麻吉兄弟 (已結業)

我成日飲架...不過唔係真係太好飲....原因係....d珠時甜時唔甜.....750cc變左700cc然後仲要價錢冇減試過d珠冇味既添.....基本上我原本覺得係葵芳最好果間....但而家我覺得都唔係lu....可能佢地成日換人啦...飲品既品質就保持唔到....

前日睇報紙話葵涌廣場有間型格兄弟,,被形容為「物有所值」,,而且又有得免費贈飲,,所以就去試下啦雖然間舖都幾細,,但係裝潢都吾錯,,而且仲有埋制服tim~真係幾型幾有氣勢!!之後我同阿妹就叫左一杯「北海道妹妹牛奶」~~「妹妹」既意思係 藍莓+草莓~可能因為吾係太多人排隊,,一陣就有得拎啦,,個姐姐仲幫我地插埋飲管>V<一飲就好有「莓」味,,同埋都好滑!!飲完之後就有香香既「牛奶」味,,又吾會太甜,,真係幾好飲嫁!!因為係贈飲,,所以吾洗錢~原價就係$15,,鐘意「莓」同「牛奶」既朋友可以一試嫁

o個日去到商場, 見到呢間店好似幾好咁, 於是買來試一試... 真係好唔錯!!!!d 奶荼好香好滑... 正........奶荼如果沖得唔滑, 係唔會有咁好的口感.... 我偷偷地望佢地, 見到佢地都做得好有心機, 唔係一般o個d... 呢間係本人第一間覺得唔錯的台式飲品店...

今日一早打開蘋果日報, 內面有個專輯講台灣飲食, 小弟平時最like台灣野緊係唔錯過啦~~留意到依間叫麻吉兄弟的幾有型同特別,又近近地, 於是就同朋友一齊過去試下佢地係咪咁堅, 之前係台灣留過學, 知道香港真係好難飲到台灣的正宗口味的珍珠奶茶, 因為台灣人比較喜歡飲到有奶味, 茶味反而相對會冇咁特出, 而且佢地會用泡沫紅茶沖, 因為相對其他紅茶更能帶出奶味的滑口感同茶的香味。而今次我試了依間舖頭的珍珠奶茶, 一定係用泡沫紅茶沖, 因為從杯中多泡的程度可見一斑。香港好少地方可以飲得到依種口味, 據我所知, 香港的珍珠奶茶, 多數會用阿撒母紅茶(茶味會重d同出d, 不過不是台灣人杯茶), 有d更會用錫蘭紅茶(即港式奶用的紅茶), 因為主要是為了迎合香港人的口味, 因為大部份香港人以為奶茶要飲到重茶味先叫"奶茶", 唔係就會以為同奶水或牛奶無分別~~當然香港內的台灣人好少, 見佢地舖頭個電視影片都有好多台灣人讚佢地d飲品好飲, 但係真正識欣賞的香港人又有幾多呢~~ 係依個羊群心理咁重的地方, 真係難d la~~我試過後都真係要同返d台灣朋友講, 來香港要來這間試試啊~~ 珍珠夠q, 唔林,

同男朋友行行下街,THIRSTY之下,黎到麻吉,就買左杯珍珠奶茶原來珍珠都有分大珍珠同細珍珠~!我買左杯大珍珠GE珍珠奶茶..因為怕飲唔晒,就想同男友SHARE飲,SO只係叫左一杯等左分幾鐘就俾到好,真係快手有員工叫我依家飲定係拎走..我話依家飲就後,佢叫幫我吉埋飲管,仲包左張TISSUE,好細心一路行一路飲..佢D奶茶我覺得奶味同茶妹都有~唔會太甜OR太澀~都幾滑最正GE係飲落啾啾都有珍珠~~~3樓果D成日飲左勁耐先食到D珍珠~呢間就好爽手,俾左好多珍珠!而且好好咬唔會太硬又唔會好淋最後飲到我同男友好FULL....一個人700CC...我實飲唔晒除開我同男友係每人6蚊...哈哈..好抵!

早幾日係K.F.等女朋友放工...見冇野做..就行下葵涌廣場la...行行下見口渴咪唸住買杯野黎飲...其實依個商場大部分既野飲鋪我都試過e 間都係第一次....坦白講...我覺得最能夠睇出一間台灣飲品鋪既高低..就係珍珠奶茶...e 間d 珍珠奶茶 只可以講不過不失la...d 奶味都幾夠濃既....飲落去淡淡珍珠..但係飲得多d 奶味又好似太搶...總括黎講...不過不失la....

