $27滿滿膠質，凍咗仲會凝固就知咩事🤫鳳爪好入味，鮑味好濃郁，啲汁撈飯幾正🤤✨豐料糯米雞 $30唔太豐料，仲要肉好乾😖最慘係啲米熟唔均，有啲位係有啲硬同乾🫠✨籠仔煎蛋牛肉飯 $35幾好味，牛肉幾香口🤗煎蛋仲會有啲流汁，撈飯一流🫶🏻✨濃湯杞子浸時蔬

點心到新分店食個lunch~ 1400到有小人潮要等等！新型茶樓有埋wifi小卡位，感覺到舒服新淨。燒賣 $15好buy依套有兩粒四粒既叫法。燒賣繼續飽滿多肉~ 燒賣皮都唔馬虎實淨！豉椒蒸排骨 $22芋頭係底。都幾多排骨，唔會有豬腥味道，啖啖肉。每次必叫之一🐖沙薑汁燴鮮淮山 $22木耳、西芹同淮山素食之物，清淡健康。而家嘅綠色食物都幾貴，依款性價比幾好。品種多又唔會難入口。燒汁釀茄子 $23好大件大大鯪魚肉！比燒汁釀虎皮椒叫得仲多，企身新鮮！燒汁釀虎皮椒 $24煎香多肉，唔怕有少少辣就好叫啦！除咗綠椒之外，仲有紅椒😀 椒皮走油好香口！香茜牛肉腸 $25薄皮中間多牛肉，牛肉重！就咁咬唔覺，咬多啖就滿滿肉啦。豉油可以另上，幾好！店員個個都helpful唔會黑面嫌麻煩。籠仔金銀蒜海蝦飯 $42蒜加蝦既飯🤪 夠濃，飯軟淋少少咬左汁！

我其中一間最常幫襯既點心鋪係油麻地開左分店！即刻同媽咪黎支持下😍，油麻地站出黎3分鐘唔使就到，超方便！鮮蝦腐皮卷煎到好脆口，蝦肉夠哂多，好正！金沙脆皮銀蘿腸腸粉皮幾滑，唔會過粉，入面包住既蘿蔔絲春卷好正，食落好有層次😂！鮑螺片滑雞粥粥夠綿，好多雞，略嫌唔夠熱。燒汁釀虎皮尖椒有紅綠兩款椒，入面釀滑魚肉，可以再辣D就更加正！燒賣每人一粒岩岩好，肉質彈牙👍🏻。卡通流心芋蓉包造型可愛！好香芋頭味，飯後甜點岩哂！估唔到新開張無耐咁好生意，全院滿座😂，好彩上菜速度同味道好都OK，會繼續支持！

油麻地新開佐點心店，感覺比較乾淨入去試下冇Menu可以睇 電子落單不過呢，坐得比較入收得唔好，睇menu 好慢，可能用番紙好D點心需要時間等 感覺新鮮嘅☺️D相係食到一半先影，所以感覺比較少😂🤣因為材料脆口，唔係蒸好耐入面林晒果種感覺乾淨～ 蒸飯時間要等比較耐，我地食到比較後先有，所以如果要食就最好早叫好D炸春卷新鮮有料到，唔係翻炸，good good有叫其他嘢，冇影相就唔講了🤣招呼就唔知了，因為冇咩交流🤣

唔知幾時開始，點心到已經成為咗我同屋企人嘅飲茶之選，大大話話食咗四五次都唔厭。燒汁釀虎皮椒係我每次必點，魚肉足料彈牙，煎得好香口。 其實釀茄子都好食，但虎皮椒更加惹味，正過普通煎釀三寶好多皮。沙律明蝦角酥脆皮薄，同平時炸雲吞得一粒仔餡唔同，呢個明蝦角有差唔多兩隻蝦餃嘅蝦量，爽口彈牙好滿足。叉燒腸腸粉皮晶瑩透亮，叉燒都唔錯唔會乾。 平時食開齋腸加混醬都好正，成家人爭住食。鳳爪同金錢肚好惹味，鳳爪炆得好腍，大大件食得好過癮，我自己輕鬆啪哂成籠。燒賣正常發揮，勝在大大粒，仲有原隻蝦係面。馬拉糕蒸得岩岩好，唔會太腍或者太濕，甜度剛好。黑金流沙包流到好似食緊小籠包咁，望少眼都流到成手都咸蛋黃，非常邪惡，岩哂我。榴槤雪媚娘都係必點，皮薄餡靚，真係包左真材實料嘅榴槤蓉，食一啖把口已經好臭。 留意到唔同分店嘅做法都有少少唔同，旺角店比較多cream，佐敦店同油麻地店就啖啖榴槤肉，一流。

