麻辣川米線

营业中

休息中

今日放假無事做，就去深水步行下街，自從前日被迫食左個譚仔外賣之後，就想食返間正宗好味的。見到介紹十大好味米線有一間就喺附近，咁就去到一試拉。點左個麻辣米線小辣，腩肉牛腩豬腸豬皮。自己寫好張order紙，就可以交比店員。不過d店員好怪，個個都黑口黑面，有個𡃁仔店員就好似社會服務令咁，係咪聞得辣味太多所以會咁呢？碗麵上左黎，其實真的很普通，個牛腩重要硬到罐頭咁，個湯有麻辣味，總計只係好過譚仔，十大好味就……

係長沙灣附近返工 經同事介紹話附近一間幾特別川味米線最岩我呢d愛辣之人既口味立即去馬啦餐單相比於譚仔雲南米線 呢間比較多選擇幾特別既係有幾種湯底俾你揀有清雞湯 麻辣米線 酸辣米線等等 而我就揀左小辣既麻酸米線試左先知 其實唔係好辣 下次可以挑戰下中辣D湯飲落有小辣加上舌頭麻痺Feel 真係好過癮呢個係店員極力推介既 麻辣腩肉細細碗但辣度足夠 食完之後口齒留辣基於揀鋪頭太細 冇水吧 唯有揀左呢個來飲整體來講好正呀 下次有機會再挑戰中辣

經過門口俾佢的麻辣香味吸引住，不自覺得行入舖內，一坐即叫碗麻辣米線中辣跟豬大腸、豬腩肉和雞腎。大約五分鐘送到，聞其味香辣而不攻鼻，飲落湯底麻而不嗆喉。米線滑而彈牙，雞腎是三個餸最值推薦的，入口又淋又唔會乾，而腩肉是五層肉，肥瘦分明，只是嫌不夠厚切，豬大腸明顯有消除多餘的腸內肥膏，清洗乾淨而冇異味。但略嫌佩料而不夠豐富，牙菜、芫茜同炸菜不夠多。但整體絕對比大部份麻辣米線出色，下次再食會試麻辣大辣，想試下會唔會辣到頭頂出汗。

佢本身味道唔係特别好食！不過不失咁啦！諗住返工前去食嘢！諗住見佢得兩個客無咩人就入去！諗住唔駛等好耐！之後有二三個客入左黎！明明我俾單佢先唔知點解我見到黎得遲過我嘅客都有我仲未有！我已經等左十幾分鐘！我就問佢我幾時到喇！佢先話我知佢將我果碗俾左隔離枱！人地仲要食左！所以我果碗要重新煮過！所以我仲要等！講真呢間店我佢開左咁耐我都係食等二次！真心佢間嘢D味道一般！附近有好幾間都好食過佢！價錢仲要平過佢！我真心見佢果間最少人我先入去食！因為唔想等太耐！呢間食店我真係唔會再入去食囉！！

之前夜晚返學經過見到好似唔錯，於是今日試下。放工去食，可能仲早，見到店內冇咩人 ，同埋覺得店裡比較細，不過算乾淨。佢有幾種湯底，我叫左普通雞湯。雞湯底有1個餸$30，之後按餸加價錢，我叫左蘿蔔，椰菜豬肉餃。都算快黎。湯底好清但覺得偏咸，蘿蔔好淋好好食呀～椰菜水餃不錯但未算好好食，我諗應該關餃子皮事，唔夠薄。米線適中，岩我口味。整體唔錯，但失色在於碗野唔夠熱。佢只係暖暖地偏少少熱，即係100%，可能得70%熱。。。如果熱埋會更好味（加上天氣凍左，熱d就更好）。

