黑木亭居酒屋 (金馬倫道)

網上見到黑木亭好有日本feel既餐廳,就約埋朋友去試下.果然無令我地失望,超多打卡位,由樓梯到餐廳已經充滿日本裝飾,卡位又寬敞,環境一級棒！我地點左商務二人前,好豐富,有法國生蠔,產地直送深海池魚刺身,主菜,雪糕,仲有沙律吧,好有誠意！沙律吧有漬物,沙律,麵鼓湯,仲要係無限任食,爽^^ 麵鼓湯好濃郁,很鮮美,仲可以自己加昆布,好過癮^^深海池魚刺身,好少食到池魚刺身,估唔到餐set包埋,肉質柔嫩新鮮,上面有D柚子蜜,更加帶出刺身既鮮味,食唔停口.法國生蠔大只肥美,肉質細嫩,鮮美,配上檸檬汁,再加上淡淡海水鹹味,好好味,想來返一打.真燒蟹甲羅,好打卡able,滿滿香濃又creamy既蟹膏,仲有蟹肉同蟹籽,非常鮮味,放係脆卜卜既法包上面一齊食,好特別.芝士流心玉子鰻魚飯,蒲燒鰻魚好厚身,燒得好惹味,配合芝士流心玉子,飯素真係好正.流心熔岩蛋三文魚飯,份量好多,流心蛋浪浪下,蛋汁流入珍珠米中,飯粒更加濕潤,煙韌,三文魚經過火炙,魚油香更突出,超級好食.

沿樓梯上一樓，有油紙傘，有牆畫有燈飾，仲有櫻花，真係打卡處處！點左午市商務二人餐 $399 有齊刺身、生蠔、燒物、主食同甜品！👉🏻產地直送薄切白身魚刺身共8片，薄切魚片質地柔軟，鮮味係味蕾散發！👉🏻法國生蠔LES HUITRES SAINT MARTIN共兩隻，好爽，好滑！👉🏻真燒蟹甲羅特別在用小燭火保温，就算放左一段時間都唔影響味道！撈埋蟹肉蟹膏，仲有蔥同蛋，配埋多士，口感豐富！👉🏻流心焙岩蛋三文魚飯呢個不得了，份量多，流心蛋加半熟三文魚，好芝味好有層次感！👉🏻燒汁牛肉配吉列蝦丼吉列蝦好惹味，牛肉唔鞋，同濃郁燒汁好夾！👉🏻甜品兩款雪糕，有抹茶同曲奇，大大球！呢度有個沙律吧，有前菜、麵豉湯同檸檬茶，可以隨意添加！

柚子八爪魚沙律$98沙律🥗份量好大，好多菜，蕃茄，八爪魚切成條，配上開胃柚子汁，酸酸甜甜好開胃！時令海膽紫蘇葉天婦羅（原價$283）$198第一次咁樣食海膽！用紫蘇葉卷住去炸！每口都係滿滿既海膽！好滿足😌外面同事香膽，兩重口感！紫蘇葉的香配海膽好夾！椰皇壽喜燒宮崎+M7澳洲和牛寶盒（原價$568）$398用原個椰皇倒落去去都的壽喜燒，湯超清甜！忍唔住飲左幾碗！宮崎+M7澳洲和牛寶盒好豐富，有三種不同口感和牛，一款超腍，一款重牛肉味，一款為兩者中間，總有一款能滿足味蕾～蜜桃烏龍熊茶$68烏龍熊茶，熊仔冰造型好吸晴，蜜桃令烏龍茶清中帶甜！紅火龍佛手柑熊$78熊仔冰同樣可愛😍 紅火龍佛手柑，飲落好似雜果賓治，十分可口～🍱黑木亭居酒屋 (金馬倫道) (尖沙咀)📍📌尖沙咀金馬倫道58-60號國鈀大廈地下至1樓

位於尖沙咀金馬倫道一間樓上既居酒屋餐牌有好多選擇 甜品都好有特色飲品有隻熊仔既冰做裝飾 好有少女心 岩曬鐘意打卡既人A5和牛鍋配和歌山（赤糖番茄豚骨湯）玫瑰形狀既冰溶左就係豚骨湯$398牛肉入口即化 好正 蕃茄湯酸酸地開胃海膽紫蘇葉天婦羅 $198好特別既口感 第一次食海膽既天婦羅拖羅蓉+牛油果配薯片 $98份量好大好新鮮佛手柑紅茶 $78蜜桃烏龍紅茶 $68兩個人夠食 係OpenRice book位仲有88折好抵 高質日本餐

