黃埔小廚

营业中

休息中

之前屋企樓下嘅黃埔小廚搬咗去家維邨附近 今日我哋去咗試下佢哋新舖嘅quality坐底冇耐店員為我哋送上例湯 當日係青紅蘿蔔豬骨湯 啲豬骨好淋好好食當日我哋好想食海鮮 所以叫咗避風塘炒蟹 隻蟹都幾大隻厚肉 個避風塘蒜蓉碎炒得辣辣香香 味道偏辣 但係非常惹味香口 蟹肉非常新鮮 食落爽彈鮮甜黃金鮮魷 新鮮炸起 外味香脆 魷魚口感煙韌爽彈 面頭係椒鹽 食落鹹鹹香香 送啤酒一流鮮菠蘿脆皮咕嚕肉 咕嚕肉個皮做得幾好 食落薄而脆 唔似坊間有啲咕嚕肉食落係淋啤啤 每粒咕嚕肉都包裹滿酸酸甜甜嘅咕嚕汁 而用嘅肉都係爽彈 所以食落幾香口 伴碟仲有係新鮮菠蘿 新鮮菠蘿非常鮮甜Juicy 可以解油膩感另外仲叫咗一鍋蠔仔粥暖下胃 蠔仔粥非常足料 尤其每粒蠔仔都好大粒 畀手指公仲要大粒 所以食落口感好豐富 而且鮮甜冇腥味 一鍋份量好大 可以一大班人食 另外佢仲有一碗碗嘅份量嗌

天寒地凍最正就係開返個羊腩煲，去左呢間主打港式大牌檔風味嘅小廚，集合鑊氣小炒，海鮮，煲仔飯菜式於一身，三五成群黎開煲就最好不過。古法雙冬支竹羊腩煲一大煲香噴噴羊腩煲上枱，羊腩帶皮，肉質軟稔，皮厚彈牙，配料有大量支竹，冬菇，竹荀，白蘿蔔，青蔥，湯汁濃厚惹味，支竹蘿蔔炆得好入味，埋爽嫩生菜一大碟，秘制腐乳醬汁，食完成身暖笠笠。玻璃皮炸乳鴿超級脆皮，肉汁仍然飽滿，肉厚，肉質嫩滑，醃得入味，不比內地名店質素遜色。潮汕蠔仔粥 大大鍋蠔仔粥，足夠4至6人享用，蠔仔量好多，肥美肉厚，鮮味爆登，潮汕氣格，飯粒鮮明，湯頭鮮甜暖胃。

📍黃埔小廚 紅磡📍去開紅磡搵朋友食飯，推薦咗呢一間充滿驚喜嘅高質餐廳😍👍🏻。想講呢間餐廳嘅大廚真係不得了，每一樣食物都好高水準，值得一試。💙避風塘炒蟹大大隻肉蟹，超級足料。大廚好有心機咁樣處理，做足步驟，令到啲蟹肉好入到味，同時保留到蟹肉本身嘅鮮味。配撘蒜頭、蔥段、豆豉、辣椒等材料混合而成的醬料一起爆炒，火候恰到好處，又有鑊氣，但係唔會好油，保持到蟹肉嘅乾身，係功力啊！💙黃金鮮魷好難得鹹蛋黃嘅外皮既酥脆，但係唔會太濃味，保留到鮮魷嘅味道。食得出鮮魷係真鮮魷，仍然濕潤彈牙，真材實料，與酥脆嘅鹹蛋黃脆皮平衡得好好，相得益彰。💙鮮菠蘿脆皮咕嚕肉應該係我暫時食過最好食嘅咕嚕肉。糖醋汁味道調校得恰到好處，酸酸甜甜。外皮酥脆，感覺好似有一層焦糖咁，不會太厚。咬落去，係有肉汁嘅豬肉粒，外脆內嫩。旁邊嘅鮮菠蘿擺盤都好有誠意，切粒之餘，特登用火槍燒過表面，美觀又好食😋。配上一個靚仔（白飯），再加一杯青島啤酒🍻，簡直係一大美事😋😋😋😋！推薦嚟一試！

今晩去咗新開既黃埔小廚食晩飯，餐廳有多款特色小菜，包括有避風塘炒蟹及芝麻雞，都非常吸引！懷舊芝麻雞芝麻雞外皮香脆比較少脂肪,上面佈滿白芝麻，陣陣濃郁嘅芝麻味， 份量非常大，好適合一大班人一起分享！ 三弄蝦球蝦球好特別，有三款味！ 大蝦非常新鮮爽口彈牙，外皮炸得脆卜卜柚子醬清香，去油膩金沙醬濃郁好邪惡另一款係酸甜醬，有點像港式嘅咕嚕肉，酸酸甜甜好開胃！ 黃金鮮魷魷魚非常鮮嫩，用了鹹蛋黃醬，炸得鬆脆惹味，食唔停口 蒜蓉菜心青綠爽口，炒得好有鑊氣！