前排大病，醫生叫我戒口，足足戒左幾個月珍珠奶茶。今次星期六難得行葵廣，要去探下麻吉兄弟，順便破下戒~叫左杯炭燒珍珠奶茶先，依然keep到喎~茶香奶滑，下次叫哥哥仔少d珍珠先，好食還好食，食唔晒都浪費架！耐冇黎多左好多新野，有幾隻叫咩咩北海道牛奶，好似幾過癮，下次再黎try try~員工有禮，抵讚！

唔知會唔會又有人留言罵我....我真感受來..10月我評過呢間.當時仲有笑臉.....今次重回退步神速葵涌廣場我認真地行過..有成10幾間珍珠奶茶店.最冷清就係呢間不過上次飲過幾好..又試........點知出事.杯珍珠奶茶....勁甜.....的珍珠硬到咬唔到........份量.....大縮水....以前呢間店的特色有贈品送,現在又無埋......別人說有競爭有進步.為何這間退步神速?

今日母親節，來到葵涌廣場同阿媽飲完茶，見到依間舖好似唔錯，而且佢地今日做緊promotion，有3倍積分，咁著數，就同阿媽一齊一人叫左一杯飲，我叫左隻新出的北海道蜜瓜牛奶，幫阿媽叫左杯紫芯蕃薯，因為佢地改左個好應節的名-紫誘您~ 阿媽都好開心~~哈哈~ 雖然兩杯都好似好細杯，但係飲完就剛剛好，唔會太多，而且真係好好飲，d奶好滑，d味好真，唔似其他地方好化學的感覺，我地兩個飲完都覺得好抵飲，兩杯加埋都係30元，一定會再幫襯~~

每次飲親次次唔同味....最唔掂既係.....有時d珠係未發晒....咬落去仲硬硬地架個心一係就冇用糖撈落d珠到....變左每次飲親都好唔同味.....不過係葵芳佢都算係較好架喇!!

唔講得笑,飲過咁多間野,麻吉真係好正,炭燒珍珠奶茶飲落好香,味道唔錯.奶蓋真係極品!本身我平時點開奶茶,但有一次見到奶蓋未試過就買左黎飲,第一次飲仲以為就咁飲,聽人話原來要撈暈哂佢先好飲,奶蓋加紅茶好飲(同奶茶有咩分別?)價錢尚可以接受,見到男女老幼都去買,唔錯的

呢間嘢開咗好耐, 我亦上網睇過別人既評語,好壞參半, 而我就既管試下啦~叫咗杯熱既炭燒珍珠奶茶12 元就有700cc, 感覺上好抵飲,... 因為平時既熱飲只係有500cc 喳第一啖就覺得奶味重過茶味, 再飲就發現舌頭有些"鞋鞋地"既感覺~再飲都覺得不是別人所講的難飲, 只係奶味蓋過茶味, 珍珠都ok既.但係咪好好飲就見仁見智嘞~

其實之前飲過一次覺得好好飲，今次先再買點知今次係極度失望...都係飲珍珠奶茶...今次奶茶都ok...但係d珠就好有問題...有d勁硬...仲要咬到入面有粉...有d勁林...

一大班同事打算叫下午荼啦, 天氣咁涷當然叫D熱飲暧返下啦~叫咗10杯飲品, 當中有一半都係熱飲, 咁我提下佢之前送熱飲的時候, 有幾杯流曬出來, 攪到無得飲, 咁叫佢今次小心D啦! 點知佢話: {你咪唔好飲熱飲囉! }已經比佢氣死!送到過來, 都有部份流咗, 佢仲話: 都叫你唔好飲熱飲! 無辦法架 ! 我同幾個同事都被佢激死!所以我以後都唔會再買佢D野來飲!

在葵涌廣場之內,賣台茶的店已有好幾間,當中"茶研"是表表者.而在商場一樓,有間台灣入口"麻吉兄弟".不是猛龍不過江,果然是一條金龍,店內的電視播著Hip Hop音樂,就算不打得,也嚇得人.我不愛Hip Hop,只喝奶茶.差不多收舖前才到,結果珍珠奶茶已賣光.既然沒有珍珠奶茶,便要個薄荷奶茶.當飲頭幾啖,的確充滿薄荷的冰涼感,再喝下去,越喝越甜.冰涼味加上奶甜,很奇怪.見到店內寫上:邊個話,三樓先有珍珠奶茶?無錯有自信係好事,但是也要有自知之明.