麻辣川米線

营业中

休息中

與區內街坊閒談，聞說這間麻辣川的米線幾好味，就即管去試吓！自己受不了麻辣這味道，交單時指明不要辣味，選了豆卜，墨魚丸，炸醬，三餸米線，加一支裝的可樂：果然不錯！米線爽口彈牙，雞湯底清甜，墨魚丸有嚼勁，有鮮味，豆卜入味，炸醬味香濃，帶點微酸，更覺醒胃，伴以炸菜粒，韭菜及芽菜，整碗米線都是上佳之作！支裝可樂，飲起來，當然比膠樽裝及罐裝的，更原味，更好味！

今次為食鬼既我經過呢間細細間既米線鋪聞到陣陣辣香, 所以縱使見要排一陣都想試下!等左分鐘入坐, 由於太肚餓, 一黎就叫左一個大米線, 叫大米線勝在乜都吾洗唸個人覺得米線除左料新鮮, 最緊要係個辣湯底, 今次叫左個中辣湯底, 真係吾錯, 試得出都煲左一段時間, 雖然我食吾出乜野辣椒, 但係我都感覺得到湯底複雜, 味道濃郁!, 而且料都尚算好味, 有腐竹, 大腸(大腸有醃過, 所以個皮脆脆, 我LIKE)., 生菜, 墨丸, 牛丸, 等等都幾好味, 值得再試.!!

晚上係深水埗搵食,除左上次那間米線,又找到另一間麻辣川米線.雖然已經8點多,但係人流極旺湯底中有款叫麻椒既東西,可以試下$33 2個配料.圖中是麻椒小辣.老實說配料不是重點,而係湯底.麻辣中有香料既濃郁味道,有四川風味,而且味道係帶甜,當然唔係死甜的風格,層次感好高,係一個好不錯既湯底,值得一試$22辣蒜豬腩肉,基調係甜辣,與湯底一樣.蒜粒十分香,如果腩肉可以燒一燒更惹味.的確係不錯既湯底令我有深刻印象,只係服務和環境扣了不少分

今晚，又去了吃米線，近期已是第三次光顧這店子了，其實，曾多次經過這店子，差不多每次也見到店子擠滿人，店外也有人在等外賣或等位，但由於過往吃米線都只是習慣光顧「譚仔三哥」，所以沒有光顧這店子。但近期，即興地吃過這裏的酸辣米線後，便愛上了那種獨有的味道~ 這裏的辣度分得頗仔細的，第一次我選了最少辣，第二次吃少少辣，今次則吃少辣，愈吃愈辣呢~! 其實，個人都不太吃得辣，但這裏的酸辣是可接受的，不會過辣，而且，吃時總是覺得吃到杞子味呢~ 我想是某種香料的味道與杞子相似吧~大食的我選了4個餸呢~ 有豬皮、紅腸、肥牛、腐皮~!! 很豐富呢~!!說實在，小店的用料都幾足~ good~!!其實，除了酸辣米線，這裏還有雞湯的，男朋友和哥哥也喜歡這裏的雞湯，不過，個人不嗜雞，所以，還是吃酸辣的~~由於之前吃過這裏的腐乳通菜，但個人認為這裏的腐乳太甜了，我只是喜歡吃辣的腐乳呢!! 所以，今次選了腩汁的~小小一間店子，只有一間分店，不是什麼連鎖式經營的大店子，不過，食物質素可是不錯，偶爾光顧一下小店就是有機會有這些驚喜呢~!

最近經常食辣野,唔知點解次次都食到出哂汗,可能我體質係咁，今次就係夜晚到食,朋友先黎去到麻辣川,我去到都嚇一嚇,門口企左好多個人係到,仲以為要等位,原來全部都係等外賣既，入到裹面,竟然仲有幾張空枱,都幾好笑。依間都唔算太多,當然都無咩特別既裝修，不過牆上都有掛番少少野食既相。今晚叫左兩個餸，就係麻椒牛腩同埋依個鹵水腩肉,兩個都好味。朋友都一樣,不過佢叫左另上既麻椒牛腩,我就覺得無所謂,牛腩既質感都有少少硬口，不過都唔算難咬,味道就真係好，重點係個牛腩上面既麻椒醬汁,真係好正。就算流左係米線湯上面都一樣食到佢個種味。依然有個種麻痺感覺，好爽真係,仲食到醬汁上面既香料味，真係好唔錯,可能另上仲好食,下次又試下先。