熱辣辣點心～方便快捷香港都多咗啲唔係淨係喺茶樓食嘅點心舖頭啦，平時喺地舖都可以食到好多點心，點心到，到咗油麻地。點心熱辣辣，好新鮮，叫咗六至七款點心，滿漢全席，擺滿張枱。茶位每位$5。各款點心中價水平。蝦餃皮薄，唔黏筷子，啲蝦都幾滑。燒賣都十分大嚿。蝦餃同燒賣都可以兩粒兩粒咁叫就唔使浪費。鮮竹卷，湯底好清，一啲都唔油膩，有杞子補眼，腐皮冇炸過感覺食落唔油膩好清爽，好易入口我覺得好好。平時食鮮竹卷食完一舊即刻滯住個胃，但係呢啲唔會。牛肉腸方面呢，粉皮爽滑唔削口，肉餡料同皮嘅比例都幾適中。炸鮮蝦腐皮卷呢趣卜卜，不過有少少驚熱氣，點埋喼汁其實香脆可口。炸鯪魚球，配醬汁通常有蠔仔酒，我覺得鯪魚球都好大粒，有咬勁，不過醬汁方面我覺得佢有啲太多其他調味又加咗啲辣落去，有啲混濁，所以可以改進一下。通常配搭會更加想清啲嘅蠔仔，同埋有個酒清味就好啲，突出返蠔仔嘅味道。都見到四寶雞扎入邊嗰個芋頭好大舊，多數四寶雞扎都係有腐皮卷住，然後有芋頭，雞肉，魚肚，蟹柳。唔使我講啦，入邊都幾好食😋其實雞扎點樣食個人傳統係一種用筷子去夾住個腐皮然之後捲個腐皮出嚟食嘅，唔知大家係咪都係咁食㗎呢？

店內環境座位舒服, 地方夠大尤其卡位.首推黑金流沙包流心熱騰騰,外形古典優美,內餡美味。流心熱辣辣, 甜度剛剛好, 招牌菜必點!黑松露菜苗餃,皮薄馅多,黑松露的香氣隱隱透出,初嚐之下便立馬令人垂涎。懷舊鵪鶉蛋燒賣以鵪鶉蛋代替傳統的豬肉,蛋馅滑嫩Q彈,包裹在外酥脆的炸糕皮中,滋味特出。醬皇金錢肚以特別醬料醃製而成,金錢肚份量多值得欣賞, 現在很多點心金錢肚都很少份量。醬汁夠濃, 好味!香煎蘿蔔糕片皮酥裡嫰,甜而不膩。配上店內辣醬更好味!叉燒腸皮十分之滑, 必點菜之一, 叉燒半肥瘦剛剛好, 外皮內餡均正.整體感覺店內菜式不僅強調味蕾體驗,更注重視覺和情感上的享受。點心到可說是點心及懷舊菜的集中體現,值得專程前往,以懷舊之情,品嚐與回味。

有時飲茶要多人先得，因為可能很難嘗試各種各樣的菜餚，🥰每碟通常有四份，而點兩到三款已經很容易讓你吃飽。.好好嘅係呢度蝦餃可以選擇2隻叫，一到兩個人都可以enjoy，🦐整隻蝦和豬肉的口感，一口美味，又令人滿意。.尋找懷舊選擇的朋友來說，👍燒賣是一個不錯的選擇。.如果您想吃點甜食，🔥流沙包必點要試，包鬆軟且蓬鬆，內餡是流沙鹹蛋黃，甜度恰到好處。.鮮蝦拉腸配上甜醬油，帶有韭黃芳香。.這家餐廳的點心菜單豐富，🤩多種菜品可供選擇。

