麻辣川米線

营业中

休息中

成日聽人話食麻辣川，但一聽個名，以為得辣，所以一直無黎試。今次真係未唸到食乜，行過即管望下 見佢有雞湯湯底，即管試下。湯底本身包一個餸，加餸加$7，9左右。都算合理價。本來想入去食，大人太多，唔想迫，都係叫外賣，當然要加$1。叫左炸醬，椰菜餃子同冬菇，雞湯米線，其實炸醬有點辣，對我唔食辣嘅夠晒。炸醬最可以睇到間店得唔得。佢嘅炸醬唔係我最，鍾意，但都好好味，會想再食嘅，唔算太辣，但好香，冬菇都夠甜夠“林”，唯一不足嘅係個椰菜餃普通左，下次一定唔會叫呢個餸。加上價錢3餸都係$44，你叫貴餸，3餸米線都係$50內。算合理。

要知道小妹係麻辣川嘅常客，之前都係叫開肥牛；麵筋同流心蛋，今次決定叫下新餸食今次湯底都係叫咗麻酸辣小辣，個人覺得少少辣味道較甜；少辣就剛剛好，太辣的話就會少左酸嘅味道今次叫咗流心蛋；竹笙同芝麻八爪魚一開始以為芝麻八爪魚係店家的獨門秘方八爪魚，因為呢款送價值＄9 ,可惜小妹諗多咗啦！原來芝麻八爪魚就係平時食開日本小食嘅嗰款八爪魚不過佢會將八爪魚加熱，所以同平時食開嘅冷盤截然不同，相對較淋身感覺都OK流心蛋用咗酒釀方式處理，所以味道比較濃，蛋嘅流心程度亦都比較高；與日式流心蛋不一樣，會在淋身D同流心D 喜歡叫竹笙因為竹笙能夠完全吸收湯底，相信喜歡食湯麵的人對竹笙都會不抗拒，甚至愛上佢

家附近原來有間被評為香港十大的麻辣米線店🤩🤩一入店已有很香的花椒八角麻辣香味😋米線湯沒有偏咸麻辣味又夠，加上黑椒更惹味👍🏻米線是彈牙廷身的質感，放湯久了也沒有糊掉👍🏻其他配料正常，但蘿蔔唔夠淋，冬菇如果可以大塊啲就好啦～值得推介是藥材花鵰酒溏心蛋😍😍😍😍連蛋白都有酒味個黃仲要勁流心👍🏻👍🏻👍🏻🤤 下次來試埋佢既溏心紫薑皮蛋同燒雞翼先🤤🤤🤤🐔🐔🐔估唔到仲有樽裝麥精飲，個百福豆漿都飲得過好重黃豆味

又係寫咗張米線list要一間間試嘅時候了，今次係麻辣川。我好少會鐘意食麻辣，但呢間嘅小食同米線都真係好出色。最重要係個花雕酒釀溏心蛋，唔叫真係遺憾黎。首先打開張menu，就簡定咗酸辣米線。都係$33咋，另外再加配料。跟數字寫係張點餐紙度。溏心蛋係原隻，無切開架～一咬就爆醬勁正，佢嘅花雕酒味釀咗落去，好入味，好香架，諗起都流晒口水。另外叫咗個麻辣嘅牛肉，係辣過晒我地嘅米線架。雞翼好好食，不過都辣呀，正確黎講應該稱做麻～～至於米線，同埋其他嘅配菜就未有溏心蛋咁突出嘅驚喜，但都係屬於中上嘅質素呢。埋單四個人$289，叫咗兩個餸，而且又好食，所以都叫做抵食呢～～

我一定要將人生第一篇食評奉獻給麻辣川！就算我搬家了，都山長水遠來食！最愛雞湯及麻椒湯底，大肚時期就愛吃酸辣。配料選擇豐富，更有大量菜蔬選擇，特製醬汁配芥蘭苗，並非一般低成本生菜可比。極多出色小食選擇，每次都叫人選擇困難。米線軟硬適中，再加一杯香濃百福豆漿，自覺比任何富豪都幸福！但要提一下，除非好食得辣，否則勸你只要食最少辣級就好了，次次我都食到流哂鼻水（痛快！）今日特別肚餓，就叫了最多五個餸。雖然價錢並不是非常便宜，但勝價比絕對值得！真心推介所有米線愛好者來嚐一下！

又係食佢啊，因為食極唔厭。至衰唔係住附近，但每次出街食飯都會第一時間諗起呢間～今次都係叫左麵根加藥善流心蛋配麻酸辣，另外一碗要左肥牛。正正正～唔知過幾多日又會再黎食呢～其實我次次都係叫個D配料架咋～

數數手指，麻辣川已經食左超過8年，以前中學生時期已經成日食，可以話係啟發我鍾意食米線既舖頭。湯底方面有清湯，麻辣，麻酸辣仲可以揀唔同程度既辣，所以無論食唔食得辣還是喜歡清湯都總有一款岩自己的。我一直咁多年都係揀麻酸辣小辣或者小小辣，發現小小辣會比較甜D而小辣會辣味重D，睇下當日想唔想辣而去決定～配料方面，我多數揀麵根同肥牛。麵根因為吸收哂湯汁，食落去唔會太油膩而肥牛係愛人係食肉之人所以點都要叫款肉比佢。幸好的是，咁多年仍然咁好食，一定會keep住幫襯。

