點心到 (廟街)

营业中

休息中

我自己好鍾意飲茶食點心，但係就唔鍾意去酒樓，因為依家太多連鎖酒樓都係交貨嚟，啲點心質素好一般。酒店嘅中菜廳當然環境好服務好，不過就定價太高，我呢啲一般人就唔可以成日去幫襯，最多偶然食餐好嗰陣先至會去。所以大部份時間想食點心，都會去幫襯下啲點心小店。小店嘅點心好處就係新鮮，唔係交貨，質素比較好。點心到價錢適中，唔使加一，所有點心都係水準之上。推介佢嘅沙薑淮山（清新），燒賣（大粒蝦），同埋春風得意腸（腸粉滑，餡料脆）比較唔推介嘅有：牛肚（下面太多蘿蔔，牛肚就唔多）；炸鯪魚球（唔香果皮味，做唔到外脆內軟），留返個肚食其他嘢好啲。點心，尤其是手工嘢，要包果啲，例如蝦餃燒賣奶皇包糯米包，絕對有誠意。服務正正常常。坐就唔算舒適，木櫈，環境比較窄，坐低冇位擺袋，呢樣次次都係我最煩惱嘅事。價錢嘅水平係大約每位$80，食過幾次都係咁上下。結論：想食點心，成日都會諗起佢。

去一間餐廳，睇佢哋廁所已經知道佢哋嘅乾淨程度！呢間點心鋪絕對係我去過所有酒樓食點心的地方最乾淨的一個地方！佢哋嘅廁所超乾淨通爽！入正題～ 食物：湯沒有味精/點心不過不失😋/籠仔飯超好食😍/大部份不是工場整，係師父親手整的點心，甜品💰：價錢上算抵食，人均100蚊左右💡環境：算好乾淨㗎，原本我想食榴蓮雪眉娘，亞姐話要等一個鐘，師父整緊！ 我等不到～ 經過廚房去廁所見到師父真係人手搓皮整緊！而且廚房好乾淨整齊，樓面的下欄都好乾淨！全程坐得舒服！🧏‍♀️服務:樓面的態度也好好誠意滿分💯的點心鋪！會常來！希望keep 落去！

平時飲茶都係去酒樓，要早早等位排隊下午心血來潮想食返一盎兩件，但臨近酒樓截單時間上網搵搵下就搵到呢間，見點心細細件價格都唔貴就試下黑金流沙包熱度好夠，流心爆出黎蝦餃  味道ok,皮薄蝦腸   較綿綿 蝦再多啲會更有口感牛柏葉鳳爪都ok個人比較推薦 馬拉糕 好香好輕身平時唔太鍾情都覺得唔錯整體食物質素幾好，唔算大大件，但價格親民，可以食多幾款小小美中不足座位同座位比較近，同埋可能假日關係，枱面隻杯洗得唔太乾淨就俾客人，換左隻都係未洗乾淨…

想食點心，但又唔想去酒樓又迫又嘈，搵到間有卡位坐的。食物比預期既好食，款式都幾特別。仲可以飲咖啡奶茶岩曬我又想食點心又想飲咖啡奶茶既人😂😂😂👍🏼 荷葉飯正。

整體上點心的味道是不錯的，以這個價錢都已經可以比一般酒樓多點幾款點心。名茶$3/ 位 : 算是便宜，由服務員斟茶，但沒有茶葉可供選擇。黑金流沙包 $24 : 唔錯，黑色麵飽外層鬆軟，沒特別味道，咬一口熱騰騰的奶皇便會流出來。金沙脆皮銀蘿腸 $25 : 很特別，像腸粉包住蘿蔔絲酥，更香脆版本，腸粉皮又薄又滑。鮮蝦腐皮卷 $25 : 一般，味道正常，蝦肉還可以，但皮煎得唔夠脆。沙參玉竹燉土雞 $34 : 燉湯不是太濃味，是清甜的味道。沙薑汏燴鮮淮山 $22 : 幾特別，少有用沙薑汁煮菜。籠仔鳳爪排骨飯 $32 : 唔錯，飯多了一種荷葉香味。

Food is good here and the environment is clean. The chilli prawn dumplings, fried won tons and prawn tofu skin rolls were my favourite. 10% discount when taking away. Quick service also. There was a queue outside, so seems popular. My only fault would be that We got takeaway and they didn’t want to take our Tupperware, so there was a lot of plastic usage.

