點心到 (廟街)

营业中

休息中

好耐冇飲茶😩見到呢間人手製作！保留傳統的味道，要等又有咩所謂🤪👍🏻原隻蝦燒賣爽滑蝦再加豬肉味濃厚的燒賣，皮做到好薄，餡料足🤪👍🏻金沙脆皮銀蘿腸以為係炸兩，原來裏面係滿滿蘿蔔絲，外層就脆口，最外係腸粉。好有驚喜！吾怪得係招牌推介！👍🏻燒汁茄子鯪魚球整到好似3個小山丘咁~好喜歡個茄子好多汁~有咗茄子就算炸物都吾覺油膩😎👍🏻黑金流沙包新一年要金銀滿屋當然要點呢個包🤪黑色的包劃上一道金~好有高級感🤪裏面黃到金嘅流心奶黃傾瀉而出～十分澎湃😍👍🏻籠仔煎蛋牛肉飯牛肉再厚身啲會更好，但牛肉餅打得好滑，飯好軟熟，用上蒸籠，加上荷葉包住，葉香與飯粒渾然結合💕最後叫番碗楊枝甘露就開心啦😋😋😋

今日同友人去咗佐敦行街，行到肚餓友人就突然話想飲茶，我哋就搵到呢間食點心嘅餐廳，而且睇過下價錢之後覺得幾抵就即刻衝入去食！餐廳環境唔錯，都係木系裝飾，而坐位同隔離枱嘅距離唔會太近。我哋叫咗幾個點心，當中最推介就係佢嘅黑金流沙包，嚟到嘅時候完全係熱辣辣，一打開個包就係流心奶皇。平時去好多酒樓話係流心，但其實都係流少少或者唔流嘅都有試過，但呢度就完全無呢啲問題。另外因為我哋都無食Lunch，所以都叫咗個煎蛋牛肉飯嚟餵飽我哋，估唔到$32一個飯咁大個，真係好抵食，而且佢個牛肉原來係用平時牛肉球個種牛肉碎，呢個做法好特別，食落去會痴住啲飯，牛肉味好出！蝦燒賣 - 大大粒，好有口感！燒汁釀茄子 - 大大舊，唔會真係好油，唔錯！脆皮銀蘿腸 – 呢個平時好少係酒樓會見到，所以都試下佢，有幾好食喎，個料好足！最後食埋個楊枝甘露真係飽晒啦！百四蚊可以食到咁多嘢，仲要飽成咁，味道又唔錯，下次嚟佐敦都可以再encore！

飲杯茶食個包最近好似又多左唔同既點心專門店營業最近呢間好似好多人介紹一於過黎試下先,點心都係落單後即時蒸叫左幾款試下,蝦餃,腸粉,排骨飯同一個甜品堂食解禁第2日,今日黎飲茶先上蝦餃,可粒計落單,鮮蝦餃,皮夠通透,餃皮有彈性,蝦肉爽甜大隻,幾有水準,飲茶最睇到功夫就係腸粉同蝦餃燒汁釀虎皮椒,釀了一層魚肉煎香少少辣綠虎皮椒,紅椒唔辣,魚肉鮮味但無乜特別,可一試造型可愛,流心芋蓉包,畫上可愛造型咬開係芋蓉,呈半流心狀態,味道濃郁,口感豐富主食叫左個蒸飯,排骨同鳳爪脆皮金沙脆,中間包住香脆既餡料食起黎有沙沙既口感,脆香餡,外層包住薄薄既腸粉皮,再淋上帶甜既豉油排骨如果再肥返少少就更好食,鳳爪夠辣夠咸飯粒無蒸到過於濕身,有水準最後食埋甜品就埋單,平均70蚊一位楊枝甘露講起呢款甜品,聽講係利苑酒家首創滿滿既柚子肉同芒果粒~酸酸甜甜，冰冰涼涼甜品結尾完美 解油膩#油麻地 #廟街 286-298號華志大廈地下6-8號舖Shop 6-8, G/F, Wah Chi Mansion, 286-298 Temple Street, Yau Ma Tei#港式點心 #港式飲茶 #點心 #手工點心 #油麻地美食