日本菜幾時都係我地係至愛，今日食豐富D！呢餐無論味道定打卡都一樣正正，飲品上既熊仔冰好可愛，顏色又豐富，火鍋既和牛都勁吸引，真係入口即溶，呢餐絕對對得住個價錢，下次都想再黎食呀！😍🐮愛滿心玫瑰A5和牛鍋配和歌山赤糖蕃茄豚骨湯 $3986大片和牛實在太吸引，入口即溶又有肉味，唔會好薄先好味！重點一定係和歌山赤糖蕃茄濃湯，食到最後都仲有濃濃蕃茄味，玫瑰花冰係豚骨湯，當湯底太濃就加一粒打邊爐，仲有好多配菜同粉絲，吸收哂蕃茄精華真係好正呀！🍣時令海膽紫蘇葉天婦羅 $198海膽好新鮮！！天婦羅炸皮好薄好好食，推介！🍣雞尾酒醬拖羅蓉塔塔配薯片 $98做前菜一流，拖羅都好新鮮！🍹紅火龍彿手柑熊茶 $78好濃好香甜，必飲！🍹蜜桃烏龍茶 $68蜜桃味濃，仲有陣陣茶香

尖沙咀嘅黑木亭居酒屋個裝飾好日本風，令人有種身處日本嘅感覺。新推出嘅招牌菜——愛滿心玫瑰A5和牛鍋配和歌山赤糖蕃茄豚骨湯！哇，真係食落去好開心架！首先，愛心玫瑰冰係真係太打卡啦！佢係用豬骨湯底，再加上和歌山赤糖蕃茄豚骨湯，真係好夾！兩種湯底慢慢溶化嘅口味真係好match！佢仲有A5和牛，入口即化，脂肪分布靚！而且亦有金針菇、冬菇、本菇、蘿蔔、豆腐、洋蔥、菜、粉絲等唔同嘅材料，真係大滿足！另外一個推介係時令海膽紫蘇葉天婦羅！香脆嘅天婦羅配上鮮甜嘅海膽同薄荷味嘅紫蘇葉，真係一絕！雞尾酒醬拖羅蓉塔塔配薯片塔塔入面有拖羅蓉、牛油果粒、魚子醬同蕃茄，再配上香脆嘅薯片，真係一口一口停唔到。最後，特色飲品紅火龍佛手柑熊茶同蜜桃烏龍熊茶！熊茶係入面真係有一件熊仔冰架，而且冰都係用全茶做嘅，所以飲嗰陣冰都唔會變淡！真係好特別～環境

如果唔係朋友講，我都唔知有呢間餐廳，個門面好細，要上好多層樓梯先到用餐處，不過樓上佔地幾大😂見唔少人話上菜慢，但可能我地都算早，上齊都係十五分鐘🤔有樣野令我心心眼既，係食物飲品通通有熊仔🧸▪️ 熊の降臨豆乳豬骨鍋 配M7澳洲和牛珍寶雜錦盤（6.5/10）💲378個錫紙兜有點細，鍋底好容易會滾瀉，豆乳豬骨味亦偏淡😳雜錦盤就幾有份量，牛同豬肉質比較結實，帆立貝尚算鮮嫩，仲有豆腐、冬菇、雜菜等🥬▪️ 炸蔥吞拿魚蓉鮟鱇魚肝卷（6/10）💲188塊紫菜淋既🫠大量炸得乾身既蔥，吞拿魚蓉唔夠油脂香，鮟鱇魚肝綿密，但無預期中濃味🍱▪️ 牛舌芯 （7/10）💲68厚身嫩滑，咬落帶爽唔韌，有椒鹽調味但略鹹🐮▪️ 免治雞肉棒（7/10）💲58有唔少雞軟骨，沾上生雞蛋同埋醬油🥚▪️ 黒豚荔枝卷（6.5/10）💲48豚肉有少少乾，同埋荔枝清甜蓋過肉味🤣▪️ 蜜桃烏龍熊茶 （6.5/10）💲68一開始覺得唔錯，飲到尾段剩返五份一時，係好甜既糖漿味，可能係我攪得唔夠勻🫣▪️ 北海道士多啤梨牛乳乳酸 💲58🔎 整體評分（6.5/10）

