黃枝記粥麵店 (已結業)

早聞赤鱲角機場的二號客運大樓的翔天廊集飲食購物和娛樂於一身的新消閒點，於是一家人又走去「貢」一「貢」，原來該處確實可以消磨一整日的時間，有食又有玩，機管局真的會賺錢呢！而在眾多食肆當中，朋友事前己極力推介黃枝記的雲吞麵，於是我們走選擇了黃枝記作午膳，打開餐牌我就知道這是一間非一般的雲吞麵店，而我所指的非一般正是它的價錢，湯麵$27一碗而撈麵要成$35，在這五星級酒店售價的麵店裡，我們點選了雲吞麵、滷水雞翼撈麵和蜆介鯪魚球，此店以蛋麵做麵底，有別其他店舖用生麵，而其蛋麵的水準也不俗，麵身有咬口，湯底也散發陣陣的大地魚香，滷水雞翼的滷水也很香口，香料味濃厚，至於主角雲吞則平平無奇，只屬普通貨色，整碗雲吞麵就以配角的麵做得比主角雲吞企理得多，至於蜆介鯪魚球就只可用個「差」字來形容，不值得花筆墨作推介，店舖門前有一擺放食物模型的射燈飾櫃，看起來十分美侖美奐，但其實與店內的實物是兩碼子的事，使人有點被誤導的感覺。

地方闊敞，還可面對著大玻璃窗，欣賞一架又一架的飛機上升和降落，心賞悅目得很。tenny 大讚，說：「蝦很新鮮，彈牙爽口，好吃。」這裡的竹昇麵是招牌貨色，半點鹼水味道也沒有，煙煙韌韌的。湯底有鮮蝦味道，入口卻很清，不覺渴口，很明顯是沒有半粒味精，連我向來不喝湯底的也覺得很好喝，偷喝了一口又一口。通菜配有腐乳醬，食客愛下多少就下多少，不怕太鹹，也不怕太淡。========================================ｍｙ　ｂｌｏｇ：http://hk.myblog.yahoo.com/mei_ciel/article?mid=2180&fid=-1

上星期發現T2實在係小妹心水自閉地點後,今個週末繼續黎個東涌outlet遊+T2之旅,買到新書包後走上一層食麵。店舖位於T2角落,如果旁邊唔係一間玩具店的話,相信環境會更加寧靜;經過中式玄關後,店內都係用古色古香桌椅,外地旅客應該會更加喜歡;最特別係檯底有個地方可以放隨身物品,呢個設計唔錯!最初想食雲吞麵,最後卻選擇左水餃麵。一拎上檯,聞唔到上等雲吞麵個種香味,或者係自己對呢間名氣店有期望關係,所以有丁點失望。先飲一口湯,的確唔太香,而且有淡淡鹼水味道,um...手打麵條顏色有少少似蝦子麵,食落都幾爽口,以麵條黎計係有水準;三粒水餃size細細,水餃皮內見到有條綠色物體?!原來係菜莖!第一次食到有菜莖做餡既水餃,特別!除此之外,當然仲有鮮蝦同冬菇絲,加上爽脆菜莖,食落感覺相當有趣。由於人客稀少,服務尚算貼心,侍應阿姐幾有禮貌,比小帳時鞠晒躬講多謝,驚訝!!面對大玻璃窗睇住飛機降落食水餃麵,好盞鬼!!

第一次食質感咁奇怪既肉丸, 好似魚旦咁彈牙. 味道又麻麻地...雖然碗粥好夠綿, 但俾d奇怪肉丸破壞左.不過男友果碟雲吞牛腩撈麵就真係唔錯.service都唔錯. 會主動加茶, 同主動問你洗唔洗俾碗仔, 剪麵之類. 我地仲認得其中一位著恤衫打呔既男staff係之前尖沙咀雞記既員工之一. 好奇想問下佢而家要著到咁斯文唔知慣唔慣呢.埋單$66. 因為機場員工免收加一.第二日有d胃痛, 唔知同呢餐有無關係...

上環總店老是擦身而過,並未有空品嚐,反而在機場能一親香澤.........haha!老實講,食lunch又唔飽,價錢又唔平,偶爾一試無妨,一碗蝦子或雲吞或豬手撈加一碟(其實半碟)菜,都要四十幾,其實單以麵質而言,個人認為比永華或劉森記出色,豬手最怕大大舊,要博鬥一輪先食到,呢度都算肯斬多幾下,舊舊幾細,仲要炆得好腍及入味,幼麵吸收左南乳汁,非常冶味,湯頭濃郁但過咸,可以更好.麵底鹼水味輕清,是下了一番功夫,水準以上!不過考慮過價錢及位置,定價又非太貴,是合理吧!

春節假期後沒多久又要出差，因上次來的時候沒有時間溜覽過機場T2，故今次特意早點過來，CHECK IN 後就跑過來見識見識，而來之前已知這裡開張沒多久，就在溜覽之餘順便來個LUNCH才上機。剛到時光顧客人不多，但到一點多時已經擠滿顧客；來了當然是以竹昇手打麵為主，就要了客蝦子撈麵，另外又跟經理商量，要了客在餐牌上沒有的淨雲吞水餃雙拼。這裡的蝦子是咸咸香香的那種，個人覺得比劉森記的蝦子稍為出色，而撈麵的麵身很有彈性，煙煙韌韌，而亦沒有丁點兒的鹼水味道，而這裡沒有另加醬油，只是將頗咸的高湯淋在麵上，配上咸香的蝦子，羨仙也！雲吞是海蝦跟豬肉涵料，不是傳統的散尾款式，另是結結實實型；水餃是較大粒的雲吞，但裡頭的材料較為豐富，起碼多了木耳及韭菜；而食味方面兩者都不可以，起碼雲吞水餃跟坊間普通的粥麵檔相差無幾，不值一試。蝦子撈麵份量不多，多夾幾著已經清碟；反而雲吞水餃份量多得出奇，碗內盛滿兩粒水餃八粒雲吞，食極都有，小姐們一碗這樣的雲吞水餃絕對飽滿。環境是不錯，座落在T2大堂旮旯，開陽之餘又不太嘈雜；但服務還是有進步空間，因部份阿姐反應較慢，可能是新店之故；而價錢方面，聽經理說這裡的餐牌跟中環店一樣