麻辣串串香

营业中

休息中

今日去左荃灣食串燒，係citywalk附近，離地鐵站唔近，估唔到都滿座！呢到有串燒、酸辣粉、麻辣燙選擇，款式都好多，見好多人都買外賣拎走就知有幾好食！不過今次主要嚟食串燒，所以其他就冇叫。燒牛舌，全部串燒中最貴嘅一款。牛舌厚身，但好易咬。配上香辣粉同小小孜然粉調味。燒白鱔，唔同一般嘅白鱔食落咁林，呢度嘅燒白鱔雖然每件偏細，但係爽口，不過略嫌有啲鹹。燒雞腎、雞軟骨，望落兩款差唔多，雞腎偏細粒，不過夠香辣，好食！燒安格斯牛、燒羊架，啖啖肉，熱辣辣，夠入味，夠juicy！燒原條茄子，蒜蓉份量好多，好香口。煙肉番茄仔，蕃茄甜，可以消下滯！

之前行過見到宵夜時間爆多人, 而且傳來陣陣嘅香辣串燒味, 已經覺得好吸引, 今日專登嚟食午餐我哋兩個人叫咗一人一碗麻辣燙同少少串燒, 麻辣燙湯底又香又鮮, 加埋少少辣味, 非常過癮!🤭我揀咗唔少索湯汁嘅配料, 有腐竹, 芋絲, 金菇, 肥牛...樣樣都同湯底非常夾👌🏻另外串燒亦係一大賣點, 燒得好夠火候, 特別係牛仔骨, 份量唔算少, 牛味夠濃, 配上少少調味粉已經好惹味, 非常推薦👍🏻另外串燒白鱔亦好正外魚燒到微脆食落好有口感好彈牙, 唔錯!😋

今日入咗荃灣做嘢，做完野諗住那林食少少野就快啲返屋企繼續做野。見到呢度有間叫做麻辣串串香，又有酸辣粉、麻辣燙同埋串燒食。我哋心大心細最後決定所有嘢都試吓#麻辣燙 🍜都幾大碗，有得揀辣到度😜揀咗BB辣🌶️香口惹味。最特別之處佢有得揀「魚麵🐠」喜歡彈牙口感都不能錯過。#酸辣粉 🍜$24價錢好抵，叫咗少辣🌶️已經好入味。當然我都係揀咗紅薯粉做麵底，同大陸一樣個味道好香而且好重，酸酸辣辣好開胃。我另外加咗餸，大約$6-$10（蘿蔔、豬潤、同埋炸魚皮）炸魚皮係分開上，放入湯既時候滋滋聲，蘿蔔清甜冇渣。另外我地點左幾款串燒🍢.#豬豚腩 🐖$24豬肉唔會過韌，肉質鬆軟而且油香味十足。.#蒜香焗沙白 $45勁香蒜蓉味，沙白無沙，食落啖啖肉又鮮甜🥘再配埋蒜蓉粉絲底！讚👍🏻.#蟶子皇 $35蟶子肉吃起來不算韌，仍然爽口，尚算鮮甜，吃得夠爽快！

［荃灣］麻辣串串香.今次唔係太餓淨係叫串燒無食到酸辣粉~.蒜蓉金菇食剩指數：0/100 蒜蓉份量好多金菇都好爽口個豉油甜甜地唔會好咸.燒茄子🍆食剩指數：0/100 估唔到又幾大個蒜蓉蔥份量繼續好多鋪到滿哂茄子好入味同時唔會燒過火.到肉啦.燒白鱔食剩指數：5/100 白鱔外皮幾脆肉質算彈牙有少少鹽調味係佢比較細舊所以扣佢幾分XD.燒牛舌食剩指數：5/100同樣用鹽調味雖然唔係好厚但肉質彈牙燒得都幾香.芝士燒菇/雞串食剩指數：0/100個芝士好香又唔會太搶加埋肉配搭唔錯.燒魷魚🦑食剩指數：25/100調味較輕手清淡左少少(可能係我走辣既關係？).總結平時食串燒好怕太咸太重味呢間就無呢個感覺

