麻辣仙宮 (已結業)

近排新開左一間川菜餐廳，有雞煲、烤魚同火鍋。見到門口仲有紅紙包住，應該開左無幾耐，問職員先知原來11月1號號先正式開張。除左有火鍋🍲、雞煲同烤魚之外，仲有干鍋、涼拌同小炒等，好多款唔同既菜式，滿足唔同人嘅口味😋我地點了：椰子🥥花膠雞煲麻椒手撕雞金花皮蛋蜂蜜白提子汁蜂蜜百香果茶我就唔係好食得辣，所以就點了一個椰子🥥花膠雞煲，湯底用了椰子水非常清甜，飲完好暖肚，非常適合呢個時候，秋風起涼涼地，再加上花膠滋潤又養顏，女仔當然要補下啦😌。‼️麻椒手撕雞是必點的‼️為什麼？因為現在有試業期間限定的優惠！晚市堂食限定加$1就有一碟啦！真係好抵呀🤩而且我都可以食到，又麻又香，亦唔會太辣，如果覺得唔夠辣仲可以加辣添！出面仲有混醬區，喜歡混醬的朋友可以混合出自己喜歡的味道，但一定要試吓佢地自家秘製的辣椒醬！😋📍 麻辣仙宮 (大角咀)地址：大角咀棕樹街2-20號榮富苑地下10-11號舖

朋友話屋企附近開左間川菜，話佢前幾日試過好味今日試左 酸菜魚 海鮮干鍋 雞堡 龍盤茄子酸菜魚都唔錯，但我都覺得比唔上大陸果啲酸菜魚，但味道唔錯，可以接受，海鮮干鍋，辣得黎又香口，餸啤酒一流，但我都係覺得得海鮮唔應該太重口味，清蒸最好😂（利申：潮州人）雞煲，呢個非常好食，個雞煲汁好野味，雞又滑，最重要食完唔駛狂飲野👍，香港黎講佢地做得算出色。最後個龍盤茄子真係好有驚喜，係老闆推薦既，一試忍唔住即刻叫左碗白飯😂總括呢間餐廳仲有可以再試，環境同食物都唔錯，美中不足係位置偏左啲😵最後老闆話佢地試業期間，俾左個9折我地😂👍

烤魚大家鍾意食咩魚？最中庸嘅選擇係江團，實淨得嚟又耐煮。想軟嫩可以揀魽魚、鯇魚，清爽脆口但略帶泥味；高級啲有桂花，肉質細嫩刺少肉多但最好三滾兩滖就好食！龍躉魚就肉身厚啖啖都咁彈牙實淨。係咪覺得我好勁魚都講到咁多學問？Noooooo～～～～～Credit 係要畀返店員，可以侃侃而談分享咁有用嘅資訊，我爭啲想拎部電話出嚟drop notes！最後我都係揀返江團魚，不過此江團不同彼江團。店員強調餐廳全部魚都係即點即喺魚缸度撈起鮮劏，相比其他餐廳用冷藏貨食落鮮度大不同。另外兩大隻肉蟹嘅蟹干鍋鮮香入味，最鍾意係個盤龍茄子，茄子佐入漕厚醬汁好啱餸飯！甜品紅糖糍粑炸起即食唔錯，但稍涼就會覺得油咗少少，有進步空間。新開喺大角咀主打川菜嘅餐廳，裝修都幾認真，卡位有中式屏相間，甫進場就覺得都應該唔係頹嘢，認真毛！嘢食方面就大包圍，雞煲烤魚酸菜魚水煮魚

💛好味指數:4.7/5💛💜回頭指數:4.7/5💜大角咀附近新開咗間川菜專門店🎭環境裝修充滿中式古典風🏮向職員詢問原來新開張幾日😂餐廳菜式選擇都幾多，職員推薦咗幾款食物俾我地🥰✅原條桂花酸菜魚$368桂花魚係時價魚，可以用手機QR Code見到最新價格🐟桂花魚片肉質鮮嫩，每一塊魚片都好厚身，酸菜魚可以選擇辣度，我地係預設辣度，覺得啱啱好👍🏻配菜有水晶粉、芽菜和萵筍，配菜索灑啲湯汁好入味☺️順帶一提餐廳仲有魚缸，可以保持魚新鮮✅蒜香小龍蝦$188
用一個鼓形狀嘅盤載住造型好吸引🥁一上菜已經聞到好香，小龍蝦好入味，醬汁有好濃郁嘅蝦膏味，底部嘅芽菜吸灑啲汁好香🦞✅蔥油鵝腸$108 職員推薦蔥油鵝腸，味道出色，鵝腸好惹味，真係無介紹錯而且鵝腸好乾淨，值得一讚👍🏻✅紅糖糍粑$38
呢個價錢有8條糍粑，性價比好高‼️糍粑外脆內軟，脆粉表層好薄身，點黑糖好好食😋如果有埋黃豆粉更好😆✅招牌冰粉$38 配料有葡萄干、芝麻、山楂片、花生碎，甜度適中，食川菜必點☺️✅新鮮椰青$38 & 蜂蜜白提汁$24椰青好大隻，味道清甜🥥蜂蜜白提汁比較滋潤，提子味甜🍇📍 麻辣仙宮 (大角咀)大角咀棕樹街2-20號榮富苑地下10-

