麻辣派對 (金百利廣場) (已結業)

🔅銅鑼灣♾麻辣派對🔅🔸銅鑼灣記利佐治街1號金百利廣場4樓R1號舖因為係大陸讀書既關係，我同男友都走遍左內地好多個城市，重慶、成都係我地印象最深刻既城市，因為實在太迷戀佢地既麻辣香啦。但估唔到係香港都食到咁正既辣野，係香港都滿足到口癮!!!麻辣小面(中辣)38HKD四川果邊唔止辣味出色，面條既咬口都深得我心～而呢間既小面居然都做到果種嚼勁，仲要掛得住湯!我點既中辣簡直辣到爽出孖潤腸，真心推比麻辣控既人!肥牛肉雲南米線(bb辣) 48HKD湯底都差不多～不過BB辣真係冇咩辣，岩哂唔食辣既～佢地既米線都唔差～煙韌過譚仔肥牛不過不失咁啦，我更愛佢地既辣味!霹靂嬌娃鍋 188HKD係香港食呢D鍋平時都覺得貴又量少，但呢間又唔會而且佢既田雞煮得岩岩好，肌肉結實又唔會柴!對深愛田雞既我來講，真係好滿足!!!裡面仲要勁多配料，水晶粉吸哂湯汁，超入味～手拍黃瓜 38HKD佢呢款辣係香辣口，有少少唔同係點來安撫自已有食菜既心安話說eatigo仲有discount，所以成餐都係唔洗200蚊～食到中2食既野真係會開心好耐好似呢間我食完成兩星期都仲係會記起果種幸福感

今日喺我嘅生日，叫埋最好嘅朋友（都喺同我一樣好中意食麻辣嘢嘅人）一齊來呢度慶祝生日。叫咗口水雞，酸辣水晶粉，麻辣牛肚仲有桂花冰粉。口水雞太好食啦，夠麻辣雞肉肉質又好，食得好爽，牛肚都好好食。酸辣水晶粉，酸酸辣辣，好開胃。麻辣嘢食落去之後，好快樂，店內嘅氣氛好好，好適合同朋友一齊傾計，好放鬆。最後喺桂花冰粉收尾，芳香撲鼻嘅桂花味冰粉甜滋滋，解辣又冰爽。太好食。

想食酸菜魚但香港又好似唔係好多地方食到，朋友就介紹咗呢間麻辣派對，見到幾多好評就決定試下。環境昏暗，裝修幾有心思，都唔錯，晚市幾乎坐滿，好似唔洗等位！我同朋友都未食過剝皮魚，所以今次無叫桂花魚，決定試下新野。好大碟，除咗魚仲有水晶粉、芽菜、酸菜。我地揀咗小辣，覺得辣得幾過癮，同隻酸味幾夾～配料揀咗娃娃菜、金針菇、魔芋。娃娃菜同金針菇吸晒啲汁好好食，而且唔係得好少，幾抵食👍🏻魔芋爽口，同酸辣味都幾夾！第一次食剝皮魚覺得肉質比桂花魚「鞋」好多，不過好彩只有大骨，都唔錯，而且唔腥～甜品送桂花凍，清熱解辣😛

是日經openrice訂座，仲有9折優惠。因為訂左位，去到即入得，雖然星期一黎，但都幾多客人，坐滿哂甘滯，所以想食最好訂座，甘就唔怕要等位。入到去點餐，因為同行朋友都唔太食得辣，所以點既辣度都係BB辣，佢分唔辣、BB辣、小中大辣，我個人黎講當然辣得唔過癮，下次再食會揀中辣。我地一行3人點左酸菜魚，雖然我地都算早到7點入座，但果時魚款已經得返黑魚同剝皮魚可以揀啦，甘唯有揀左剝皮魚啦，另外點左啲小食share，派對口水雞同埋酸辣土豆絲，因為怕唔飽，又點左一個金牌酸辣水晶粉share。先講小食先。派對口水雞真係好唔掂，佢係唔凍又唔熱，係暖既，果食物溫度好尷尬，然後口水雞得啲麻醬味，雞件肥又多皮冇咩肉，肉鞋口，份量相當少，好唔抵食，真係我食過最差既口水雞，會俾1星佢。然後果酸辣土豆絲超有驚喜，炒得夠香，無論一上枱即食，定食完一輪凍左再食，果陣香氣鑊氣都仲係到，炒得夠乾身唔油，酸辣度恰到好處，唔錯會俾4星。再黎果金牌酸辣水晶粉，酸辣味夠，水晶粉爽口，不過無論眼寬肚窄，點多左野，搞到果水晶粉最後都有啲浪費左，但真係幾好食，夾啲水晶粉撈酸菜魚啲湯，一流，會俾3星。到杯野飲啦，朋友們都一致點左凍既蜜語