唔好以為呢度只係食點心，晚市有小菜架～ ▶️韭菜鴨血室溫，少量韭菜，鴨血份量多，幾滑。有少少蒜香味。▶️ 冰震咕嚕肉冰震做法所以咕嚕肉皮脆脆地，肉夠瘦，汁酸酸地開胃。配料有三色椒🫑及菠蘿🍍一碟份量都幾多。▶️飛天通菜煲呢個用鍋上，特別熱辣辣。通菜辣辣地。▶️楊枝甘露呢個楊枝甘露有西米、西柚，佢甜甜地唔會太酸，啲芒果幾甜～～～我食埋個甜品就好飽了！餐廳仲有茶飲，簡簡單單夜晚食個小菜，叫返幾碟幾好～～

第一次嚟到呢區搵食，平時飲茶都係好小選擇同環境一般，但呢間小店好大好舒服，光猛又指示清晰，侍應好勤力又細心，每次上菜或收碟都會溫馨提示我哋小心，令人感覺有心不是hea做。食物選擇多，而且好多都可以一試，同出面的食物種類唔多，燒賣好大粒又實淨，唔係劣質魚肉。個笑哈哈包超級得意，雖然係畀小朋友食，但我哋兩個大人都食得好開心，返老還童咁，個包唔係得個樣，咬落去好有芋味。雞札又係超大個超足料，而最令我驚喜係鳳爪排骨飯，價錢勁平，但成塊面咁大籠，足料令我哋都食飽飽。一定會回頭食呢間！

之前食過幾次食物質素可以，環境也可以，見到門囗有糯米包廣告被吸引入去，今晚八點晚入坐，七成滿不是太忙，門口收銀後生仔，見同事吾得閒主動過來幫手執上手客人既餸尾，本來不錯，之後佢話：先生你坐了係度另令到我執吾到野，我無出聲，仲坐側比佢執野，之後我同朋講，職員話我阻住佢，比我會甘講，先生介吾介意比我收阻野先或拍硬當哥仔，可能有人會覺得少事，重點係職員說話技巧問題，吾好講到我錯吖，不過我今日好刻制，成餐飯都見服務員幫我收野，我吾該前，吾該後，想講，年青人多磨練吧

禁左堂食咁耐終於可以放監了今晚揀左食點心可能我地早啦七點未夠黎到就可以直接入座呀點左~蝦餃燒賣各兩個全部點心即叫即整好熱辣辣蝦餃燒賣都好大舊蝦都算爽口~濃湯杞子浸時菜湯底有味架雖然未至於超濃但都足以令D菜入味唔會白灼咁菜心長果D店員將佢剪開左好易食望落都夠青綠~籠仔辣排骨飯賣相好靚好豐富排骨份量都好多好香豆豉味就算我唔加豉油都好夠味~金莎脆皮銀蘿腸個皮幾滑有油炸鬼0係入邊蒸完仍然好脆唔會淋晒~黑蒜螺片燉肉排湯好足料即燉既所以好熱飲一啖好香黑蒜味但又唔會搶晒D鮮味呢個幾推介

又到Lunch time，想食點心又唔想食個啲乜記乜記咁，係公司附近搵左呢間點心到試下！籠仔鳳爪排骨飯$32唔錯，鳳爪味道適中，唔太濃，而且隻鳳爪唔會整到林晒個啲！排骨食落都似係用新鮮豬！飯就濕左啲，可以乾返少少就好啦！懷舊鵪鶉蛋燒賣$24賣相靚，味道正喎！之前食親春蛋燒賣都好易中伏🤦🏼‍♂️呢度呢個我比85分！整體食物質素良好，杯茶就麻麻地！

自從有限聚令就好少約朋友飲茶，真係好掛住一盅兩件，同事也有同感，於是我們放工就一齊去飲茶，無錯！係晚上去飲茶，因為而家唔止酒樓有茶飲，好多地方都開咗食中式點心食店，早午晚市都做齊，同事喜歡去佐敦點心到，因為餐廳坐得舒服，點心又好味。晶瑩鮮蝦餃，蝦餃皮薄而軟，有彈性兼半透明；蝦肉爽口彈牙，餃內有少量汁液。金沙脆皮銀蘿腸，腸粉非常軟滑，裡面的油條就保持香脆， 油條內有蘿蔔絲，配以特別調製的豉油，多重口感好美味！燒汁釀虎皮椒，這款椒吃入口有少少辣，餡料軟嫩鮮香，添加燒汁增加美味！籠仔鳳爪排骨飯，鳳爪夠味，排骨肥瘦適中，飯粒吸收材料嘅精華醬汁，配上鮮荷葉的香味，加點甜豉油，比盅頭飯更香更美味！卡通流心芋蓉包，點心師傅好有心思，做到每個包都印有不同的卡通人物表情，咁可愛無論大人小朋友都鍾意，包外皮軟熟，餡料芋蓉不太甜。楊枝甘露，這道芒果與柚子混合的甜品好足料，既香甜又可口，真係食到停唔到口！