我最鍾意去嘅點心店😌近期響油麻地開咗新店😎都係全日無加一服務費，茶芥$5位👍晶瑩鮮蝦餃(2粒)🦐$16原隻蝦燒賣(2粒)🤓$15每次都必叫呢兩款😌蝦餃口感柔韌，爽口彈牙😊燒賣蝦仁鮮嫩，肉汁豐富😎潮州粉果😊$19外皮皮薄煙韌，晶瑩剔透😚餡料十足，加埋辣椒油食，絕佳配搭😍鮮竹牛肉球🐮$21肉質結實，口感滑嫩😇淋上喼汁，完美帶出牛肉嘅鮮香味😚五香鹹水角😁$20真係好耐冇食過，仲要啱啱新鮮炸起😛外脆內軟，味道鹹中帶甜😌濃湯鮮竹卷😙$19湯汁無味精，飲落都幾清新😝鮮竹卷味道就比較淡，有少少似素食😆金沙脆皮銀蘿腸☺️$28幼滑嘅腸粉包住金黃色酥脆嘅油炸鬼😌中間仲夾住清甜嘅蘿蔔絲😛口感獨特，值得一試🥰籠仔鳳爪排骨飯🍲$35整體份量比起平常嘅多😚而且啖啖都品嚐到荷葉嘅清香味😙點心到 (油麻地)油麻地彌敦道484號鴻星大廈地下

喺油麻地地鐵站一出，發現開咗間新嘅點心舖頭📜Menu設計都幾開心，可以揀兩件兩件嘅點心，就算兩個人嚟食下午茶，都可以試到唔同嘅口味。😀 所以燒賣，蝦餃都可以兩隻兩隻咁叫😙💛黑金流沙包細細舊，裏面嘅奶黃流心可以做到近乎液體重一樣流動。小籠包內餡算係灌湯多汁叉燒腸🍠沙薑汁炒鮮淮山。用沙薑雞嘅沙薑粉嘅汁炒鮮淮山，味道都幾特別，少少鹹，但有種特特風味🥣沙參玉竹燉上雞湯（$36盅）炒時蔬沙參玉竹嘅湯料都幾多，裏面都有一兩舊肉都好食嘅🙂 湯都算係幾清甜。🧑‍✈️服務態度都真係唔錯，上菜快、執野快手有禮貌。

🍵［連續四日假飲茶篇］前幾日係旺角店食完覺得唔錯，假日帶父母親大人去油麻地新店飲茶🫖相對唔駛排隊，環境服務唔錯，坐得舒服，食物較比旺角店便宜點點👍🏻原隻蝦燒賣$15/2粒-餡內淡淡豬肉，有口感👍🏻沙薑汁燴鮮淮山$20-豐富健康夠清淡👍🏻醬黃金錢肚$25-醬汁入味，炆得又腍，入口無渣👍🏻薑蔥牛柏葉$27-薑蔥味突出，懷舊風味👍🏻鮮蝦腐皮卷$28-鮮腐皮卷外脆內軟皮，蝦爽👍🏻黑金流沙包$25-燙熱奶黃湧出來甜甜的👍🏻燒汁釀虎皮椒$24-油光色澤又飽滿，魚肉彈牙鮮味🤩🤩🤩🤩🤩✨傳統點心CP值高✨茶介$5/位，✨仲免加一

點心新分店 🚩中午時段食要係門口排一陣隊（大概10分鐘左右）我諗口碑都唔錯 一於試下入到去 枱面已經有一壺茶 問姐姐有冇得揀咩茶底 xd佢話冇，茶底係普洱 ($5一位菜位) 菜單如下，佢亦都有QR code 俾你落單 落單後 都唔需要等太耐 但食物上枱 新鮮熱辣 首當其衝黎既係黑金流沙包$25（3隻） 賣相唔錯 size 一個拳頭，細少少 個流心都係堅 好好食 唔會太漏 即使擺咗一陣，佢都依然會流心新張期間 每位客人送一粒燒賣或者蝦餃 （隨機發送）10分推薦呢個蝦餃 雖然size 唔太大 細細粒 但名副其實既蝦餃 麻雀雖小 佢個蝦餃每一個有三粒蝦 十分彈牙 所以如果下次去食 都會回購題外話 門外優惠寫每位客人新張期間送一粒燒賣或蝦餃 今日一行3人但張單只寫2 粒蝦餃 之後同職員講返 佢哋都即刻補返一粒蝦餃😆最後介紹 籠仔金銀蒜海蝦飯蝦鋪係飯上面 數量都唔少 仲要鋪滿金銀蒜 好香 啲飯加埋豉油 一絕