黑麥 (已結業)

幾年前當黑麥還是只得天后一間店鋪的時候,因公司就在附近,所以經常幫襯,自從轉工之後已少了很多機會食老闆娘的麵包了,雖然而家已經有四間分店咁多,但計環境和食物還是最喜歡天后老店.前兩天想到銅鑼灣分店食早餐吃了閉門羮,今日下晏收工後就特別到藝術中心新店試試,順便睇下呢度海景得唔得. 呢度地方比想像中細,而且食物選擇比其他分店少很多,望尖沙咀一帶的海景亦無甚看頭,但幸好人客不多唔算嘈雜,都ok好坐. 本來想食合桃包但賣晒,於是要了提子麥包多士和cappucino. Cappucino水準唔錯,夠香夠熱奶泡亦算滑,個人覺得好似比附近的zambra好,但唔知係咪心理作用,覺得以前响天后店飲到既好少少,而且同我最愛既PP Cova的cap還有一點點距離. 烘熱了的提子麥包薄薄的塗了一層牛油,香甜鬆脆,好食到唔停得口,結果四件多士我食左三件(還有一件不情願地給男友吃了). 久違了的麵包還是沒有令我失望. 男友因以前吃了飯只叫了一杯士多啤梨乳酸飲品, 我試了兩啖覺得幾好飲, 少少酸唔係太甜,好清新,如果唔想飲咖啡呢個會係首選. 埋單八十幾蚊,唔平但計及食物質素還是覺得值得的,單是這裏的麵包就能令我一來

Set lunch 有多款pasta選擇，麵煮得不會過淋或過硬，sauce調得不錯，偏清（喜歡濃味的人可能會認為味道不夠），而且不太油膩。Coffee 濃郁。另有a la carte: salad & sandwich。

星期六短週專程同老公去嘆個lunch，順便感受一下藝術文化氣息。老公要左個set lunch係辣肉腸西椒扁意粉加個mushroom soup，個湯好正，飲得出唔係罐頭湯，唔杰外好濃磨菇味。而個意粉買相好靚，因為好colourful，佢又另加左杯regular coffee，仲係要strong個隻，佢話真係好濃，不過始終比不上starbucks。我只要了一份四塊的提子麥包多士、香蕉合桃muffin及一杯mocha，多士烘得好脆而又勁多提子乾(其實我唔多鐘意食提子乾)；muffin都夠鬆軟，比較一般muffin乾身，可能牛油份量較少，所以不夠一般muffin香。而杯mocha好唔得，咖啡同朱古力味兩者都唔夠，味道好淡。四間黑麥比較，這間雖然環境優勝，但其餘三間有好多麵包同蛋榚display供客人選擇，而這間則較少。

早餐$30，包括一柸新鮮生果粒（火龍果、草莓、橙及提子等)、一個muffin 或幾件toast，和coffee or tea。Muffin會即時再翻熱，味道都不錯，每日一款（如banana & walnut、strawberry）。Coffee是即磨的，味道濃郁，達水準。可能由於地點關係，早餐時段很少客，所以可以一面食、一面很悠閒地欣賞維港景。

星期日中午約了朋友共三人,來這食下午茶.因朋友唔喜歡咖啡味,所以叫了其它飲.我們叫了溶芝士多士- 唔錯,面凍凍的蕃茄,和熱熱的芝士多士,加起來原來也幾好味.玉桂多士- 很香玉桂味,多士又好脆,好味道.柚子茶- 味道淡了一點.錫蘭紅茶- 一般啦!鮮檸蜜- 不過不失.還是咖啡最好飲.本想叫麵包食,但原來這間的麵包是跟餐的,而且沒有細的麵包.(有d 失望,下次還是去銅鑼灣那間好d)環境其實很好,但如剛遇到話劇散場,就比較嘈;如是小朋友話劇, 就更加嘈和煩了.

今日同另外幾位食家同行參加左呢間新店既opening到達時已經接近七點好多人已經來到雖然老闆娘忙住招呼朋友但仍然好熱情咁招呼大家因為今日無時間食午飯既緣故黎到已經好肚餓首先食左件muffin雖然個牌寫住係banana muffin但食落相信係strawberry muffin雖然凍左,但味道仍然咁好聽麵包超人講佢既飲品比較出名係coffee平時半滴coffee不沾既我都要試下果然味道好香好濃,但又唔苦澀而且我最怕既--- 飲完個口會酸既感覺一d都冇果然coffee係做得唔錯之後試左d小食同埋麵包小食真係一般左d好似平時我自己o係屋企整咁唔特別但係d麵包真係好正我尤其鍾意既係一種蜜糖提子包,黑麥包(must try item)同埋一種扁扁地但又有少少甜既麵包( sorry,問左好多人都唔知叫咩名),呢幾種都好好食,個包既面好香脆,但入面又好軟熟,果然係麵包係好食do岩晒我呢個平時咁鍾意食麵包同餅乾既人下次過開海一定會再黎買過另外個境都好正面對住維港服務又好好值得encore既地方