點心到 (廟街)

营业中

休息中

我同朋友好鍾意食點心，知道佐敦附近有一間唔錯嘅，所以決定去試下。餐廳位於佐敦地鐵站附近，地點方便。大約三點去到已經座無虛席。多款特色點心可供選擇。金沙脆皮銀蘿腸外層腸粉軟滑，內裏香脆，兩種不同口感配合得天衣無縫。籠仔煎蛋牛肉飯牛肉份量十足，飯充滿荷葉香粒粒分明，煎蛋流心，非常美味。黑金流沙包黑色撞上金色的包子鬆軟，奶黃香滑流金。原隻蝦燒賣原隻鮮蝦爽口彈牙，燒賣晶瑩剔透。燒汁釀茄子滿滿的魚肉，加上茄子充滿燒汁，非常野味。楊枝甘露酸甜度適中，消暑開胃。

今日到油麻地的點心到嘆午茶，來到見裏面已非常多人，都要等了一陣才有位。現在疫情雖然已緩和，但餐廳也有量度體溫，所以食得放心。黑鬆露菜苗餃$25原來這個黑鬆露菜苗餃是開口的，外形看落差不多好像船一樣，面上見到有少少黑鬆露、黃色的彩椒、還見到被切開成的一粒粒蝦肉…，見到都已經想食。入口感覺蝦肉帶爽，整個蝦餃爽口中帶有芫茜蔥、黑鬆露及鮮蝦的鮮味，好味。蜜汁叉燒腸$23面上有一條菜心，叉燒腸夾著裡面的蜜汁叉燒，味道咸中帶著少少蜜汁叉燒的甜味，粉皮又腍又滑的，與帶軟腍的叉燒一齊食，很正呢。鮑螺片滑雞粥$26鮑螺片有少少煙韌，粥裏面有花生、薑絲、包片及雞，雞肉真是很滑很鮮味，粥底不會太稀，較為綿密，頗甜的。香煎蘿蔔糕$18雖然平時愛飲茶，但是蘿蔔糕平時較少要，今日見隔離枱要了好似不錯，於是要了一碟，廚師將蘿蔔糕煎得剛剛好，入口帶著香味，軟軟腍腍的，裏面很多蘿蔔，還食到一條一條的蘿蔔絲，非常香口又清甜。濃湯鮮竹卷$18鮮竹卷不是很大條，有3條，湯底很濃，味道感覺不會咸，湯底帶著很濃的腐竹豆香味。上海小籠包$24上海小籠包細細隻，有三隻，皮薄餡靚，裏面非常多濃郁的湯汁，以整隻放入口中為最佳效果，鮮甜多

上網搵點心食又唔想去酒樓，試左呢間係廟街嘅點心到，質素又幾ok喎！點心款式多、價錢相宜外，仲有甜品食添～黑金流沙包 $24比外面流沙包細個d，勁香咸蛋黃味同超級流沙。燒汁釀茄子$22茄子整體炸得好通透，魚肉夠厚，微甜帶酸嘅燒汁更有畫龍點睛!原隻蝦燒賣 （2粒）$15 呢度燒賣同蝦餃都可以點2粒，兩人食就可以點多幾款，而且燒賣咬落豬肉部分幾爽彈，係好食嘅燒賣。金沙脆皮銀蘿腸 $20一望以為係炸兩，估唔到滑溜溜腸粉包裹住內層脆卜卜同好juicy嘅粗羅白絲，有驚喜。籠仔煎蛋牛肉飯 $32呢個賣相幾好，味道正常。牛肉應該如做番厚身d 會吸引好多。茶位每位要收 $3整體食物質素幾好，最大缺點就係茗茶得普洱，而我最唔中意飲普洱~楊枝甘露$20以呢個價錢食番個甜品都算圓滿。

