麻辣娘子 (新都城中心) (已結業)

呢間麻辣川菜係新都城新開既，見佢新開，咁當然不會錯過去試一試吧。入到去，同朋友各叫了一個麻辣米線同埋麻辣香鍋飯，味道都有麻香味，不過好多四川的辣辣到不堪，會有少許迎合香港人吾食得過份辣，但又保留麻辣香，所以食完都幾岩我口味嫁，值得一試。

娘子香鍋 （牛肉 雞片 金菇 午餐肉）$187香鍋必須要點四個餸以上 仲可以選擇唔同嘅辣 不過可惜係唔能夠加配紅薯粉 但係都可以配白飯好鍾意食香辣鍋 中辣都唔算好辣 而且佢哋川菜好濃郁 金菇吸收晒所有精華 配飯一流 午餐肉煎得好香脆 口水雞 $68口水雞份量應該都有半隻 而且咬落去非常滑溜 雞皮部份有啲似果涷 醬汁味亦都好香濃 配飯一流古法紅燒肉 $98好食嘅紅燒肉其實都幾難 油脂分配一定要平均 咁樣先唔會覺得好油膩 依間嘅古法紅燒肉 油脂平均 咬落去好有層次感 鍾意食紅燒肉嘅你唔好錯過

最近商場開左幾間同類型嘅川菜店上次試過十二味，今日就試呢間價錢唔算貴餐牌選擇都可以我揀左酸菜魚小辣另外朋友就揀左個中辣嘅冒菜粉未上正餐前就送上小食蒜泥青瓜味道正常，微辣主菜黎喇外貌正常除左酸菜同魚外，仲有幾塊窩筍同寬薯粉好可惜味道完全唔得酸唔夠，辣唔夠，麻都無我諗過係咪我揀小辣嘅問題但朋友揀中辣都一樣無辣希望商家留意返食得川菜都希望重口味少少味道唔好調整得太多暫時唔會再試下次另外叫嘅芥末雲耳，無特別

去開寶琳，見新開左間食辣既當然去試下la🌶😋原本想試佢地既冒菜，但係過左6.就冇，唯有下次食晏就去試下芥香小木耳 $38以尼個價錢黎講好大碟，落左d芝麻令到成碟木耳更香，而個汁係用wasabi ，但唔會太辣。鮮菠蘿咕嚕黑豚肉🍍🧆 $88尼個大推，原本我中意食咕嚕肉，所以叫尼個，點知佢咁好食，炸皮啱啱，個汁調得好味，重點係佢既肉質一d都唔韌，夠冧，口感啱啱好，係我食過最好食既咕嚕肉👍🏻乾扁四季豆 $68份量都幾多，肉碎用黎撈飯好食豆漿🥛 $18糖度好低，但唔會冇豆味，好健康

呢排天氣有少少轉涼, 最岩就係食下D辣野驅一驅寒所以今晚就黎左呢間裝潢新淨企理既新派川菜既餐廳試一試*娘子最愛酸菜魚(小份)*呢度主打係酸菜魚, 我地梗係叫番個啦; 不過可惜同行既朋友唔係好食得辣, 我地就叫左個BB辣既; 我原本以為BB辣會冇咁惹味就暗自失望啦, 點知原來佢個湯唔係好辣但偏偏同D酸菜好夾, 酸酸辣辣夠哂開胃, 加入蔥花同炸蒜味道一流, 食完一舊接一舊; 佢個口感先跨張, 魚肉本身材料好新鮮, 食落果種超滑直頭係入口即溶, 一D都唔會有"孩口"或者"un" 既感覺; 仲要份量好多; 總括黎講係強力推介之選*娘子小炒王* 新鮮翠綠既韭菜炒出黎有鑊氣之餘都仲十分嫰滑, 配上爽口蝦球同埋花生, 成個餸既口感都好好*黑金流沙包* 呢個我平時去飲茶都係必叫既點心, 但唔係間間都會做到新鮮出爐, 所以個流心效果都好參差; 但今次我地食到既呢幾個絕對係新鮮滾熱辣, 一上菜既時候個包仲係辣手架! 我小心翼翼咁樣一細口咬開小小, 再小小, 突然間D奶黃就好似一束吊燈咁樣傾瀉下來; 所以真係奉勸大家一句, D野食正還正, 食既時候唔好太心急, 否則或者我已不會存在*芝士奶蓋黑糖珍珠鮮奶*很