食辣真係一個挑戰，當你今次食小辣，下次就自然想再挑戰辣啲。好似M佬咁，初初識佢係唔食辣架，到依家佢已經去到中辣階段，依家仲會搵埋book埋餐廳，一個星期食2-3次辣，真係食到pat pat都開花喇。今日佢就帶我去到金百利廣場嘅麻辣派對，一於挑戰辣辣party。麻辣雞鍋呢度嘅雞鍋有3款口味：麻辣雞鍋、黃燜雞鍋同泡椒雞鍋，而辣味都有唔同嘅選擇。我哋就叫咗中辣嘅麻辣雞鍋，雞鍋已經包咗半隻雞，仲可以自選配料，我哋就加咗金菇同五花腩。上枱嘅剎那，辣味好香，份量仲要好多。雞件索晒辣汁，好惹味！而加入咗嘅五花腩，油香令到呢個雞鍋更香口！最後，雞鍋除咗以上嘅主角，配角都值得大家細味，所講嘅配角就係洋蔥喇，索晒辣味嘅洋蔥，真係好大挑戰呀！雲南米線米線真係港人最愛，呢度嘅米線辣味都樣有得選擇，米線份量啱啱好，我哋無特別加到配料，但米線都有唔少配菜，有花生、酸菜同炸菜等。桂花冰粉食完辣又點少得食番杯桂花冰粉解辣呢！

剛巧公司同事也一向嗜辣，今晚就相約一起去麻辣派對吃個夠～店舖的裝舖走暗黑宮廷系路線，燈光昏暗下充滿神秘感覺～我們點了一個酸菜魚，份量大得最後我們也吃不完，裡面材料有魚、酸菜、芽菜、辣椒、薯粉，魚很嫩滑，湯汁酸酸的令人很開胃。川北涼粉，粉的質感不是薯粉，上面舖有肉碎、芝麻、莞茜，口感清新，吃辣時旁邊有這道菜最適合了～小炒回鍋肉，炒得惹味可口，有椰菜、豆干、辣椒，腩肉～腩肉爽口，椰菜夠入味，好吃！乾扁四季豆，炒得水份恰如其分，不會過乾過濕，吃得很滋味～最後想吃更辣的，還可用旁邊的魔鬼辣椒粉，但吃不得太辣的人就最好不要試了😂

我們凖時早上11:30到店，可惜店還沒有開，唯有轉別家餐廳！隔壁花園餐廳已經開店，為什麼麻辣派對反而未開，還説可供人家預約早上11:30，可是店門也沒開，很沒意思啊！

