麻吉兄弟 (已結業)

放工六點幾行過，見到有人派傳單，張leaflet又幾骨子，攞嚟睇原來又係珍珠奶茶，見佢張嘢幾有誠意，成本magazine咁，就走去試下！去到原來係大家樂對面，個位輸蝕咗少少啵，啲人慣晒去三樓飲飲食食，一樓就忟啲喇！不過....駛唔駛咁多人呀！叫咗杯珍珠奶茶，佢仲有分咩奶香同茶香，個收銀話專for啲鍾意茶味重啲或者奶味重啲嘅人喎~$12超大杯，750cc，10分鐘出到貨，唔錯，杯奶香又真係幾滑啵~~~最值得讚嘅係個杯設計好鬼型，有條龍渣住杯嘢飲，仲要一邊等一邊有片睇，好似係台灣取經嘅片咁，有啲質素啵，GOOD!!See you later!!麻吉brother！