同朋友講開去深水埗睇表演，之後經朋友介紹下去左麻川辣，同朋友一人叫左一碗酸辣米線，都係要小辣， 餸就分別叫左韮菜餃、豬軟骨同豆卜， 另外再叫左個鹵汁拼盤，裏面有三款餸包括：大腸、鴨腎同牛肚。 成個麵比較值得一讚係個湯底好有"酸味味" 既味道，而小辛辣對我黎講可以再多d; 而另一款就係韮菜餃， d 餃好足料，又大隻，味道唔錯。至於鹵水拼盤個人就認為唔太夠食， 同埋牛肚有d 太" un" 但上枱速度都好快，唔洗等好耐。

我住響港島區，耐唔耐想食麻辣川， 就過去食， 為嘅就係佢嘅麻椒米缐。超好味，超回味，暫時無其他米線好味得過佢。佢係港島應開分店。佢個湯底好入味，辣得嚟又好smooth，d肉同湯唔會好似譚仔咁好化學，無味得個咸字，佢係真材實料的。佢其他小食都有水準， 麻椒牛楠真係好辣，但係又真係好好味，加埋楠汁通菜or蕃薯苗，食完好開心滿足。如果可以開係灣仔， 我估我會日日去食。this is the only place that I would take new friend and recommended to others. It's cheap and nice.

女朋友好鍾意食米線，咁岩夜晩經過長沙灣就黎試下麻辣川。地點係麥當勞隔離，不過唔係大街，要留心啲先搵到。點餐紙有特色，先揀左要咩湯底(清湯，酸辣，麻辣)，再揀辣度(小小辣至勁辣)，配料就跟返餐牌既number寫係點餐紙到。墨丸，芽菜，酸辣(小辣)酸度足夠，味道開胃。不過食開10小既我覺得有啲辣，下次都係揀返小小辣。墨丸唔錯，米線夠大碗，但係如果再硬少少就仲正。花雕藥材釀溏心蛋，麵根，清湯。花雕蛋有驚喜，不過無藥材味，但係醉蛋釀得恰到好處，必食之選。麻香雞翼食完想噴火，但係雞翼好入味，鍾意食辣既朋友一定要試！

上網見到好多評論話麻辣川米線係全港十大米線之一，咁下午就一於決定食呢一間米線！佢有兩個鋪位，座位有少少窄，但係唔會太迫！見到有一個麻酸辣湯底， 好似好特別咁，所以就叫左呢個湯底加墨魚丸，價錢算可以，33蚊包一$6的餸，其他餸可以照加錢計，湯底望落唔算重口味，叫咗少少辣，唔會話好有辣嘅味道， 反而有少少麻， 但整體來講吾辣又吾酸，可能要叫中辣先好啲？但係我覺得個湯底有點油膩，墨魚丸都唔算特別好食，成碗米線食完覺得好普通， 都算好食！比譚仔好食啲既！但係我覺得冇新聞講得咁正， 可能試麻椒辣

麻辣川，有食開米線既都應該會聽過佢名吧?正正有一間係美居開左好多年既細舖。係!真係好細，所以我咁多年都無入過去。今日為左滿足朋友既好奇心，終於害死貓了入到去見到啲位好逼好窄，店員拎食物俾客都要左攝右攝，啲客又要左閃右避，點食得舒服。。。。米線起步價都幾貴，普通一個雞湯米無餸都30蚊，加辣加兩蚊，加最平既餸加多6蚊，長沙灣食碗米粉都成40蚊。。。。為左試下有乜咁巴閉，要左最簡單既雞肉麻辣米中辣。米線一黎試左個湯，好甜!甜到有啲假!麻辣味算係有，但同個湯好唔夾。甜既麻辣湯米線可能因人而異，但對我黎講係垃圾。。。。又浸又脹，煮之前應該浸開過又煮太耐吧。。。?雞肉個個都係用雪雞，但呢度既雞肉，雪味好重。GG

開頭嗌完外賣 望入去啲堂食既食物覺得好大碗好好食好吸引，點知外賣一到，個大細係嚇親我，佢個大細係平時早餐通粉碗既size，我見到時仲問職員:無比錯呀嘛?真心覺得佢好細碗，堂食既份量係外賣既2至3倍都有。但返到屋企食落去，個湯底又幾正，夠麻又夠辣。只係份量真係太迷你，一碗咁既迷你外賣碗收我48蚊，真係可一不可再。

Tortoise is moderate .The noodles is smooth and tasty.It's Very appetizing. Will try this again next time

之前網上睇左篇文章介紹呢度, 有日放工就和一樣咁鍾意食米線既朋友黎試下. 因為唔熟呢頭, 舖頭位置都有少少難搵, 一去到原來間舖好細間, 見full晒以為有排等, 點知阿姐就示意叫我地去隔離...原來轉彎都有間舖位可以比人食野. 地方就簡陋D 不過望落都算乾淨既.呢度除左平時有既麻辣/酸辣湯底, 仲有款麻椒湯底. 我於是叫黎試下, 要小小辣, 加左豬肉椰菜餃同雞絲, total $44, 價錢都比譚仔果D貴少少. 碗野黎到, 一試..嘩..都幾辣. 似平時出面食既小至中辣...好彩我都勉強應付到. 但湯底係幾香既, 我幾鍾意個味道, 麻辣中帶有D甜味.  韭菜同芽菜都好多, 唔姑寒.  豬肉椰菜餃個餡其實幾好味, 但塊皮太厚, 如果塊皮薄D應該會好正. 而雞絲一D都唔鞋唔韌, 幾滑有雞味, 份量唔少添. 米線都好大碗, 米線質地還可以, 再彈牙D會好D. 另外仲叫個雞翼小食, 又係出面比較少見既烤花雕雞翼, 呢個小食好香, 烤得好好食, 花雕味唔算好勁, 不過係有既. Overall, 呢間米線下次都好值得翻兜.