黑丸嫩仙草 (已結業)

係太子食完晚飯 大家都覺得唔多夠飽 又口痕就想搵宵夜食 㩒OpenRice 附近最近既甜品鋪就係哩間 加上我朋友話佢係新加坡同馬來西亞都試過 一於試下喇🤔🤔🤔門面幾光鮮同新淨 環境算係幾企理 有三四張枱 但可以坐既地方得一兩張櫈 所以大家都係預咗企好過坐喇😬😊 我地見人唔多就好快簡好張枱 我地先睇咗餐牌💁🏻💁🏻個晚咁岩冇哂芋Q 所以佢地就用咗紫薯取代☺️而我本身唔好紫薯 所以就嗌咗款冇芋Q既甜品: 黑丸嫩愛玉 可惜冇哂愛玉就變咗仙草份量黎講真係算係大碗抵食👍🏻有齊五款唔同既配料👅👅芋圓同地瓜圓各有四粒 大大粒 幾有咬口 口感唔錯 可惜就唔夠有芋頭同地瓜味😲變咗淨係得口感 所以有少少可惜😢 旁邊既愛玉就正正常常 偏甜 但可以接受😳而仙草就係做得幾出色 唔會太硬又唔會話失去仙草味 幾有台灣食到既味道😚😚珍珠都有幾多粒 有口感之外仲帶有淡淡仙草味😛 總體黎講都叫係值得一試 但味道就未及台灣咁傳統既仙草😢😢…Read More

香港華洋雜處，各處鄉村各處例。對美食嘅追求無分國界，所以香港地充滿各式各樣有地道特式嘅食肆。呢間新開小店專門賣台式地道甜品，店小坐位更少，只有三個坐位同一張立食枱！！裝修簡單乾淨，類似香港八十年代嘅快餐店。聽住國語同閩南話歌曲嚟叫嘢食，真係好有台灣FEEL😁舖頭面臨大馬路，所以老細用膠做屏風，既阻風隔音，又可以望住街景食嘢。黑丸嫩仙草$30既然以此命名，梗係要試吓呢個招牌菜。呢個名對於香港人可能比較陌生，其實黑丸即係台式珍珠奶茶嘅珍珠，嫩仙草就係涼粉。同間舖嘅裝修一樣，呢個甜品以傳統做法，以牛奶綠頭仙草做底，之後加金瓜圓芋圓同黑丸。其實我最想試嘅係芋圓同金瓜圓，因為從來未試過喺香港食過有台灣味道嘅芋圓，一係太腍，一係太散。呢次食嘅芋圓、金瓜圓，四方圓角似枕頭，天然芋頭、蕃薯甜味加Q彈口感，越食越想食，而且唔會一咬就散，有少少似韓國年糕嘅口感。牛奶撈埋仙草同綠豆，食落充實飽肚，珍珠非常彈牙，比其他珍珠奶茶店提供嘅更出色。店雖簡陋但風味搭夠，老闆ONE MAN TEAM一腳踢，態度殷勤親切，可惜眼闊肚窄，唯有下次留肚試吓其他款式。…Read More

晚飯後專程散步來這裡吃芋圓，正所謂近朱者赤，近墨者黑，最近愈來愈愛吃芋圓，聽聞這間不錯就來試試看吧芋圓嫰仙草 - 材料其實頗多，適合我這些貪心的吃貨，一次過滿足多個願望芋圓及地瓜圓是我吃過最真材實料的，天然的芋頭及蕃薯味淡淡飄散在口腔內，可惜質感太腍，少了Q彈的感覺。綠豆煮至微爛，吃著仍有口感，珍珠算是煙韌，但用糖水煮過後，略嫌太甜，吃畢底下還有一大堆仙草，果真抵吃黑丸嫩愛玉 - 材料跟上圖大至相同，只是將綠豆和仙草轉換成椰果及冬瓜冰，味道酸酸甜甜的，有點像檸檬冬瓜茶，少了甜味反而更佳，可惜我不愛吃椰果如果店鋪能提供材料自由配搭，相信一定更受歡迎！…Read More