星期六晏就都唔洗等好耐就有得入。食物質素同服務都很好,夥計會自動會加茶俾客人👍🏻價錢相當實惠，食咗10樣點心 都係$230+希望能繼續保持水準💪🏻💪🏻

要食點心不一定要去酒樓，近年潮興一些點心專門店，裝潢設計有點似茶餐廳，沒有酒樓那種熱閙喧嘩，多了份寧靜舒適，可慢慢享受一盅兩件。黑松露菜苗餃 皮夠薄，餡料菜苗夠份量，散發出黑松露香。蜜汁叉燒腸腸粉有點粗嚡，但叉燒味道十足。鮑螺片滑雞粥粥底又綿又滑，鮮美。香煎蘿白糕件數有五件，抵食啊！口感上有蘿蔔絲，配少少辣醬更美味。濃湯鮮竹卷呢個好味，材料豐富，湯底又鮮又甜，鮮竹卷吸盡湯的精華。上海小龍包即叫即蒸，內裡湯汁擁出，正！

老公好鍾意去酒樓飲茶，邊食點心邊嘆茶，但因工作關係沒時間去，今晚我就同佢去廟街買嘢，之後就去點心到食點心嘆茶。店內燈光明亮，地方整潔。經過探熱先才可以入座，有做防疫措施！入座後先送上清茶，之後剔點心紙落單。黑松露菜苗餃 ：水晶外皮，晶瑩彈牙，內餡則有新鮮Q彈的鮮蝦，香味十足的黑松露和新鮮的豆苗，口感層次分明．飽滿的內餡鮮甜爽脆 。蜜汁叉燒腸：腸粉軟潤爽滑、雪白亮麗，蜜汁叉燒肉質鬆軟多汁，香甜美味。加上甜豉油更添美味！鮑螺片滑雞粥：粥底綿滑，雞肉鮮嫩，鮑螺片煙韌。香煎蘿白糕，煎至微蕉的蘿白糕香甜軟滑。濃湯鮮竹卷：奶白色的湯底濃郁鮮甜，外層鮮腐竹豆味香濃，餡料爽口，吸收咗濃湯十分美味！上海小籠包：皮薄餡鮮，包內湯汁鮮甜，加些醋調味，能令味道提升，減少油膩！

晚餐想吃點心，不能去酒樓嘆一盅兩件，朋友就帶我來快吃點心。一坐下店員就為我們斟茶，遞上點心紙，我們一共點了五款點心和一款甜品，超豐富。原隻蝦燒賣一籠兩粒，賣相吸引，鮮蝦爽囗，蝦味濃。豬肉燒賣肥瘦剛好，肉爽不膩。黑金流沙包竹炭包超鬆軟，一口咬下，流沙溢出，蛋黃奶黃香濃，好滋味。金沙脆皮銀蘿腸這是滑滑腸粉呢包著一層薄脆皮再包著香甜的白蘿蔔幼條，口感豐富，多層次，很特別。燒汁釀茄子香噴噴，魚肉炸得外面金黃，魚肉彈牙。茄子軟綿，沾上甜甜燒汁鼓油，正。籠仔煎蛋牛肉飯荷葉飯幽香，牛肉餅嫩滑，加入爽口馬蹄和芫茜香，刺破蛋黃，伴入蛋汁和甜豉油，一口全吃所有材料，超好吃。楊枝甘露一看顏色就知道芒果味濃，一舀起就看到超多芒果肉，我芒果控很滿足。這楊枝甘露是芒果為主，有一些碌柚肉做陪襯，加入西米，椰奶和芒果汁的香甜味道冇得輸，冰涼冰涼的，令人一口接一口。

下班後與友人相約於一間新式又便宜的點心店。茶芥和點心都比酒樓便宜，而且有英文餐單，吸引了熱愛香港特色食物之一——點心的外國人在這裏用餐。店舖設計簡約，牆上掛着的點心牌和大型點心圖案，還有十分有趣的點心蒸籠燈罩，都能帶出點心這個主題。金沙脆皮銀蘿腸($25)，每次吃點心，首先要點一碟腸粉。這款腸粉在酒樓比較少見，在香滑的腸粉皮裏，包裹着脆皮，再往內的一層是脆白蘿蔔絲，做到滑中帶脆、脆中帶爽的口感。翠綠的菜芯置在腸粉上，為腸粉加上一點裝飾。燒汁釀茄子($22)，滑溜的茄子頂上釀了彈牙的鯪魚肉，配上少許燒汁，不會過鹹。黑金流沙包($24)是我在這裏最喜歡的點心。賣相高級，黑色的麵包頂層有三條整齊精緻的金色。如果怕內裏流沙燙口，可在點心上桌後等一會兒才吃。輕咬一口香軟的麵包，內裏炙熱的蛋黃流沙流出，蛋黃香讓人垂涎。原隻蝦燒賣(2粒)($15)，蝦燒賣是餐廳推介點心，有兩粒和四粒選擇。蝦大粒爽脆，加上底層的腍軟的豬肉燒賣，整體口感扎實。籠仔煎蛋牛肉飯($32)，蔥粒、半熟蛋黃和有厚度的蛋白、滑牛肉、蒸飯和荷葉層，是另一款我很喜愛的食物。飯的底下以荷葉扁盛着，吃到底層的飯時，會嚐到淡淡的荷葉香。整