琴晚見到Openrice有人推薦決定今日午餐來試下店面不大 淨係幾張桌子桌上有Menu 自己寫號碼同埋要幾辣係張紙上面之後不可以改or加菜我order左呢個中小辣麻酸辣米線 走酸菜勁好食! 推薦給喜歡口中有麻麻的感覺又唔想太辣ge人金菇同雞絲都幾好食湯底27附一個風味小食(金菇..etc)+6蚊雞絲33$ 飽又好食 以後一定常來! 朋友點無辣雞湯口味She said it's good as well~   

今天出去長沙灣做野順便去呢間食lunch，網上見大家comment都唔錯。星期四1：30，等左不到5分鐘便入到黎，呢間小店可容納不足20人左右。叫左麻酸辣中小辣，配料有墨丸和雜菇。Love麻酸辣~~喜歡這麻麻酸酸辣辣的味道！墨丸和雜菇都正正常常，墨丸尚算有咬口，雜菇也爽口。2個人食，所以另叫左香草雞翼，覺得好味過譚仔的香草雞翼！還有2支綠茶。若再黎呢頭，絕對會再黎食過^^

這是第5，6次來麻辣川了，每次均是大汗淋漓的走，原因不是天氣熱，是這裡有令人抺額汗的麻椒! 愛辣的人就是喜歡那種辣得讓人狂熱刺激又心癢癢的感覺，嗜辣的你懂的。一個人晚上8點半來到麻辣川，可能附近都是住宅，一到門外已經站上十幾個都是等外賣的人，個個都在劃那張小小的點餐紙，裡面反而有幾個空位可坐。餐館內只有4，5張台，都擠的密密麻麻的，坐下來，背後剛好是載碗碟的小餐車，異味傳出不好受。小小的川味餐館當然沒有裝修可言，牆上都是掛上食物照片等。今晚再次點了兩款餸，分別是麻椒牛腩及鹵水腩肉。點餐紙上麻椒牛腩的小格子側寫上"另上"二字是常識吧，嗜辣的你懂的。另上的麻椒牛腩牛腩的質感偏硬，不要期望有那種手切肥牛的牛肉味，重點是厚厚沾上牛腩並充滿在小碗底的麻椒醬汁。另上的原因是不要讓麻椒醬汁流失在米線湯中。舔上一口，舌頭都被那麻痺感操縱了，隱隱可吃到醬汁中香料的味道，又麻又辣，吃著吃著髮尾自然會慢慢變濕。夾一箸米線，沾一沾醬汁，米線也成人間美味，嗜辣的你懂的。鹵水腩肉及中小辣的麻椒湯米線鹵水腩肉中脂肪佔上一半，可幸的是腩肉的脂肪做得不硬身，入口黏咀柔軟不痴牙，也不爛碎，可盡情享受那油潤塗滿咀的感覺。鹵

這間麻辣米線絕對是我心目中首選米線，多年前第一次食完之後，即刻介紹比周圍朋友去食，每一個食完都讚不絕口，仲會同我一樣，食上隱架！！！金菇肥牛麻辣米線（小辣）　材料足，湯底絕對是賣點之一，湯頭不是只有麻同辣，佢有一種甜甜地既感覺，跟出面既米線店不一地方。雞肉雜菌麻辣米線（小辣）　雞肉亦是必食item，雞肉肉質非常嫩滑，絕不柴。而米線口感煮得軟硬適中，辣既程度視乎大家既喜好啦，我個人就不太食得辣，但又愛食辣，多種辣程度都試過，最後都覺得小辣最適合，唔會太辣時，又會食得出材料既味道，亦唔會麻到冇晒感覺！見到張相D湯好似好油咁，但其實食落肚又唔會覺好油，仲可以接受到。

呢日同幾粒同事仔, 專登搭車出黎長沙灣『食』『米』『線』!!哈哈, 無錯~ 因為之前食過呢間米線既分店, 好好味......所以今次去試總店, 睇下會唔會更好味~充滿期待咁踏上路途!!!!!終於到步, 呢間舖完來好細, 只有大約 10+ 個位, 仲要都.....幾迫~但係, 一心黎試, 都無計啦, 唯有.............等!!!等左足足有半粒鐘, 還好野食出得都唔算慢...無幾耐就有得食:麻酸辣 (小辣) + 腩肉首先, 個碗唔係三角形果隻.....其次, 一試個湯, 就即刻失望到............................爆!!!因為好明顯個味道係, 湯底還湯底味, 麻味還麻味, 辣味還辣味, 又無咩酸味...... 味道總結係: 四分五裂!!!而且......個麻味實在太 over 啦, 直頭 over 晒成碗野個味~個感覺係, 超失望之餘, 好似仲差過出面既米線店.......麻、酸、辣...呢 3 個味道完完全全分開晒~麻味過重, 酸味唔夠, 辣味一般!!!碗入面既酸菜, 味度亦唔強烈, 可能已經比個麻味蓋過左啦........至於腩肉, 一片片的, 半肥半