📍黃埔小廚 - 黃埔天氣凍凍地最想就係食羊腩煲啦😋自己又唔識煮又懶得洗😂收工約左老公仔黎到朋友介紹嘅小廚嘆返個暖笠笠嘅羊腩煲先🥘小廚出名夠晒鑊氣價錢又夠貼地🔥而且冬天凍冰冰食返個羊腩煲真係冇得輸呀！！！🥘古法雙冬支竹新鮮羊腩煲羊腩煲用住個Gas爐加熱🤤熱辣辣食住羊腩煲特別滋味！有主角羊腩之外仲有好多配菜🥬有生菜、馬蹄、腐竹、大蔥、唐芹、冬菇、蘿蔔、竹筍！各種配料都好入味👍🏻主角羊腩肉整體上唔算特別肥🐏肉質厚身但煲得耐都唔會韌！加上經過特別調味嘅腐乳醬😋最岩撈埋啲羊腩肉羊腩汁送碗白飯就正啦！🦪足料蠔仔粥估唔到蠔仔粥咁大煲咁上😂大大份又夠足料！蠔仔隻隻都好飽滿又夠多🤤粥底仲有大地魚、乾魷魚、冬菇片等材料！每碗蠔仔粥嘅料同粥都可以平均分配👍🏻真係大件夾抵食！🍍鮮菠蘿脆皮咕嚕肉呢一道菜驚豔到我哋嘅味蕾😝酸酸甜甜嘅咕嚕肉粉醬唔厚而且仲炸得脆卜卜💥口感同味道都做到100分💯食完舊嘅咕嚕肉之後再食旁邊嘅新鮮菠蘿！特別一提嘅係菠蘿雪到凍冰冰！食完熱辣辣嘅咕嚕肉再食凍冰冰嘅菠蘿🍍呢個冰火二重天嘅享受真係會令人上癮㗎😂口腔就好似喺嘅沙漠中搵到冰水一樣！立即消暑解喝又解膩😋

最近去咗何文田一間主打大排檔風味嘅小店，餐廳擺設簡單而親切，非常有情調。✨🍽️*蠔仔粥*：呢碗粥嘅蠔仔鮮美多汁，粥底香濃，蠔仔同粥底完美結合，鮮味十足，。🦪🍲*芝麻雞*：雞肉煎得外脆內嫩，冇乾柴嘅口感，仲有濃郁嘅芝麻香味。芝麻同雞肉完全融合，每一口都係濃郁嘅香氣🐔🌾*西蘭花炒帶子*：西蘭花炒得青翠爽脆，帶子鮮甜多汁，炒得非常入味。🥦*通菜炒牛肉*：通菜同牛肉炒得恰到好處，牛肉嫩滑，通菜鮮脆，兩者完美，非常開胃。🥩🥬

以前在紅磡區居住及工作，因此對這個地方非常熟悉，最近知這裏開了一間新的食肆，今晚便專程來到。避風塘炒蟹，預約時價，今天是$480。蒜蓉香濃而不帶乾，辣味適中，而且不會過鹹，這個避風塘配料的味道做得不錯。炒蟹經過泡油之後，將肉汁所在蟹肉裏面，蟹肉鮮甜可口，如果這蟹肥一點更好。潮汕蠔仔粥$88，配料除了蠔仔之外，還有冬菇絲、魷魚絲、冬菜、中芹，蠔仔份量十足，鮮甜可口，加上配料的味道，有潮州特色而又帶點創新。菠蘿咕嚕肉$108，用上了上海拔絲香蕉的做法，脆漿比較後，咕嚕肉份量比較較少，是用上了創新的意念來做廣東菜，不過個人喜歡傳統做法多一點。冬瓜茶$12清炒菜心$78，廚師將菜心處理得軟硬適中，排列整齊。

紅磡廣場附近開咗間黃埔小廚，聽講啲嘢抵食大件有鑊氣，今晚就去試吓舖頭轉咗上條橫街反而環境幽靜，而個Menu就非常多選擇一坐低先送上一碗無味精老火靚湯，起窩心揀咗避風塘炒蟹，蟹走油嘅時候唔過火唔會太乾身，咬落去仲有汁水，調味嘅蒜味辣度都啱啱好，果然係有鑊氣嘅小炒店，第一碟已經有驚喜成日聽人講如果要試一間中菜館嘅水準，試佢嘅咕嚕肉就略知一二。所以我哋揀咗鮮菠蘿咕嚕肉。咕嚕肉嘅粉漿我估應該加咗啤酒去調製，非常非常鬆脆，而肉係揀咗半肥瘦，咬落肥瘦適中唔會太乾。而個汁啱啱好掛哂上啲肉度，食到後段個皮都仲係脆嘅，呢碟咕嚕肉合格有餘最後揀多個蠔仔肉碎粥，蠔仔份量多又飽滿，加埋肉碎唐芹冬菇絲大頭菜，口感豐富味道有層次。湯底仲有啖啖嘅大地魚味，非常好食