荃灣小店串串香，有自選酸辣粉食同串燒，串燒黎講都唔算貴，食到飽都只係每人$150左右，都幾抵食，質素都不錯👍🏻服務質素都👍🏻老闆娘勁好人🥰🥰-韭菜串 $15燒原條茄子 $42安格斯牛 $32金菇肥牛 $20燒魷魚鬚 $18雞泡魚干 $42燒白鱔 $42餃子釀雞翼 $32/1隻雞軟骨串 $22/1骨付腸 $15-1️⃣ 燒原條茄子⭐️⭐️⭐️⭐️茄子比起一般串燒店既茄子大，肥美好多😂蒜蓉爆多，好重蒜味好正，叫左bb辣，重口味既人會覺得小左調味，但正常人會覺得夠惹味😂/2️⃣ 燒白鱔［滿星］⭐️⭐️⭐️⭐️⭐️‼️鱔好新鮮，食落彈牙、爽口😍個皮燒得唔係脆，不過好爽口！口感豐富😍😍/3️⃣ 餃子釀雞翼⭐️⭐️⭐️⭐️餃子同雞翼都中意食，但一齊就諗唔到會係點，好奇之下叫左！外形係雞翼包飯咁，不過入面就照係雞肉同加左蔥油，味道好似係食緊燒味飯既雞滴左蔥油咁，幾搞笑😂/4️⃣ 安格斯牛 ［滿星］⭐️⭐️⭐️⭐️⭐️‼️好惹味！燒得剛好，性價比高！-環境：7/10服務：10/10好味指數：8/10回頭率：8/10

到夜晚口痕想食串燒，見到麻辣兩個字就諗都唔諗行左入去 香蒜焗金菇 - 好多蒜蓉舖喺表面， 好香口，值得一叫。日本一口蕃薯 - 淡淡番薯甜味同香味，讚安格斯牛 - 唔會過熟，亦都唔會好似擦子膠太硬， 牛味可以再重啲， 或者落多少少黑椒去調味牛舌 - 推介燒得好好食好多汁！高汁燒芝士丸 - 芝士丸燒得啱啱好，唔會太乾過熟，入面啲芝士好似流心咁爆出嚟芝士雞肉串 - 雞肉嫩滑，不過不失牛柏葉酸辣紅薯粉 - 牛柏葉爽脆， 但份量有點少。 酸辣粉揀咗小辣，但係佢最多只有譚仔嘅十小辣， 而我平時食開小辣。如果你係食得辣，我諗你要簡中辣。最後埋單每個人150蚊左右。

某日跟媽媽去荃灣街市，竟然發現呢條小巷裡面有我最喜歡嘅重慶野，咁啱有D肚餓就決定試試佢。除左串燒外，店鋪仲有重慶酸辣粉同麻辣燙選擇，可以自選配搭，好似食車仔麵咁雖然我鍾意食辣，但媽媽有D感冒，所以我地點嘅野食全部都走曬辣，但其實每款食物都有事先調味，所以唔怕淡茂茂。燒蘆筍仔 $20鮮嫩冇乜渣，加左燒汁鹹鹹甜甜都幾好食芝士蘑菇串 $22芝士鹹香味濃，同燒香左嘅蘑菇非常搭配燒原條茄子 $42、蒜香焗沙白$45茄子同沙白都加左大量蒜蓉去燒焗，香氣十足；沙白肉厚嫩滑，墊底嘅粉絲索曬汁非常惹味，如果可以再多D就好了～燒白鱔 $42、AAA牛仔骨 $45白鱔雖然價錢稍貴，但入口就知值得，魚肉鮮嫩彈牙，魚皮燒得香脆，冇多餘嘅調味，完全能夠食到白鱔原有嘅鮮甜味；牛仔骨唔會過熟，內裡呈現粉紅色，加左大量蔥粒令整體香氣更出另外叫左個麻辣燙走辣🙈餸方面揀左蘿蔔 $6、湯餃子 $10、娃娃菜 $6 配魚麵 $13碗麵超大份，蘿蔔都有4大舊，好抵食，尤其鍾意魚麵，彈牙得黎真係食到魚香味～