同朋友在太子食完韓國野，口乾乾就黎食碗芋圓同冬瓜茶。嘩，個menu有好多選擇，花多眼亂，款款d名都好吸引我地好舉棋不定，兩個店員好貼心，會好有禮貌咁俾意見我地，幫我諗埋d配搭，確保可以試到唔同配料！而且我地突然話冬瓜茶可唔可以走冰，佢話已經整好左，但都仍然保持良好服務態度，解釋俾我地聽冬瓜茶如果無冰可能會好甜。真係睇唔出貌似豪邁的店員，服務態度也挺不錯呢。好攪笑，有個收銀店員外貌似外國人，但竟然講得一口流利的地道廣東話，做非常好服務態度。份量足，同朋友兩個人share都夠食，芋圓彈牙又好味，配料十足，冬瓜茶清甜又解喝。兩樣加埋先$56，抵啦！店內會播放台灣節目的收音機，耳朵不停聽到台灣腔，感覺像是置身台灣，至少是在這杯冬瓜茶和芋圓以外的一點小確幸。…Read More

有天吃點心故意留空三成肚子，之後散步來吃芋圓。小甜品店在聽國語電台，好像挺地道的，原來這店在世界各地已設有那麼多分店嗎？自行落單，之後不久，店員再叫號即可領取。芋圓數量不多，好像紫色及黃色的芋圓均各只有三四顆，即遠道而來、看起來大大碗的芋圓，其實也沒有十顆芋圓。 但不論是芋圓還是地瓜圓，味道均比其他坊間的甜品店濃香，的確有芋頭及地瓜的香氣。 愛玉也比起平日其他芋圓店的正宗，微微酸:)，有點檸柑香，水果味香濃，中和了糖漿的甜膩。人流不太多，畢竟位置不算太方便，在旺角維景酒店對面，附近不算太多食肆或商場，經過才會再來光顧。…Read More

行開太子當然要試下台灣過江龍啦舖頭裝修都好似台灣小店既裝修咁叫左個芋圓嫩仙草其實佢仲有好多配搭呢個入邊就有綠豆。仙草。芋圓。珍珠芋圓就成日有機會食到仙草我就不太好。我都係喜歡豆花配芋圓多d食落去唔太甜。。可能係我自己叫錯款:(:(𣎴太是我杯茶…Read More

之前起網上搵到有關台灣芋圓的飲食周刊，其中推介左呢間店，見到佢同我上學的地方都好近，所以打算落左堂就去拜訪下！叫左個招牌兼多人揀黎食的宇圓嫩仙草！芋圓的形狀係四方形，同台灣見的一樣！口感帶硬，內膽會食到麵粉的質感！雖然自己撈埋左好多料一齊食，但係都會覺得個心係仲未熟透咁！撈埋仙草同綠豆不會太甜，好消暑！黑糖糖漿也不會放很多，所以不至於覺得甜膩膩的！…Read More

我係芋圓呀，仙草呀，珍珠奶茶等等嘅愛好者。明白每人口味唔同，無一間舖頭滿足到所有人。今次第一次食依間黑丸嫩仙草，啲仙草如同佢舖名，係屬於嫩嗰種，我自己就偏愛有啲質感，結實啲嗰類。不過我都覺得好味嘅，有仙草味又嫩得黎唔會水溜溜咁。我叫咗黑丸Q嫩雙寶，因為又想食芋圓，又想食佢有嘅芋Q,有仙草之外，又可以食愛玉冰。芋圓比想像中普通，中上，Q得黎芋頭味弱咗啲。反而啲芋Q比芋圓大粒，粉粉地夠哂芋頭味。愛玉冰味道都唔錯，同仙草溝埋咗仲食到酸甜嘅檸檬味。成碗份量足夠，唔算勁大碗，但一人食都會飽。環境方面，外面睇尚算光鮮，但撥開透明膠簾，感覺有啲破落，我去嘅時候無人，有幾張高枱，同幾張吧凳，枱都還子，但啲凳已經爛爛地，搖搖欲墜，有啲已經無位放腳，令我考慮過企係度食⋯⋯鐘意食甜品，當然希望多幾間依類舖頭，食品質素唔錯，希望可以顧及其他要素，更有競爭力。加油！…Read More

是日於旺角閒遊，由於太得閒既關係，行左去太子果邊。仲偶遇左芋圓小店，係熱辣辣既天氣，就二話不說的同朋友入去坐下先。我地兩人SHARE一份芋圓嫩仙草，一份份量都OK多。料都好足，芋圓QQ夠彈性，但味道就唔夠特出。珍珠比平時係貢茶食到既較甜，仙草滑溜溜。食完就好懷念係台灣掃街既日子。…Read More

