黑龍

营业中

休息中

這裡的拉麵真的是物超所值，質素非凡，一直以來都有來吃拉麵，一直能夠保持高水準。這裡的拉麵款式不多，但每碗拉麵都用心製作。這裡的湯底是我在香港吃過的最濃，最好味道的。今次也是點了辣三枚沾麵，沾麵的麵底很煙韌，很彈牙，沾麵湯底帶辣味之餘不失湯底的鮮味，份量很足夠，正常食量的人，不需要加麵底也很足夠。沾麵配上的豬肉，肥瘦適中，很軟熟，亦很鮮味，而且很大片，這樣的價錢，真的是超凡水準。店舖雖然不大，但是服務周到，上菜速度快，極力推介！

現在愈來愈多不同的日式拉麵登陸香港, 不再是幾間有名的連鎖, 而且多半都有特別的主打湯底, 跟日風一樣對味道講究專注的將自己獨有的湯底研發至最好, 並一心一意做好自己獨有的部分, 這對講求快卻對吃有要求的人而言, 既多了選擇也有更好的食物質素, 非常的適合香港人。黑龍豚骨拉麵湯底是用非常傳統的豬骨湯底, 因湯底的材料充足, 因此湯的黏度也跟日本的差不多, 非常的香濃足味。而這湯底的豬肉味道非常的突出, 因此非常適合愛香濃味道的人。麵則偏硬身所有彈性十足非常有口感。值得一提是這間的紫菜很特別, 屬曬得很乾身鬆脆增加了香口感, 不是很平常的一片片而是一束的, 口感很有趣適合愛嘗鮮的人。這裡的流心蛋也是有一定水準, 香而蛋黃味重。這裡除了拉麵也有別的小吃, 價錢也是地道, 對於生活節奏急速的香港人來說是不錯的平民選擇。

行過見到呢間 本身唔算太餓 所以入去解決晚餐入去典型日本拉麵店風格 廚手似乎係日本人(見服務生同廚手用日文溝通)拉麵店走簡約路線只有開水 調味料供應 無芽菜等小食menu亦簡單得幾款選擇我點了以上選擇呢度豚骨拉麵都有2塊豚肉 不過肉本身冇乜處理過 亦跟其他拉麵店既豚肉有出入 感覺一般其他配料都有 不過冇配蛋 同埋紫菜卻是用零食紫菜值得一提係佢個湯底 超級濃郁！湯底好似羹狀 可以連埋其他其他配料一齊食 但湯底味道陌生 唔似其他店既豚骨味總括來說 呢間份量不大 CP值一般 而且部分配料 豚肉 及 湯底都有d唔同 可以試試 不過我就應該冇下次

黑龍係我係香港食過既拉面入面最好食，係我香港心目中拉面既Number one。前果排知道佢炮台山間分店執左好Sad，依加去食要去到灣仔。禮拜日夜晚同朋友去食餐好，所以就特登去左灣仔食黑龍。黑龍有拉面同沾面。我通常都係食佢既白雞鹽拉麵，所以都提議左我朋友試下，另外都叫左佢個餃子。佢個Menu可以叫白飯，之前日本食拉麵，店長都提議我地可以食完拉麵用個湯加飯入去食，但驚太飽無試到。題外話，黑龍之前有炸雞，係超級好食，但依加無左，勁Sad!少左樣Comfort food。等左五至十分鐘，兩碗拉麵到左喇。鹽雞湯配住幼既拉麵，另外有雞叉燒，筍，蛋。湯底: 香港好少會食到依種清既鹽雞湯底，雞味濃得黎唔會好咸，可以飲個湯，如果胃口好D可以送飯。雞叉燒: 薄身，但有肉感，食得出係新鮮既肉。蛋: 一咬出黎係流心既，好好食，連蛋白都係流質，太好食所以無影到相!麵: 平時食D魚介拉麵都會用粗麵，但鹽味拉麵就會用幼麵，幼麵相對易吸淡既鹽湯味，真係好夾，好好味。最後我都飲左好多湯 無叫到飯，因為份量足夠，好飽。餃子等左廿分鐘就有得食了，皮薄，個底係脆但個面係脆但個面係軟，易入口，入面既豬肉好多肉汁，好好食!總結，