呢間居酒屋屹立喺尖沙嘴已經好耐，見OpenRice訂位有88折，最近約朋友去食飯水準都唔錯，難怪開咗咁多年都有捧場客。柚子八爪魚沙律$98八爪魚鮮味，肉質柔軟，唔會𡁻橡筋咁，沙律菜加上開胃清新嘅柚子汁好爽口，再配上脆脆嘅麵包粒，口感好好。黃金片立鱗燒 $198呢個魚擺盤好靚😍，最特別係連埋魚鱗一齊炸的，魚皮同埋鱗炸得金黃香脆，食落口鬆脆到索索聲，然後魚肉都炸得火候啱啱好，一啲都唔會乾，魚肉又唔腥，啖啖肉，沾上秘製嘅醬汁味道好好。伴碟仲有一啲天婦羅嘅菇菌，脆口得嚟裏面嘅菇菇仲係又爽又多汁。椰皇壽喜燒A5宮崎和牛+M7澳洲和牛寶盒 $398呢個壽喜燒竟然係用椰皇做湯底，睇住店員幫我哋倒入原個椰皇水已經舔舔脷，跟住見到鍋上面有一隻得意熊仔冰，再嚟一個充滿仙氣嘅和牛寶盒，成個presentation好IG-able😆寶盒裏面都好豐富㗎，總共有三款牛，我就梗係最鍾意日本和牛啦，肥美鮮嫩，入口即溶。澳洲和牛就肉味濃郁，比較有咬口。另外寶盒仲有兩隻大蝦都好新鮮，好大隻肉質爽口。仲有兩個年糕福袋添，吸晒湯汁好正。湯鍋除咗有好多蔬菜之外，仲有一啲好似薯粉咁嘅粉絲，煙煙韌韌，吸湯汁一流。藍蝶花佛手柑熊茶

尖沙咀行街週圍睇下食乜，俾街邊menu 吸引左入去，貪價錢唔貴又樣樣都有啲唔使煩又唔使就住就住就. 餐廳入口喺地面，要經過一條樓梯上樓，環境裝飾佈置幾有心思，有紙傘同燈籠仲有紅葉及牆畫等等，真係令人恍如置身日本咁地道，心情都愉快啲. 座位闊落好寬敞. 坐得舒適. 茶水自助夠方便個茶都幾好味. 頭盤有兩隻法國時令生蠔、仲有八片白魚刺身，燒物有🤤🦀真燒甲羅燒🦀，主食可以揀兩個價值$88嘅定食（超過左可以補差價）款式而且選擇不少，仲有個甜品. 甲羅燒係用個蟹形裝飾碟裝住，下面有🔥火熱住，個碟裝滿蟹肉蟹膏蟹籽同埋蔥，用嚟搽香口麵包食襯托鮮味更顯層次. ⭐️溏心蛋雜錦天婦羅丼飯天婦羅炸得香口唔油膩炸粉唔厚，南瓜🎃茄子🍆等蔬菜夠鮮甜，糖心蛋🥚天婦羅真係比較少見炸咗嘅流心蛋又幾好食喎，🍤蝦肉好爽身，蟹柳啖啖肉，品種豐富. 沾上醬汁同蘿蔔蓉更好味. 配埋個飯🍚軟綿綿帶米香好滿足.⭐️角切刺身丼刺身份量幾多而且好新鮮，80幾蚊嚟講真係高性價，有三文魚🍣油甘魚大蝦帶子全部大大份又肉厚肥美. 臨走店員會奉上冰凍透心涼芝麻雪糕🍧圓滿嘅一餐. 😙😙