係台灣九份食過好好味既芋圓，返到黎香港突然心思思好想食近近地見到太子有一間芋圓店，經過附近就買左碗"九份芋圓冰"返屋企食因為天氣都幾熱，返到去都預左d冰會溶，但最失望既係我黎係想食芋圓，全碗得3粒芋圓，3粒地瓜圓，咁就28蚊...我覺得比較似黑糖仙草冰唔係話唔好食，都ok既，但真係太失望，點解份量會咁少，我見其他客人都好似幾足料架唉…Read More

黑丸嫩仙草...對於芋圓的喜愛真的是不能自拔，特地來到太子只為一嚐芋圓。吃過後，覺得芋圓太軟沒有應有的口感，但對整體配料調味卻挺滿意的，尤其仙草的確很很很滑嫩，很豐富的一個甜點。吃完芋圓有點意猶未盡，便再點一杯鮮奶仙草。仙草真是草如其名非常嫩，味道亦不錯，鮮奶是微甜帶乳香，消暑良品。🌿…Read More

夏日炎炎來消暑，跟友人在深水埗一嚐出名三文治後還是想來點甜。突然想起太子那邊的台式甜品，透心涼的夠合心意吧。既然已經吃過正餐，不如走路過去，反正路程又不太遠，飯後走走沒那麼飽滯。結果到達的時候，意料之內，身水身汗，剛好是吃冰凍甜品的好時機。　　跟店名同樣的黑丸嫩仙草　$30，料多實在的一碗滿，還好我們三人分。先是有店方推介的芋Q，70%芋30%粉的比例之下，感覺粉得多。像把芋頭煮得微爛，粉粉軟軟的綿稔感覺，芋味比較重。金薯帶少許甜度，清清蕃薯味，感覺製作跟芋Q有異曲同工之妙。紅豆粒粒飽滿，略為帶粉，甜而綿身，配鮮奶實是相襯。珍珠黏軟彈牙，嫩仙草味清滑溜，幾款食材配搭對於一般香港人口味而言算是新奇。　　來一份清清涼涼的九份芋圓冰　$28消消暑氣，大大片鋪面的嫩仙草先被消滅。相對於紅豆，個人比較喜歡大顆一點的花豆，吃起來甜粉豆味重些少。也不能忽視黑色瑩亮的珍珠，煙韌咬口吃著挺有趣的。可惜的是芋圓跟地瓜圓兩款雖然算是軟糯帶彈性，有著點點嚼勁不會太膩口。但是芋頭及蕃薯的香氣，以及味道，都比之前的芋Q和金薯差得遠，淡如無味似的。至於黑糖冰的確是涼爽暢快，可是甜得太過份，最後變成濃膩了。　　另外加配的蜜芋頭　+$5，然後是另外盛給我們的。不過也是啦，看那兩碗是滿滿的，再放上去倒是我們擔心會掉下來了。話說這蜜芋頭像是把芋頭壓蓉，又不是完全的細緻，當中還會有粒塊。芋味不是太淡，問題是甜度太高，入口就只是甜，掩蓋應有的芋香。…Read More

我超級鐘意食芋圓但香港實在太少地方有得食今次呢間係慕名而來叫了黑糖芋圓冰多芋圓走仙草但送到埋黎 只見到珍珠多左 芋圓都係咁多食第一啖 覺得芋圓太淋 不Q彈d冰亦好鞋口 亦唔係台北正宗好綿好細果種黑糖汁亦好小 有d失望 :(不過唔算難食既見天口熱 食返杯涼涼都ok…Read More

黑丸Q嫩雙寶 HKD28好日都吾會行開個邊，其實想試好耐，裡面包括有仙草，紅豆，芋圓，番薯圓等等，味道都會比較遍甜，不過芋圓好煙韌，超QQ的，而仙草都食到有少少藥味👍🏻👍🏻不過紅豆略甜同埋吾夠凍，我之後試左九份芋圓冰外賣，裡面有埋黑糖冰，我覺得比較好食。…Read More

太子的一家芋圓店，人流不多，我可以很優閒地和同朋友渡過了一個懶洋洋下午 芋 圓 嫩 仙 草 $28入面有芋圓、地瓜圓、綠豆、珍珠、嫩仙草、奶油球仙草類似香港的涼粉，吃到芋圓時好開心啊，很有咬感。甜度亦剛剛好。 店內播住收音機，好像是台灣台。感覺好像真的去了台灣一樣啊，這樣閒著吃著感覺真好…Read More