今日同一位熱愛食辣的朋友食飯，一向很喜觀吃川菜，看到麻辣便倍感興奮，所以我地就相約來一場麻辣Party 😍餐廳主要是暗色調，裝飾則是以復古玫瑰為主，連碟子都是花花形狀呢，女仔一定好中意。佢menu好多選擇，大致分為水煮系列，香鍋辣子系列，重慶烤魚，麻辣雞鍋，香辣系列。這次點了2道菜，點的全是小辣，飲品則叫了招牌水果茶～乾煸四季豆($68)軟彈煙韌的豬肉碎，爽口新鮮的四季豆，賣相不錯，份量十分多，十分扺食，叫呢個菜一定要送飯。自選麻辣鍋(5款起）$268因為每一個鍋都好吸引，唔知揀邊款，我們決定自選鍋。我們揀左：茄子，豬手，午餐肉，炒老蛋，包菜，水魷魚🦑。鍋有好多洋蔥，大蔥，芫荽同紅辣椒賣相真正，一攪就聞到好香。好香而且煱底還keep著加熱來食，愈食愈辣，所以小辣真係好perfect !呢6款中，發現茄子係no.1,佢好淋同好入味。第二，一定要揀午餐肉同豬手。午餐肉留到最後食，就會好入味。豬手本身配麻辣汁已經好正。你一定唔會後悔揀呢3款菜。凍蜜語水果茶$38吃了不少辣的菜式，當然要點冷的飲料解辣！味道酸中帶點微甜的檸檬，十分清甜的西瓜，酸酸的青檸，黏口的奇異果，爽口的橙，水果的份量十分多

之前經過銅鑼灣，就看到「麻辣派對」，心心念念想吃，今天終於約到無辣不歡的朋友一起來挑戰啦！餐廳主要是暗色調，裝飾則是以復古玫瑰為主，連碟子都是花花形狀呢，少女心爆表呀！剛坐下，服務員就很熱心的給了很有意思的安全..不是啦，是濕紙巾呵呵呵呵，好貼心呢這次點了三道菜，水煮滑牛肉、豆豉油麥菜和孜然蔥爆羊肉，點的全是中辣，飲品則叫了招牌水果茶～水煮牛肉份量很足，滑牛就有三份！！另外還有水晶粉呀金針菇呀等等，很划算。所有材料都很新鮮很有嚼勁，非常好吃。豆豉油麥菜的份量也是很足，油麥菜與豆豉配合起來有另一番層次感呢～孜然蔥爆羊肉是最有驚喜的一盤菜。羊肉不會太騷，與孜然、京蔥配合起來很有燒烤味，一試難忘啊！吃飯途中，服務員還上了桂花糕給我們解辣，超級貼心的～飲品水果茶裡面充滿水果，份量很足哦～茶裡面的甜味很真，是來自水果本身的甜。喝完茶還能吃水果，一級棒！總括來講，這家店服務超好，食物好吃，份量十足，無辣不歡的盆友們一定要來試試喲～

本身唔係好食得辣嘅我，無聊係網上睇到一段舊電視劇金玉滿堂，突然間心血來潮好想食麻婆豆腐，老公陪我出去搵左間食過，都止唔到癮，好似唔係嘅satisfied到咁... 咁啱有日同老公都係屋企食lunch就諗住叫粉紅色個間外賣速遞，見到有呢間麻辣派對lunch set有麻婆豆腐，仲有得揀辣度，好貼心，我地就即刻叫左，仲加左個孜然羊肉。黎到個樣真係好驚，好似好辣咁，成盤都紅卜卜，明明只係叫左bb辣，應該唔會咁誇張掛，一食落口，叮一聲， 好好味，豆腐好滑肉又唔鞋口，辣得黎係我食到嘅辣度，送飯冇得頂。老公個孜然羊肉，第一啖放入口，覺得好濃味，可能我本身唔係太鐘意食羊，我怕so味....但慢慢食食下，又好似幾惹味，最後我地連續食左2日一模一樣嘅lunch外賣咩癮都過足晒~

今天和媽咪及妹妹行完東角中心，原來已是午飯時間，看到麻煩派對的午市宣傳食譜，見到幾十元已有一個套餐，一於上去試試啦這裡的午市套餐包主菜一款，可跟飯或麵、飲品或例湯，及甜品一款例湯是老黃瓜赤小豆煲雞腳肉排，火候十足，湯料亦很多，一喝便知是用心之作酸菜江團魚味道很好，湯底很濃，魚肉很滑嫩，配菜亦多南乳蓮藕炆豬手食到耳仔郁，蓮藕及豬手都炆得入味，蓮藕夠爽，豬手夠軟招牌口水雞雞肉細嫩，個汁送飯簡直一流套餐跟水晶粉份量超多，水晶粉煙韌，配料亦不少跟餐可選配白飯加$10 可配凍蜜語水果茶，水果多茶香，最適合夏天飲用紅荳沙是送的，確是大滿足啊真心可用平靚正來形容這裡的午市套餐啊