今次唔信新假期，睇左另一個網的介紹，黎到呢度試下佢個麻椒湯！（link：http://bit.ly/必食米線）鋪頭主打麻椒湯！湯底選擇另外仲有雞湯，麻酸辣，同埋酸辣。辣度可以選擇最小辣，小小辣，小辣，中小辣，中辣，同大辣。店主寫到明唔會免費加清湯，勸大家量力而為。XD我地兩個人叫左個招牌套餐，$58蚊 送一杯豆漿。配料有：6件雞件（雞腿肉），豬大腸（唔知係漏比左定轉左，我地2個都唔太食所以無出聲），腐皮（一堆），榨菜碎（一堆），甜酸菜（一堆），白魚蛋（4粒），豬腩肉（數片），蘿蔔（6舊），韭菜（一堆），芽菜（一堆）同生菜（2條）。其實配料加埋份量就唔算多，（比起譚仔套餐）但米線份量就十足，絕對夠二人分食！最緊要個湯底的辣味不是用辣油，正！我地今次叫中辣，連平時食得譚仔中辣的男朋友食到一半都大叫好辣，chur左半杯豆漿、哈哈！ 個湯真係辣中帶甜，好開胃，但麻就適中，唔知佢個麻椒個椒係唔係胡椒，食落有三哥胡辣的香味。米線雖然唔算係好吸湯個隻，咁勝在煮得夠軟，食落痴到少少湯，夠過癮。不得不說佢個蘿蔔真係好甜，但略為硬，若再軟d，便能與米線湯底更相配。我地另外叫左個無湯的鴛鴦餃子、拌麻椒汁，小

之前來這裡食過一次 今次是第二次第一次來這裡叫的是兩送的酸辣米線 最小辣 湯底相當開胃 偏向酸多於辣 令人一嚐再嚐 現在想起有種意猶未盡的感覺 所以決定再來品嚐先來個滷水汁生菜 生菜相當清脆 不不會太林亦不會太硬 配上汁可是開胃 生菜混入酸辣湯底更令我回味無窮接著就是主菜 麻酸辣雞絲栢葉竹笙米線賣相不錯 層次分明我食湯麵慢慢有了個習慣 會先嚐湯底如何 結果沒有令我失望 超好飲雞絲都不錯 它給的是滑雞絲 並不是白肉 食落有口感其實這裡挺適合想食辣卻不會食辣的人 之前都說過 湯底不會偏向辣 適合的酸度更令人開胃最後就是餐牌 相當多種類 有冷拌薯粉或蜜糖烤雞翼等等 我當然都想逐一品嚐可惜 先不說荷包不爭氣 我的肚子都飽得不爭氣了。。。

之前唔知睇咩介紹呢間，話個麻辣好正，有正嘅麻辣米線，我「麻辣天后」又點會錯過? 睇埋其他食評，都真係好似唔錯，一直都想來試吓，但由於此地區唔係我活動範圍，一直冇機會今日終於有時間去，專程搭車去，點知....都係失望而回....😪我點了麻辣，大辣.....感受麻度: 2/10辣度: 3/10餸方面略嫌偏貴，最平的都要$6，但普通的魚旦竟然不在$6系列其他配料亦不太大眾化，且奇怪有好幾個食評話好大碗，sorry, 本人一d都唔覺，事實是份量仲比人小，食完一點都唔飽😑可以一提係米線麵質幾好，不會太硬或過淋我還欣賞的是就算係大辣都唔會有好厚的油層總括來講，普普通通可以不再去

首先個店不算大, 有可能要等位入面出名試湯底, 我當然試佢既招牌麻辣~!入面既中辣都ok辣下,食到嘴都麻晒,湯味夠濃落足料.米線小小硬我比較中意, 都夠大碗,岩晒大食既我入面蘿蔔比較軟身,牛肉帶有小小甜味.但整體黎講都抵食

星期日晚上 第二次光臨麻辣川!My Order:麻椒米線 <小辣> 配料:鹵豬腩肉、蟹柳 ($40)酸辣米線 <小小辣> 配料:豬軟骨 ($34)烤燒香草雞翼 ($28) 四隻初試這間的小辣麻椒米線 先試湯頭聞到很重辣椒味 喝下去有麻的感覺 可是不會麻到不能吃適合重口味的吃貨=P 這間的辣很讓人上癮吃辣就是要 一邊流眼水一邊吃 哈哈我也嘗了一下朋友的 酸辣湯底很驚艷.. 因為 真!的!很!酸!是我吃過的酸辣米線 最酸的 喝完喉嚨癢癢的愛酸的吃貨 必點呀!!烤燒香草雞翼 最讓人失望因為香草只是表面灑上去 跟雞翼分開咬下去 滿滿的香草黏在嘴唇 有點太乾