日本拉麵店選擇很多，最近找了家由日本沖繩引入的「黑龍」拉麵，由日本人主理，主打沖繩風味，有拉麵、沾麵及飯選擇，每樣一兩款。店面積較細，大概十多個座位，與日本店鋪有著相同風格。牛筋black拉麵（硬麵）這款拉麵並不辣，但基本麵質、蔥、洋蔥也有選擇，配有辣木耳、玉子等。湯頭超濃郁，以獨有沖繩獨有Agu豬的豬骨及豬手熬製足 10 小時而成。麵條賣相有點像烏冬，入口帶麥香，口感煙韌富彈性。餃子餃子皮厚度偏薄不易破，肉餡鬆軟多汁，餃皮外皮香口脆身。整體來說，湯底濃郁卻不膩，拉麵口感也較有特色，每碗價錢一百左右，還是可以的。

黑龍豚骨拉麵辣度：基本麵硬度：基本*** *** ***湯底：很濃郁（如太濃可向侍應加入湯），味道不太咸，但不是我喜愛，因為中途飲了點水（唔係味精）。辣度：點了基本，為此湯多添了層次。麵：很爽口，差不多食畢，麵仍然爽身。豚肉：腍身，但唔係入口即溶果種。服務：很好，見我差不多飲完水，會主動斟水。#無蛋提供，要另點，會原隻上。基本上，如果再行經上址，我都會再次入店幫襯，因為其麵店仲有一麵想試「白雞鹽味拉麵」，而且店舖裝潢很日式，感覺自身於日本麵店一樣，所以都推介此麵店。

牛筋湯拉麵真係冇得輸，我自己次次黎都會叫，仲要每次黎都聽到啲食完出黎既客人讚牛筋。個湯好濃，如果想淡口味啲可以加上湯溝淡，蔥同洋蔥恰到好處，同啲湯同肉非常夾。凍冰冰既溏心蛋半生熟好正。叉燒正常水準，但湯底有牛筋真係要讚！不過等位都要等耐，因為鋪位細，流通較慢。要睇睇好唔好彩。

下午經過灣仔，一直都聽過呢間馳名嘅黑龍拉麵店，見唔使排隊就滿心歡喜衝着入閘。繼越南pho外小弟都幾熱衷於拉麵食店，但係預左喺香港食拉麵要抱住一個勇敢嘅心態去作唔同嘅嘗試。小店隔局就係一般拉麵店，店員安排左最近門口既位置俾我兩個，老實講，好熱。不過我黎既目的係食物質素，食店舒適度絕對唔expect 系香港既拉麵店揾到。所以點餐後我就滿心期待。叫咗兩個拉麵，分別係佢嘅基本野豚骨拉麵，同埋比較特別少見嘅牛筋Black 拉麵。好喇！上餐一刻，豚骨拉麵望落色澤濃郁。先呷一口湯，真係唔識點形容，佢根本唔係湯，係濃到似醬即汁。。。真係好鹹，根本無可能撈散個麵！拉麵既湯底係重中之重，如果你同我講係佢特色，sorry真係唔識欣賞。再睇佢兩塊刀功一流薄如紙既叉燒，dry dry地幾似風乾ham, 老實講真係無乜味覺既享受。最後，佢碗牛根麵小弟真係無興趣影埋落去，不過同行者話牛根幾淋幾入味的。總結，唔知係小弟孤陋寡聞唔識食，定係香港開拉麵係必贏方程式，我地食左一半起身埋單，九十蚊碗係香港正常拉麵價，問題係食物就似藝術哩啲野，黑龍係令我幾失望。

剛巧同朋友在金鐘睇完戲，有點肚餓想食碗拉麵，搵到附近灣仔有一間好出名的黑龍拉麵，主打濃郁美味的湯底，是由日本人開設的，便排隊入來食下。餐廳門口的招牌係鮮艷搶眼的紅色，係日式的木裝修，掛有一個大紅色燈籠，好易認出。牛筋Black 拉麵湯底質感濃厚稠密，黏度高到呈糊狀，令麵條好掛湯同吸味，有好濃郁的黑椒味，惹味香滑。加上有爽脆的黑木耳同蔥粒，味道層次豐富。麵條是用蛋白制成的，富有雞蛋的香甜味，咬落煙韌滑溜，可以自選麵條的硬度等。牛筋煮得軟稔入味，有豐富的⻣膠原，入口即溶。叉燒肉質鮮甜嫩滑，呈嫩粉紅色。碗麵還附有一隻半熟流心蛋，香甜美味，蛋黃緩緩流出，滑溜鮮甜。餐廳做緊一個餃子加生啤的組合優惠，餃子即煎熱騰騰，皮薄餡靚，多汁鮮甜。生啤Asahi 酒味香醇，汽泡細膩。今餐拉麵食完覺得好满足，價錢相宜，服務很好，下次有時間再過來食。