平淡的日子裡, 帶女友去開派對, 輕鬆一下, 所以選了 CHILI PARTY  麻辣派對. 這是間好靚, 又合潮流的餐廳.   帶點神秘感.   門口掛滿滿的色彩繽紛花球, 令人好像到了劇院, 即時感到輕鬆.  餐廳燈光柔和, 天花也印上花朵圖案.    座位優雅.     有濃厚 Party 氣氛 !客人不少.              吊燈美侖美奐.侍應招呼不錯, 迅速安排座位及送來檸檬水, 小食有黑木耳. 食物選擇多, 午餐設套餐多種組合, 有小菜套餐配米線或麵食. 也有水煮系列.   如酸菜魚, 鮮椒, 蕃茄魚等.女友愛燉湯,   所以叫了抵食套餐, 大刀牛肉小麵,  包飲品, 派對6小時燉湯, 麵及甜品麵, 還是可選擇, 小辣, 大辣, 不辣,  好窩心.    先飲燉湯, 材料很足, 有雞腳, 瘦肉, 菇菌, 材料的味道融入於湯水中, 味道突出, 大刀牛肉小麵, 好大碗, 有花生, 肉碎. 牛味濃,  炆得軟腍. 味道好出色.牛筋, 肉質嫩滑.   湯麵好入味, 品質優.水煮魚,  有五款魚提供, 桂花魚最貴,  女友點了江團魚, 比較平, 真識做.辣度也可選擇 BB辣,

同朋友一共5個黎呢度食飯，本身聽個名就知應該知係唔岩我呢D唔食辣既人  不過朋友話有可以叫走辣, 咁就黎啦!是日叫左 酸辣粉，口水雞，牛油蒜茸炒什菜，咕嚕肉等等酸辣粉我無試到 不過朋友中意食  見佢食得甘開心應該好好食  咕嚕肉好脆口，內裹完全係熱既  口感一半係肥肉一半係瘦肉溝埋  絕對不得了!而炒什菜有牛油蒜茸香  佢有金菇，秋葵，什菜等等  香而不膩  味道超級好!總括而言，味道OK 就算唔食辣野既人都可以安心食!!

位置係SOGO旁邊, 十分方便.因為有訂到台, 一去到已經可以入.  2個人安排左個4人卡位, 座位十分舒適.菜式十分多選擇, 而且價錢相宜, 十分抵食. 我們點了一個青椒魚, 一個泡椒雞鍋, 一個咕嚕肉.青椒魚 - 有一點點酸, 我們選了小辣, 辣度剛剛好, 魚份量超級多, 而且很滑, 有油香, 下面還有一些薯粉, 十分好吃.泡椒雞鍋 - 泡椒是經醃製過的辣椒, 一般辣椒只帶椒味, 泡椒還帶酸辣, 味道十分特別, 加左雞鍋十分鮮味, 面且很開胃. 雞的份量亦很多, 而且鍋底有火爐保溫, 十分貼心.最後點了一個咕嚕肉, 有大酒樓的水準, 炸得非常好, 而且調味恰到好處.吃完之後店家還送了每人一個甜品, 是冰粉, 作解辣之用.

今日收工 經過銅鑼灣見到間食火煱餐廳，叫麻辣派對，餐廳名幾特別，相約了幾位同事一同去用膳。餐廳環境衛生乾淨，具足夠空間感，令人感覺舒服又有氣氛。燈光佈置得暗淡的，營造特別氣氛。餐廳主打食辣的，所以我自己選了一個小菜食，麻辣生菜炒雞柳，和一杯雜果飲品。食物方面，個人感覺很入味道，辣味足夠，雞肉肉質爽口彈牙，味道令人感到很開胃。雜果飲品，水果很多，不會馬虎了事，水果也算新鮮，若能調整杯的大小便更好，杯太給細，不太方便，而且飲得較少。