餐廳裝修簡潔明亮， 小店滿滿的人情味， 食物質素不錯 ，價錢親民， 值得一試。原隻蝦燒賣兩粒$15燒賣是我飲茶必點的點心，原隻蝦粒放在燒賣上， 色澤明亮，賣相吸睛，口感爽彈， 鮮甜入味。金沙脆皮銀蘿腸$25金沙脆皮銀蘿腸粉，腸粉皮白滑、 薄身， 晶瑩通透， 餡料豐富， 脆卜卜的油炸鬼包裹著鮮味彈牙的蝦粒， 再沾上甜甜的豉油， 增添滋味。燒汁釀茄子$22 即叫即製的釀茄子， 熱呼呼，香噴噴， 鯪魚肉鮮味彈牙， 茄子軟腍 ，沒有油膩感， 雖然不是名貴食材， 卻簡單而滋味。金沙黑金流沙包$24 黑色外皮的流沙包，十分搶眼，大口咬下去， 金黃色的奶黃，洶湧而出， 帶啖啖鹹蛋黃的鹹香，配埋軟綿綿的包皮， 更加吸引 。籠仔煎蛋牛肉飯$32 牛肉飯用荷葉包著， 放在蒸籠 仔上蒸熟， 牛肉肉質嫩滑， 先刺穿流心滑蛋， 拌勻白飯一齊吃， 每口米飯濕潤，且帶淡淡的荷葉飯香氣， 津津回味。楊枝甘露$20楊枝甘靈我最喜歡的中式甜品， 配上香甜的芒果肉、西米及柚子肉， 入口冰冰涼涼，酸酸甜甜， 每口盡是奶香、椰香、 芒果果香， 口感豐富有層次，讓人樂在其中。

去佐敦飲啡…飲啡前食d野。係咖啡店附近醒起隔離有間點心舖…仲記得生意唔錯…所以想試好耐…今日終於黎試下…地方幾闊落…牆上掛住點心名稱…望下餐牌…點心選擇好多…今次點左蝦餃…脆皮銀蘿腸…釀青紅虎皮椒…鳳爪排骨飯…流心芋蓉包…楊枝甘露…蝦餃皮薄煙韌餡靚…腸粉唔錯…入面放左春卷既物體包住蘿蔔…味道唔錯…豉油味道調得啱啱好。釀虎皮尖椒…鯪魚肉好味…煎得微脆好啱胃口。鳳爪排骨飯…呢個正…餸調味正…個飯真係要讚…夠乾身…粒粒分明。流心芋蓉雖未摵開流餡出黎…不過芋蓉好滑好香。楊枝甘露就不過不失。呢度坐得舒服食物質數唔錯…會而黎試下其他點心

原隻蝦燒賣(2粒) $15餡料紮實，豬肉爽口，肥瘦均勻，上面原隻鮮蝦，賣相吸引，可以揀2粒或4粒，2個人食可以試其他點心。金沙脆皮銀蘿腸 $25腸粉外皮好滑，裏面包住炸白蘿蔔絲，口感外脆內軟。燒汁釀茄子 $22鯪魚肉煎到金黃色，好大舊，茄子軟腍，食落唔會太油膩，配燒汁更夾。黑金流沙包$24黑色配金色賣相型格，包好鬆軟，一咬開就流出香甜奶黃餡。籠仔煎蛋牛肉飯 $32煎蛋流心，牛肉質地同山竹牛肉一樣，撻至起膠，口感嫩滑。 楊枝金露 $20我最愛的港式甜品，鮮甜的芒果肉及柚子肉，酸甜開胃，加入香滑椰汁花奶，透心涼又好味。

大食妹今日係飲茶嘅mood, 於是同朋友encore呢間點心到<金沙脆皮銀蘿腸>大食妹每次黎點心到都會嗌個金沙脆皮銀蘿腸腸粉皮又薄又滑, 裏面有層脆卜卜嘅炸皮同好多白蘿蔔絲, 特別得黎又好食<黑金流沙包>呢個黑金流沙包都好正外表豪華, 打卡一流裏面仲有滿滿嘅奶皇流心添<燒汁釀茄子>大食妹今次就試埋呢個燒汁釀茄子茄子水份飽滿, 上高釀左好多魚肉, 唔錯唔錯<原隻蝦燒賣>飲茶當然要點份原隻蝦燒賣, 口感彈牙<籠仔煎蛋牛肉飯>無食飯好似有啲空虛? 呢份籠仔煎蛋牛肉飯絕對係個唔錯嘅選擇牛肉餅裏面加入左馬蒂粒, 食落爽口上頭仲放左隻煎蛋, 加上甜豉油, 送飯一流<楊枝甘露>最後食個楊枝甘露就最圓滿啦奶滑芒果甜, 有甜品舖嘅水準