放工後和友人來到荃灣麻辣串串香，六點多餐廳差不多滿座。點了不少串燒，發現串燒燒得出色，不會過辣過咸，而且保留串燒水份。燒韮菜:燒得相當惹味，而且不會乾。燒茄子$42:見到不少枱客人都點了一份，上枱時發現茄子好大條，有好蒜頭在茄子表面，相當惹味，拌飯一流。燒娃娃菜:當娃娃菜由燒烤竹簽取出來時，當中蘊藏水份即刻爆發出黎，娃娃甜辣多汁。燒白鱔$42:鱔皮外脆，內裡肉質嫰滑。燒菠蘿:菠蘿沒有渣，鮮甜多汁，解辣一流﹗大大碗麻辣燙配紅薯粉(小辣)$42:好大碗足料，可以兩個分來吃。有豬皮、豬紅、牛腩、蘿白、生菜等，紅薯粉彈牙有咬口。椰青水及蜂蜜雪梨，清潤解渴。

自從返大陸試過麻辣燙之後，我就成日心思思想返大陸食好嘢，但今日經過荃灣就可以食到麻辣燙，終於唔使返大陸咁遠啦大大碗嘅麻辣燙有魚蛋、魚皮餃、豬紅、豬皮、牛腩、墨魚丸、時菜、蘿蔔，我就揀左小辣，食左陣頭殼頂都已經標汗啦朋友就食唔到辣，不過都唔緊要，因為呢度係可以揀唔辣架，就好似平時食車仔麵咁，揀左佢最鍾意食既響鈴、肥牛、豬皮最特別係可以揀粉絲，又係吸湯超強既粉麵最後我地仲叫左堆串燒，都係有辣有唔辣，估唔到大大條既蟶子都可以係呢度食到，撈埋蒜蓉一齊蒸，蟶子就吸哂蒜蓉味既精華啦仲有脆卜卜既魷魚鬚芝士蘑菇串$22煙肉番茄仔$16雞軟骨串$11

之前行過見到間食麻辣串串～咁啱今日又係呢頭買野～買完就同友人一齊黎試下～放心～唔食辣既朋友可以點唔辣～我地點了大大碗麻辣燙同啲串燒～燒蘆筍仔 （唔辣）好新鮮～好清甜～芝士蘑菇 （唔辣）一咬落去好多汁😋芝士都好多～日本一口番薯 （唔辣）日本番薯係唔同啲～好甜～燒完仲香啲～大大碗麻辣燙 （BB辣）啲餸好豐富～蘿蔔都幾軟～其實食餸到飽～粉絲吸左啲麻辣湯好野味～金菇肥牛（辣）金菇加肥牛真係夾～好食～雞軟骨（辣）乾左少少～多春魚（唔辣，辣）點了辣會野味啲～都多春～煙肉番茄仔（辣）雖然點了辣～但一咬蕃茄啲汁出哂黎～食辣食到乾乾地都幾舒服又開胃～羊架 （唔辣，辣）燒完好食～但唔愛騷味就未必愛～鵪鶉蛋 （唔辣）燒左真係好香口～蛋味好出～燒粟米（辣）好甜～燒粟米又多汁～P.S.麻辣都唔錯～就偏辣左少少～但食材新鮮～食辣點埋汽水飲更正～

第二次來到麻辣串串香依然咁多人，我同男朋友等左一陣，因為服務員十分和藹可親同有禮貌，讓我們完全不覺得久等的感覺，這是我喜歡來這家串燒吃東西的原因之一。原因之二當然是這裡的美食，這次又出了新產品，像雞皮，雞心，雞肝，時有時無真係可遇不可求，所以立刻點了。我必點的是麻辣燙，$42而已就大大的一碗，絕對好吃而且夠吃，羊架也是我必點的，烤得超級香噴噴，還有茄子，整條的烤茄子讓人吃完好滿足。這裡的燒烤也是自己喜歡的味道，也是普遍人喜歡的味道，外面很少能吃到這個燒烤味，以後都來這裡吃。