近排行開新都城，見到呢間麻辣娘子新開幕囉❣️所以我哋就入左去試下🤤好彩個陣早左d落去，我地一行入去就有位坐🙆🏻‍♀️一見到個餐廳已經好肚餓，但我哋無試佢個水煮肉片，反而試左佢哋第二個招牌菜『娘子自選乾鍋』🤫麻婆滑豆腐同埋蒜泥白肉娘子自選乾鍋 $38 自選餸$25~68我哋係餸方面叫左午餐肉，雞翼，海帶同金茹，總數都係$164🙆🏻‍♀️仲有得加麻加芝麻等其他比你仼揀🤤加左麻個口感會過癮好多，味道唔會話好喊，餸個度都覺得好有心機煮。麻婆滑豆腐 $68本身好鍾意食麻婆豆腐❣️一見到就一定要叫，點知一上到嚟好正😚個豆腐真係好滑，加上叫左個白飯($13)😻完全係絕配，仲要個豆腐好好食，夠麻但係又唔會每啖都好多味精👍🏻蒜泥白肉 $48同出面個d唔同嘅係會跟埋青瓜😚口感食落去好fresh🤫同埋d肉都處理得好好，夠滑得嚟唔會全部都係脂肪🤣唯一美中不足嘅係，d餸太多🤣食到好飽

間野新開，將軍澳一向欠缺似樣嘅麻辣餐廳，睇見佢平時晚市都幾多人食，所以兩個人入去試吓。叫咗個口水雞($68)同埋一個娘子香辣鍋。入面啲料係逐樣計錢。我叫咗蓮藕片，豆皮，筍同埋安格斯牛肉，咁就$181。本身價錢還好，可惜個香辣鍋炒到有啲乾，係指牛肉都變咗牛肉乾嗰隻乾，似乎係炒到過咗火位。而且成個鍋冇乜麻辣味，同喺深圳食過嘅有幾大分別。可能係疫情期間廚房人手不足吧。希望下次再嚟食嘅時候會有改善

上網見到新開專登過黎試，食完整體100分最多只可以俾22分，其實真係唔知啲好評係邊度黎。招牌酸菜魚完全唔掂，酸菜又少，魚又無味，個湯完全唔係戈回事，仲要成$328好失望！唯一竟然係咕嚕肉好食。

想食辣想左好耐🤤終於約左辣腳同我食💕 久違嘅酸菜魚、香辣烤鍋同埋夫妻肺片！！冇諗過寶琳都有咁好食既川菜🌶酸菜魚叫左小份但份量都好多，啖啖肉之餘仲好有魚味👍🏻 個紅薯粉就好煙韌，初頭見到得好少酸菜仲有小小失望，食落原來全部係晒個底🤪連同大豆芽同豆卜嘩真係食完都飽左7成～貪心的我們仲叫左個麻辣香鍋，食乾鍋真係要夠辣先好食，結果叫左中辣食到不停流鼻水🤣但我地兩個都覺得呢碗比酸菜魚更加出色🌶💯🈵包心菜同蓮藕片個人來講係必食！我地仲叫左豬肉片同海帶，食到停唔到口🙈今餐真係好滿足，食埋安心減肥啦😌(聽日減)

最近小編愛上左將軍澳😂，呢邊除左景色優美之外，仲有好多好野食😋。繼上次康城LOHAS之後，今次黎到寶琳新都城中心食好西😎。。今次黎到既係麻辣娘子，呢間中菜館可以食到四川菜、廣東菜、上海菜等，而作為辣控既小編當然係黎食辣野🤪。。娘子最愛酸菜魚（小份）$238好大一碟，份量勁足，小編我叫咗中辣，面頭見到有好多酸菜同干辣椒，睇到就已經流晒口水🤤。而入面除左有無骨魚肉之外，有萵筍片、木耳、芽菜等，另外仲有闊粉，夠晒飽肚😁。啲魚肉冇骨，啖啖肉食得好爽，另外啲萵筍片同闊粉都好入味😋。。娘子小炒皇 $98味道相對有少少鹹，不過送飯一流😂，而且入面有九黃、蝦米、蝦仁、腰果同肉片，口感非常之豐富，不錯👍🏻。

呢間野真係痴線廚房啲呀叔同呀姐唔戴口罩 隔離店阿里山負責整野飲個後生女全程冇戴過口罩 一直講住電話整野飲 點知啲口水有冇噴唒落杯野度 好唔衛生整野食整野飲既時候啲口水就噴唒落啲野食度 然後食客又食番 而家肺炎已經第4波 呢間野管理真係好差 點解可以完全唔戴口罩 行為十分自私以後唔會再去呢間食 啲野又唔好食 酸菜魚叫左辣都冇辣味 超差野飲好難飲 係死甜 叫左芝士奶蓋炭燒烏龍茶 完全飲唔到奶蓋味 朋友嗌左黑糖珍珠奶茶 又係死甜 冇黑糖味 垃圾