啱啱喺日本返嚟同朋友聚會梗係揀番啲質素高嘅居酒屋啦，果然呢度嘅質素依然都係咁好咁新鮮😌同日本食嘅都差唔多🥰-海上鮮海鮮鮮魚湯鍋-聚會珍寶盒 $698佢嘅湯底係日本鮮魚骨湯🐟聽店員介紹係幾條魚放入個煲度每朝早熬成日所以咁鮮甜咁奶白又幼滑😍我都飲咗幾碗🤪建議一開始就可以飲幾碗先！因為之後落完啲配料之後會鹹少少同埋啲湯佢都會refill俾你的😚一上枱真係嘩一聲！見到滿滿一盤海鮮仲要切得咁靚擺盤得咁好望住都心情大好🤩海鮮大拼盤：日本鮮魚、鱔片、蠔、鮑魚、虎蝦、蜆肉及福袋所有海鮮都超新鮮🥹魚有檸檬嘅香味仲要勁滑～鮑魚磯煮過有甜甜香香嘅味道食落仲要好彈牙鱔彈牙又爽口蠔都係大大隻冇腥味好鮮虎蝦好香蝦味又彈牙蜆都大大隻仲包住啲海水喺入邊個福袋都好特別，佢係有啲煙煙韌韌嘅年糕同埋玉子喺入邊，食落口感好得意😎腐皮就鹹鹹地吸咗啲湯～配埋秘製沖繩菠蘿蓉甜汁有款就甜甜地有款就酸酸地兩款都可以提升佢哋嘅鮮味🤭雖然佢哋話呢份係三至四人份量但係因為太好食所以我哋兩個都食得哂🤫-藍蝶花佛手柑熊茶 $78、紅火龍佛手柑熊茶 $78藍蝶花佛手柑底下仲有啲柚子蜜酸酸甜甜咁紅火龍佛手柑就酸少少🤏兩款都好飲，顏色都好有層次好豐富

咁岩約左朋友去尖沙咀 就揀左黑木亭居酒屋同朋友食生日飯🎂果然真係冇令人失望呀 (人∀·)入到去裝潢好有日本風味🎎🇯🇵👘坐位好闊落 坐得好舒服👍🏻服務都非常周到 一坐低店員就好主動過黎向我地介紹值得一提嘅係餐廳仲提供左前菜 有多款漬物// 沙律菜 同麵豉湯 好多樣化-♪ 商務二人前套餐 $398我同朋友樣樣野都想試 所以就揀左商務二人前呢個套餐套餐性價比非常高 平日仲要7折就可以試到好多款食物 (^-^)/⭐♪ 三點盛店員好快手就上左拼盤入面有三文魚// 油甘魚// 八爪魚油甘魚非常肥美 好味 !!♪ 火炙左口魚邊卷輕輕用火槍燒過既左口魚邊飄出浸浸既誘人煙燻香氣令口感更加豐富 好味又好睇 (ᕑᗢूᓫ∗)♪ 炙燒四合丼一上枱已經聞到勁香嘅火炙香氣 ~ 非常惹味 !!入面有三文魚// 左口魚邊// 鰻魚同蟹柳 底下係鬆軟嘅醋飯火炙魚生食材新鮮 口感鮮美每一啖都令人感受到佢地炙嘅新鮮度同高品質 四合丼絕對推介 ✧٩(ˊωˋ*)و✧♪ 流心溶岩蛋三文魚飯朋友叫左溶岩蛋三文魚飯 面頭鋪住大大粒溫泉蛋一篤開蛋漿四溢 包住粒粒香米 三文魚佈滿惹味醬汁 朋友都大讚出色 !!♪  係雪糕球 我地揀左曲奇味

黑木亭居酒屋👻同朋友都係好鍾意食牛見到依間日式居酒屋近排既推介好多都係和牛料理即刻約埋朋友去好好慰勞下自己😆.🔅 熊之降臨豆乳豬骨鍋配M7澳洲和牛珍寶雜錦盤 HKD 378份量十足既鍋物一上枱個陣熊仔坐係鍋入面真係好cute雜錦盤個主角就係澳洲和牛又薄牛味又濃 放入鍋一變色就食得原來豆乳鍋都幾出色😛🔅A5宮崎和牛厚切和牛 HKD 368依個和牛不得了用石板熱辣辣咁上枱可以再自己調教佢既熟度外脆內嫩 加埋蒜片食一流🔅88MM直徑A5和牛球石頭鍋飯 HKD 268一大球生牛肉係個石頭鍋入面店員會幫忙處理用石頭鍋將和牛加熱切成一小塊既和牛mix入個飯啖啖都係滿足 仲有飯焦添🤭🔅 脆焦糖蘋果鵝肝(兩份) HKD 176鵝肝係我既最愛仲要係配蘋果多士忍唔住要試試佢甜甜地既焦糖同鵝肝好夾🔅蜜桃烏龍熊茶 HKD 68🔅藍蝶花佛手柑熊茶 HKD 78兩杯都有熊仔係到浸緊溫泉好有依到既特色蜜桃茶少少甜同烏龍好夾藍蝶花就好新奇配埋柑好解渴😙.整體黎講：豐富日式 和牛盛宴😋.🎈 黑木亭居酒屋 (金馬倫道) (尖沙咀)尖沙咀金馬倫道58-60號國鈀大廈地下至1樓