呢度係自己寫紙仔落order，好似食車仔麵咁，粉麵可以揀麻辣燙或者酸辣粉，叫左酸辣紅薯粉，配豬紅、魚皮餃、雲吞同豬大腸，啲餸全部都幾好味同夠味，但個紅薯粉偏淋，唔係太啱我心水，下次會揀番啲米線!!自己唔係好食得辣，呢度好貼心串燒同粉麵都可以揀走辣，全晚最好味係蒜蓉蒸蟶子皇同蒜香焗金菇，佢落超多蒜蓉醬而呢個醬好好味，令成碟野升華咗，蟶子都新鮮彈牙，今日係中size蟶子，$35一隻!! 另外串燒有韭菜、娃娃菜、雞肝同牛舌，雞肝燒得幾好唔會乾晒!! 冷盤有涼拌豬手，我初頭以為係無骨啖啖肉的，點知原來係有骨架，感覺食咗好多骨膠原落肚，都幾多肉食亦有好多豬手，份量好足，味道辣辣地都幾開胃!!整體而言，我覺得串燒好味過粉麵!! 價錢亦幾合理!!

成日聽人講荃灣好多隱世小店😋 又平又好食 難得今日放工同事約係荃灣食 佢就帶我去左間串燒店傾計飲酒-鋪頭座位有分室內同室外 太凍既關係決定坐入面 原來天氣凍食d辣野真係有幫助 會即刻暖烘烘🥰 串燒種類應有盡有 要點串都得🤪-太肚餓既關係 我地叫左起碼10幾串👍🏻有雞翼包飯🐔，有花枝丸，有牛柳粒🐮，有茄子🍆，有魷魚鬚，有牛舌，多到數唔哂-我自己極力推介茄子 性價比高 自己一個都未必食得哂 一黎到勁多蒜茸鋪係面 茄子唔會太老 燒得岩岩好 一夾就夾到成舊 好滿足😋 中意食蒜同辣既朋友極推🙊-天氣凍見到個個都叫麻辣燙 我同朋友都叫左個 有個大碗d有好多餸都係40蚊到 認真抵食 但叫得太多串燒既關係 我同朋友淨係叫左幾樣餸 蘿蔔好甜 而且好中意個魚麵 爽口彈牙 建議可以叫d索味既餸 好似芋絲咁 可以索到麻辣湯既香味🥰

行完街，仲未到夜晚食冬飯，又有少少餓，諗諗下不如食下串燒打躉最後搵到呢間麻辣串串香重慶酸辣粉($24)酸辣粉係多酸小辣，微微辣，係比較開胃嘅味道加咗嚮鈴卷同湯餃子好入味另外叫咗一堆串燒未到食飯繁忙時段，所以上菜都好快串燒大致上都燒得唔錯，食材夠鮮要特別稱讚下 牛助骨串($23)同燒羊架($34)夠鮮嫩juicy，個羊完全冇騷味燒原條茄子($42)超大份 蒜香好重香蒜焗金菇($32)同樣夠香濃燒花虎蝦($32/1)好大隻，出面灑得多鹽咬落超入味其他：芝士蘑菇($22)﹑燒秋葵($18)﹑多春魚($14)﹑餃子釀雞翼($16)中規中矩~辣度唔算太辣，岩初初食辣嘅朋友，唔夠喉可以要多d辣粉~麻辣串串香整體評分★★★★地理環境★★★★服務★★★★食物★★★★價位＄＄＄

辣癮起，同男友去咗荃灣呢間串串香食晏😁我哋叫咗一款六餸麻辣燙，一款四餸重慶酸辣粉，另外仲叫咗涼拌豬耳同啲串燒🙈麻辣燙同酸辣粉都係叫咗bb辣，不過食落覺得酸辣粉味道更加有層次同豐富啲～男朋友嘅麻辣燙配咗粉絲，索曬啲汁幾好食😀 粉絲好易煮到淋晒痴埋一舊，好彩呢度煮得啱啱好😁木耳超大塊超爽口👍 魷魚同牛柏葉都唔會過老好爽～我嘅酸辣粉餸既份量超多，食極都有咁😯 豬紅好滑，豬潤唔會太熟搞到好粉，萵筍脆口，原本有啲擔心佢今日開始左營業唔太耐啲蘿蔔會唔夠淋，不過唔會喎👍😁白鱔同露筍叫咗唔辣，白鱔皮好脆，肉厚😋蘆筍冇渣，份量幾多幾抵食👏串燒既肉叫左小辣，雞腎好爽，後加咗一串雞心都係好爽😀感覺呢間辣野幾正宗，即叫即整夠晒新鮮熱辣👍👍👏👏