呢間野都算係深水埗數一數二好味的米線店, 我大大話話都幫趁了十次有多, 原因是呢度D酸麻辣真是食到人欲罷不能 !此前的食的中麻辣, 食完後個口會有震動, 感覺非常特別, 仲有D 餸款多質數好, 所以我一想起就會來一下。今日從長沙灣行到來深水埗頭, 又決定入去一試, 一共叫了三個餸, 肥牛,芝士波腸及韮菜餃, 因為很天氣熱仲加了一支維他麥精, 總數 $44。不過今次食入口米線差了不彈牙, 湯也差了無麻而且辣也不夠, 唯一仲把握得到的還是三個餸。肥牛有牛肉味, 波腸還是脆皮啦, 韮菜餃一般但勝在夠多包肚。整體一般, 希望下次有改善, 否則不再是我心中的 NO. 1.呢間野正確位置係M記轉入,中華電力對面, 九工後面 (長沙灣果間是第二分店) <-- 小弟未幫趁過！

難得重回以前番學既地區, 更係要懷念一下以前lunch hour簡唔中都會食既米線店舖.中午時分同樣好多學生, 其他工作既人士來食飯, 幸好自己一個人都算易搵到位坐.此店都有4款不同湯底:雞湯, 麻椒湯底(正宗四川麻辣紅湯底), 麻酸辣同酸辣, 喜歡帶有少少麻口既感覺所以選左酸辣中帶少評麻痺口感既麻酸辣湯底配鹵水腸同墨魚丸.等左一陣就來, 未食已經聞到好香既麻辣味道幸好叫左中辣, 又不至於辣到入唔到口而且愈飲愈覺得個口有點麻好過癮.配料同樣出色, 特別個鹵水腸鹵得好入味, 反而個墨丸就好一般偏粉唔算好味..整體來講這碗米線亦好出色, 愈食愈上癮.

去完黃金高登, 一時間又唔知食咩食熱到飛起又唔想食飯, SSP 又唔想食譚仔行下行下就行左來呢度, 見都多人等位於是八八卦卦又等埋一份一條友好快有位未食過都係叫返 D 大路野我叫左 肥牛金菇米線 + 香草雞翼 + 一支可樂呢度個湯或既酸辣, 酸度充足, 又唔會過份辣, 唔錯, 我覺得好過譚仔添至於肥牛/金菇, 呢 D 係預製野, 應該亦唔會有咩太特出既表現正常交足貨, 好在唔會俾兩片刀功薄肥牛, 食完呢碗野都 OK夠飽而個香草雞翼就有驚喜, 好香既香草味, 而且食落好 raw ... 成口都係草但真係好味, 不過由於即叫即烤, 我碗米線食到一半先到, 好彩未全飽埋單 $28(米線)+$22(雞翼)+10(支裝汽水 = $60, 以 SSP 區來講唔算平, 但係食到呢幾樣野, 我又滿足度好高......

其實這間一直是筆者的心水餐廳之一筆者嗜辣無數,卻很少發現有不加麻辣油的正宗麻辣而這間卻能做到這一點,實在難得!剛上桌,就可聞到好香的麻辣冬"姑"燜得好"LUM",吃上去也很香,值得推介!P.S 如果不想米線/湯太甜,可以在落單時,走甜酸菜同炸菜!

這幾個月我的麻辣癮十分强烈，天氣炎熱温度達至33度時人人愛susui,ice-cream,凍飲......降温但我卻愛麻辣，今次到麻辣川為了食正宗麻辣辣！我嘅腐皮墨丸米線(中小辣)！香噴麻味認真十足夠，麻辣味程度近似(譚仔)大辣，彈牙墨丸沾上麻湯入口醒神～超麻！麻辣川勝老公雞肉米線(清湯)！雞肉厚度適中，清雞湯亦好味！