夜媽媽來到佐敦搵食，想飽肚又吃多樣化既食物就要來食點心喇。隨意入一間，見個裝修唔錯，新新地，就進去點了幾個點心。基本必食：燒賣，蝦夠大粒鮑汁鳯爪，金絲脆皮腸粉，黑金流沙包，金錢肚，籠仔蒸雞飯，菜心等等。選擇多元化，地方舒適，員工有禮。流心包都好流心，香濃蛋王汁。唯一食物可能太夜，蒸了久了一點，有點不太熱。價錢都比一般小店貴。但夜晚都是一個食堂選擇。個人感覺評分：食物味道 - 食物賣相 - 餐廳環境 - 店員服務 - 性價比 -

佐敦童軍總會對開廟街原來 隱藏著各式各樣的餐廳， 酒吧cafe港式快餐越南餐廳應有盡有，即叫即蒸的點心「點心到」也是整條街 較矚目的一間餐廳，小店 沒有大財團的規模 但點心款式也選擇非常多。 港式點心、煎炸美食、即拉腸粉，籠仔即蒸飯 也 選擇甚豐。金沙脆皮銀蘿腸腸粉包裹著即叫即炸的 蘿蔔絲酥卷 捲， 外軟內脆， 蘿蔔一絲絲非常清甜 ， 口感和味道也超一流的。原隻蝦燒賣燒賣餡料紮實， 肉爽而滿足。面頭的蝦仁也非常吸睛 ，豬肉和肥瘦比例平均有豬油香燒汁釀茄子大大件，即叫即炸 ，中間滿滿的鯪魚肉 ， 彈牙爽口 黑金流沙包一定要趁熱吃，配搭 鮮甜咸香的流心內餡，籠仔煎蛋 牛肉飯這個飯必點， 光看這個擺盤就已經讓人食慾大振， 牛肉香味隨著蒸氣陣陣飄香， 流心蛋黃 和牛肉的汁 都流到了下方的飯裡， 白飯蒸得粒粒分明 ，點少少豉油 就已經很提鮮。 三十多元 一大籠蒸飯，材料十足， 個人大推。楊枝甘露顏色金黃，粒粒芒果肉， 柚子酸甜帶香，滑溜而香甜，吃後沒有飽滯感 ， 超滿足的 。

呢間點心專門店新開張時已經食過，過咗年幾兩年質素都keep到👍🏻。懷舊鵪鶉蛋燒賣$24豬肉餡料彈牙，鵪鶉蛋味道濃郁。一啖一件好滿足。紅油抄手$22粒粒圓潤飽滿。辣油配上鎮江醋，辣度唔高但酸味好開胃。五香鹹水角$18表面夠乾身，口感香脆唔油膩。只可惜餡料冇馬蹄同埋蔥，香味始終差少少。蜜汁叉燒包$18叉燒包口感鬆軟，蜜汁香甜美味。叉燒份量多，偏瘦幾乎冇肥肉。香茜牛肉腸$23牛肉好滑，可惜芫茜偏少。豐料糯米雞$28糯米飯帶荷葉香，口感濕潤但唔會過腍。裏面有叉燒、雞髀肉、鹹蛋黃、肉碎。

假期飲茶好多人，黎呢間小店就可以平平地又靜靜地同老婆二人世界食吓點心！呢款黑松露菜苗餃老婆都幾鍾意，豐富嘅蝦肉同菜苗，入口有淡淡嘅黑松露味，新鮮配搭又唔錯！每次飲茶食點心到必叫腸粉，呢度蜜汁叉燒腸叉燒餡好多。我最滿意係濃湯鮮竹卷，湯頭濃郁鮮味，鮮腐竹有豆香又夠滑，唔錯唔錯！我哋仲有叫其他點心，例如鮑螺片滑雞粥、煎蘿蔔糕、小籠包等等，味道不過不失，最緊要係價錢夠平，茶錢$3位仲係免加一，舒舒服服嘆個茶百零蚊，地點就腳，假期方便快捷好選擇。