已有一段頗長的時間沒去酒樓飲茶了，真有點掛住酒樓的點心，今日難得放假，和朋友去九龍公園逛逛，呼吸一下新鮮空氣，興幸九龍公園的人流並不是太多。逛園公園，來到廟街的「點心到」食點心，這裏的點心款式多，和酒樓的點心種類不相伯仲，並且是即叫即蒸，保證熱辣辣。《懷舊鵪鶉蛋燒賣》$24鵪鶉蛋和燒賣都是兒時的至愛，相信沒有小孩是不喜歡的 ，鵪鶉蛋和燒賣這兩樣加埋一齊食，童年開心的回憶立時湧現。《紅油炒手》$22酸酸辣辣的紅油炒手，味道調得恰到好處，不太辣但非常開胃《香茜牛肉腸》$23牛肉餡豐富，腸粉皮透薄，淋上甜豉油，正《五香鹹水角》$18飽滿的鹹水角，不會乾，不會油，脆卜卜，香口惹味《蜜汁叉燒包》$18 叉燒包是點心中的經典，一定要食，叉燒包鬆軟，叉燒餡料有少少肥肉，食落更有口感

佐敦呢一間點心舖成日都有人排隊 講真佐敦嚟講真係好少點心專門店而且呢間真係好好味 我超鍾意食佢嘅蜜汁叉燒包環境裝修得幾舒服❤️.✅鵪鶉蛋燒賣我係第一次食 原來可以係咁好味燒賣肉質好鮮嫩配鵪鶉蛋 口感豐富✅紅油抄手餃子皮夠曬薄 餃子餡嫩滑 辣椒汁好惹味✅五香鹹水角皮薄 餡料夠曬多 脆卜卜 夠曬香口✅足料糯米雞大大隻 非常香荷葉味 糯米飯又煙韌又香✅蜜汁叉燒包係我最鍾意食嘅嘢 啲叉燒非常juicy 又大份整到細細個 唔會覺得心裡有負擔😂✅香茜牛肉腸牛肉夠滑 皮夠薄✅濃湯鮮竹卷比較清啲 唔適合鍾意食濃味嘅朋友✅沙律明蝦角其實即係鮮蝦餃子餃入去全部都係蝦肉爽口彈牙點埋沙律醬超好食👍👍

今天經朋友推薦下，特意跟寶寶前來這家點心小店吃點心☺️各款點心，即點即製❣️茶芥$3/位❗️還是全日免收加一服務費，整體價格挺便宜的🙊我們點了多款點心/食物及一款甜品～🥢原隻蝦燒賣$15/2粒蝦肉彈牙，沒有多加其他的調味料調味，鮮味十足💕豬肉新鮮，口感實在❗️用料上乘👍🏻🥢金沙脆皮銀蘿腸 $25即叫即蒸熱騰騰♨️的軟滑腸粉包裹著脆脆層及白蘿蔔，形成三重口感🤩 每一口都是滿足🥰唯一還可以改善的是腸粉皮可以再透薄一點更完美❣️🥢燒汁釀茄子 $22輕輕一咬，鹹香汁液四溢🤩口感輕軟，鯪魚肉新鮮彈牙👍🏻🥢黑金流沙包 $24上桌還在出煙的喔😍麵包香滑綿軟，內餡放涼了還是會流沙的🥰🥢龍仔煎蛋牛肉飯 $32很大的一籠蒸飯😳非常划算❣️牛肉是「山竹牛肉」點心的牛肉，生熟控制得剛好，不會過分熟透，吃起來不錯～🥢豉汁蒸鳳爪 $18鳳爪入味😋多汁而不油膩❗️🥢醬皇金錢肚 $24一客約有四大片，每片完全熟透，不太難咬開，沾滿惹味黑椒醬汁👍🏻🥢楊枝甘露 $20清涼透心，微甜滋潤💕很讚的一個飯後甜品🥳🥢如此高質素又價格實惠的小店，以後也會多來支持他們❣️