晚上本身想去長沙灣食另一間米線, 朋友告知原來有間叫"麻辣川"係佢食過最好味, 咁就拿拿臨上OPENRICE搵地址啦! 好彩都幾易搵! 去到發覺係一間小店, 入面得幾張枱㗎咋, 最多只可坐20人.佢有麻酸辣,麻椒辣同酸辣湯底揀, 我揀了麻椒辣的最小辣. 餸就揀了豬肉椰菜餃和鮮雞絲. (這裡的餸比其他店特別, 例如有鮮面筋, 鮑魚粒, 黑栢葉)米線無幾耐就有了, 這裡米線配料有點特別, 佢有炸菜粒, 酸菜粒, 韭菜, 芽菜, 唔知係咪因為有炸菜粒和酸菜粒, 覺得呢碗米線特別好味. 麻椒辣的最小辣辣度真係得少少, 望落仲以為係清湯, 聞落就有幾香麻辣味, 但飲落就同出面的麻辣湯底有D分別! 佢除左有麻辣味之外, 仲有種甜甜地既味道, 我覺得好好味!! 而鮮雞絲亦同出面普通的雞肉唔同, 似係雞脾肉黎既, 幾滑幾好味, 都有六七塊. 另一亮點係, 塊餃子皮唔算勁薄, 不過個餡整得好好食, 皮滑, 好喜歡這種餃子的味道. 可惜只有兩粒好彩米線份量都唔少. 總結係食得好滿足, 下次決定挑戰高一級的小小辣!!

最新鮮滾熱辣的一篇食評,哈哈, 岩岩食完, 返到公司即刻打呢一篇食評啦!間鋪細細間, 坐到唔多人,我地果陣過左LUNCH HOUR都依然有唔小人係度之前係附近食海老名沾面,順便SEARCH到呢一間米線,所以專登去試一試湯底方面, 有雞湯,麻辣同麻酸辣~辣度有得簡,有小辣,小小辣同最小辣~我自己唔食得辣,簡左個最辣,所以最後唔多夠辣,加左辣油, 建議如果唔係好食得辣的, 簡小小辣就perfect啦  我地叫野食果陣, 想叫個呀姐推介一下邊款小食最多人叫, 點知佢話" 唔知WO! 我自己都冇食過!" 唔知佢真心答定係存心串我地, 心諗咁樣答好趕客...最後叫左個雙拼$34 ( 辣蒜汁木耳拼豬腩肉) 大家一齊SHARE食我自已呢個叫左蘿蔔豬軟骨米線(最小辣), 個蘿蔔好淋,不過唔係太入味(各花入入眼,我自已食慣用腩汁蘿蔔,佢呢個應該係用清湯整,所以個味冇咁濃,有小小甜甜地~同埋叫一樣有隻6舊,非常抵食!) 我下次都會再ENCURE呢個都幾失望...首先我地叫左涼拌,送上來的時侯係熱的 ( 個心抱住係涼拌木耳,想食既係凍嫁嘛! 所以一食落口係熱,都有D失望. 第二就係唔入味, 只係熟木耳加豬腩

聽朋友講依間米線啲辣既湯底好好味，所以專程同男朋友黎食，3點幾去到唔需要等位就入左去。我唔想食辣 所以選擇左雞湯湯底，男朋友就選擇左麻椒中辣，等左一陣就有得食，因為我太肚餓所以食曬先記起冇影相食完先影番^^''我選擇了 雞腎，什菌同埋墨魚丸，頭二款餸都好味，但墨魚丸我食落覺得有啲怪 唔係太彈牙同特別腥咁，好似食魚蛋既感覺 ( 唔係咪食飽既錯覺 ) -_-"本來吾想食但男朋友話吾好浪費所以我將啲墨魚丸浸落佢碗湯底到食、墨魚丸好味番啲、個湯底我試飲左少少覺得好香&有啲麻痺既感覺，我個人接受到既而且我覺得個湯底好正 下次唔食雞湯要食麻椒湯底 諗住聽朋友講試下點知試出個驚喜 有機會一定再去食…

上次來食呢間米線,除左環境同服務外,只講食物真係唔錯.今次路經附近無咩食,決定再番食.叫個$50大大碗米線(改麻椒湯底加$2)湯底仍舊美味,辛辣味富層次,亦帶甜,味道就是比較特別,飲起來比較平易近人,雞柳好嫩滑,而且份量十足,一個人食哂真係飽到起唔到身,建議女士2人分享(就好似你去譚仔叫個隻大大碗),

因為幾乎人人讃好，今天專程造訪。吃的是豬潤金菇筍片中麻辣米線，等了20分鐘，新鮮冒着煙送上，可惜豬潤不嫩，金菇吃了兩囗已再找不到，筍片炆得偏甜，湯頭是咖色，很濃，似汁多過湯，甜辣，辣度足以令我濺淚，但沒半點麻。太甜，不爽。