影片
电话号码
90848687
营业时间
今日营业
12:00 - 16:00
18:00 - 00:00
星期一至日
12:00 - 16:00
18:00 - 00:00
以上资料只供参考，请与餐厅确认详情
有关奖赏计划
之前一路都好伤心，因为麻甩炉撤出咗大埔，只系留返旺角嘅舖头，但系近嚟见到IG，佢哋提及会重新考虑返返嚟大埔，结果期待已久佢哋开张营业，终于等到，而且食物质素仍然维持好高水准：喺呢度嘅食法，系好多元化，首先会有前菜刺身，可以有三文鱼食，开咗个胃先；然之后可以去选择鸡煲嘅整法，有花胶、药膳、甚至乎呢度最出名嘅麻甩炒法，由于只可以拣一样，所以我一定会食花胶先；一嚟到嘅时候，个煲热辣辣，而且花胶味好香浓，鸡汤亦都呈现先黄色，便用咗好足料去熬制。-食完鸡煲之后，就开始正式打边炉，呢度有好多唔同套餐可以选择，我自己个人就比较喜欢佢哋嘅海鲜盛宴。大大粒嘅鲍鱼，大大粒嘅贵妃蚌，所有都系新鲜喺水箱度拎出嚟，贵妃蚌简直系一绝，食完之后，就算要俾钱，我都会继续加。-呢度饮品系任饮，我自己另外会加多$48去饮佢生啤，一路食住鸡煲，一路打边炉，一路饮住生啤系一件好开心嘅享受。-总括而言，麻甩佬今次返嚟，令我非常开心，作为大埔人，甚至乎作为区外嘅人，都会欣赏佢哋嘅坚持同埋独特嘅鸡煲味道。
继续阅读
约咗班老死食饭，专登入到大埔咁远，谂住有餐好嘢食，点知食完个个都一肚气。人均四百几，完全唔知食咗啲乜，食完好似冇食过咁。牛肉薄过张纸，仲要系雪咗好耐唔新鲜咁，刺身又冇味，海鲜好一般，食物选择又唔多，完全唔值呢个价，觉得比四百几蚊好似系去食丸咁。一开始嘅时候个鸡煲叫做好少少，但系佢收得人哋呢个价钱，火锅嘅牛肉系咪可以做好少少？如果佢收二三百我觉得都叫做合理。你可以想像吓比四百几蚊去食德兴火锅，你觉得会唔会值？服务态度又唔好，冇人收碟，张枱都唔够位摆，都唔知佢凭乜收人四百几蚊
继续阅读
我哋嗌咗麻海鲜盛宴（$368）呢个套餐就包括咗一份时令刺身拼盘、豪华动L时令海鲜拼盘其他嘢就可以任饮任食（包括三文鱼刺身）鸡煲可以5选1 + 汤底可以8选1我哋就拣咗要香浓椰子鸡煲/蕃茄猪骨汤我想讲佢哋嘅鸡煲同埋汤底都真系好浓郁😍😍（椰子鸡煲应该系我食过最浓嘅椰子鸡煲）饮落去真系超香椰子味🥥呢个汤配娃娃菜简直一流同埋佢哋嘅鸡肉食落去都好嫩滑😋😋蕃茄汤饮落去都好甜咁之后就讲吓佢哋嘅肉类/海鲜啦美国精选肥牛食落去纹路都几唔错😚😚顶级牛版腱食落去嘅牛肉味比较浓郁美国黑豚肉食落去比较爽口😘😘黑豚猪腩肉就比较干身全部海鲜食落去都好新鲜🥳🥳我自己就最钟意帆立贝同埋鲍鱼因为食落去真系好烟韧咁之后就讲吓其他配料啦不得不提嘅一定系我最钟意嘅三文鱼刺身‼️‼️食落好新鲜之余亦都好厚肉（我好似Encore咗三四碟🤣🤣）除此之外佢有啲炸物亦都系新鲜滚热辣炸起嘅😉😉所以食落去真系好酥脆我自己最钟意食𠮶个因为𠮶个一咬落去就爆晒啲浆出嚟
继续阅读
「麻甩炉」在大埔重开了！餐厅改用了放题套餐。新推3款主题任食（海鲜/和牛/烤鱼），今次点了「牛肉盛宴」套餐（$328/位），由鸡煲食到火锅，重点系有A5丰后牛🐮登场！ 🔥 头盘：椰子鸡煲暖胃必饮拣咗椰子鸡煲，鸡件嫩滑无雪味，汤底清甜到连饮3碗！🥩 重头戏：7款顶级牛肉拼盘（每款1轮）▶️ A5丰后牛：油花靓到发光！入口即溶牛油香 ▶️ 封门柳：厚切有嚼劲，牛味浓郁▶️ 安格斯牛颈脊：肥瘦均匀，涮5秒最正 🍲 养生火锅：金华火腿冬瓜翅锅原个冬瓜挖空酿满素翅、火腿同红枣，汤底越煲越甜，仲可以有冬瓜肉食～ 🍤 任食区重点推介✅ 无限追加肉类：美国肥牛、黑豚肉、黑猪片 追加嘅肥牛都唔错，性价比依然高！ ✅ 炸物：章鱼小丸子、香酥单骨鸡翼、荔枝型虾球等✅ 自助配料区：手打丸、鸭血、响铃、蔬菜等✅ 饮品：啤酒/清酒/汽水任饮✅ 甜品：经典甜筒+韩国雪条.【麻甩炉海鲜鸡煲私房菜】📌大埔旧墟直街4-20号美新大厦地下A2号舖
继续阅读
出面食鸡煲火锅通常都系得两个钟左右就要走人，每次都食到赶头赶命，最近朋友就带咗我嚟呢间火锅鸡煲，呢度有三个小时食，时间可以食得松动少少。餐厅环境几宽敞，店内有 CCTV 俾客人睇到店外情况，泊车都安心啲，饮品雪柜虽然得三格，但系种类都唔少，而且啤酒仲可以任饮。餐牌提供海鲜、牛肉、烤鱼三款套餐，自己系海鲜控当然食痛风餐，打边炉之前就要拣咗鸡煲先，鸡煲有五种味道选择，我哋拣咗招牌麻甩味。每个套餐都会送嘅刺身拼盘，三文鱼可以无限量添食。鸡煲打开盖后香味即刻涌晒出嚟，味道唔算太辣不过几惹味，而且鸡嘅份量都唔少。食完鸡煲就到拣汤底，汤底有八种味道，拣咗出面比较少见到嘅蚬汤底，先食完蚬肉再加火锅汤。海鲜套餐嘅一次性拼盘有扇贝、鲍鱼、花甲、蚬同虾，虾同蚬之后都可以任叫。套餐提供二款牛肉，肥牛雪花纹几靓有牛味。
继续阅读