驚喜酸菜魚以前有得番大陸食酸菜魚，依家冇得食lu。係寶琳站就開咗間麻辣娘子🥰餐廳環境都好開揚，座位都坐得幾舒服。除咗酸菜魚之外，還有好多小食和熱食。娘子最愛酸菜魚 (小份小辣) $238兩個人點了小份，如果4個人就可以share大份，不過小份的份量都好多。魚肉好滑，不會好鞋口；薯粉很彈牙，非常煙銀。大量的芽菜和酸菜，加上濃濃的湯底👍🏻脆皮小豆腐 $48超推薦！真係岩岩整起，皮脆口豆腐滑口，而且有加左好多的炸蒜，味道好夠。而且份量都適中，係好食❤️拍蒜青瓜 $38好好的開胃菜，食落爽口，仲有少少的辣味。份量亦都係適中，唔會得好小。食辣野點可以冇野飲，佢哋有水果茶，亦有黑糖珍珠奶茶，有好多選擇！而且水果茶入面都會有幾款水果比你🥰

好辣嘅人一定要book mark!!每一道都好惹味👍🏻🌶娘子最愛酸菜魚小編點左(小)&中辣完全冇諗過份量咁多😳寬粉底 足夠3-4個人即使中辣都唔會太辣唔會辣到食唔到下一啖魚肉嫩滑 冇腥味🌶脆皮小豆腐必點！👍🏻 外層撒上椒鹽粒粒都炸得好脆炸粉薄 外脆內嫩 但夾得起🌶泡淑炒牛肉小編好愛泡淑呢啲鬼鼠辣但香港唔多餐廳採用遇到緊係唔放過啦不妨一試👍🏻👍🏻👍🏻將軍澳對小編有啲遠如果有多幾間分店就好了🥺

今晚辣得盡興和老媽子拍拖去，去食水煮魚，位於新都城中心二期二樓，地鐵一出行去都幾方便！諗緊食魚定鍋，最後選了魚，原來呀媽想叫小小辣，我聽錯咗小辣，辣死呀媽😂😂媽媽話樣樣都辣，好彩無叫呀爸！媽子食得不知幾滋味，加埋可樂...gur晒！有時兩個人獨處下係需要嘅！.水煮魚 $198 😋😋😋😋辣度隨心選，唔食得辣記得選bb辣，魚份量多，有成十幾舊，魚質軟滑，沒有骨，好食！裡面仲有不同配菜，可以2-3人食，湯底香辣，飲左啖湯，有少少甜甜地，味道真好。.口水雞 $68 😋😋😋😋紅油蒜味，味道濃厚，雞肉嫩滑，雞皮脆口。.涼拌木耳 $38 😋😋😋想不到是用芥末，有點驚喜！愈食愈刺激.涼拌萵筍絲 $38 😋😋😋😋酸酸辣辣，食完辣度勁的水煮魚，這個涼涼的酸辣可以解一解辣，正！.可樂 $16

最近新都城新開了不少餐廳，呢間麻辣娘子（前身春天的鋪位）開左無耐，但係竟然坐滿人仲要排隊等位，究竟有咩咁好食？緊係派老公等位，我行陣街先😛Menu有好多野食，我地淨係見到啲小食都想叫曬佢😂😂蒜泥白肉排得好靚，豬腩肉薄切，因為夠肥美，係入口即溶😍啲蒜泥好好食好香，如果多蒜泥就正喇黑金流沙包真係好流心，要小心啲食😂最讚係唔會太甜脆皮小豆腐細細粒，大細啱啱好，要襯熱食，如果啲粉厚多dd就perfect。涼拌土豆絲係大陸食過，呢度一樣咁好味，不會太油，只是微微的辣香，好爽口，好似食緊撈麵咁。鎮店油炆蝦本來以為佢會好油，點知又唔會，啲蝦大大隻咁，同樣係微微辣香，好惹味。芝士奶蓋黑糖珍珠鮮奶都係surprise，芝士奶蓋好滑，大杯到深不見底，吸管都差啲吸唔到珍珠🤪好少地方有天地一號飲，見到忍唔住叫左一罐😝呢度好多野食，好多人都叫左酸菜魚同娘子自選乾鍋，下次要再黎食呢兩個菜！