大角咀｜麻辣仙宮🏮中國風裝修✖️種類包羅萬有‼️麻辣仙宮試業期間限定‼️晚市堂食每枱可以$1加購價換拎原價$168嘅椒麻手撕雞🐔(半隻)🥳真係好抵食，唔好諗啦，快啲嚟試下啦🥰‼️全單九折‼️只需follow & like麻辣仙宮嘅社交平台專頁，即可享全單九折嘅優惠，千祈唔好錯過啦🤣⭐️椒麻手撕雞 $1⭐️- 半隻雞份量一啲都唔少，幾個人分一碟都好夠- 味道唔會好辣，幾香口- 雞肉爽滑，係一道好好食嘅開胃菜～自選干鍋 香辣(微辣) $26+ 牛肉片 $35- 大片，有厚度有口感👍🏻- 炒得好入味，攞嚟送飯一流🤤💕+ 東風螺 $38- 大大隻，用竹籤挑出嚟🤪- 入面唔會有水，冇咩污糟嘢，炒得干身👍🏻+ 鮑魚(兩隻) $58- 平均$29一隻鮑魚，食干鍋都可以食到😆- 好爽口，冇渣🥰+ 蟹柳 $35- 炸過嘅蟹柳外面脆脆地，入面軟軟地❤️- 重口味人士必點😌+ 秋葵 $28- 中間切一刀再加埋成花嘅樣，干鍋嘅味就好客易滲到入去🤣+ 即炸土豆片 $30- 即係自家製薯片- 師傅刀工好，切得平均同薄，而且炸得好脆👍🏻🦞麻辣小龍蝦 $188- 個汁好麻辣、好濃稠- 部分小龍蝦蝦頭位置有蝦膏🤤🤤👍

主題式嘅火鍋店係香港近排都可以話係頗為熱門。今日easy推介俾個食評大家可以嚟大角咀💁🏻‍♀️呢間有得打卡之餘食物質素仲相當唔錯嘅主題火鍋店俾大家參考吓🤤.呢間餐廳裝修可以話相當用心，將整個宮殿放入舖頭入邊，而且亦都好多細微嘅位係呼應返佢嘅主題.餐廳而家就係試業階段，但係菜式選擇上起好多同類型嘅餐廳選擇更多，咁就fit晒我呢啲花心漢啦😚.咁而食物質素方面冇因為選擇多而變差咗，烤魚未上枱香味已經撲面而來。蔥爆雜錦海鮮乾鍋更加係上乘之選，入邊有鮑魚、硯、蟹、螺、蝦，超豐富嘅干鍋😍而佢嘅紅糖糍粑個人感覺更加係近期最佳。.Our selection ⭕️🐟麻辣泡椒味招牌烤魚🦀🦐蔥爆雜錦海鮮干鍋 <🌟推介>🌶️黃貂魚虎皮辣椒🥒手拍青瓜紅糖糍巴<🌟推介>洛神花茶 蜂蜜百香果茶.整體來講，個人認為呢個係一間又有得打卡，又有好嘢食嘅餐廳。值得推薦俾大家😝

以後多咗個飯堂食飯 - 麻辣仙宮上次同朋友經過，見到有間新嘢開咗試業中膽粗粗就入咗去我哋嗌咗店既招牌 / 雞煲雞煲夠香夠滑，食完唔會覺得口腔好鹹不過今次遷就朋友只品嚐咗微辣建議食得辣人士下次可以試中辣仲惹味 😋下次要再試埋小炒先得聞到隔離檯啲香味撲鼻而來 😍我哋都試咗炒水晶粉 👍 一啖落口，個個都讚 / 好夠鑊氣又香噴噴大廚推薦我哋下次黎要必點盤龍茄子 🍆- - - - - - - - - - - - - - - - - - - - - - -尼間環境夠闊綽，算舒適，坐得舒服門店裝飾夠精美，可以滿足到我尼個打卡人士 🤫原來尼間仲有房有包廂噶 （不過有最低消）如果朋友多又嫌出面好嘈既話可以多個選擇咯