星期日去廟街買外賣，食越南嘢，打左電話落單，未夠時間取，便周圍𥄫下有乜新食店，比我發現左有間點心店，仲有唔少人得緊位，心諗，咁多過幫襯一定唔差嘅。星期一便一早去試吓......早上8點半左右去到，唔係假期，人唔多，仲有早餐孖寶優惠，我哋二人叫了二客早餐，皮蛋瘦肉粥跟山竹牛肉，另外白粥跟糯米雞，點左普洱茶及一杯熱奶茶☕️首先，皮蛋瘦肉粥到，外表正正常常，吃一口，似生滾粥，非常之咸，另外瑤柱白粥亦一樣，好咸，可能粥底一早加左味。根著山竹牛肉，好夠熱，味道可以，但唯一不足是肉球太削，未夠爽。最後糯米雞，size適中，蒸得夠透，但D餡料及D獻汁比較咸，獻有D杰撻撻，餡料有豬肉碎、雞塊細嘅連骨一舊，仲有一大舊义燒，感覺唔係咁夾😓最後一提，飲茶好過奶茶，奶茶梗係唔會似茶餐廳咁出色，（令我又想起澳牛了）🤔🥴整體而言，點心未算出色，有得揀，都會揀添好運，雖然而家水準差左，仍點心仍然係靠得住⋯⋯

平時好少去佐敦搵食，通常一係去尖沙咀，一係去旺角，之前要去佐敦睇醫生，就順便係附近醫肚。近來見有好多地方推出點心放題，所以特別想飲茶，佐敦有間點心專門店「點心到」，食評好似唔錯。地方唔大，等位少不免，不過還好唔駛等好耐。等睇醫生的時候做了點功課，知道有幾樣獨有的點心。先來黑金流沙包（$24），一籠三個，外表好靚好型，其實同普通包一樣，質感鬆軟，裡面係滿滿的奶黃餡，流沙效果一流，但又唔會好膩，值得一試。更加不可不試係金沙脆皮銀蘿腸（$25），聽個名完全唔知係咩，賣相又其貌不揚，但真係估佢唔到咁好食。當然面頭條菜芯唔係重點，又薄又滑的腸粉下係脆卜卜的薄脆，口感好有層次，最裡面係一條條清甜蘿蔔，雖然係全齋腸粉，但絕對比叉燒腸、牛肉腸之類更獨特，係我食過最好食腸粉之一。飲茶當然唔少得蝦餃、燒賣，呢度的質素都唔錯，尤其燒賣面頭有大大粒蝦，最特別係呢度可以㨂2粒（$15）或4粒（$30），人少就可以食少d，留返空位食其他嘢。炸物點了沙律明蝦角（$26），包到好似雲吞咁，皮夠脆口，裡面的蝦都算多，點埋沙律醬好惹味，都不錯。醬皇金錢肚（$24）純粹係個人飲茶情意結，並唔係呢度招牌菜，金錢肚夠味但唔係好