餐廳好有日本和風式設計嘅環境，對於我成日想去日本，呢間餐廳都真係幾日本下。見到餐廳好似都幾多特別野，價錢都算係抵食。珍寶燒蠔 $78新鮮嘅珍實蠔都幾大隻，配上左d菇菌一齊燒，燒出黎食落有彈菇嘅清甜香味，再加埋d蒜更加香，蠔身燒完都唔算縮得太多。A5宮崎石燒厚切和牛 $368 好厚切開嘅A5宮崎和牛，d油花都幾靚。表面已經封煎得好金黃香脆，石燒嘅熱度可以控制住個熟度。食一舊3成熟嘅，油香勁濃，肉身嫩，基本上都真係唔需要用力咬，香味都唔需要沾上太多醬汁。再黎一舊5成熟嘅，和牛嘅肉香同煎嘅香味就更加突出。熊之降臨 - 豆乳豬骨鍋配M7澳洲和牛珍寶雜錦盤 $338 豆乳湯湯底，一大隻嘅熊仔係個鍋到等住你溶佢。呢個雜錦盤都幾大盤，個盤包括有豆腐，菇菌，京蔥，大量嘅菜，粗身粉絲，帆立貝，豚肉片，M7和牛片。湯底好香濃嘅豆味，因為有片檸檬一齊滾，有檸檬嘅香味食落就無咁膩。M7和牛食落好香牛味，油花唔算特別多但勝在肉味濃食多幾塊都唔會覺得膩藍蝶花佛手柑熊茶 $78 蜜桃烏龍熊茶 $68兩杯野飲都好幾好飲幾解渴，甜甜地咁幾有茶香，同埋有隻熊仔係個杯到都幾得意

同HONEY 一齊食飯最緊要食日本菜前兩天食左壽司今日想食火鍋選了黑木亭居酒屋慢慢坐慢慢食同Honey 食飯有樣好5駛諗佢發板我等食短短時間可以享受美食同私人空間都是一件美事.食火鍋.Honey 愛食牛. 我愛豬肉所以點豆乳豬骨湯配M7澳洲和牛珍寶雜錦盤A5 宮崎石燒厚切和牛,而我想食蠔. 見有黑松露牛油野菌蠔買一送一. 抵食。另外. 見到人家有飲品好得意有隻冰熊仔係上面所以一定要試下.我要紅火龍佛手柑及Honey芒果烏龍熊茶各有特色味道. 5止飲品有熊仔原來豆乳豬骨湯都係一隻大熊仔職員將熱湯倒向熊仔.一瞬間, 熊仔消失了先看M7澳洲和牛珍寶雜錦盤細細盤.但肉類同蔬菜絕對新鮮澳洲和牛花紋均佈好平均色澤紅潤有光澤不是一般和牛質素豬肉以腩肉為主肥瘦均勻A5 宮崎石燒厚切和牛,在熊熊石板上的和牛.燒一陣就好食怕太熟. 少了嫩滑感黑松露牛油野菌蠔相當豐富的美感面上全是細切野菌配上黑松露.混好後, 連肥蠔一起食.美味。雖然沒有其他店家有多款肉類, 蔬菜, 小食, 甜品等選擇,但肉類質素同創意已經值回票價。

呢間居酒屋位於尖沙咀金馬倫道，要行樓梯上，門口侍應很好帶我哋上樓上安排位置，（其實我哋喺度諗每次帶一班客上去都要行上行落佢都真係好辛苦，值得讚賞），我哋四個人食咗呢個A5和牛鍋配和歌山赤糖蕃茄豚骨湯，啲和牛簡直係入口即溶冇牙齒都食得，價錢仲要係特價$398 ，抵食。卷類我哋嗌咗兩份，一個係好特別嘅鰻魚牛蒡炸蝦卷，另一個係炸蔥吞拿魚蓉鮟鱇魚乾卷，夠晒特別夠晒好食。再叫廚師發板壽司，呢個就冇咩特別意見，再嗌咗啲串燒等等，整體嚟講晚市惠顧可享八八折優惠真係食得過。