現在已經很少餐廳會提供一些懷舊菜式了，但這間新開的小店就真的有驚喜，有不少特別菜式提供，而且整體的價錢都不算貴，挺有性價比的！同場聽到有客人想即場叫要預訂的菜式也沒法提供！所以真的要留意一下！懷舊芝麻雞(需2日前預訂)這個芝麻雞比平常的雞大隻一隻，煮到剛剛好熟，骨還帶一點點血的，所以肉質很嫩滑又有彈性，雞皮布滿了芝麻，吃起來特別香脆，而且有很濃厚的芝麻香！吃的時候再配上芝麻醬，味道特別惹味，鹹香的雞肉多添一份甜香芝麻味！玻璃皮炸乳鴿用的不是ＢＢ乳鴿，所以尺寸是比較大隻的，但就更考驗師傅的手藝，煮過火肉質容易變老！這個玻璃皮炸乳鴿特別外脆內嫩的，玻璃皮跟平常的炸乳鴿不一樣，會多了一層的脆漿在表面再去炸的，所以表皮特別香脆！肉質比想像中的要嫩滑多汁，亦因為大隻的關係，所以特別多肉！菠蘿咕嚕肉這咕嚕肉吃起來比較酥脆的，肉質挺嫩滑，醬汁酸甜開胃，配料不會很多，好評！炒豉油王蝦性價比不錯的，用的都是比較大的隻，蝦被煎香，再跟調味料一起炒，挺有鑊氣，外脆內爽滑，連殼都可以吃的！而且蝦都有蝦膏！椒鹽鮮魷這個鑊氣挺足的，而且鮮魷很好的幫你開花，吃起來口感更豐富，炸得酥脆，又爽又滑的，調味鹹香。小炒肉用

今日去咗家維邨後面新開嘅一間叫做黃埔小廚嘅餐廳度食晚飯 餐廳位於不起眼嘅街巷 門口掛住彩光十色嘅燈牌我哋叫咗幾款推介菜式懷舊芝麻雞 呢個可謂係功夫菜之一 如果想識嘅最好同餐廳先預訂 因為當日都聽到後面嗰台想嗌 但係已經賣曬 芝麻雞其實類似炸子雞 不過雞皮灑滿咗芝麻粒 雞皮煮得夠乾身所以食落好香脆而且有芝麻嘅香味 而雞肉食落仲好嫩滑唔會overcooked 伴碟仲有啲炸香咗嘅芥蘭粒 我哋叫咗一隻 隻雞都算幾大份 足料蠔仔粥 我哋叫咗一鍋蠔仔粥非常美味 蠔仔粥裏面有蠔仔/冬菇/肉碎/魷魚乾/薑絲等等 蠔仔每粒都大大粒脹卜卜非常飽滿 食落鮮甜唔會有腥味 咕嚕肉 我自己不嬲都鍾意食啲甜甜酸酸香口嘅嘢 而咕嚕肉就啱曬我 呢度嘅咕嚕肉煮完出嚟個皮仲脆嘅 而咕嚕肉嘅肉質係爽而唔係鞋口 加埋佢配嘅係鮮菠蘿而唔係罐頭菠蘿 更加加分一口反沙芋 最後叫咗個甜品 媽咪最鍾意食芋頭 而家唔係太多餐廳有整反沙芋 芋頭夠粉 面頭包裹咗一層脆皮砂糖 啱曬男女老少食我哋無意之間仲聽到店員講原來餐廳之前喺黃埔 因為舖租關係搬咗嚟呢度 難怪餐廳叫黃埔小廚 哈

比較少行去嗰頭 唔知係咪新開 今日夜左返 比佢個煲仔飯個牌吸引左野食偏貴 個煲仔飯（佢寫2-4人） 但一男一女食係會有一個人唔飽炒菜幾好食 但88蚊個唔包飯唔包野飲 有好多其他選擇上煲仔飯前後面嗰枱上先 勁大陣煲燶飯既味道 唔係飯焦味 係堅燶味 好彩我嗰煲無事叫左北菇雞 啲雞斬到好多碎骨 同埋有浸雪味？好多薑片都去唔到一個煲仔飯加蠟腸 一個蝦醬通菜炒牛肉 一杯凍檸茶 埋單284蚊埋完單先發覺野飲另計 廿幾蚊一杯 自己蠢左一定唔會有下次