📍新式茶樓🤩🤩抵食又好味😋已經好耐冇食過點心啦，酒樓嗰啲點心真係太多人去，呢排都唔敢去飲茶🙊咁啱經過呢一間就去試吓😍.🥧黑金流沙奶黄包超出色，真係流沙咖🤩好耐冇食過流沙嘅奶黄包了🥺你地仲有冇邊一間推薦🤣等我又去試下先.🥢金沙脆皮銀蘿腸炸兩唔係普通個隻，用咗幾特別嘅皮炸👍🏻食到Lamlam脷😋平時已經中意食，呢個真係停唔到口.🦞籠仔金銀蒜海蝦飯呢個蒸飯好濃蒜頭🧄令我最驚喜嘅係，個飯竟然有蝦味！！！真係值得一試😍😍食完真係好飽🤣

今天想去尖沙咀天星碼頭。所以想在這邊飲茶。因為尖沙咀飲茶應該唔會平。旅行網介紹這間點心店。原因係因為新開店面光鮮亮麗。那今次就去試一試啦今日比我想像中晚到。但其實去到都未開門只是準備中。我問職員佢地話疫症期間開放時間都會變。其他原因我都唔太明白。因為之前已經睇咗食評。知道這間店會有孖寶。但完全唔見餐單有介紹。就問職員還有沒有？他們話疫症期間暫停⋯我更加唔明白。疫症和食平價點心有咩關係？門口雖然光鮮。但其實都有很多貨在門口。是隔離的上落貨。所以如果要去食點心就要留意。可能有機會要行出馬路⋯講返食物-今次和男朋友點選了五款點心。都算大膽因爲平日未試過的食物我地都唔敢點太多。因為怕浪費食物⋯食物價位接近香港其中一間連鎖點心店-功夫點心。但如果用平日計功夫有早茶優惠就比佢地抵食。男朋友想食粥。幾款粥價錢差唔多。所以選擇食雞粥。但其實係失望的。因為雞件細和骨多過肉。雞和粥都唔太入味。但價錢真係幾吸引。想食粥可以來這裡點外賣。蝦餃燒賣都可以只選2件。不過不失有進步空間。價錢可以接受。山竹牛肉都好吃值得一試最後來的這個。我在最後才點的。因為怕如果放太久就沒有流沙的感覺。但其實送來時已經沒有流沙的了。

就返返工時間，睇準7.30 開門，就想試返個中式早餐🕞輪後時間🕤 第一位客人幫襯，台任揀任坐🥢推介食品🥢早晨孖寶主食4揀1加配點心八選一 ，最平36蚊1️⃣豐料糯米雞拼叉燒包 $44糯米雞跟餐要額外加$8，好大隻！個餡包左叉燒大雞件冬菇蛋黃，雞件連骨，食落麻麻，帶點碎骨，叉燒包量有點多，成個餐好飽，雖然係中式早餐但係佢照可以跟熱奶茶，朝早都係要配返杯熱奶茶先醒神2️⃣ 皮蛋瘦肉粥加叉燒腸粉 $36粥正常，不過腸粉皮比較厚味道 😋😋😋賣相 👱🏻‍♀️👱🏻‍♀️👱🏻‍♀️價錢 🏦🏦(5分最高）✨餐廳環境✨：餐廳佈置比人感覺衞生舒適🔆總結一下🔆：整體來講份量好足會好飽，但係味道質素平平

We have waited for our friend for a long time, because the address stated YAU MA TEI. Literally, this restaurant is located in between AUSTIN and BOWRING street. Which is totally in JORDAN. Such misled causes our friend a huge delay. At last, we all ate cold dim sums. It is totally not a happy ending by just a piece of simple misleading information. I hope it will be corrected and updated real soon.

朋友介紹，位置又方便，我一向喜歡吃點心，星期六去試一試。在這個緊張的時候，下午兩點，差不多坐滿，實在不錯。點心選擇都算豐富，而且驚喜，有兩粒的蝦餃和燒賣叫，如果一個人或兩個人，這種彈性選擇是最好的。燒賣顏色晶瑩， 十分有咬口，很新鮮。金沙脆皮銀蘿腸，蘿蔔脆脆的， 十分香口，大讚！黑金流沙包，樣子漂亮，流心爆汁。黑松露菜苗餃，樣子精美， 十分精緻。再看價錢，非常平民價，與X好運，差不多價錢，但是質量不會比它低。侍應叔叔，跟我們說，點心全部是人手製造，怪不得樣子咁特別和細緻。大力推介！