點心到 - 點心專門店由於疫情關係，少了很多去茶樓飲茶的次數，有時候會掛念點心的燒賣、蝦餃，今日這間餐廳就可以幫到了，是一間點心專門店，新派的吃點心模式。原隻蝦燒賣非常貼心的可以選兩粒或四粒，不會怕太飽，原隻鮮蝦大大粒的燒賣，跟酒樓吃的一模一樣！金沙脆皮銀羅腸 比較特別的一款腸粉，爽滑的腸粉包着香脆的脆皮再夾着蘿蔔絲，蘿蔔絲非常清甜。燒汁釀茄子茶樓飲茶常見的一款小食，軟腍的煎茄子加上鹹香的鯪魚肉。黑金流沙包非常推介的一款包點，黑金顏色的造型，加上流心的蛋黃，非常邪惡！籠仔煎蛋牛肉飯比起一般茶樓一盅一盅的飯品更有特色，點心籠加上荷葉一起蒸的飯，飯粒有淡淡的荷葉香，加上厚厚的牛肉餅，還有燶邊煎蛋，配上甜豉油一流。楊枝甘露最後有香甜芒果加上西柚的經典甜品。

今日（18/2/2021）相約朋友來這食店，試吓點心。接近十一點來到，見有幾張空枱，但接待話已有人訂坐，被安排坐一張已有兩食客有隔離板既四人枱，享用完點心，埋單走都未見有人來，為何不善用坐位，讓客人坐得寬闊些？落單不久，點心就陸續上。水晶鮮蝦餃，皮薄鮑汁鳳爪，好入味金沙脆皮銀蘿腸、腸粉內餡料足沙律明蝦角及五香鹹水角，上枱時仍很熱，小心燙口三款香口點心，都好脆口，好好味懷舊臘味糯米包，比較乾，唔似童年食過的味道埋單$139，都算抵食。

朋友寫字樓喺柯士甸道，來探佢順便飲埋茶。『點心到』係佢推介，茶錢平，點心價錢合理，又免加一真係抵食，所以差不多坐满哂人。朋友鍾意粥，佢嗌咗鮑螺片滑雞粥，雞件够滑又入味，而粥好綿滑; 上海小籠包亦係朋友推介，個樣就平平無奇，但皮薄餡靚，最緊要多汁，食前咬一細啖，飲晒D汁先點紅醋食，非常唔錯; 香煎蘿卜糕就感覺係新年必食食品，賣相就靚靚，煎小小燶，五大件蘿卜糕面舖上綠色菜苗仔點綴，就咁睇都好味; 蜜汁叉燒腸亦很討好，晶瑩剔透的表皮可見入邊的叉燒料，正

前排有日經過佐敦同屋企人買嘢，買完後覺得有d餓又突然好想食點心（因爲實在太耐無去酒樓食點心了），一search之下見到這間小店的點心都幾有心思，就入去食。店內裝修好靚，而且坐得好舒服，可能係大家都好耐無食點心，雖然是5時多但店內坐滿人。點心選擇都多，而且還有些可愛的點心設計。不過屋企人都係鍾意食返d簡單點的。每一款點心都好用心整，而且用料好好，特別喜歡濃湯鮮竹卷，湯底清甜，而且皮薄多料。原本唔鍾意食粥嘅我，都覺得鮑螺片滑雞粥出乎意料地好食，好香甜雞肉鮮味，配上胡椒粉好滋味屋企人就特別喜歡香煎蘿蔔糕，因為入面真係食到有白蘿蔔，而且只需$18。比起好多酒樓來說，真的幾有誠意。黑松露菜苗餃除賣相耹貴外，亦好高質，外皮薄之餘亦有蝦同黑松露，怪不得是店內皇牌。另外還點了其他點心，值得一讚的是腸粉皮好薄，唔會有滿口粉的感覺！原來餐廳外賣有9折，下次經過要再來吃😋