朋友聚會，預訂了紅磡的［黃埔小廚］晚膳。餐廳新裝修，門面燈飾閃閃生輝，非常搶眼。部份菜式製作需時，為了保持新鮮，需要早一兩天預訂。先來一碗老火西洋菜豬骨湯，清甜潤喉，這個天時最合適。「懷舊芝麻雞」需要兩天前預訂。一大隻黃油雞斬件奉上，份量不少。雞件肥美厚肉，肉質嫩滑，外皮是一層炸香芝麻，特別香脆可口，啖啖滋味，帶來了驚喜。「玻璃皮炸乳鴿」非常脆皮，脹卜卜的外皮，口感脆得如同玻璃，真是名副其實。裏面肉質鮮嫩，保持肉汁，真正外脆內軟，雙重口感。「菠蘿咕嚕肉」新鮮即炸咕嚕肉，加上夠鑊氣，吃起來份外香脆，配上新鮮菠蘿、酸甜芡汁，酸酸甜甜，特別開胃。「蒜蓉炒菜芯」翠綠菜芯，爽甜無渣。「揚州炒飯」有鮮蝦和叉燒等材料，炒得香噴噴，鑊氣十足。這裏的烹調認真，菜式有創意，夠鑊氣，下次再來嚐其他菜式！

元氣轉凍，又係時候吃羊腩煲暖身驅寒。修車師傅介紹車房附近的新店小廚，室內裝修甚有心思，乾淨衛生，環境舒服。古法雙冬支竹羊腩煲主角固然是羊腩，經過慢火燉煮，非常入味，配料亦相當豐富，馬蹄、冬筍、冬瓜、支竹都充分吸收了湯底的精華，與羊腩的醇厚形成了完美的平衡。附送生菜一碟。三弄蝦球蝦球肉質鮮嫩，啖啖肉。分別以三種口味呈現，咕嚕蝦球酸甜可口，柚子蝦球清爽回甘、黃金蝦球酥脆咸香。黃金鮮魷咸蛋黃醬包住爽嫩魷魚，外皮酥脆，內裡卻保持著鮮嫩的口感。即叫即炸，上枱還是熱辣辣的非常邪惡。門口大量錶位，不過因為附近多間車房，如果泊車都係建議去隔離鶴園街。

想食大排檔小炒唔一定要去深水埗、佐敦，果啲純粹食風味，味道方面麻麻‼️今日無意中發現呢間街坊隱世私房小廚街坊嘅價錢，私房菜嘅質素❤️「懷舊芝麻雞」呢道菜係手工菜，平時都係酒樓先會食到，仲要唔係間間酒樓都有，重點係街坊小店都有擺盤呢方面都好加分芝麻佈滿喺每塊雞皮上面，雞皮脆卜卜好香口，雞肉應該係新鮮雞，雞味濃又夠嫩滑「黃金鮮魷」第一次食到咁大塊、咁厚肉嘅黃金鮮魷❤️真係好真材實料，係用新鮮魷魚‼️起沙嘅鹹蛋黃包住軟彈嘅魷魚，一啲韌嘅口感都無「脆皮咕嚕肉」冰糖嘅脆感包裹住每舊肉，最鍾意係無咩肥豬肉，一啲都唔肥膩，應該係豬梅肉，肉質特別軟彈「魚香茄子煲」魚香茄子煲夠晒鑊氣好好食，啲茄子先走油，入口唔會淋哂，好有口感‼️

避風塘炒蟹以其獨特的風味和鮮美的食材而聞名。這道菜的蟹肉鮮嫩，配上蒜蓉、辣椒和香料，炒至金黃酥脆，香氣四溢。尤其是那種辣味與蒜香的完美結合，讓人一試成主顧。黃金鮮魷是一道色香味俱全的美食。它的外皮金黃酥脆，咬下去時能感受到鮮嫩的魷魚肉質，彈牙又多汁。搭配特製的醬料，讓每一口都充滿了香氣與風味，令人垂涎欲滴。無論是單吃還是搭配啤酒，都是絕佳的選擇，讓人難以忘懷。炸乳鴿是一道令人垂涎的美食。外皮金黃酥脆，散發著誘人的香氣，讓人忍不住想要品嚐。當咬下去時，外層的酥脆感與內裡的嫩滑肉質形成鮮明對比，肉質鮮美、汁液豐盈，讓人感受到滿滿的幸福感。讓每一口都令人陶醉。無論是作為下酒菜還是宴客佳品，炸乳鴿都是一道令人難以抗拒的美味。