終於有機會一嘗黑龍拉麵了❗️餐牌牛筋black 拉麵 $98這次決定嘗試牛筋black 拉麵，湯底十分稠密，又有濃濃的香味，一黎就飲左幾啖食到最後又飲曬成碗湯佢另外值得一提係佢個牛筋，呢次係第一次有牛筋配合拉麵，牛筋好q,同平時食到港式牛筋好唔同，加上佢收曬湯底濃郁的香味，好值得試下。另外，佢依加有個促銷，$60 就有杯0.3l asahi 啤酒同五隻餃子，啤酒加拉麵真係冇得頂❗️餃子方面就不過不失喇，有機會經過值得一試

今日來左灣仔搵食！好耐無食過拉麵啦，今晚就搵左間未食過既來試下先！🔸黑龍豚骨拉麵 （基本辣）自己本身唔鐘意咬太硬既嘢，所以揀左軟身麵，第一啖食落個麵都有D硬，食食下可能後面D麵浸多左陣所以又軟左，個湯就好濃厚好正👍🏻加埋少少辣好正👍🏻鐘意食辣仲有兩級辣度可選擇！🌶🔸辣三枚肉沾麵 （冷麵）沾麵有分凍熱兩款，朋友話識食當然係食凍麵啦😋，一嚟傳統沾麵係凍麵，二嚟凍麵麵質比較有咬口🤣佢就最鐘意啦！

Just came back from Japan and really missed my ramen so went to my favourite spot near office. Opted for pork ramen and a dumpling. Very consistent quality but I’d say the ramen was much better than the dumplings. People who prefer food with no flavour could find the place salty too. Would recommend anyone to try it either case. Staff were attentive and advised the way to enjoy the dish. Seats were a bit too small though but arguably makes you feel like you’re in Japan.IDEAS - Independent Dining

This restaurant is quite small and is famous for its Tsukemen. I tried that before, so this time I tried chicken soup ramen. The chicken soup tasted very concentrated. The chef must have braised the chicken for a long time to make such a nice soup. The chicken chashu, which was made like Japanese pork chashu, tasted really good! The ramen itself was very al dente! I like it very much!! Another surprised was the soft-boiled egg. It was so soft and delicious.I also ordered gyoza, which tasted norm

話說持續左一星期嘅拉麵癮令我短時間內食第二餐拉麵，今次呢個係真係無乜廣告，半年前朋友話好食，我到早兩日先試，性價比好高，無論湯，麵，配料，牛筋，叉燒，糖沁蛋都無得挑剔。Menu 上嘅選擇都好似好正，咁，唯獨牛筋真係 eye catching，未試過拉麵配牛筋，就叫左牛筋black拉麵🤤習慣食左小少之後都會落下少量醋同其他調味料，呢個tray👍🏻顏值無話好特別，試左啖湯後就「唔~正🤤！」湯係好濃但唔咸，都thick，屬於濃味之選，如果想浠d，佢有鰹魚湯俾客人自己加入拉麵，調至適合自己嘅濃度，我就覺得岩岩好，唔使調！骨膠原嘅時間又到啦😝拉麵係幼身嘅原來黑龍黎自沖繩，而且呢度開左四五年 成日都爆滿㗎，食物真係日本人做！唔怪得之聽到師傅講流利日文！宜家打呢篇食評都想快d再食！

離開了灣仔酒吧之後，我和朋友都很喜歡吃拉麵的，因此來到位於灣仔區人氣拉麵店。 這間拉麵店是由日本人開辦的，因此甚少宣傳，也不會遷就香港人的口味而調淡湯底。不過最近得悉北角分店結業，蠻可惜。牛筋 Black 拉麵湯底味道呈深啡色的，味道濃厚黏口，但並不鹹膩，黑椒味道豐厚。麵底是用上蛋白直麵，爽口微彈。因為湯底黏甚度高， 個人認為選擇直面比曲麵較為恰當。牛筋的外觀亦亮澤剔透，煙韌爽口， 牛筋味豐盛。叉燒肉質輕薄綿密，肉味香濃！溫泉蛋 估計是用上日本 雞蛋， 所以蛋味濃郁！咬了一口，蛋黃緩緩流出， 幸福感滿溢！牛筋 Black 沾麵沒有吃過就不多寫了！然而很多日本師傅開業的拉麵店，中途經不起租金的壓力和市場白熱化的競爭，最終調淡了湯底迎合香港人的口味，此乃不明智之舉。不過堅守信念，與眾不同，才能殺出血路。